أشعار الشاعر المتألق (حــــــامد زيــــد)

soso

¬°•| عضو مبتدى |•°¬
إنضم
3 نوفمبر 2008
المشاركات
15
العمر
33
الإقامة
مرسى الحب
لا تحرمونا من مروركم :patch_balon:

مكتبة اشعار حامد زيد او خلونا نقول بعضها..حبيت ادونها لكم لانه شاعر كبير وله اسمه،،وكلمته من افضل الكلمات..واعتبره الاول على الساحه

~ الــــــــــحــــــــــلــــــــــم ~
بوقـت مـن البطا،وبليـل تتـراقـص شياطيـنـه
بعد شفت الضيا ينـزع مـن ثيـاب المسـا ثلثيـن
تحايلـت المنـام اللـي مـثـل بيـتـك تمريـنـه
وانا اللي من تفارقنا وأنـا ماغمضـت لـي عيـن
غريبـة كـل حلـم يـمـر بـرقـادي تزوريـنـ
والاغرب كيف أحلم الحلم،وارجع واحلمـه بعدـن؟
قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن
أنا اللي قبـل اسافـر شلـت قلبـي مـن شرايينـه
تركته فـي يـدك مثـل الأمانـه ،واحفظيهـا زيـن
تـرى حفـظ الأمانـه دين..مجـبـورة ترديـنـه
أجل ، مافيه أحد كد قال لك(حفـظ الأمانـة ديـن)؟!
مـرد المقفـي بيلفـي.. ويستـوفـي ،وتوفيـنـه
بعـد ليلـه ،ثلاثه،أربعه،عشره،شهـر، شهـريـن
إذا انتـي ،ماانتـي بقـد الكـلام اللـي تقوليـنـه
حرام..استامنك حاجـة،وإذا جيـت اطلبـك تنسيـن
تخونين،وتبيـن أرضى.!وأحـد يرضـى تخونينـه!
أنا لاجيـت أخونـك، مـع حبيبـة ثانيه،ترضيـن.؟
من أول مارجعت من السفـر ماشفـت لـك بينـه؟
وأنا اللي كنت أحسبك قبل ادوس ارض المطار..تجين
تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن
وأشـوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن
تقولين:الـوطـن نـور..وأقـول بنورمضـويـنـه
تقولـي لي:غديـت أحلى،وأقول:عيونـك الحلويـن
كــلام نــام بشفاهك..وخفـتـي لاتصحـيـنـه
ذخرتيـه لغـرام للـي ينام...ويـتـرك تصحـيـن
تغانمـتـي غيابي..لـيـن رجحـتـي موازيـنـه
تعلم مـن يـدك لمـس الكفـوف وعلمـك تجفيـن
وليتـك لاقـيـه بــه شي..فيـنـي ماتلاقيـنـه!
مهـو بغرور..لكـن خابـرك مالـك أمـل تلقـيـن
تغافلـك بغـلا..والإ الحـلا مهـو بمـن زيـنـه!!
تزينه الصور ..بس الصحيح ابـن الحـلال زويـن
وأنـا مانـي بنقـاص عنـه يـوم أنـك تبديـنـه
نصيبي..هو نصيبي لـو يسددهـا مـن الصوبيـن
قنـوع بمظهـري ،والـسـم مايـذبـح ثعابيـنـه
على قول المثـل مانـي حلو..لكنـي مانـي شيـن
إذا أهـداك الزهـر مره،فأنـا اهديتـك بساتيـنـه
وإذا ألهاك بفرح ليلـه، فانـا تهـت لبكـاك سنيـن
وإذا استضعفـتـك أملاكه...وشتـتـك ملاييـنـه
أنا حتـى فتـات الخبـزة أقسمهـا معـك نصيـن
طموحـي ،بـس أجـي وأظفـر بشـي تستحقينـه
تدينـتـه ،تسلفته،سرقـتـه ،مومـهـم منـيـن؟
كأنـي مـن كثـر ماارضـى بكـل اللـي تمنيـنـه
لـو انـك تطلبيـن الله ..يعنينـي، بقـول آمـيـن
أنا ماالعب علـى الحبلين،وقـت الطيـش وسنينـه
تبين الحين يوم أني كبرت العـب علـى الحبليـن؟
ترى عنـد البـدو بالـذات عيـب اللـي تسوينـه
حـلاتـك لاعشقتي..تعشقيـنـي لـيـوم الـديـن
غـرامٍ نسكـن ضلوعه..حشيمـه مـن مجانيـنـه
جفا،يجمـع معزتنا...ولاعـشـق يــذل أثنـيـن
كـثـار الـلـي تحـدونـي وقالـولـي :تحبيـنـه
امانـه ...لاتخلينـي صغـيـر بعينـهـم تكفـيـن
لانــي كـــل ماقالوا(تخون)..اقول:مسكـيـنـه
عليـك الله وأمانه..علميهـم منـهـو المسكـيـن
أنـا خايـف لياطـاح الجمـل تكـثـر سكاكيـنـه
وأنـا ماعـاد بضلوعـي مكـان لطعنـة السكيـن
مثـل ماقالواالمكتـوب واضـح مــن عناويـنـه
لو ارحل منك للغربه بسافـر مـن ظلامـك ويـن؟
كفايه..كـل حـلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن
قبل يوميـن شفتـك بالمنـام وقمـت مـن حينـه
ونمت أمس،ورجع نفس المنام اللـي قبـل يوميـن

