الحفر في شوارع البريمي .. من الجهة المسؤوله عنها ؟؟

قلب الأسد

¬°•| عضــو شرف |•°¬
إنضم
28 يناير 2008
المشاركات
1,198
الإعجابات
1
الإقامة
البريمي
#1
السلام عليكم ورحمة الله وبركاته



ابصراحة اليوم حبيت اطرح موضوع .. وهو مو بس موضوع انما قضية

وما ادري من المسؤول .. هل من البلدية البريمي او الشرطة او اي جهة اخرى؟؟

والاغرب من هذا كله

الكل ساكت وما حد يتتكلم ..

الموضوع: تشققات الشوارع الناتجة عن الاعمال الصرف الصحي في منطقة الخضراء الجديدة وصعرى الجديدة والمناطق التي تعمل بها هذه الشركة.


الحين .. ابصراحه سياييرنا تكسرنا

ما نمشي شوي غير نسمع .. شطاااااااااف شطااااااف .. لا جامبيلات بقن صاحيات ولا حتى مظهر للمحافظة .. انا صورت لكم الحدث الي صاير

والاغرب من هذا كله .. ما ادري الكل ساكت .. وين المسؤولين ما يشوفون حالنا ؟؟

وين الجهات المسؤوله عن الصرف الصحي


نحن نشكرهم ع الجهود الي يبذلونها في تطوير البريمي او المحافظة بالاحراء .. ولكن .. في الجانب الاخر ما نهمل اشياء اخرى ..

تعالو شوفو المظهر ابصراحه يعور القلب .. يعني حتى مخرب المظهر العام .. للمحافظة ..


انا بخليكم مع الصور .. الي صورتهن .. ( تاريخ التصوير : 9| 2 | 2008 )





يعني الحين .. هذا منظر ..؟؟

يقولون .. لازم يشيكون اول شيء ع الصرف اذا ما فيه تسربات وبعدين بيعدلونه
نحن ما قلنا شيء
بس ما تخلون بهالحال ..

ما تمر سيارة غير نسمع صوت تكسير الجامبيلات .. والتواير انسويلهن ميزانيات وبالمرة يختربن ؟؟

المفروض معالجة هالحفر بالرمل على اقل شيء .. مو يخلوهن تشذي ؟؟




الشارع الي امام ابراهيم للتسوي .. تم تعديلة جانب منه ومعالجتة بالقار .. واما اكثر من النص مخلينه بحفرة ؟؟

وين البلدية .. وين الشرطة وين المسؤولين من هالجانب

وفي ختام موضوعي..

في مشكلة ثانية ..



الحين اغلب الشق والمحلات الي مرة عليهن الصرف الصحي .. يخوزون الباسكو .. ومخسرين عليهن فلووووووس
وفالاخير يجون يبطلونه ويقولون بنرجعه نفس قبل لما انخلص

ومن يخلصو .. خلو الباسكو على حالة ؟؟

يعني الحين نحن انخسر فلووووس وانصلح .. وهم يجون فلحظة ويخربون كل شيء ..

انزين ما قلنا شيء خلصو شغلكم وردو كل شيء مكانه ..


شوفو الحال .. هذا الدكاكين لنا شخصيا .. ولما تم الحفر خبرناهم انهم يرجعون كل شيء مكانه

ويوم خلصو .. ما حد عبرنا .. ولا حتى قالو بيرجعو كل شيء مكانه

وشوفو هالحالة الحين اكثر من شهرين او ثلاثة ..







ليست غايتي .. اني اثير الموضوع جدلا ..

ولكن اتمنا من كل المسؤوليين ينظرون النظر في هذا الموضوع

وان يهتمون لمصلحة الشعب وان تظل محافظة البريمي فخر وشعار لنا بجمالها ورقيها كما تعودنا عليها


اخوكم الاستاذ :
قلب الاسد
 
التعديل الأخير:

دايم الشوق

¬°•| مُشرف سابق |•°¬
إنضم
29 سبتمبر 2007
المشاركات
1,737
الإعجابات
0
الإقامة
بين الورود و تحت المطر
#2
عيل بعدك ما شفت حارتنا .. تعال وشوف ....ورح تقول الحمدلله .. حارتنا بعدها اهون ..



ع العموم .. موضوع .. نتمى ان يجد المسؤلون حل لهذه المشكلة ..


تحياتي لك
 

قلب الأسد

¬°•| عضــو شرف |•°¬
إنضم
28 يناير 2008
المشاركات
1,198
الإعجابات
1
الإقامة
البريمي
#3
تسلم اخوي دايم ع المرور .. وانا بس حبيت ابين واوضح صورة بسيطة ما يدور حولينا.. ابجد معاناه .. حتى الحين يا دوبي اسير صور حارة الخضراء او صعراء الا بس للحاجة .. ابجد من اطخ فهالحفر يضربني غم ..
 

