[ صينية مكرونةة بالدجاج ]

غيمَة

¬°•| مٌشرفة سابقة |•°¬
إنضم
30 يونيو 2010
المشاركات
5,453
الإعجابات
0
الإقامة
فِي حَنآيآ غيمَة ☁
#1
بِسمِ الله الرَّحمنِ الرَّحيم
السَّلامُ عَليكُم و رَحمةُ اللهِ و بَركاتُه





المقادير :


1 - صحن صدور دجاج مقطع شرايح رفيعة .
2 - علبة زبادي .
3 - 5 فص نوم مقطع شرايح ( بالصورة حقتي مبشورة لأنها عندنا جاهزة أنا بس وزنتها ، لكن مايفرق كدا أو كدا )
4 - ملعقتين أكل خل ( لا تدققوا بالحجم إلي بالصورة
)

5 - ليمونة .
6 - فنجان زيت زيتون .
7 - ملعقة أكل كبيرة كركم .
8 - نص ملعقة أكل صغيرة كمون مطحون .
9 - نص ملعقة أكل صغيرة كزبرة مطحونة .
10 - فلفل أسود + ملح .
11 - رشة فلفل احمر مجروش .
12 - رشة بهارات خاصة بالدجاج .
13 - رشة بقدونس ناشف ( أنا استغنيت عنه لأني ماحبه
)




الطريقة :

أول شي نجيب زبدية كبيرة أو كروانة حقت الطبخ ونحط فيها الدجاج وكل المقادير إلي كتبتها فوق ، نحطها على بعض .. تصير بهالشكل :


ونخلطهم مع بعض تماااااااااااااااااااااام .. زي كدا :


نحطها بكيس لحمة أو بالصحن أو الكروانة نفسها وندخلها الثلاجة ، ليلة كاملة أو ساعتين أقل شي
،




بعد كدا نسوي الصوص حق المكرونة الحمرا العادية .
طيب فيه إختلاف بسيط في الصوص ، بكتب مكوناته :
صوص الطماطم الجاهز
‘ أنا استخدمت حق السعودية

قشطة خفق أو كريمة طبخ .
نص ماجي .
بهارات إيطالية ( أورغانو - زعتر ناشف - إكليل - ورق الطرخون )
و حطوا مويا لين يتغطى الصوص و إنتظروا لين يثقل .

وعبال مايخلص نسلُق المكرونة .
طبعًا هذا كله نسويه قبل لا نطلع الدجاج بنص ساعة أو ربع ساعة

انتبهوا لا تسووه من بدري وينشف بعدين !


بعد ماينتهي الصوص ناخذه و نحطه فوق المكرونة ونخلط تمام ، ويصير كدا :



نجيب الحين بطاطس وباذنجان وأي خضار تحبوا نضيفها مع الدجاج
أنا جبت بطاطس وباذنجان وفلفل رومي أخضر بس نسيت أصوره


الباذنجان يتقطع أصغر من كدا كمان



هذا البطاطس وهو ينقلي

وعبال مايخلص قلي هو والبطاطس نطلع الدجاج ونحطه بطاسة أو قدر ونحط شوي زيت
ونحط عليها الدجاج :


طيب عبال مايخلصوا هذول الاثنين تكون المكرونة بردت شوي

نجيب صحن بايركس " الصحن الجزاز أو الزجاجي
"

ونحط نص المكرونة تحت زي كدا :


نغطي الحين الدجاج ونتركه لين يستوي ،
بعد مايستوي نحط له البطاطس والباذنجان والفلفل الرومي :


نخلطهم تمام وهو ع النار :



نتركه دقايق لين يبرد ونحطه فوق المكرونة إلي بالبايركس :


ونحط فوقهم نص المكرونة إلي باقية ، ونجيب جبنة ونبشرها
أنا حطيت جبنة علب بس تقدروا تحطوا موزاريلا أو أي نوع ثاني

ونحط فوقها البهارات الايطالية ، بس شوي مانكثر



آخر شي ندخلها الفرن أو المايكرويف لين تسيح الجبنة , وبالعافية على قلوبكم


طبعًا ماساحت معايا مدري ليه
، أتوقع من الجبنة

بس أهم شي الطعم


منقول




دمتم بِحفظِ الله و رِعايتِه


 
أعلى