واقــــــ الطلابات ــــــع المحرج

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,468
الإعجابات
5
الإقامة
البريمي وين بعد
#1
بصراحة يبت لكم قضية مهمة


في السنوات الاخيرة لاحظنا انتشار غير اعتيادي للطلابات (المتسولات) وبصورة غير عادية بعد امس يو سرت افصل حق العيدي يتنا طلابتين وكلهن شالات وياهن اطفال رضع اونه تقول الله يكثر خيركم عطونا ساعدونا الله يساعدكم انا مسكين ما كنت شال في مخباي ال قلم اسود وبطاقة شخصية وبس يعني كيف اشكل حتى يوم طلعنا من صلاة الجمعة حصلنا طلابة مخلية ولدها يالس عدال باب المسيد يطلب ولا يسيرن بيوت العرب مع اولادهن اونه ساعدونا وما ادري شو ويوم خلصن شفت سيارة شلتهم والله طلابات اخر زمن وكلهن هنديات على ما اظن او بنجاليات

شو رايك اخواني واخواتي بالقضية ؟؟؟؟؟؟؟؟؟؟؟؟؟؟؟؟؟؟؟؟؟؟


منو المسؤول الاول عن مكافحة هاذي الظاهرة ؟؟؟؟؟؟؟؟؟؟؟؟؟؟؟؟؟؟؟؟؟
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
الإعجابات
3
العمر
27
#2
انا بصرااحه زيغ منهن وارحمهن انهن مخليات عمارهن جذا ومنزلات من قيمتهن وقيم عيالهن

وانهن بلا كرامة

المسؤوول عن مكافحتهن الشرطة .. ولاشو ..؟؟
 
إنضم
19 يوليو 2008
المشاركات
1,309
الإعجابات
0
الإقامة
Between four walls
#3
شو رايك اخواني واخواتي بالقضية ؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة هاي القضية تحتاي إلى وقفة تأمل علشان نعرف بين الصادق واللوتي ، لأنه هاي الظاهرة صارت نفس الوظيفة وفي فعلاً ناس فرديين هم يسوون هالأمور ،،، وأنا قريت قصة في منتديات سبلة عمان إنهم زاخين حرمة طلابة في النهاية طلعت ريال شو تبون اكثر من جيه؟؟؟؟

منو المسؤول الاول عن مكافحة هاذي الظاهرة ؟؟؟؟؟؟؟؟؟؟؟؟؟؟؟؟؟؟؟؟؟
الحكومة بشكل عام وبشكل خاص الشرطة إذا ما خاب ضني ___
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,468
الإعجابات
5
الإقامة
البريمي وين بعد
#4
صح كلامكم ومثل ما قلت واكرر بعض الناس يحرمون الطفل من طفولته ويخلونه يشتغل طلاب واييب الفلوس حق بقية الطلابات سيروا مسجد بن كرم وبتعرفون يوم صلاة الجمعة
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,482
الإعجابات
54
العمر
107
الإقامة
?!?!
#5
و الله يا خوي هذي الظاهر منتشره و خاصه برمضان و المناسبات الدينيه ...
و فى كل دول الخليج و هناكـ جهات تكافح مثل هذه الظاهر بأكثر دول المجلس مثل الشرطه و العمل و العمال ...
و المشكله الحقيقيه ليس بالظاهره كحسب كتخاذ الطراره مهنه و إنما بعد الربح السريع لهم تشكلت عصابات تستخدم الأطفال و كبار السن و المعوقين و أستحدثت أساليب جديده ...
المحتاج لابد من مساعدته و لكن هناكـ من يستغل شهامة و أصالة أهل الخليج ...
 

غـــ دبي ــــلا

¬°•| عضو فعّال |•°¬
إنضم
20 فبراير 2008
المشاركات
149
الإعجابات
0
الإقامة
دار الحي دبي
#6
اشكرك فاير سلاش على طرحك لهالقضيه ..

وبصراحه ظاهرة التسول .. تعكس نظريه سيئه عن المجتمع والدوله .
اي إن يوم يزور هالدوله زاير او شخص يفكر بالاقامه فيها .. يغير رايه
وهذا بسبب إلي يشوفه من تسول وطرارة وغيرها ...

