مشاكاة شعرية ، والرد عليها .

RXK

¬°•| عضو مبتدى |•°¬
إنضم
28 مايو 2016
المشاركات
13
الإعجابات
2
العمر
21
#1
‎شفت الشقى ياراشد سنين
‎ومــنّـي تــبـرّى كــل غـالـي

‎مـاعرف انـا راح الـوفا وين
‎ثـوبـه غــدى مـالناس بـالي

‎سـوّيت خـير ، وردّلـي شين
‎اصــيـح ع حـظّـي وحـالـي

‎كـم اذرفـت بـالدمع هـالعين
‎يـاصـاحبي مـاحد صـفالي

‎وتــبــدلـت كــــل الـعـنـاويـن
‎والــنـاس مــاعـادت تـبـالي

‎عــام عـشَّـرة والـفين لـلحين
‎بيّه شمتوا وضحكوا عذالي

‎ادعـي إلٰهـي الـخالق يـعين
‎ويـثـيـبني مـالـلـي جــرالـي

‎احمد الكعبي

يا مرحبـا أهـلاٍ وسـهـلـيـن
بوشهاب ياشيـخ الرجالـي
.
.
تبقون فـ الخافق عزيزين
مـهمـا تغـيـر في الليـالـي
.
.
لـو شفت كل الناس سالين
عنـك خويـك هوب سـالي
.
.
كـل العرب فـ القلب غالـين
لـكـن قـدرك فـوق عـالــي
.
.
انتـه الخـوي وانا لك يميـن
يـوم الشـدايـد والـهوالي
.
.
في الشعر والشدات واللين
حنـا شــرا صــم اليـبالـي
.
.
بعض الصداقـه قدرها ثمين
و تروح فـدوتـها ' رجــالي '
.
.
وبعض الصداقه يوم ، يومين
وتــفارقوا و الحــظ مــالـي
.
.
بوشهـاب لو فالناس سالين
انا خـويـك هــوب سـالـي
.
.
يـا مـرحبـا أهـلاً وسـهليـن
بوشـهاب يـاشيخ الرجالـي .

راشد الكعبي
 
أعلى