الشاعر / محمد بن سعد
¬°•| عضو مبتدى |•°¬
السلام عليكم ورحمة الله وبركاته
إن من أصعب اللحظات التي تمرعلى الإنسان هي لحظة إنصدامه في الشخص الذي يكن له كل الحب والتقدير والأدهى والأمر من ذلك كله إذا كان بدون أدنى سبب ولا أي مبررات , , , , لن أطيل عليكم إليكم القصيده وهي بعنوان جـزاء الـمـحـبـه . . . . .
في كل مره انصدم فيك يا زين ....واليوم أشوفه طال فيك التمادي
يا ما رخصت النفس مره وثنتين .... والكبر زاد وطال فيك الـعنادي
حنـا بـشر حنا أوادم ضعـيفين .... وترى الكبر لله رب العبــــادي
كتبت أحبك يا لغلا بدمعة العين .... والحب ناره تشتعل في فؤادي
نثرت في دربك زهور ورياحين .... وعطرت أنا أيامك بمسكٍ وكادي
ضويت لك شمع المحبه وتدرين .... وجزاء المحبه صار نــارٍ تقادي
خاطرك أنا أداريه باللطف واللين .... وأنتي خفوقك للمفارق ينادي
ومادام ما للحب عندك عناوين .... محدٍ من الكبر انتصر واستفادي
عيشتني يا صاحبي بين نارين .... واسقيتني طعم الأسى والنكادي
وش غايتك بالله في تســـوين .... قـولي تــرى الخافق يمل البعادي
إن كان قصدك في عنادك تذلين .... ما ينحني راسي لو الهم زادي
والله ما أترجاك وأطلب تعودين .... ورجواي في ربٍ عليه اعتمادي
ماني بمتحسف على فراق غالين .... لاشك أبنسى ويصبح الوضع عادي
دامك على هجري وفرقاي تقولين .... ألبس على الفرقا ثياب الحدادي
لا بد ما ألقا من البنات المزايين .... اللــي تـقدم روحـها بـالأيـادي
تنسيني اللي راح من وقتي الشين .... وخل الحسد يا كل قلوب الأعادي
أخوكم
محمد بن سعد
التعديل الأخير:
atch_rir: الظاهر أنت اللي مبتلش بس أنا الحمد خالي الحب