|--*¨ هل تعلم اللغات مهم ؟؟ ¨*--|

رثام

¬°•| عضو فعّال |•°¬
إنضم
4 نوفمبر 2008
المشاركات
165
الإقامة
دبـــــــــي
السلام عليكم ورحمة الله وبركاته



بعد هالتطور اللي تشهده الدولة ..

ومن تعدد الجنسيات والثقافات ..

والتوسع العمراني ..

والتعامل مع العديد من الجنسيات ..

والاختلاط مع الجميع في الاماكن العامة ..

او في مجال العمل ..




هل هذا يستدعي :



ان نكون متعددي اللغات ؟؟؟؟




يعني هل على الاماراتيين والخليجيين ..

أو العرب المتواجدين ..


ان يتحدثون او يتعلمون اكثر من اللغة العربية ؟؟؟



البعض بيقول اللغه الانجليزية هي الاهم !!!


ولكن ..


صرنا نتعامل ويا اللي ما يعرف ينطق لا اللغة العربية ولا الانجليزية ..


مثل :


الآسيويين :


الهنود والباكستانيين ( ربعنا ) .. بعضهم ما يعرفون يرمسون .


الروس .. الصينيين ..


والمصيبه : دشوا الفيتناميين ( من لعب المنتخب وياهم زادوا

فالبلاد ) ..





وخصه بعض الجنسيات الانجليزيه عندهم ما تنفهم ابد ..

حليله يرمس انجليزي وانته فاتح ثمك ( فمك ) تبا تلقط كلمه

وهب رايم ..





هل عليهم يتعلمون لغتنا ...؟؟

ولا نحن لازم نتعلم لغاتهم عسب نفتك من عوار الراس ؟؟




بعض الناس اعرفهم ما يحبون يتكلمون الا لهجتنا والانجليزي ...


لو يعرفون هندي او اوردو او فارسي او بلوشي او صيني او روسي او

ايطالي ............ الخ ما يرضون يرمسون ..



اونهم يستحون يرمسون جدام الغير ( عيل ليش تعلمت ان شا الله ) ..



ما عليكم انا فدوامي ارمس بلهجتنا ..

واذا شفت اللي جدامي تبلم ارمس انجليزي ..

واذا شفته تجمد اغير الموجه ( اوردو ) خخخخخخخخخخ ..

( اذا كان هندي او باكستناني او بنغالي ) ..



مره كان عندي واحد ايراني ..

ليش ما يفتح الموجه ويرطن ..

قلت له ( هوووووووب هوووووووووووووب ) وين تبا ؟؟

جاب لي مترجم ..




صحيح اني القط كلمه او كلمتين بس ماعرف اشكل جمله مفيده ..

وبعض اللهجات افهم بعض العبارات ..

واستغرب كيف فهمت ..

وساعات اصدمهم اني فاهمه ( الظاهر اللي فيني يترجمون

هههههههههههههه ) ..





فالنهاية :



هل تعلم اللغات الاخرى مهم ؟؟؟؟؟؟؟




:patch_ordi:
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
هل تعلم اللغات الاخرى مهم ؟؟؟؟؟؟؟

امممممممم .. ما اقدر اقول انه مهم لدرجة انه لازم كل شخص يعرف يتكلم باكثر من لغه ..

بس يمكن تكون مهمة بالنسبة للي يشتغلون ويتعاملون مع مختلف اللغات .. فهذيل يحتايون يتعلمون لغة الي بيتعاملون معاهم ..
وهيك يعني
 

كيـِـآטּ

¬°•| مشرفة سابقة|•°¬
إنضم
7 مارس 2008
المشاركات
2,284
الإقامة
ليس في مخيلت أحد
تسلمين غاليتي

وعليكم السلام ورحمة الله وبركاته

منورة الواحة غاليتي رثام


أنا أحس حلو الواحد يكون مثقف ويتكلم بعددة

لغات... لان هذا الشي راح يساعده في أمور الحياة..

صحيح بان اللغة العربية والانجليزية أهم لغتين.. بس

من الجميل بعد الواحد يملك أكثر من لغة....


