قصيده قاسيه جداا

الحالة
مغلق و غير مفتوح للمزيد من الردود.

ام سيف

¬°•| عضو مبتدى |•°¬
إنضم
20 يوليو 2008
المشاركات
55
قريت هذي القصيده وعجبتني رغم قسوة عباراتها بس اكيد كاتبها ما كتبها الا عن جرح عميق ولو احد يعرف كاتبه بليييز خبروني لان بصراحه ما عرفته

لا
ردك الله لا و لااطلب تردين ادعي عليك بعثرة في صلاتي

عثرة تشلك ما بعدها تقومين ياللي نقضتي عهودنا الماضياتي

خدان لك بالقلب كانت بساتين ورياضان و اغصون إبها يانعاتي

كانت تروح الروح ساعة تروحين وتعاف نفسي شربها و المقاتي

وكنتي مناة القلب و الروح و العين واليوم عينك يعلها ما تباتي

كنت أحسبك للعهد و الحب توفين قلتي الغدر بالحب ماهو سواتي

وبان الغدر سم جرى بالشرايين الله عساه يسقيك سم الفعاتي

كلن سقيتك حب و اليوم تنسين تقولين حلم أيام و اليوم فاتي

وخذتي الهوى لعبة على ما تحبين إلين عصفت بالهوى عاصفاتي

وصرتي بشعري فالعذارى تباهين إتقولين انا شمس العصر في حلاتي

وبالشعر صورتك خزام و رياحين وأثرك هضاب و شوك ما به هداتي

وبالشعر غليتك على كل غالين وأثرك دنية تتبعين الدناتي

رسمتك ساحبة خير قطر تنفين فزت لك الصحراء زهور و نباتي

رسمتج مهاة للجميلة تقودين وأثرك خروف ضيعته الرعاتي

توسلت لك على حب عامين عامين لكن في حسابي مئاتي

ناديت لكن لي أبد ما تسمعين عمري و روحي و الفكر في شتاتي

وخنتي و بعتي كل عهد و أيامين ما عاديفرق بين ماضي وآتي

وصرتي مثل غيرك برخص تبيعين يوم ارخصتني مابقى لك غلاتي

تحسبين إنك بالمهافات ترقين كيف الصعود إيكون للهاوياتي

والنوق من تخرس فلا إيفيد تمرين مايفيدها قلص و ضرب العصاتي

ومع ناقة خرسى تكلفت سنتين فلا لانت إبشدة و لا بالهداتي

إسبوع إف دوامي ولا أيي غير يومين ويوم أوصل الدار أتصل وأحاتي

صبري نفذ و اليوم ثارات براكين مظلوم منضاج ارتحل لدعواتي

سمعي عسى من بعدها ما تسمعين سمعي دعى من صار قلبه حصاتي

عساك عوق منه ما عاد تبرين عوق تشافق له قلوب العداتي

أدعي عسى من ناظرك ما تشوفين وتطحن بك الايام طحن الرحاتي

ويالله عسى يحتار فيك المداويين تبين الممات و لا يجيك المماتي

ويالله عسى كف الندامة تعضين تندمين يوم إنه يفوت الفواتي

وتبكين دم إيسيل من مقلة العين ويحتار قلبك من عناك وتعاتي

وعسى ما تلاقين منه القلب تهدين وإن هو حصل أدعي عساك الشتاتي

ويا بلمة اللي وسط بيته تعيشين غافي و حوله شب جمر الغضاتي

عسى إبعمرك ساعة ما تهنين وتمضي حياتك بين هم و شقاتي

يا بنت قلبي و ين مثله تلاقين قلب عطاك الحب ما قال هاتي

ييتك و روحي شلتها لك إبكفين وفي التالية رمح الخيانة جزاتي

يالله عساك النار يا أم ويهين كله إنكشف لا ما تفيد العباتي

ويالله عسى تلبسك جن و شياطين وتكونين مدعاة الحكي و الشماتي

والله ماني منتظر قلبك إيلين والمجبلات أكثر من الفايتاتي

وما عادتي أتبع ضعون المقفين ريح تشل إضعونك المقفياتي