....................
~ الــــــــــمــــــــــبــــــــــانــــــــــي ~
جابك الله من غياب ٍ ضيّـق صـدور المبانـي
قبل لا الوحشه تزعزع بيتك الصلـب وتبيـده
بيتك اللي من رحلـت وكـل جدرانـه تعانـي
ماتحمـل ينتظـر شهريـن وعيونـك بعيـده
الله العالـم لـو إنـك جيـت متأخـر ثوانـي
ماتشوف إلا بقايا مـن حصـاه ومـن حديـده
من عرفتك وأنت تايه من مواني لـي موانـي
وتارك ٍ قلبي مولّع مـن وقيـده فـي وقيـده
ضاعـت سنينـي أحـد بهاليالـي وتحدانـي
وأنت ماتشبع غياب ولاتخـاف مـن النقيـده
ودي أتحمـد لـك الله بالسلامـه , مامدانـي
كل ماتوصـل برحلـه ترجـع برحلـه جديـده
دام تدري كل وجـه ٍ غيـر وجـه الله فانـي
ياخي أكسبلك ثواب وخاف ربـك فـي عبيـده
كان فيني عيـب قلي:فينـي العيـب الفلانـي
كان هرجي مزعلـك فـي شـي قلي:لاتعيـده
عيب تصغر في عيوني وأنت برقاب الغوانـي
ليه تستسهل طعوني وأنت خابرنـي وليـده ؟
لعنبوك أن مت بيدك وش يفكك من أخوانـي ؟
لحزنوا ربعي على فرقاي شاللـي تستفيـده ؟
أنت منت اللي عشقته أنت أكيد انسـان ثانـي
ليه صرت بهالبرود وبهالاحاسيـس البليـده ؟
وين حبك للزعـل .ويـن العنـاد الأولانـي ؟
وين حنّية زمـان وفرحـة العمـر الرغيـده ؟
وين ذاك اللي اليا أقبـل مايبـات إلا بمأنـي ؟
وين راح اللي اليا أقفى مايـروح ألا فقيـده ؟
واحد ٍ من جابـه الله بـس يامـر ويعصانـي
الوحيد اللي أخافه غصب وأمشي معـه سيـده
(مابغيت أطيـح بيـده) ليـن ماربـي بلانـي
ولا أنا لو هي بكيفي (مابغيـت أطيـح بيـده)
ذاك بس اللـي يامـن جيتـه يلخبـط كيانـي
اللي بنظـره ينشـف دم قلبـي فـي وريـده
قبل أشوفه أجمع اله أحلى القصايـد والمعانـي
وأن لقيته ماعرفت أقـول لـي جملـه مفيـده
الف مره قبلـه أعـد القصيـده مـن لسانـي
ولعنبوه أن جيت عنده قمت أخربط بالقصيـده
أمدحه وأنا أدري أنـه لـو تباطانـي نسانـي
أنطحه وانا أعرفه مجنـون وأفكـاره عنيـده
من يسوي بي سواتك يالرهيف الاسمرانـي ؟
منهو من الناس غيرك غلطته ترفع رصيـده ؟
من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟
ان تبعتك .أتبعك من طيبـي وواسـع بطانـي
ولا أنا لاجيـت أكيـد انسـان عـزالله بكيـده
أقدر أنزع لك ثيابـي وألبـس ثيـاب الأنانـي
وأقدر أطلع من عذابي والعب بدورك وأجيـده
ومستعد أكسب رهاني لو بغيت أكسب رهانـي
وأخدعك بحساس كاذب وأتحدى مـن يصيـده
أبك أنا لي شفت خلّي حط غيري فـي مكانـي
والله إني لتركه وأن صد لعشـق سيـد سيـده
جيت مابيك تحقرني جيت أبيـك تعـز شانـي
جيت أبي فزعة ظلوعك من مشاعرك البليـده
خلني داخل (حدودك) وأجبـر بخاطـر زمانـي
أكذب بباقي (وعودك) وأصدق بلحظـه سعيـده
أنتشلني من (بـرودك) لـو تولّـع بالمحانـي
عطني أحساس (بوجودك) وأخذ كل اللي تريـده
تكفى واليا قلت :تكفى بيع خلـق الله عشانـي
لاتضيّع من يدينـي فرصـة العمـر الوحيـده
يعلم الله شفت منـك ومـن غيابـك ماكفانـي
كان ماتقـدر تخفـف هـم قلبـي !! لاتزيـده
شف غيابك وش مسوي بالصـدور وبالمبانـي
وأنت تدري كيف كانت صدمت غيابك شديـده
والله أنك لو وصلـت البيـت متأخـر ثوانـي
مالقيت إلا بقايـا مـن حصـاه ومـن حديـده
....................................*
~ أربـــــع خـــــنـــــاجـــــر ~
شكله لا جات حاجتك بيديـن البخيـل
مايفكـك ليـن تدفـع كثـر مايدفـعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعـه
ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه
ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه
ودام مال العذل تالـي ومابالحيـل حيـل
الغـلا سمـاً نذوقـه ومـرً نجـرعـه
نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه
كني اللي حط بشفاه من جمـر المليـل
لا قـدر يرميـه للنـاس وزرا يبلـعـه
والظروف اللي حدتني لنيـران وفتيـل
عرضت دمع المحاجـر لشـيً يجزعـه
والمدامـع بالغـلا لا تحـال ولا تحيـل
والمشاكل كـل ماجـات جـات مجمعـه
اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه
مغرم في حب مثله ولا ارضى له بديـل
عيني تشوفه وقلبـي يجـوع ويشبعـه
ذاك كل مازان بالـي وطالعـت النخيـل
ماذكـرت الا ثباتـه بوقـت الزعزعـه
ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه
لا جميل شفت قبلـه ولا بعـده جميـل
العذارا رهن رمشه وانا رهـن اصبعـه
والله انه لو طلبني اطلـوع المستحيـل
لا اطلعه منـي منـاك يعنـي لا اطلعـه
ماعلي مـن الملامـه وهـرج الهبيـل
مشجع الرجال لا ثـار غيـره مشجعـه
في عيون اللي عشقني ولا جاني هزيـل
الله اللي حط عشقـه بقلبـي وزرعـه
لو سكت ينطق له الصم والدنيـا تسيـل