أختي الكريمة: رثام

ربي يعطيج العافية على الطرح المميز

نترقب جديدكِ

دمتى بخير
 

قلب خدّاع

¬°•| عضو مبتدى |•°¬
إنضم
5 نوفمبر 2008
المشاركات
87
الإقامة
دآر بوخليــفه /~
مايحظرني حديث الرسول عليه افضل الصلاة والسلام

ولكن بما معناه

انه يحث امته على تعلم اللغات الجديده واكتسابها

وهذا اكبر دليل على اهمية التعلم

عاد ياحافظ ع بلادنا الهنود ترس الدنيا خخخخ

بدل مانتعلم انجلش

نتعلم اوردو
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
اهو حلو الواحد يتعلم عدة لغات لكن انا بالنسبالي اتعلم عدة لغات اشوف انها صعبه بالنسبالي

والحين اللغه العربيه واللغه الانجليزيه صارت مهمه فالعصر الحالي


وبالاخص فالدوائر الحكوميه وغيرها


وتعدد اللغات تزيد من ثقافتنا واهو مطلب ضروري فوقتنا الحالي

وزين انا نتعلم ونتقن عدة لغات بالاخص الاجانب ماتدرين يمكن يتحرطمون بشي وناوين علينا ونحن ياغافلين لكم الله


وماندري شو نيتهم بس لو عرفنا لغتهم ونرمس شراتهم بنعرف نية اي احد ناوي ع شر لنا


ونفس الوقت شي حلو نتفن اكثر من لغه ويساعدنا ع التواصل بين الناس


ويساعد ع الانفتاح الحضاري وزيادة الثقافه والمعرفه


يسلمووو ع الموضوع الطيب والهادف

يعطيج ربي الف عافيه

لاخلا ولا عدم يالغلا وننتظر مواضيعج اليديده

دمتي بود







 

رثام

¬°•| عضو فعّال |•°¬
إنضم
4 نوفمبر 2008
المشاركات
165
الإقامة
دبـــــــــي
قطوة البريمي


اهااااااااااااااا ..

من ردج اللي فهمته ان اللغه غير مهمه الا للي يتعامل مع جنسيات اخرى ...

او انه يحتاج للغه فدوامه ..



كل الود ..




:)
 

رثام

¬°•| عضو فعّال |•°¬
إنضم
4 نوفمبر 2008
المشاركات
165
الإقامة
دبـــــــــي
نهاية



منوره بوجودج فديتج ..


صدقتي ..

شي جميل ان نكون ملمين بأكثر من لغة ..

وهذا الشي يزيد من الثقافه ..



الله يعافيج فديتج ..



:patch_lov:
 

رثام

¬°•| عضو فعّال |•°¬
إنضم
4 نوفمبر 2008
المشاركات
165
الإقامة
دبـــــــــي
عيناويه من قلب


هههههههههههههههههه ..

صحيح ..

بالنسبة للهنود فبلادنا حدث ولا حرج ..

صرنا نهز روسنا شراتهم ..

وبالنسبة للحديث المنسوب للرسول - صلى الله عليه وسلم - هو غير صحيح ..


المهم ان تعلم اللغات ثقافه ..



كل الود فديتج ..



:patch_lov:
 

رثام

¬°•| عضو فعّال |•°¬
إنضم
4 نوفمبر 2008
المشاركات
165
الإقامة
دبـــــــــي
فراوله شقيه


صحيح ان من الصعوبه تتعلمين أكثر من لغة ..

ولكن ..

اذا كنتي حابه لغه معينه صدقيني راح تسعين تتعلمينها ..


المهم ..


اللغة العربية هي الاساس ..

واللغة الانجليزية لغة عالمية ...

ولكن اللي نشوفه فبعض دوائرنا ان اللغة الانجليزية هي الاساس ..


فالأخير ..


مع مرور الوقت راح تكون اللغة الصينية كذلك من اهم اللغات ..



تحيتي ومودتي ..



:patch_lov:
 
أعلى