الغــريب

¬°•| نعم نعم |•°¬
إنضم
25 سبتمبر 2007
المشاركات
6,418
الإعجابات
0
#5
مشكووور اخوي قلب الاسد ع الموضوع

بصراحه الشوارع المتكسره الكل يعاني منها

والغريب انه هناك شوارع يديده تم تكسيرها !

زين وين التخطيط

دام يعرفوا انهم بكسروا الشوارع ليش ما أخروهن لين ما يخلصوا المجاري

بس ان شاء الله يصلحوهن عدل

بس اخاف يحطوا شويت اسمنت ويقولوا صلحنا الشوارع
 

قلب الأسد

¬°•| عضــو شرف |•°¬
إنضم
28 يناير 2008
المشاركات
1,198
الإعجابات
1
الإقامة
البريمي
#7
الغريب .. وش اقولك


اتصدق .. بتصير شورعنا متعثرة .. ومتشووها

لان بعد ما يصبون الاسمنت او حتى القار .. ما اعتقد بيرجع نفس قبل

بتكون كله مبين التشوهات فالشوارع


وبعدين شفت صوب ابراهيم للتسويق اوينهم معدلينه شوي وبعدة يوم تمر سيارة تسمع شطاااااف ع السيارة


انا شخصيا كلمت احد رواد الشرطة .. وقالو هذا مو من اختصاص الشرطة .. قال في جهاز اخرى هم المسؤولين عن هالظاهرة؟؟


الحين منو المسؤول؟؟


وليش ما يعيدون النظر ف الموضوع

لان ابصراحه .. شيء مب هين .. الكل يشتكي من هالشوارع؟؟


اخي عثاري .. تسلم اخوي ع التثبيت ونتظرك .. ونسمع رايك في هالموضوع ..

اخوكم قلب الاسد
 

جوري

¬°•| عضو مثالي |•°¬
إنضم
30 يناير 2008
المشاركات
1,288
الإعجابات
0
#9
مشكور قلب الاسد ع الطرح المميز

بصراحة احنا نعاااني فعلا من هالموضووع

وكل يوم شي يخترب فالسياارة

وقدمنا شكوه لعضو مجلس الشورى : مرهون الغيثي

وانا وابوي واخواني كنا شخصينا نكلمه انه يرفع قضية عليهم

وبالفعل انه الشيخ مرهون بالباكر راااح وكلم الشركة ان لو ماااعدلو شواارعهم كل اهالي ولاية البرييمي بيشتكو

واحنا كااان كل ضننا ان المشكلة انتهت الى هنا

لان بالفعل بدائت الشركة بتعديل الشواارع

ولكن ---------------->

تم تعديل بعض الشوااارع التي تخدم فئات معينة من المجتمع ولكن تم اهمااال الشواارع الاخرة

يعني بس مجرد يحسسسونا ان هم عدلو الشوااارع

بس مش هنا السوال

السوال هو ياترى هم بيردو الشوااارع على مثل ماكااانت قبل ؟

طبعا لا

انا ارااقبهم يوم ردو بعض الشواارع

والله احسن يسوا مطباات بدااالهن

يعني شكلهن مطب من دوون شي

ولما ناقشناهم في هذا الموضووع

قالوا ان هذي التعديلات رااح تتسوا مع الشاارع

يعني اونة التعديلات المرتفعة عن الشارع بتتغير مع مرووور الزمن

وعااااد سالفت الحفر سالفة وسالفت التخريبااات اللي يسووها شي ثاااني

احنا بيتنا فالخضرا ساااروا وسووو صبغة سودا على الجداااار

ورحنا واشتكينا وعااااد اللي يبي يشتكي يرووح مكتبهم عند الكساراات يعني تظرب خط عشاان تشتكي وبعدييني ترد ماامسوي شي

المهم

اشتكينا

وابوي كفلني اراقببهم لانهم وعدوا ابوي انهم يصبغوا جدار البيت بالابيض

انا رااقبتهم اليوم الاول

ماااحد جا يعدل الصبغة

اليوم الثاني

جاا وااحد وشااف الصبغة السودة ورااح

واليوم الثالث

رحت اششووف اذا عدلوها

وحصلت ان الصبغة السوده صااارت اكبر من مااهي اول

يعني بدااال لا يعدلوا سااروا وزااادوا


طبعا ماامنهم فاايدة لو اشتكيييت ولو خبصت عمرك

انا خبرت ابوووي ان مااصااارت اي تعديلات

سرنا بروحنا وجبنا عااامل وصبغ الجداار وانتهى السالفة

يعني ماااشي فايدة لو تصاارخ ماابيسمعووك



مشكور قلب الاسد

كانت هنا ::: دمعي هميل
 

احمد

¬°•| عضو مبتدى |•°¬
إنضم
15 فبراير 2008
المشاركات
37
الإعجابات
0
#11
المشكلة في الخضراء ان الشوارع قريبة وايد من البيوت فتحس بخنقة و بخراب لما يكسرون الشوارع
لكن في مناطق ثانيو مثل صعراء الشوارع شوي بعيدة عن البيوت , يعني ما اقول بنرتاح اكثر منكم ولكن يمكن نتعذب اقل شوي.
 