وان حكى لو يمشي المزن ياقف يسمعه
سلسبيل من شفاتـه يخالـط سلسبيـل
معمعه بسكات واحـلا سكـات بمعمعـه
ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه
وان حيت ومابقالي معـه ياكـود ليـل
لا اسهره بأول غروبه وموت بمطلعـه
والله ان العشق جمره وطاحت بالشليـل
وان حصل ماطاعك الوقت بحبابك طعـه
من هو اللي علم عداي نكران الجميـل
ومن هو اللي خان خلي وحـاول يقنعـه
كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه
يامعرض قلب الاحباب للـدرب الطويـل
السعه لا بـارك الله بالضيـق السعـه
والله ان الوقت قاسي وانا مانـي ذليـل
واشهد ان الرجل مرات ظنـه يخدعـه
وانتم اتعذلون خفـاق بعيـون العديـل
مارحمتم نـار جرحـه وحيـرة مدمعـه
والسوالف ليلها ليـل والحايـل يحيـل
والمشاكـل مشكلـه بمشكلـه متجمعـه
مشكله لا خانك الوقت بالحمـل الثقيـل
لو زرعت الزرع هوج العواصف يشلعه
ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعـه
....................................*
غراااام احباب
على ذاك الطريق اللي يسمونه غرام احبــــــاب
وطت رجلي على دربك ولاأدري وش نوى فيني
تبعتك لاخر دروبك الـــــــــين القمـر قـــــد غــــاب
تعــب قلبـــي ولا تعــــبت مسافـــــات تـــوديني
لقيت الليله الجردى هدب ظل وسماء واعشـاب
بعــــــــد ذاك الظلام اللـــى يتوهنـي عناوينـــي
صدفتك معجبـــه فينــــي وياليت الغرام اعجـــاب
وتراك انتي الهنوف اللــــى هقيتك تستحقينـي
عطيتك عشق من قلبي وسلمت لغلاك ارقــاب
وغيرك يحتــــــــــرق قلبــه ولايقــدر يحـــاكينـــي
انا قبلك صـــدفت عيون لكن وش جـــاب لجــاب
ترى كل العيــــــــــــــون اللى لقتني ماتكفينـي
رمانــــي حظي العاثــــر عـليـك وجيتلك طـــلاب
ولانتي اللى عشقتيني ولانتي اللى عتقتينـي
............................*
~ الاسطورة ~
ماتقبلـت الفـراق و مـا ليـدي فيـه حيـلـه
آه لو ان الظـروف المقبلـه تكشـف قدرهـا
لو يعرف الشخص منّا وش مع الغيب ابيجي له
كان جنبنا المشاكل من قبـل يوقـع ضررهـا
ما هقيت الليله اللـي جابـت الفرقـا طويلـه
لين صارت ليلة امس بعيني اطول من شهرها
والعذاب اللي يذوب بعين مـن يفقـد خليلـه
عندي اكبر من عذاب العين لو تفقـد نظرهـا
والحبيب اللي صـدوده مثـل مداتـه جزيلـه
صد عني واعرفه لو صد عن حاجـه هجرهـا
كن روحي يوم حست في جفاه وصعـب نيلـه
بشرتنـي بالضيـاع وشـدة العـزم لسفرهـا
ما رحمها مـن هـلاك ومـا تقبّلهـا دخيلـه
تحتضر قدام عينه ليـن ماتـت مـن قهرهـا
عاد ليت اللي ذبحها وارهب المـوت بوسيلـه
ما دفن وجـه الضحيـه والسكاكيـن بنحرهـا
ليت قلبه يـوم طاوع فعلتـه كمّـل جميلـه
لو غسلها من عروقه وبكفن صـدره قبرهـا
من حفر بضلوع قلبـه حفـرةٍ تكفـي قتيلـه
ليه ما يدفن قتيله بالضلـوع اللـي حفرهـا؟
اشتكيتـه للرفـوف وللبـراويـز الهزيـلـه
وانذعرت من النياح اللي سمعته في صورهـا
رحت اسولف للجبال الصم عن قصـة رحيلـه
ما تركت متونها الا ينحـت الدمـع بصخرهـا
واحدٍ حقق جماله كذب اساطيـر الـف ليلـه
يسكن السبع البحور ويحبس الحـور بدررهـا
الـدروب بكبرياهـا ترتجـف تحتـه ذليـلـه
والورود اللي تقبّـل خطوتـه تنبـت بأثرهـا
والغصون اليا بغاهـا تنثنـي له.تنثنـي لـه
والفياض ان حب ينثر عطرها يلمس زهرهـا
لو يصوّت للغديـر المنجـرف جفـف سبيلـه
وان تبسّم للجبـال الصامتـه نطّـق حجرهـا
كل حاجه تستوي له. لو بغاهـا تستـوي لـه
بالنظر واستغفر الله لو بقول : انـه سحرهـا
ذاك لو بـس يتمنـا فاكهـة شجـرة ضليلـه
بس يفتح راحت ايده ويتساقط لـه ثمرهـا !
كن ربي سخـر لـه المعجـزات المستحيلـه
واصبح اسطوره وكل الالسنـه تنقـل خبرهـا
هان محجر دمع عيني ليـن جفّـف سلسبيلـه
والتفت لأخيـر دمعـه قبّلـت يـده ونثرهـا
دمعةٍ كن بشقاهـا يـوم طاحـت فـي شليلـه
جادلٍ جات بـدويٍ تطلـب الستـر وسترهـا
له علي انه ليا من طاح مـن عينـي تشيلـه
ولي عليـه انـه يرجّـع لابتساماتـي ثغرهـا
لو طعوني بالسكاكيـن بيـده تشفـي غليلـه
لاشتريها من عذابـي وادفـع بدمـي مهرهـا
واطلبه ينهال فيني طعـن ليـن يطيـح حيلـه
بس لا يترك عيوني تنحـرم نعمـة بصرهـا
له بعيني مثل مـا للطهـر بالنفـس الاصيلـه
تقطع يدين الردا لو مس شعره مـن شعرهـا
مابغيتـه غيـر دربٍ شتّـت اقـدام الدليلـه
مزنةٍ ما بللتنـي واستحيـت اطلـب مطرهـا
والعطايا مـن يديـن الخلـق للطالـب قليلـه
والوهايب من يـد الله للعبـاد اجـل وأرهـا
وان نسيت اني زرعت العشق وحظوظي بخيله
ما نسيت ان العطايا تستحـق اللـي شكرهـا
صعب تلقى شخص وافي يجزي الطيب بمثيله
والعرب كد قالو ان : الناس ما تترك قشرهـا

