" الميل .. والمكّحلة "

بريمي_السعودية

¬°•| عضو مميز |•°¬
إنضم
11 مايو 2008
المشاركات
457
الإعجابات
0
الإقامة
المملكة العربية السعودية
#1
عمرك طعش بس تهتز لحضورك كهول
حسبي على اللي سقاك الطيش والعندله

ما شفتني دخت قدامك وصابن ذهول
وحاولت أبطلع وجيت الباب من مدخله

ماهي رزانه ولا حكمة ولاهي ميول
بس خفت نظراتك تجي للقلب مستعجله

والجاش ياما عليه من الثقال الحمول
والعشق ماهو شجاعة .. ولا فطنه .. ولا مرجله

يا صغّير السن يا نهّاب لب العقول
لو تسكّب الماء على الضميان ما بلله

الريم مايشبهك ..الريم طبعه جفول
وانتي ..لعوب.. ورغوب..وفارع جيد.. ومدلله

ابوصفك لين توصيف المزايا يطول
يافجة النور.. يا قارورة الشهد يا منهّله

أنا اعشق الغيد واعشق نادرات الخيول
واخذ من الشعر زينه واستلذ أجمله

بس أني اخاف كيد مدوّرات الحجول
ودوامةالحبل والحبلين والغربال والغرّبله

تعبت أدور من الزينات طرف خجول
مستورة بين أهلها.. والهوى تجهله

أكتب لها القلب ملكه..عند ناس عدول
ونصير جوفين مثل الميل والمكحله

البدو قالوا والامثال دايم تقول
أن اصعب العشق فخ في كمين أسهله

مالي ومال الهوى ومالي بشرب البطول
دام اول الخمّر لذة .. واخره مهزله

الحب يا صار ما يحييه دق الطبول
مثل السراب البعيد.. ومثل من يدهله

تدرين..!!روحي وأنا بمشي ولاني عجول
ما ضعت تال النهار .. ولا خسرت اوله

للشاعر/منيف المهيلب
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,484
الإعجابات
54
العمر
107
الإقامة
?!?!
#2
قصيده قمه بالروعه و التمكن الشعري ...
يعطيكـ العافيه على الذوق الرفيع ....
 
التعديل الأخير:

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإعجابات
1
الإقامة
توام
#3


ما شاء الله عليك اخوي
الصراحه احسنت الاختيار

قصيده مميزه
وتستحق الوقوف عليها

الف شكر لك اخوي

تسلم يمينك


 
أعلى