قصيدة واحد مسجون بسبب صاحبه الي بلغ عنه قصيده مؤثره ..

إنضم
29 أكتوبر 2008
المشاركات
1,477
الإقامة
مــمــلكــهــ .. " غريــبــ الاحــساســـ " ..
السلام عليكم ورحمة الله وبركاته
ياشباب هذي قصيدة واحد مسجون وكان له صاحب عاش معه
ونام معاه في بيت وغرفه وحده لمدة 20 سنه وتخيلو في عتاب ليله وش صاار
بلغ عنه ودخله السجن يااحسافة الصحبه

ظميت يابير المعاني والأفكار
أسقي ظمى قلبي وطفي غلـيـله
أنا صدمت الناس قلبي لهم بار
كدرتهم من طول السنين الطويله
من شأنهم سقت القدر صوب الأخطار
وحطيت رجلي في الدروب الهزيله
دافعت عنهم بالعزيمه والإصرار
ماذقت منهم غير طعم الفشـيــله
خسرت قلبي لجلهم ناس أخيار
فارقت أعز إنسان في حزن ليله
ياحسرتي والقلب كنه على نار
حميت قلبي بالهموم الــثقــيله
سألت نفسي والألم داخلي ثار
والحزن جــاوبني وقـلبي دلـيله
إشلون يرجع لي بعد كل ماصار
إلي فقدتـه رجعته مسـتــحـيـله
رحل ولا جتني رساله ولا أخبار
حتى حمام الوصل غاب هديله
معذور قلبه دون ما يذكر أعذار
لأنه ضي سود العيون الكحيله
إشتقتله شوق الروابي للأمطار
شوق الخليل إلي مفارق خليله
ياقلب ياطيب إمسك بالأذكار
إستغفر الرحمان واسلك سبيله
يكفيك كل إلي حملته من أوزار
لو يحمله صلب الجبل هد حيله
الحزن لو عصفور من داخلي طار
مل الحزن مني وقلبي يشــيـلـه
تكفين يابير المعاني والأفكار
إسقي عطش قلبي وطفي غليله
خليني أسير الموافي والأشعار
وأروي حنين القلب من سلسبيله
وســــلامـــــتــــكــــــم
آمل ان تحوز القصيده على رضاكم واعجابكم
تقبلو اجمل تحياتي
 

بنت العرب

¬°•| مشرفة سابقة|•°¬
إنضم
15 يناير 2008
المشاركات
1,304
مافيها حيله هالقصيده
صح اللسان قايلنها وان شاالله يظهر من السجن

ذكرتني بهالأبيات

غلطانه امي يوم على الطيب ربتني..تحسب ناسي مثل ناسها طيبين..
قالت سامح كل من عليك يخطي..الناس تخطي وهم عن القصد ساهين..
مسكينه امي من غير قصد ظلمتني..مادرت ان الطيب وحده المسكين..
هذا يمه واقع زماني..
نفس اللي يضحك معي امس..
اليوم يطعني بسكين..

تسلم ياخوي ونتريا يديدك
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
أنا صدمت الناس قلبي لهم بار
كدرتهم من طول السنين الطويله





قصيده رائعه تحكي قصه أصبحت متداوله بوقتنا الحالي ...
فقلما تجد الصديق الوفي فى هذا الزمن ...
يعطيكـ العافيه أخوي و بنتظار مشاركاتكـ ...
 
أعلى