يتبع>>>>>>>>>>>
 

المرفقات

  • had.jpg
    had.jpg
    60.8 KB · المشاهدات: 4

soso

¬°•| عضو مبتدى |•°¬
إنضم
3 نوفمبر 2008
المشاركات
15
العمر
33
الإقامة
مرسى الحب
~ عاتبـوهـا ~
بعـد ماقابلتنـي عاتبـوهـا
على شوف الحبايب حاسبوها
خذوها وأبعدوها غصب عني
وعن وجهة طريقي جنّبوهـا
وشالوها عن عيوني غصيبه
عواذل وأغصبوني وأغصبوها
خذوها من يديني شوف عيني
وعن عيني تعدّوا وأحجبوهـا
كلام وصدّقوا بالبنـت كذبـه
وهم اللي مـن أول كذّبوهـا
وهم وشدخلهم في مال بيّـن
لبوهـا والخلايـق طالبوهـا
وفيّـه ما تخـون ولاتعـانـد
جسوره والمواعيد أرعبوهـا
مـلاكٍ كاملـه والكامـل الله
ولاكـن العـواذل عذربـوهـا
وهي كلما دعتني تشتكي لـي
عن اللي سالفتنـا سرّبوهـا
تخاف وتلتفت مع كـل كلمـه
تظـن أن العـواذل راقبوهـا
تلفّت من عقب ماهي جريئـه
شجاعـه ماتهـاب وهيّبوهـا
وأهدّيها وأنـا حايـر وثايـر
مصيبـه ياعـذابٍ عذبوهـا
وهم كلما خذوها عن طريقـي
تراهم صوب قلبـي قرّبوهـا
وأنا ماتعّبـت قلبـي خيانـه
خيانـه رتّبوهـا وأحسبوهـا
ولا يعجـز خفوقـي لايقابـل
جفا من حاربـوه وحاربوهـا
وأنا لي عزّة ٍ تفرض عليّ
أخاطب بالجفا من خاطبوهـا
وأكسر لوحة الماضي وأزيلـه
وأخرّبهـا مثـل ماخرّبوهـا
وأذوّقهم نـدم ماصـار فيهـا
وأشرّبهم من اللـي شرّبوهـا
وأدلّعهـا وأولّعهـا بنفسـي
وأشرٌّقهـا بعـد ماغرّبوهـا
وأعوّضها عن اللي راح كلـه
وعن ذيـك الليالـي كلّبوهـا
غلاها بالحشـى لازال ثابـت
ولو حتـى بغيـري حبّبوهـا
وغلاي بقلبها مـرّ وتعـدى
غلاهـا لأمهـا ولا لأبـوهـا
................................*
~ السفينـه ~
ضاقت وساع الفيافي والوعد متن السفينـه
للطريق اللي دعاني بعد أمـان الله وأمانـه
لاتنادينـي وصونـي قلبـك الله لايهيـنـه
لايراهن في رجوعي لجل مايخسـر رهانـه
ليه ما أرحل عن غرامك بعد ماذقت الغبينـه
أذكريلي شي واحد يستحـق أقعـد عشانـه
قلب ماحن لوصالي مانـي بحاجـة حنينـه
وأشهد أنـه مايعـزر بالرفيـع الا هوانـه
الهـوى الغـدار حـد الله مابينـي وبينـه
والرجل لاخير فيه إن ماحفظ قدره وصانـه
واحدٍ مثلي اليا من حدتـه عوجـا سنينـه
ماشكى لقرب أبن ادم لوهو أقرب من أخوانه
يوم قلبـي ماعصـاك وماقدرتـي تذبحينـه
ليه خنتي فيه وأنتي معه من نفس الديانـه
كان ذبحي بيدك أرحملي من اللـي تفعلينـه
وأن طلبتـك تذبحينـي ماذبحتينـي لعانـه
كل جرحٍ من جروحي تذكرينـه .. تنكرينـه
كن مالك في نزيفه (يـد) خانـت بالأمانـه
ينزف الخافق تواضع لين لطختـي جبينـه
والا أنا ماكنت أبيها توصـل لحـد الأهانـه
قلت من باب الميانـه صاحبـك وتعذبينـه
لعنبوك إرخي معاي أشوي ماصارت ميانـه
طعت عقلك يوم قيل إن العقل للبنـت زينـه
لكن الشرهه علي اللي كنت أحسب إنك تكانه
من بعد ماكنتي أنتي في حشاي أغلى سجينه
بوعدك بطلق سراحك وأتهمينـي بالأدانـه
وين رايح..؟ لأي دربٍ مايرجـع للمدينه
ليه رايح..؟ لان قلبك ماترك قلبـي وشانـه
كيف أبنسى.؟ ربي اللي ملهم القلب السكينه
مثل ماعانه بقربك لانـوى فرقـاك عانـه
كان قاسي يجرح أطراف السكاكين السنينـه
مايطيح وبنتٍ مثلـك حبهـا هـزت كيانـه
والا أنا خابر خفوقـي مايمـد الا الثمينـه
وإن بغى يغيض الثريا قعد القمـرى وزانـه