وبهذا الصدد نشكر الدوريات والشرطه إلي يقبضون على هالاشكال ..
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإعجابات
1
الإقامة
توام
#7


قضيه مهمه واهم من الاهميه
ولكن للأسف من الصعب السيطره عليها

في جهات تختص بهذي الامور ولكن للاسف مقصره في دورها

وبهد هالضاهره صار لها اشكال والوان
محد عرفلهم كيف يشحتون

طبعا الضاهره كريهه
وتسبب الاحراجات والمضايقات
ولكن لا حياة لمن تنادي

الف شكر لك اخوي
ونتمنى يضع حل او حد لهذي المشكله

 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
الإعجابات
0
العمر
30
الإقامة
му σωη ωσяℓD
#9
اوووووووووووو يا كثرهن


تصدقون في حرمه كل اسبوع اتيي عدنا مرتين ومره يات قبل الغدا قامت امي دخلتها الميلس وقربت بها حتى ابوي ما عيبه وقال هذيلا ما منهن امان وما تدرين شو تحت راسها


واحيانا الي يقهرني تطرش عيالها الصغار والله واحد منهم عمره سنتين بس الكلمه الي يقولها "مسكين"


شوفوا الشحاته وين وصلت والي اي درجه
 

دايم السيف

¬°•| عضو فعّال |•°¬
إنضم
28 ديسمبر 2008
المشاركات
101
الإعجابات
0
العمر
34
الإقامة
البريمي
#10
للأسف تكثر ظاهرة الشحاته فالعاصمه مسقط ...تصدجو مره خلال يومين تصدفة بخمسة شحاتين , طفلين وريال كبير ضحكو علي وعطيتهم المجسوم ..
وفي فتاتين شكلهن ما يوحي إنهن محتايات للإمانة ما عطيتهن .
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,468
الإعجابات
5
الإقامة
البريمي وين بعد
#11
هممممممممممم ظاهرة لازم نتحرك له يمكن طريقة عيشهم تجبرهم يسوون اشكل نحن ما نقدر بعد نتسرع في الاستنتاج
 

زهرالصباح

¬°•| عضو مميز |•°¬
إنضم
20 يوليو 2008
المشاركات
246
الإعجابات
0
الإقامة
العين والبريمـــي
#12
أول قبل لا نحكم عليهم لازم نعرف ليش هالفئة لجئت لهاشي هل الحاجة أم العادة

لوكانت الحاجة راح تكون وصمة عار في جبين كل مسؤول في الدولة

لو كانت عادة بعد مايتبين إنهم ميسورين الحال فالجهات المختصة تعرف كيف تعاقبهم

رايي الشخصي الحاجة دفعتهم للتسول لأنه الدولة ما موفرتلهم أسباب العيش الكريم ولا 40 ريال شو يسوون في هالوقت خلونا نكون واقعيين أونه وزعوا أراضي وحليلهم من وين بيبنونهم هالفقارى ولا يمكن يبونا نعيش في خيام؟؟؟!!!!
 

كبـــــــريـاء

¬°•| مُشرفَة سَابِقِهْ |•°¬
إنضم
13 يناير 2008
المشاركات
2,664
الإعجابات
0
الإقامة
بـــــلا وطن ،،،
#13
موضوع يستحق النقااااااااااااااش ،،

الطلابين نوعين :

1. نوع فئة (النصب والاحتيال) : هذولاء بالمره ينعرفون مثال : ف حرمه دقت باب بيتنا تطلب ، قامت امي وما خلت شيء من المطبخ وحطه ف كيس كبير وعطت البشكاره توصله قالت الطلابه : ما اريد اكل اريد فلوس !!!!!!!!!

