عوووونكم يا الربع ...

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
السلام عليكم ..شحالكم ؟؟؟
وشخباركم ؟؟ عساكم بخير ...


عندي موضوع واريد رايكم فيه لو سمحتوا اخواني وخواتي ..
مثلا إنت تعيش فسكن وبعيد عن الاهل أكيد بتحس عمرك وحيد .. بس الربع إللي عندك أكيد هم بياخذوا هالدور وبيصيرون لك خوان وربع فنفس الوقت ..

بس إللي ما قادره اتأقلم وياه الصداقه اليديده .. يعني احس عمري ما قادره اختلط ويا ناس يديدين وفنفس الوقت أحس فيه حاجز بيني وبينهم يمنعني إني اتعامل وياهم .... طبعا هاذيلا مب ربيعاتي الروح بالروح الله يخليهن ربيعاتي غييير اكثر من خواتي..الحمد لله ..

يعني الخلاصه شو موقفكم من الناس إللي ما متقبلينهم وما قادرين تتأقلموا وياهم وكيف تتعاملوا وياهم؟؟؟؟؟!!!!..

وعووووونكم يا الربع ..
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
v3.gif


حياج الله اختي

والله سالفتج سالفه

اختي
الانسان لازم يكون مرن
ولازم يتأقلم مع مختلف الاوضاع
نحن كلنا مرينا بتقلبات في حياتنا
والكل منا انتقل من وضع الى آخر

اختي اعتقد انج انتي لاول مره تبتعدي عن اهلج وبلادج
يمكن لضروف العمل او الدراسة
احب اقولج

لاتخافي
كلها مسألت وقت
وبيصيرن هذيلا البنات الي انتي قريب متعرفه عليهن مثل البنات الي كنتي وياهن من زمان

نحن طلعنا وجربنا الوضع الي انتي فيه
وفي البداية صار الشي الي تكلمتي عنه ولكن الحمدلله بعد مرور فتره بسيطه تغير الوظع

اختي
اتمنى تسمعي مني هالنصيخة وتخليها شعار دائم لج
ولا على قولت اخوانا المصريين
خليها حلقة في ودونك

لاتتعقدي .. ولازم تجبري نفسج في البدايه على ملاطفة هذيلا البنات الي وياج وتجلسي وياهن
وتخبريهن عنج وعن اهلج وعن ربعاتج الاوليات
وصدقيني
بتغير حياتج وبتحسي بسعاده وراحة نفسية
هذي سنة الحياه
كل يوم نتعرف على ناس جديدين ومجتمعات جديدة ولكن لازم نتأقلم
السموحه على الاطالة
ولكن بما اني سبق لي العيش هذي التجربه
وربي حاس فيج
وعارف المعاناه الي تعانيها

واحب اطمنج انها مسألت وقت لا أكثر وكل شي بيصير تمام

وبعدين بتذكري كلامي

واتمنى بعد فتره تخبرينا شو بيصير وياج

ربي يحفظج


v3.gif

v2.gif

الأرجنتيني البار
 
التعديل الأخير:

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
v3.gif


الموضوع من الانسب ان يكون في قسم النقاس الجاد

ينقل


v3.gif

v2.gif

الأرجنتيني البار
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
ماشاء الله اخوي الارجنتيني ماخله شي عشان نقوله كفى ووفى
بس بقولج شي اختي شوفي انتي قعدي وياهم وارمسي وضحكي وتداخلي وياهم وصدقيني فتره بسيطه وراح تتاقلمين
اذا بتمين جيه دوم بتحسين بالغربه خلج اجتماعيه وراح تكسرين هالحواجز


والسموحه لان ماعندي كلام بعد الارجنتيني ^^
 

Abdullah Al-hinai

¬°•| عضــو شرف |•°¬
إنضم
18 أكتوبر 2008
المشاركات
222
الإقامة
البريمي
تكوين الصداقة شي ، والاخلاص بها شئ اخر
عملية ان تكون مقبولا عند الاخرين او العكس ، تحتاج قدرا كافيا من الوقت والجهد من قبل الطرفين ، فالصداقة المبنية على المصالح المادية والمصالح الدنيوية دائما ما تكون فاشلة ، اما الصداقات المبنية على الصدق والاخلاص والحاجة الفعلية للصداقة فانها هى التي تبقي وتدوم .

وفى الختام اود التاكيد على ان القبول من الله سبحانه وتعالي ، فاحسن النية دائما

مع احترامي
 

سجين القلم

¬°•| مراقب سابق|•°¬
إنضم
21 أبريل 2008
المشاركات
2,778
الإقامة
في اعماق همومي ورفيقي المصائب المتتالية
أختي العزيزه جميعنا مر بما انتي تمري به الان
هذه سنت الحياه وظروف المعيشة وطلب العلم

أختي العزيزه لا تضعي حواجز وعواق في طريقكِ

بل حاولي عاى ازاحة كل العقبات وكل الصخور والحواجز التي تمنعكم

من الاحتكاك ببعض وذلك عن طريق محاولتكِ التداخل معهم وبتوفيق لكِ أختي العزيزه
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
مشكورين على هالكلامك الحلو.. بصراحه خففتوا الضيج إللي فيني ..

وشكر خاص للأرجنتيني بصراحه ماعليك زود وكلامك يريح وإن شاء الله الأمور تتيسر ..ودعواتكم ..
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
أختي غربة الروح ...
ما تمرين به وضع طبيعي لأنج خرجتي من بيئه ربيتي و عشتي فيها لمكان تعتبري نفسج غريبه عنه ..
و لكن لا تأخذي أمظري للموضوع بشكل آخر فرصه لتكوين صداقات جديده و التعرف على ناس آخرين ..
تعلمي الجديد فى طبائع الناس تأقلمي مع كل شخص حسب شخصيته مع أحترامج لشخصيتج المستقله كوني سلسه بالتعامل مع الآخرين
حسسيهم بأنج سعيده بأنهم حولج فهم الآن أقرب من أهلج لج نظرا لضروفج و قد تحتاجين و قفتهم معج بالسراء و الضراء فلا تخسري صديق ...
و كما يقول المثل (( ليت لي بكل طريق صديق ))..
و لكن تجنبي ما تريه خارج عن عادات مجتمعج و تربية أهلج و لا تنجرفي فى ما تريه خطاء لا بمجامله و لا لتجربه ,,,
تحياتي و يعطيج العافيه
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
كلامك حلو أخوي ..تسلم ..
بس احس بعده صعب ..
 
أعلى