مزعلٍ لجلك هنوفٍ رجـت عقـول رزينـه
وإن تهادت بالطريق الجرهدي تزهر جنانـه
جادلٍ كـن الجمـال قبالهـا كتـف يدينـه
والقمر لو شاورت له ينزح وتقعـد مكانـه
كانت أول من تحكم في فـروع الياسمينـه
وأن تعدتهن تثنـن خيزرانـه .. خيزرانـه
بعتها لجلك وصارت لأصغر أطرافك رهينـه
وألا هي لفتة هدبها تغمـرك ثقـل ورزانـه
والخفوق اللي تغذى مـن معـزة والدينـه
مشكلته إنه تعلق في زمـن ماهـو زمانـه
كل مازادت جراحه وأكتشف غلطة ضنينـه
صدقيه أن قال مابه شخص يستاهل حنانـه
يـوم نـادا يافلانـه مارضيتـي تسمعينـه
ليـن صـوت يافلانـه ,يافلانـه ,يافلانـه
كنت أشوفك زعفرانه تقرض الورد وتدينـه
يمكن أني ماقطفتك بس أشوفـك زعفرانـه
كنت أهاب البعد عنـك وأطلبـك لاتذكرينـه
كان خوف من الفراق وخطوت الفرقا جبانه
وماقتنعت أن الخيانه للرجل تلـوي يمينـه
لين ماربي بعثك وذقت مـن طعـم الخيانـه
إسمحيلي..مابقـى فينـي مكـانٍ تطعنينـه
وأقبلي من جوف قلبي كل عطفه وأمتنانـه
والله الله في عذابك بتركـك عينـك بعينـه
دلليـه ولايـرده عـن شقـاك إلا لسانـه
والا أنا قررت أسافر وأمتطي ظهر السفينـه
لأن مابه شي واحد يستحق أقعـد عشانـه
~ التمثال ~
عفا الله عن خطا غدر الخناجر والضلـوع ابطـال
بسامح واتركـك تحـت الظـلام الحالـك لحالـك
دخيلك وفر دموعـك تـرى هـدر الدمـوع اذلال
وترى ما فيه أحد يصبر مثـل صبـري بغربالـك
انا عيب علـي أنقـض كلامـي والرجـال افعـال
واذا قلت اقطـع احبالـك ترانـي بقطـع حبالـك
عشان اكسب هدب عينك تجرعت العـذاب اشكـال
وليتـك تـرأف بحالـي علشـان ارأف بحـالـك
مسوي فـي حياتـي شـي مـا يذكـر ولا ينقـال
حشا حتى العدو وهو العـدو مـا يعمـل اعمالـك
تمسيني علـى الهـم وتصبحنـي علـى الغربـال
تقلطنـي فناجيلـك وتقـصـر عـنـي دلالــك
تحملت التعـب لجلـك وانـا حملـي يهـد جبـال
رحلت من العـذاب ومـا وقفـت الا علـى جالـك
علامك كل مـا جيـك متواضـع جيتنـي تختـال؟
معاك اليا متي بصبـر وصبـري معـك يحلالـك؟
مثل ما اقبلـت لعيونـك لـزوم تلـد لـي باقبـال
ومثل ما قد حشمتك حس واحشم قلبي اشوى لـك
أنـا محـدن بجابرنـي أسايـر معـك هالمنـوال
ترى لانـي تبيـع لـك ولا نـي باصغـر عيالـك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيـك وابقـى لـك
أنا جيت بظما عاشق تعب يطـرد سـراب الـلال
أنا جيت استفز رضاك مـن فرقـاك والجـا لـك
أنا ما همت بك عاقل أنـا كنـت اعشقـك بخبـال
أنا ما كنت احبك حي أنـا كنـت اعشقـك هالـك
تخيل من كثر مـا اخـاف تلقـى للزعـل مدخـال
أخاف اخطي على طيفـك وادوس برجلـي ظلالـك
تبعتـك والعـرب تتبـع رعـود البـارق الهمـال
وانا شفت المطـر يتبعـك فـي حلـك وترحالـك
كأن اللي خلق حسنك خلقني مـع جسـدك ظـلال
وصرت اقرب جسد يمشي معـك باقفـاك واقبالـك
أبـي قلبـك يحـس انـه فقـد بمحبتـه رجــال
ملكته من هدب عين وخسـرت رضـاه باهمالـك
صحيح ان الفراق اقسـى ولكـن الوصـال محـال
أنا صعبن علي أرضي غـرورك واضعـف قبالـك
بعـد مـا حققـت عينـي فبعـدك للرقـاد امـال
أعود للسهر؟ -- يا خـوي فـال الله ولا فالـك!
ببدل نظرتك فيني واجـي لـك كـل يـوم بحـال
بكون اقـرب مـن ثيابـك عليـك ولا تهيـا لـك
بلمك وانثرك واجمعـك وارجـع وانثـرك باهمـال