جوري

¬°•| عضو مثالي |•°¬
إنضم
30 يناير 2008
المشاركات
1,288
الإعجابات
0
#12
واللله صدجك اخوووي احمد

بصراااحة

وااااايد متبهدليييييييين
 

مهندس مشاعر

¬°•| عضو مبتدى |•°¬
إنضم
17 فبراير 2008
المشاركات
17
الإعجابات
0
العمر
35
الإقامة
في داري
#13
اولا اشكر اخوي قلب الاسد لانه موضوع له عواقب كثيرة لكن اللي ادهى وامر ان في بعض السايقين يحاولون يتفادون الحفر ويتفاجئون بأصتدامهم بسيارات اخرى وهاذي حصلت قدامي قبل شهر اما الشي الثاني متحسف على حال شوارعنا في المستقبل وكيف يكون منظرها حتى لو صلحوها بعد بتكون مرقعه وانتوا تخيلوا هالشي لكن ما اقول الا الله يكتب كل ما في الخير وشكرا لكم جميعا شكرا لقب الاسد على هالحس ,,,,,
 

قلب الأسد

¬°•| عضــو شرف |•°¬
إنضم
28 يناير 2008
المشاركات
1,198
الإعجابات
1
الإقامة
البريمي
#14
تسلمون ع المرور وما تدهمون من ماسي لما يجري وما يحدث في محافظتنا


وبنا على ما امليتموه من عبرات وجمل صادقة

قرتت الاتي

سيتم توجيه رساله الى المحافظ باسمي وباسم الموقع

منها نشهر الموقع ومنا نشكي له ما يدور فالمحافظة

واكيد راح اطرح الرساله هنا

لكي تبدون رايكم بها

ويوافق عليها صاحب الموقع اخونا عثاري

يمكن ان ننقز نقزة من هذا المكان

نحاول ان نتميز كاعضاء

نبدي المستحيل ف التقدم والتطور ونبي نرقي هذا الموقع لكي يكون له اتجاهات عدة ولا نحصرة في مجال او حلقة معينه ندور فيها .​

اخوكم : أ. قلب الاسد​
 

قلب الأسد

¬°•| عضــو شرف |•°¬
إنضم
28 يناير 2008
المشاركات
1,198
الإعجابات
1
الإقامة
البريمي
#16
تسلمين دمعي هميل وانا ان شاء الله راح اجهز الرسالة اليوم او باجر بالكثير اتكون جاهزة
 
أ

أ“أ‡أ،أ£ أ‡أ،أˆأ‡أڈأ­

زائر
#17

طبعا انا موافق وان شاء الله راح اتعامل مع احد الصحفيين لكي ينقل لنا الخبر في الجرائد
وان شاء الله نتكاتف لكي نعمل ما هو مناسب لمصلحة البريمي


وطبعا ما اقول غير الله يعطيك الف عافيه يا صاحب الافكار الرائعه يا قلب الاسد
دوم نرى ما هو جديد ومناسب منك يا رائع بارك الله فييك يالغالي



ونحن موافقووون وننتظر بس الترتيبات لكي نرى ما هو مناسب




احترامي لك


عثاري
 

جوري

¬°•| عضو مثالي |•°¬
إنضم
30 يناير 2008
المشاركات
1,288
الإعجابات
0
#18
ماشاء الله عليييك


بصرااحة ابدعت

وداايم متفوووق
 

e5.5

¬°•| عضــو شرف |•°¬
إنضم
4 مارس 2008
المشاركات
190
الإعجابات
0
#19
والله ما صدقنا نفرح ولكن حرام الفرحة ما اكتملت وتعالوا شوفوا الترقيع كيف بيكون حالها
الله المستعان على ما يعملون ، المصيبة أن هناك لف ودوران في الموضوع وضرب الفلوس على حساب .....................

استغفر الله واتوب اليه ولا حول ولاقوة الا بالله العلي العظيم
 

بريميه الين الموت

¬°•| عضو فعّال |•°¬
إنضم
23 فبراير 2008
المشاركات
139
الإعجابات
0
#20
مااااااااااااااا فيكم حيله افكاااااااركم روووووعه ترااانا نحن فالخدمه بالي نقدر عليه ...
 
أعلى