أمثل الضحكة وبداخلي دمعة

بقايا جرووح

¬°•| عضو مميز |•°¬
إنضم
14 نوفمبر 2008
المشاركات
204
الإقامة
تابوت الحزن
(( أمثل الضحكة وبداخلي دمعة ))



يقولولي يا حظج على بسمة شفاتج
و أقول بداخلي مصعب التمثيل وأجواب ايه بسمة بس من نوع ثاني
يناظرون بعيوني ويهمسون شو هالدمعة إللي برموشج
أجاوب وتنزل الدمعة لا ولا شي هذي جفوني تداعب رموشي
يضحكون ويلعبون ويمرحون أخلي جسمي وياهم وأضيف بسمة وعليها روج

و أغيب أنا مع أفكاري وأسبح في خيال الموج
اصور لنفسي لحظات أعيشها في ضحك وسرور
و أحاول ألقى آمالي وشخص تمنيته معي دووم
وأخيط بشوكة أغصاني جروح أسكنت بالجوف
وألبس من أوراق الفرح ثوب عسى همي ينفرج ويزول

و أبقى أنا مع احساسي أسولف وهي تسولف
أنا أذكرها بالماضي و أحكي لها معاناتي
وهي تروي لحظات الشوق وتحاول تنسى أحزاني
وبعد شوي تجي معنا عواطف حيل عطاشنة
تبي تروي ضما هالقلب وتشبع أضلاعه
تقولي ارحمي حالج تراج أتعبتي فينا وزود

أغص بعبرة فيني وأقول مب أنا هذا شخصي المنحوس
هذا وقتي القاسي اللي رماني برمح وقوس
هذا القدر جاني عيشني في ظلام وخوف
هذا حظي العاثر إللي خلاني بوحدتي مجروح

تسيل دموعي على خدي وتتشتت كل أفكاري
بعدها أصحى من أحلامي و أشوف الكل مستغرب
وينادي فلانه يا فلانه أنتبه لصوتهم وأردد هذا مقلب لا تحاتون
وهي أصلا مشاعر صادقه عيت تختفي وتموت
وبعض من هالخواطر اللي أحبست نفسها بالزور


خلاص يا الشجون اللي سكنتي بقلبي المجروح
تصبري عله يجي لج يوم تشمين الورد بأفراح
وإكتمي أحلى القصايد والخواطر والأشعار
أكيد أنه بيخطف يوم تبوحين بها لشخص ضمته لأقدار
وتذكري دايم بأنه الفرح له بهالدنيا نصيب ويوم
يجيبنا ولو كان لنا آخر نفس بهالروح
 

ملاكـ ♥ الروح

¬°•| عضو مثالي |•°¬
إنضم
19 مايو 2008
المشاركات
1,377
الإقامة
روحي البريمي
و أغيب أنا مع أفكاري وأسبح في خيال الموج
اصور لنفسي لحظات أعيشها في ضحك وسرور
و أحاول ألقى آمالي وشخص تمنيته معي دووم
وأخيط بشوكة أغصاني جروح أسكنت بالجوف
وألبس من أوراق الفرح ثوب عسى همي ينفرج ويزول


تسلمين يالغلا ..............على الكلمات

تحياتى لج
 

@@هاجـ الليل ـس@@

¬°•| عضــو مــهــم|•°¬
إنضم
16 نوفمبر 2008
المشاركات
818
الإقامة
في قلب من احب
تسيل دموعي على خدي وتتشتت كل أفكاري
بعدها أصحى من أحلامي و أشوف الكل مستغرب
وينادي فلانه يا فلانه أنتبه لصوتهم وأردد هذا مقلب لا تحاتون

الله شي حلووو تسلم ايدك ع هذي الكلمات التى نسجت من مشاعر مليئه بالحزن
ومن قلم يشع بالمهوبه كلمات تدخل القلب ويبحر فيه القارء في عالمك الذي يكاد الحزن يسيطر عليه


لو نظرنه ع الدنيا بعين الفرح ستكون اجمل دعي حياتك عكس ماذكرتي
اتمنى لك التوفيق مع فائق احترامي وتقدري لكي
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
بقــايــا جــروح

لم أستطع تمالك نفسي ومنعها من الغوص في بحر كلماتك

ولو كانت كلمة رائعة تحمل غير هذا المعنى لسكبته بين حنايا سطورك

مناجاة قمة في الروعة والجمال مع صياغة تعبيرية شخصت لها مسامعي

لتقرأها عيوني مرات ومرات دون ممل من جميل عباراتك

سيطر الحزن على كلماتك ولكنه بعث فيها الصدق وعمق الاحساس

لك ولقلمك الرائع ينحني قلمي تواضعاً وخجلاً

فلك جل التحايا والتقدير والاحترام

ودمت بحمى الرحمن أينما حللت
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


اختيار موفق
وكلمات جميلة جدا
خاطره في قمة الروعه والجمال
خيال واسع
وتعبير راقي
الف شكر لك على الموضوع القيم

 

رمش العين

¬°•| عضو مميز |•°¬
إنضم
11 يوليو 2008
المشاركات
287
الإقامة
الكوكب الاحمر
كلمات ربما اختلطت بلون الحزن الرمادي
ولكن لروعة ما تضمنته تظاهرت لنا بلونها
الزهري.....
اشكركي على هكذا روعهـ
 

العميل السري

¬°•| عضو فعّال |•°¬
إنضم
16 يناير 2009
المشاركات
183
الإقامة
العين دار الزين
أغص بعبرة فيني وأقول مب أنا هذا شخصي المنحوس
هذا وقتي القاسي اللي رماني برمح وقوس
هذا القدر جاني عيشني في ظلام وخوف
هذا حظي العاثر إللي خلاني بوحدتي مجروح
يسلموووو ع الطرح
ويعطيج العافيه
 
أعلى