بخونك وازعلك وارضيك وازعل منك وارضى لـك
أبرسم بالثرى وجهـك وابدفـن صورتـك برمـال
أبشكي للعـرب فرقـاك واضحـك عنـد عذالـك
أبهديك الوصال فـراق واهديـك الفـراق وصـال
بسوي مثل مـا شوفـك تسـوي وافعـل افعالـك
عشان تعرف من فينا الزعول ومن وسيـع البـال
أبيـك تـذوق فنجالـي وانـا بــذوق فنجـالـك
نصيحة واحتفظ فيها قصر معـك الزمـن أو طـال
أبي تسمـع كلامـي زيـن وتحطـه علـى بالـك
اذا حبك هبال اطفـال لـك عنـدي هبـال اطفـال
ولا --- وابشر بعد بهبال حب ٍ ما هـو بهبالـك
واذا قصدك تهين اسمي عشـان تشمـت العـذال
ترى لا انته ولا غيرك --- ولا عشرة من اشكالك
~ تزعليـن و تقعديـن ~
عافت الشمس المدينة وأعلنـت وقـت الـزوال
رغبـةٍ للنـوم منهـا مـع عيـون الناعسيـن
أبعدت من يوم شافـت بالسمـا ضـيّ الهـلال
كنّهـا كانـت تـهـزّا بالـهـلال وتستهـيـن
كفكفت صبح التلاقـي مـن ورا روس الجبـال
واستخارتني وراحت وابعدت عـن كـل عيـن
وانتي أخطيتـي خطاهـا وانعزلتـي بالوصـال
ولا رحلتي مـن سكـات ولا وعدتينـي تجيـن
عشت عمري بالمحبـة فـي سبيـل الاحتمـال
وانتي تعيشيـن عمـرك تفرحيـن وتجرحيـن
من غرورك في جمالـك مـا عطيتينـي مجـال
وأدري إنـك تفهمينـي لـو بغيتـي تفهميـن
كيف أشوف الشمس تشرق بالسما وانت ظلال ؟
ومن يعيش بوسط غـارٍ للذيـاب الجايعيـن ؟
كنت أحسب الكره زايل والجفـا لـو طـال زال
ولا بديتـي بالغـرام ولا بقـى فينـي حنيـن
أشهد إنـي مـا خطيـت ولا نويـت الانعـزال
وما خدعتك في غرامي ليـن شفتـك تخدعيـن
اصدقي بالوعد مـرة لـي ولـو فيهـا سـؤال
من عرفتك ما أذكر إنـك توعديـن وتصدقيـن
كنت أشوفك من عيونك تأمرين أقوى الرجـال
والله إني قبل أعرفـك مـا هقيتـك تخضعيـن
كنت أشوفك تبعدين وقلـت مـن بـاب الـدلال
وإن بعدتي عن عيوني قلـت باكـر ترجعيـن
كنتي أكثر في عيوني من عـدد وبـل الخيـال
وين أنا ما الد وجهي كنت أشوفـك تضحكيـن
وإن بغيت أصد عنك من يميـن ومـن شمـال
ما قـوت عينـي تلفّـت لا شمـال ولا يميـن
عاشقٍ والعشق بلوى وأشهد إن الحـال حـال
ولا تركتـي رحمـة الله ولا عرفتـي ترحميـن
وأدري إنك في غرامـي للأسـف نلتـي منـال
افترقنـا فـي دقايـق والسبـب لعنـة لعيـن
حبك أشبه فـي غرامـي بالوصـال الانفصـال
ويلعـب الخفـاق لعبـة كبريـاء الخاضعـيـن
بالهوى ماهـي غريبـة نكبـة عيـال الحـلال
ولاني أول من يصون ولا انتي آخر من يهيـن
الصداقة فـي عيـون النـاس منفـى للعـدال
وكـان ردّت للصـراحـة كلبـونـا مذنبـيـن
المحبـة شبـه زالـت والصـداقـة لاتــزال
بس أببقى في عيونك ( حامد ) اللـي تعرفيـن
علّميهـا يـا قصيـدة واضربـي فينـي مثـال
عرفيهـا بالبـداوة فــي طـبـاع الأولـيـن
علّميهـا كيـف نصنـع صبرنـا والاحتـمـال
علّميهـا كيـف نفلـح بالعمـل دنيـا وديــن
علّميهـا فـي سوالـف حلّـنـا والارتـحـال
علّميهـا كيـف نظهـر جـورنـا للجايـريـن
علّميهـا يـا دقايـق ، علّميهـا يــا لـيـال
علّميهـا يـا عصـور وعلّميهـا يـا سنيـن
إن عشقنا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن
كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن
ابـدويٍ مـا يقـوده للـردّى شـد الحـبـال
يعسـف اليـدّ الشحيحـة للعطـا حتـى تليـن
