قَآلت "أحبّك" !

نيروز

¬°•| عضو مبتدى |•°¬
إنضم
26 أكتوبر 2013
المشاركات
89
الإعجابات
3
الإقامة
ربَّما عُمان ، وربَّما بلا وطن !
#1
قالت أحبك.. قلت شفتي الطوابير؟؟
صفي وراهم كلّهم ينطروني .

. ما عاد لي ف دروب حبك مشاوير
ما عادت ظنونك تخيب ظنوني .

. كنتي جناحٍ به من همومي آطير
كنتي (سحا..) لا والله كنتي مزوني .

. كنتي الكتاب الممتلي بالتعابير
أقرأ عيونك وانتي تقري عيوني .

. غمضت عيني طحت وسط المقادير
ما قصروا أقل الوفا كفنوني .

. فتحت عيني ودي آشوفني غير
لقيتني عايش لوحدي بدوني .

. اللي رسموني يا شهد بالطباشير
مدوا يديهم يا شهد وامسحوني .

. مدوا يديهم للفؤوس المناشير
سموا على جذعي وبدوا يحطبوني .

. يوم ان مال الجذع واصطفت العير
ما طاح جذعي لين طاحت غصوني .

. طاحت غصوني قمت أسط العصافير
ما باقي إلا صوتها في أذوني .

. طحت ولقوا صوتي شرات الدنانير
قاموا مع الميراث يتقاسموني .

. اللي شكت من ريحهم نفخة الكير
اللي وأنا ميت عطش ما سقوني .

. اللي صوانيهم ذنوب ومعاذير
إذا لقوني في عشاهم كلوني .

. وأنا لو إني من عيال الهوامير
ما كانت دموعي تبلل ردوني .

. وأنا لو إني من عيال الهوامير
ما كان ريح الجوع تذبح صحوني .

. وأنا لو إني من عيال الهوامير
ما حطت هموم البشر في متوني .

. هاتي يديك شوي.. شوفيني بخير؟
أيوا بخير وهيبتي في حصوني .

. ساسي متين وهامتي تغري الطير
ريح المنايا ما تزعزع ركوني .

. وإذا لقيتي عازفين المزامير
قولي لهم خلف الضيا يلحقوني .

. والحين عذرا.. خلف ذيك الطوابير
حرام صار لهم عمر ينطروني
 

نور القلوب

¬°•| عضو مميز جدا |•°¬
إنضم
14 مايو 2010
المشاركات
580
الإعجابات
0
الإقامة
عمان
#3

قصيده رائعه جدا أشكرك على الطرح

الجميل :biggthumpup:​
 

طالبة الثاني عشر

مشرفة قسم صفوف الـ 11 و 12
إنضم
23 فبراير 2015
المشاركات
553
الإعجابات
252
العمر
19
#8
صح لسانج
وتسلمين على النقل الرائع

يعطييييج الف عافية

ننتظر جديدج
 
أعلى