يا ليلة ظلمى على الله تزولين وتاتي ليالي سعدنا مشرقاتي

ويا حية رقطى تقود الثعابين باجر تحل أيامك المعتماتي

ياظالمة نفسك ترى الدهر يومين يوم النجاة و يوم مابه نجاتي

بيني و بينك تحكم أيام و سنين وانا شاهدي قلب من الغدر ماتي

لو كان عذرك في كفوف الموازين لا كان ربح كل غدر البناتي

ويا دمعة التمساح لا لاتذرفين العيون رغم دموعها كاذباتي

لا ما عرفتي الحب لا ما تحسين وغدرك تعدى غدر ذيب الفلاتي

الذيب يعوي قبل يغدر إبمسكين وإنتي غدرتي خافقي في سباتي

وإنتي السبب سقتي على القلب جرحين وغدر الغرام وهوجع الذكرياتي

وإنتي السبب واليوم لا لا تلومين وإن ياك باكرشوفي إشلون ياتي

والله لأكتب و أفضحك في دواويين وأرزف وأغني يوم خبر الوفاتي

وارسم لأهل العشق قلب و سهمين وقصة خيانة ما روتها الرواتي

ويمين لأنشر فوق إسمك عناوين وأشهرك من قاصي اليمن للفراتي

ومن غرب هالدنيا إلى قاصي الصين ديوان غدر فيه كل اللغاتي

والبادي أظلم سنة العين بالعين وإلا فهاذي لا عادتي و لا صفاتي

وياشبه إنسانة براس و رجلين أعوذ بالرحمان منك إفصلاتي
 

رَحِيْلُ الْودّ

¬°•| مراقبة سابقة|•°¬
إنضم
2 نوفمبر 2008
المشاركات
1,633
الإقامة
عَابِرَةُ سَـبِيْل
ويمين لأنشر فوق إسمك عناوين وأشهرك من قاصي اليمن للفراتي

ومن غرب هالدنيا إلى قاصي الصين ديوان غدر فيه كل اللغاتي


وهو الكلام صحيح ، هذي اقوى قصيدة في الخيانة وانتشرت انتشار واسع جداً واسمها ع حسب اللي اعرفه (البادي اظلم )

والله هالقصيدة شلها الاماراتي بو رحيمه وخلاف صارت ضرابه عليها بين بو رحيمه اللي سمعنا صوته في الشله وشاعر مريخي والعماني (احمد الوحشي)

وطبعا الاغلبية متفقين انها للشاعر احمد الوحشي اللي اثبت هالشي على ما اعتقد حيث نشرت له هذة القصيدة في عدد قديم او جريد ما اتذكر ..

لذلك نقول صح لسانك يالوحشي نعرف ان الشاعر قمة في الرقة لكن اكيد انذبحت بسكين الغدر ومحد بيلومك

تشكرات ع النقل اختيه
 

ام سيف

¬°•| عضو مبتدى |•°¬
إنضم
20 يوليو 2008
المشاركات
55
اشكرك اخوي على المرور اولا وعلى المعلومه وربي يحفظك والله يعينه الوحشي
 

رمش العين

¬°•| عضو مميز |•°¬
إنضم
11 يوليو 2008
المشاركات
287
الإقامة
الكوكب الاحمر
تسلمي ع النقل الرائع
 

دلوعة

¬°•| عضو مميز |•°¬
إنضم
23 فبراير 2008
المشاركات
461
صدج كلمات رهيبه بمعنى الكلمه


وسمعتها وصدج خيااااااااااااااااااانه بس هاذي حال الدنيا

والخيانه من الطرفين تصير وهم من طرف تصير



تحياااااااااااتي
 

الأمل

¬°•| عضو مبتدى |•°¬
إنضم
12 نوفمبر 2008
المشاركات
24
مشكوره ع القصيده الحلوه.....تسلميييييييييييييييييييييييييييييييييييين
الله يعطيج العافيه
 

الأمل

¬°•| عضو مبتدى |•°¬
إنضم
12 نوفمبر 2008
المشاركات
24
مشكوره ع القصيده الحلوه........ الله يعطيج العافيه
ونتريا اليديد منج
 
الحالة
مغلق و غير مفتوح للمزيد من الردود.
أعلى