همنـا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن
عندك المكياج موضـة تحسبيـن إنـه جمـال
صار همـك فـي حياتـك تكشخيـن وتطلعيـن
والا أنا قلبـي بقـى لـي بالمحبـة راس مـال
والله اللـي مبتلينـي بالـهـوى والله يعـيـن
إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن
قلت لك كل الصراحة وأختـم أطـراف الجـدال
وإن زعلتي مـن كلامـي تزعليـن وتقعديـن
الجـــــمـــهره
اي بالله اخطوا والخطا الي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
الي من أولها خراب اكيد تاليها خراب
والبندق الي ماتثـّــور في هدفها تذعره
ودك اليا من جاتك الغلطه من الناس القراب
الصاحب الي ماكسبت بمحبته ماتخسره
مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره
صوت يصول بمنظره وخطاب مابعده خطاب
والطيبه الي زعزعت صوت الخطيب ومنظره
مافيه دمع صوبوه أحبابي بوجهي وخاب
ولازرق حزني على غالي ولا فج نحره
كل الذهاب الي معي ذكرى من أصحاب الذهاب
والي بقالي من عذاب أشرف طريقي وأخطره
لأني تجنبت الغرق عديت من فوق السحاب
لأن أكثر أصحابي ورق ماشفت للطيب ثمره
والله ماحطيت بين الحقد والخـّــوه حجاب
حتى غدوا ربعي يحدّوني على الضيق أشكره
البارحه ثارت على أرقاب وآوتني أرقاب
البارحه ياثقل دم البارح ويا محقره
أهبدا وجه الحسد وشلون جمعهم وغاب
كيف السنين الى عطتني بعثرتهم بعثره
أثر المصايب ماتجيك الا من الناس القراب
وبهالزمن حتى الخوي الي تثق فيه احذره
لابارك الله في رفيق تزعله كلمة عتاب
ولا جمع رجال الي تفرقهم مَرَه
عودت نفسي كل ماشددت لليمّه ركاب
ماصد وجهي عن طريق الا ليا جبت خبره
الصاحب الي مايجي من صحبته غير العذاب
نذر على ان ماهجرني والا انا الي بهجره
من يفتح لفرقاي باب أفك له عشرين باب
وإذا خويي مايقدّر خوتي ماقدره
ان روّحوا فأنا بري منهم ليوم الحساب
وان جرحوا قولولهم ماحركوا فيّ شعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
أنا جمعت أوراقهم بكتاب وأغلقت الكتاب
ياوقت لم الي تلمّـه وانثر الي تنثره
ماكنت احاتيهم صغير عاد أحاتيهم شباب
أما ذخرني صاحبي لليوم الأسود ما أذخره
عقب اكتئاب البارحه ماعاد انا حمل اكتئاب
الطيب جرجرني وأنا ماني بناقص جرجره
الي يخاف من الظما يترك لنا طرد السراب
والي مب قد الظلام ووحشته لايسهره
أنا تجرعت الظما لين احترق وجهي وذاب
أنا كسرت بخاطري قبل الصداقه تكسره
أنا خسرت الي غيابه غير عن كل الغياب
أنا غفرت لعالم ماتستحق المغفره
أنا أكثر انسان تعلم من كثر ما أخطى وصاب
أنا آخر انسان يتكلم في زمان الثرثره
أنا القصيد الي نزع من دفتره مليون ناب
وأنا الوحيد الي جمع مليون ناب بدفتره
جفني وجرحّـه السهر حيلي وهدتـّه الصعاب
دمعي هدر ضحكي ندر عمري وضيعت أكثره
شيـّـبت عقول العرب هيّـبت روس ماتهاب
جمهرت ناس ماعمرهم مايعرفون الجَمهَره
ماصرت ذيب الا لأن الي حواليني ذياب
ماكنت اغيب الا لأن العفو عند المقدره
وترى حلاتك لاحملت لصاحبك كلمة عتاب
أما نطقت بها بوجهه ماتذمه بظهره
في هالزمن مايملي عيون الحسود الا التراب
ولا الحظيظ الطلقه الي ماتصيبه تذعره
ودك اليا من جاتك الغلطه من الناس القراب
الصاحب الي ماكسبت بمحبته ما تخسره
>>>>>>>>>>>[/color]

