شموخي

[شامس الشامسي]

بنسج أبياتي بخيوط الشعر شال

وألبسج أياه وأعطره بأحزاني

وأكوي فوادي لو لحبك ثانيه مال

وأتحرم النضر ولاتشوفج عيني

ياجروحي ادمي دام فالعمر مجال

وان مت رحمت الله تكفيني

أنا (شموخي) مايهزه منج زلزال

ولا يحرك شعره من حاجبيني

حشى لاني دني القوم ولا ع ناس متعال

ولا مثل من مر فعمرج تحسبيني

المعاني تصنع من الناس أرجال

وأنا أهلي على المعاني مربيني

تكفيني النضره عن مية مرسال

وتكفيني النبره من صوت مجافيني

لاصال الشعر في فكري وجال

أناجي أبياتي فصدري وتناديني

تحثني على الصبر وطولت البال

وكل عسيرآ مع الصبر يليني

عودت نفسي لامن حل فاليوف غربال

ماينحني راسي ولاينزل جبيني

وأنا مثل غيري عشت تجارب وأفعال

أخطي وأصيب وتعلمني سنيني
××××××××××××××××××

أخوكم شامس الشامسي

 

[أبو سلطااان]

وأنا أهلي على المعاني مربيني

تكفيني النضره عن مية مرسال


صح لسانكـ أخوي و ما عليكـ زود أبدعت بالقصيد ...
و نحن دائما بنتظار الجديد و المتجدد منكـ ....
يعطيكـ العافيه ...

 

[شامس الشامسي]

يسلمواا نورت صفحتي ولاهنت
وشكراا لمرور الرائع والجميل

 

[غٌَ ـلآ بُنٍيً گـ عُ ــبُ]

عودت نفسي لامن حل فاليوف غربال

ماينحني راسي ولاينزل جبيني


عله مديم عليك من حال وعل العز والشموخ دوم فالك

صح لسانك ولا هان منطوقك ونرقب منك الزود

 

[الذيب الابيض]

ياجروحي ادمي دام فالعمر مجال
وان مت (رحمت الله تكفيني)

أنا شموخي مايهزه منج زلزال
ولا يحرك شعره من حاجبيني

صح لسانك وربي لاهانك ونتريا يديدك

 

[بنوتة dxb]

نااااااااااااااايس اي لايكت

 

[حشيمة القلب]

طرر القصيده

صح لسانك اخوي وبيض الله ويهك ع القصيده الغاويه ^^


لاهنت يالشيخ ولا هان منطوقك ^_^

 

[شامس الشامسي]

تسلموا على المرور الجميل والعطر
/
|
نورتوا صفحتي وربي لاهانكم ويعطيكم ألف عافية

 

[دانة غزر]

تصفحت ورقة .. ورقة

ووقفت عاجزة عن النطق أمام روعة تسطيرك للحروف
بفيض مشاعرك
سلمتِ
ولكِ أرق التحايا

 

[شامس الشامسي]

شكرآ أنين الصمت

لمرور الجميل نورتي صفحتي