هذه قصيدة لأم تعيش في دار المسنين لولدها الذي رماها

@@هاجـ الليل ـس@@

¬°•| عضــو مــهــم|•°¬
إنضم
16 نوفمبر 2008
المشاركات
818
الإقامة
في قلب من احب
يا مسندي قلبي على الدوم يطريك ×× ما غبت عني وطيفك سمايا

هذي ثلاث سنين والعين تبكيــك ×× ما شفت زولك زايرآ يا ضنايا

تذكر حياتي يوم أشيلك وأداريك ×× وألاعبك دايم وتمشي ورايا

ترقد على صوتي حضني يدفيك ×× ما غيرك أحدآ ساكنن في حشايا

وليا مرضت أسهر بقربك وداريك ×× ما ذوق طعم النوم صبح و مسايا

ياما عطيتك من حناني و بعطيك ×× تكــبر وتكــبر بالأمل يا مـنايا

لكن خسارة بعتني اليوم و شفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك ما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا


يا ليتـني خــدااامة بين أياديك ×× من شأن أشوفك كل يوم برضايا

مشكور يا وليدي وتشكر مساعيك ×× وأدعي لك الله دايمآ بالهدايا

حمدان يا حمدان أمك توصيك ×× أخاف ما تلحق تشوف الوصايا

أوصيت دكتور المصحة بيعطيك ×× رسالتي وحروفها من بكايا

وأن مت لا تبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والنعايا
 

بقايا جرووح

¬°•| عضو مميز |•°¬
إنضم
14 نوفمبر 2008
المشاركات
204
الإقامة
تابوت الحزن
يا سلاااااااااااااام

اهئ اهئ والله عورت قلبي

أنا سامعتنها بصوت شاعر

وكانت روعة وصيحتني

الله يسامحهم ما يدرون ان الجنه تحت أقدامها

عسى ربي يخلي أمهاتكم وعسى اماية تكون راضية علي

وعسى ربي لا يحرمني من ابتسامتها وحنانها

يارب آآآآآآآآآآآآآآآآآآآآآآآآمين
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
قصيده من روائع القصائد ...
كلماتها تفطر القلب و تحزن العين ...
الله يهدي كل عاق لوالديه .....
 

Abdullah Al-hinai

¬°•| عضــو شرف |•°¬
إنضم
18 أكتوبر 2008
المشاركات
222
الإقامة
البريمي
يا ليتـني خــدااامة بين أياديك ×× من شأن أشوفك كل يوم برضايا

مثال رائع للحب في زمن الجفاف​

حمدان ياحمدان الله الله فى امك​
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
مشكور يا وليدي وتشكر مساعيك ×× وأدعي لك الله دايمآ بالهدايا

حمدان يا حمدان أمك توصيك ×× أخاف ما تلحق تشوف الوصايا

أوصيت دكتور المصحة بيعطيك ×× رسالتي وحروفها من بكايا

وأن مت لا تبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والنعايا

والله انها تعور القلب تسلمين الغلا ونرقب من جداج الزود
 
أعلى