لحين بذمتكم لو محتاجه صح !!!!! بتاخذ الكيس وبتروح !!!! وما بتطلب فلوس !!!!!
عطيناها فلوس وقت رمضان اجر حتى لو ما تستحق اهم شيء لوجه الله ،،،

2. فئة (جماعات منظمه) : تلقونهم بشكل منظم ينتشرون يعني تلاحظ فالاسبوع الواحد يمروا عليك فوق4 او 5 !!!!!!!!!!!!!!!!!!!!!! هذيلاء متفقين شكلهم يترددون ع نفس البيت ،، (وصارت) ،،


بس حاليا من وجهة راي الشخصية ما اشوفهم كثر اول !!!!!!!!!! (يمكن اغتنوا من كثر ما يجمعون) ،،

بس نحن ولله الحمد احسن من بعض دول الخليج ،، اللى بالفعل اتخذوا من هالشيء مهنه يمارسونها ويجبرون الصغار القيام بها ،،

اما واجبنا ان نحن نبلغ عن هالاشكال ، بس تصدقون الناس قلبها طيب ،، يعرفوا ان هالفئة مب اوكيه لكن يسامحونهم ،،

هذي رحمة الاسلام سبحان الله ،،


تحياتي الكبريائية
،،
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
الإعجابات
0
العمر
30
#14
ياكثرهن ..

محد يعاني مثل أمي فديتها..كل يوم وشرفن الآنسات وبعد شو يقولن نحن مستقصدينكم..
للأسف حتى العمانيات..أوين شو يقولن ولدي مريض وأريد أسويله عمليه وتكلف وايد..
صح المساعده واجب بس عاد مب بهالطريقه!!!

ولا أبوي يحليله قلبه رحوم وعلى نياته..

يسلمو ع الموضوع..
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,468
الإعجابات
5
الإقامة
البريمي وين بعد
#15
تعرفون شو الحل


رفع مصدر الدخل الاجتماعي للكل حتى يجنبه الحاجة هم لو كانوا صادقين كانوا بيوقفون ن زمان بس شكلهم اتخذوها مهنة بس شو نسوي يوم قلوبنا رحيمة عليهم


شكرا لكل منه شاركنا النقاش


بييبلكم موضوع احسن المرة الياية


سلامي الناري


فايرسلاش
 

دلع بني كعب

¬°•| عضــو مــهــم|•°¬
إنضم
21 يونيو 2008
المشاركات
1,033
الإعجابات
0
العمر
28
الإقامة
اظني في بيتنا
#16
والله الحين الطلابات فكل مكان
الحيم يوم انهن محتايات ليش ما يروحن الهلال الاحمر
بدال الحواطه والشحاته على البيوت
والله الهلال الاحمر ما يقصر
 

دانة غزر

رئيسة المشرفين
طاقم الإدارة
إنضم
15 أبريل 2008
المشاركات
20,156
الإعجابات
6
الإقامة
البـــــــــــريمي
#17
هالطلابات يزيغن

مره يايه طلابه وولد اخوي الصغير طلع لهااااا

قالت له انا مسكين

قال لهااا لحظه

وجاء عندنا وعطينااااااه عشان يعطي الحرمه


ويوم راح يعطي الحرمه تعرفون شو سوت فيه؟؟؟؟؟


شلت الفلوس ومسكته ويالسه تدور في قميصه يمكن تحصل شي ثاني


والله شي يخوووووف
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,468
الإعجابات
5
الإقامة
البريمي وين بعد
#18
خيبة شوية وبتذبحه في طلابات ما يشلن فلوس بس يشلن ملابس مستعملة ونعول وهاذي الاشياء ومرات في ناس يغدونهم يوم ما شي فلوس

خخخخخخخخخخخخ شحاتين متطورين ذيلا قسم يالله لقيت وحدة شالة كيس اسود متروس كله فوانيل وعبايات وثياب يهال
 

سعيد المقبالي

:: الفريق الأخباري التطويري ::
إنضم
24 يونيو 2008
المشاركات
912
الإعجابات
0
الإقامة
البريمي
#19
في طلابات مسكينات فعلا ...

وفي البعض يحتالن ..

انا عن نفسي يوم اتعرض لهاذا الموقف اذا شي فمخباي عطيتهن واذا ماشي الله كريم

الحكومه مسأوله عن هذا الشي ...

خاصه ف سوق البريمي يتواجدن بكثره !!

تقبل مروري ..

ت : امير الظلام .
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
الإعجابات
0
العمر
30
الإقامة
му σωη ωσяℓD
#20
تصدق نحن في طلابه كل اسبوع اتيي بيتنا والقهر انها تخلي عيالها هم الي يطلبون واعمارهم 4 سنوات والبنت 3 والله حرام ما ادري متى بتنتهي هالظاهره
 
أعلى