يتبع >>>>>>>>>>>>



:patch_swit:
 

soso

¬°•| عضو مبتدى |•°¬
إنضم
3 نوفمبر 2008
المشاركات
15
العمر
33
الإقامة
مرسى الحب
صوتيا.....:
الذهب

http://movn.net/7amed_zeed/al_thahb.ram

عاتبوها

http://movn.net/7amed_zeed/3atbohaa.ram

القدس

http://movn.net/7amed_zeed/al_qds.ram


رد السؤال

http://movn.net/7amed_zeed/rd_al_so2aal.ram

سمو المجد

http://movn.net/7amed_zeed/smo_al_majd.ram

الأسطورة

http://movn.net/7amed_zeed/al_as6orah.ram

الحلم

http://movn.net/7amed_zeed/al_7lm.ram

من تحت لي تحت

http://movn.net/7amed_zeed/mn_t7t_lt7t.ram

السفينة

http://movn.net/7amed_zeed/al_sfenah.ram

التمثال

http://movn.net/7amed_zeed/al_tmthaal.ram

مالا يفعلون

http://movn.net/7amed_zeed/ma_la_yf3loon.ram

الأم

http://movn.net/alsh3ra2_/3shagah_ojmhorah.ram

عشاقة وجمهورة

http://movn.net/alsh3ra2_/3shagah_ojmhorah.ram

حد علمي

http://movn.net/alsh3ra2_/7d_3lmy.ram

صح النوم

http://movn.net/alsh3ra2_/97_anom.ram

الاولي والتالي

http://movn.net/alsh3ra2_/al_awly_ataly.ram

الجريمة

http://movn.net/alsh3ra2_/al_jremah.ram

الليالي السرمدية

http://movn.net/alsh3ra2_/al_lyaly_alsrmdyah.ram

الذيب

http://movn.net/alsh3ra2_/altheeb.ram

اربع خناجر

http://movn.net/alsh3ra2_/arb3_5najr.ram

قالها حامد

http://movn.net/alsh3ra2_/galha_7amd.ram

غرام احباب

http://movn.net/alsh3ra2_/qram_a7bbab.ram

السبع العجايب

http://movn.net/alsh3ra2_/sb3_al3jayb.ram

تزعلين وتقعدين
http://movn.net/alsh3ra2_/tz3len_otag3den.ram


وختاما اتمنى ان اكون وفقت في قطف بعض جواهر هذا الشاعر المتألق
واهديها لاحلى منتدى ولاحلى اعضاء...تحياتي لكم جميعا
SOSO:patch_lov:
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
يسلمو ع القصائد الجميله و الشاعر حامد زيد من كبار شعراء الساحه
و لا غبار عليه قصائده أكثر من قمه بالروعه ....
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
شكراا على هذااا المقتطف الطيب


ربي لا هانج


احترامي


سويرة
 

دلوعه ابوها

¬°•| عضو مميز جدا |•°¬
إنضم
28 مايو 2008
المشاركات
761
الإقامة
البريمي
غراااام احباب
على ذاك الطريق اللي يسمونه غرام احبــــــاب
وطت رجلي على دربك ولاأدري وش نوى فيني
تبعتك لاخر دروبك الـــــــــين القمـر قـــــد غــــاب
تعــب قلبـــي ولا تعــــبت مسافـــــات تـــوديني


تسلمي اختي ع المشاركه الغاويه
الصراحه حامد زيد من الشعراء المفضلين
 

ام سيف

¬°•| عضو مبتدى |•°¬
إنضم
20 يوليو 2008
المشاركات
55
يسلمو فديتك بالفعل من اروع ما كتب الشاعر الكبير حامد زيد وتسلم الايادي يلي حطتها


ربي يحفظك
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


شاعري الاول

واحفظ الكثير من قصايده

وافضل البوم له
هو السفينة

الف شكر لج على المجهود الرائع
وجمع هذا الكم الطيب من قصائد المبدع حامد زيد

 
أعلى