اي احد يعرف شيء عن الايلس ايدش

الحالة
مغلق و غير مفتوح للمزيد من الردود.

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
الإعجابات
0
#1
يا هلا ومرحبا بالجميع

اليوم يا حبايب يا حوين ابيكم في موضوع مرة خطير

اللي هو على طول في الموضوع

اني أريد اقدم امتحان الايلس في الانجلش على العلم اني ما ادرس اللغة الانجليزيه وانجليزيتي اوكي بس مب مرة توب واريد ايب درجة عاليه يعني 6 ولا شوي اقل مب أكثر

فأريد اعرف منكم اذا احد يعرف طريقة معينه في الدراسة أو اي شيء يعني

بليز امتحاني بعد شهر :patch_music1:
 

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
الإعجابات
0
#2
ليش ما في رد

ليش الكل ما يدش ويقرا الموضوع


ولا مر مب عاجبنكم أناإأآ ليش محد علق ولو ما يعرف ليش ليش ليش ليش

:(
 

بنت شيوخ

¬°•| بنٺ نآڛ مآ ٺندآڛ|•°¬
إنضم
13 مايو 2008
المشاركات
2,005
الإعجابات
0
الإقامة
البريمي طبعا
#3
امتحان الايلس ما فيه grammer فيه listining, reading, spaeking, writing

يعني ما في شي معين تدرسه لانك ما تعرف اي واحد منهم انت وحظك في

المواضيع اللي ايبونها لك مب مثل التوفل يعتمد اكثر شي على الgrammer

يعني بتكون دارس grammer وضامن على الاقل درجته
 

رَحِيْلُ الْودّ

¬°•| مراقبة سابقة|•°¬
إنضم
2 نوفمبر 2008
المشاركات
1,633
الإعجابات
0
الإقامة
عَابِرَةُ سَـبِيْل
#6
مرحبا ،،

اخوي اهم شي تتدرب ع الامتحان ، وللعلم ترا الدورات التحضيرية مابتعطيك شي زود في لغتك ولكن راح تهيئك للامتحان ومهما كنت بيرفكت بدون تدريب على الامتحان ماراح تسوي عدل ،،

الامتحان سهل واسهل عن التوفل في نظري بس اهم شي التدريب عسب ماتكون منصدم بالوضع وتختبص وماتعرف تحل ،،

اخويه امتحان الايلتس عندك فيه نوعين اكاديمي وهذا عموما مطلوب للطلاب والدراسه وفيه جينرل او العام ،،

الامتحان في المهارات الاربع استماع ، محادثة ، كتابه ،قراءه

العلامه من 9 وتعتبر ناجح في حال انك يبت علامه متوسطه في الاربع مهارات ،، يعني قول خمسه تقريبا وطموحك حلو ع 6 ربي يوفقك

هذا اخوي الموقع الرسمي حق الايلتس

http://www.ielts.org/default.aspx

تصفحه ع راحتك وبتفهم اكثر

وهذي مواقع اتمنى انها تفيدك :

موقع يتضمن كثير من التدريبات مع أجوبتها

http://www.ielts-exam.net/

موقع يوجد به كم هائل من تدريبات الإستماع

http://www.esl-lab.com/


http://anenglishoasis.com/ieltspractice.html

يوجد به وصلات لتحميل لكتب الأيلتس المختلفة .


للعلم بتلقى الكتاب مال الايلتس لو ماقدرت تحمله او مابتحدر في معهد موجود في كارفور مع السي ديات مالاته في المكتبه اللي مجابله كريزما لاني ناسيه اسمها ،،

الكتاب مهم وراح يفيدك ..

اممم بالنسبة لاقسام الامتحان

عندك الاستماع بتاخذ فيه 40 دقيقة 30 دقيقة وتحل وعشر دقايق تنقل الاجابات
والمحادثة ربع ساعه مقسم حق 3 اقسام ، اول شي بيتم يتخبر عنك وشعنه اخترت هالتخصص وماعرف كيف وعقب بيعطيك بطاقة فيها سؤال وبيخليلك دقيقة تتزهب عقب بيعطيك دقيقتين ترمس عن هالشي وعقب بيعطيك موضوع ثاني ترمس فيه

اخويه لا تزيغ ولا ترتبك ولا تسكت ولا تبين له انك تعلق في الكلام اهم شي تكون فلووووونت في الرمسه بالانجليزي حتى لو تم يو نو وت وتفكر ف الكلام اللي بتقوله المهم خله يحس انك مرتاح وشي كلام عندك واكيد قادر ترمس في هالشي

بالنسبة للكتابه عندك فيه ساعه وهو مقسم حق قسمين واحد بياني وانته تكتب فيه والثاني تعبير بس لا لا تكتب وايد في البياني يعني اشرحه ب150 كلمه اما التعبير ب 250 كلمه تقريبا

القراءاة بعد عندك ساعه مابكذب عليك شوي القراءه ماعدا القسم الاول منها صعب بس يبالك تحل بسرعه لا تقعد ع الاولي ويد لانه اسهل شي وانتقل بسرعه للي عقبه ،،

امممم بعدني بدورلك مواقع ثانية وان شاء الله تفيدك

واسمحلي واذا تبى اي شي يارب نقدر نساعدك فيه

تحياتي وبالتوفيق
 

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
الإعجابات
0
#7
الله لا يحرمنا من عطااايج يارب
وان شاء الله بتبع مشورتج
بس على طاري المكتبة اللي عند كارفور انا ما في البلاد الحين لهذا صعب اروحلها بس بدور كتاب وبدرس منه لاني الصراحة استغربت من رد أحل الاخوات اتقول ما يبيله دراسه عرفت انه مستحيل الواحد يروح وهو امفهي
مشكووورة وما قصرتي على كل شيء
 

أم عبدالرّحمن

الفرَيق الإدِاري
طاقم الإدارة
إنضم
13 يوليو 2008
المشاركات
30,992
الإعجابات
230
الإقامة
وَ كَيْفِ لِرَاحِلْ أنْ يُقِيمْ ؟!
#12
اقول اختي خافق الاحساس في رايج شو هي احسن طريق علشان ايب درجة مرتفعه
ممممم تدرب على الريدنج والليسنج واايد !*

و بالنسبة للرايتج حاول تاخذ فكرة عن كل شارت ،،

و السبيكنج قضي وقتك بالرمسه ويا خلق الله بالانج ،،

تخيل الاسئلة اللي بتييك و اقعد عد لها اسئلة

بشوف مواقع من اللي عندي وببيي

يمكن تفيدك و السموحة !​
 

غصون البريمي

¬°•| عضو مميز |•°¬
إنضم
20 مايو 2008
المشاركات
482
الإعجابات
0
الإقامة
البريمي
#13
كنا محتاجين معلومات عن هذا الامتحان
الله يستر جم بيب ؟؟؟؟؟؟؟؟؟؟؟؟؟؟؟
 

رَحِيْلُ الْودّ

¬°•| مراقبة سابقة|•°¬
إنضم
2 نوفمبر 2008
المشاركات
1,633
الإعجابات
0
الإقامة
عَابِرَةُ سَـبِيْل
#14
اخوي اذا انته هب حاب دش معهد

لازم تتدرب على الامتحان باي شكل من الاشكال انا امتحنت الاثنين وامتحنت الايلتس قبل وعقب امتحنته للماستر

بس بدون تدريب ماشي فايده خذها من اختك الكبيرة نصيحه

شي موقع لازم اشتراك هب مجاني لكن هب غالي بحطه لك خلاف

بالتوفيق للجميع
 
الحالة
مغلق و غير مفتوح للمزيد من الردود.
أعلى