الواقع المر(موقف من الحياة) شاركونا آرائكم

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
السلام عليكم ورحمة الله وبركاته ..

حبيت أطرحلكم قضية اجتماعية من خلال موقف شفته بعيوني وأشوف آرائكم وشو وجهة نظركم ..

الموقف وما فيه :

اني أنا وأختي كنا نبا نسير المكتبة لاني أيا أشتري غرض ناقصني فقلت حق أخوي يودينا ..

المهم ودانا أخوي ووقفنا جدام المكتبة ( المكتبة موجودة ف البريمي بس بدون ذكر أسماء )

فقلتله منو يشتغل فيها قبل ؟؟ اذا كان ريال ما بدش قالي هاي يشتغلن فيها بنات دخلن وأنا بترياكن قلنا أوكي ..

المهم تونا نازلين وقبل ما ندخل بشوي شفنا واحد من الشباب ظاهر من المكتبة وكان قبل ما يطلع واقف ع الباب ويضحك ويسولف جنه اللي يسولف وياها اخته أو أمه ..

المهم نحن دخلنا عقب ما ظهر .. وكان ف المكتبة بنات يشتغلن ( اللهم لا شماته وحدة من اللي يشتغلن حاطة ميكب كامل ومطلعة قصتها من جدام والنظارة فوق وأسلوبها ما عيبني طول وماسكة موبايلها ) وأنا شخصيا ما ارتحتلها طول ولا اختي ارتاحتلها ..

والثانية على نياتها وباين من ملامحها أنه ما عايبنها تصرف اللي عندها .. بس السيئة تعم .. وهم بيعممون على الكل مب على وحدة بس ..

فنحن سرنا عند الثانية فكل ما نطلب منها شيء تقول ما أعرف وشكلها متضايجة لآخر درجة .. وعقب يلست بروحي أدور وحصلت الأشياء اللي أباهن أونه تقول ماشي عندهم ..

المهم أنا عصبت واشتريت اللي اشتريته وظهرت ..


الحين :

برايكم منو المسؤول عن هالبنات اللي يشتغلن لا رقيب ولا حسيب ؟؟

وبرايكم هل الحاجة تخلي الواحد يخلي بناته يشتغلن ف الاماكن العامة ؟؟

وأنت كشاب ترضى حق حد من أهلك يشتغل في مثل هالأماكن ؟؟

وأنتي كبنت ترضين تشتغلين وتتعرضين لمثل هالمواقف البايخة ؟؟ ( مثل ما يقولون السيئة تعم ) ..



دمتم بحفظ الله ..

ننتظر آرائكم ...

خويتكم : بنت البريمي
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
أولا اشكرج على طرح القضية اختي

اختي عمرة الشغل ما كان عيب معما يكون
اذا هو شغل محترم أكيد ما فيه شي
ولكن العبرة مب في الشغل العبرة في الي يشتغل

غذا انتي ذكرتي هالموقف انا احب اذكرلج موقف مضاد تماما

أنا مره حصلت بنت تشتغل في مكتبة نفس ما قلتي
والمكتبة في البريمي
ولكن مثل اخلاق هذيج البنت ما كد شفت
ما شاء الله عليها
قمة في الادب والأخلاق
وهيه بأخلافها تجبر كل من يدخل عليها مهما كان طبعه يحترمها
وغيرة الكثير اختي

والبنت الي تبي تسوي هالحركات بتسويها حتى لو تشتغل في مسيد والعياذ بالله

أختي في النهاية أخلاق المرأ مرآته التي تعس صورتة للناس

طبعا البنت الي تكلمتي عنها بنت منحطة
وحتى لو اهلها سكرو عليها في مندوس ما بتوب عن حركاتها
هذا اذا كان أهلها يدرو عنها

السموحه على الكلام الي قلته ولكن بالفعل شي يقهر الي يصير

ما كنا نتوقع فيوم انه نوصل الى هذي المواصيل
نسأل الله العفو والعافيه
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
أولا اشكرج على طرح القضية اختي

اختي عمرة الشغل ما كان عيب معما يكون
اذا هو شغل محترم أكيد ما فيه شي
ولكن العبرة مب في الشغل العبرة في الي يشتغل

غذا انتي ذكرتي هالموقف انا احب اذكرلج موقف مضاد تماما

أنا مره حصلت بنت تشتغل في مكتبة نفس ما قلتي
والمكتبة في البريمي
ولكن مثل اخلاق هذيج البنت ما كد شفت
ما شاء الله عليها
قمة في الادب والأخلاق
وهيه بأخلافها تجبر كل من يدخل عليها مهما كان طبعه يحترمها
وغيرة الكثير اختي

والبنت الي تبي تسوي هالحركات بتسويها حتى لو تشتغل في مسيد والعياذ بالله

أختي في النهاية أخلاق المرأ مرآته التي تعس صورتة للناس

طبعا البنت الي تكلمتي عنها بنت منحطة
وحتى لو اهلها سكرو عليها في مندوس ما بتوب عن حركاتها
هذا اذا كان أهلها يدرو عنها

السموحه على الكلام الي قلته ولكن بالفعل شي يقهر الي يصير

ما كنا نتوقع فيوم انه نوصل الى هذي المواصيل
نسأل الله العفو والعافيه

تسلم اخوي الأرجنيني ع المرور الطيب .. نورت بتواجدك ويانا ..
الحمدلله الدنيا بعدها بخير وأنا ما عممت طبعا فيه بنات قمة ف الاخلاق والأدب مثل ما ذكرت بس بعضهن يشتغلن بس عشان يسون حركاتهن البايخة والوحدة لو بغت تحشم عمرها بتحشم عمرها لو فوسط رياييل ومثل ما قلت لو بغت تسوي بلاويها بتسوي حتى لو أهلها صاكين عليها بقفل يعني ف النهاية يرجع لشخصية الوحدة ونيتها ..

بس الواحد ينقهر لما يشوف هالحركات جدامه .. يعني اذا اهلها غابوا عنها .. ترا الله موجود بس قالوها
(إذا لم تستحي فافعل ما شئت ) ..

ما نقول غير الله يعين ..

مشكور مرة ثانية ع المرور ..
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
العفو اختي

بس صدج الموضوع يقهر

كنا نشوف هالحركات من البنات الوافدات
بس الحين صرنا نشوفها من بعض بنات البلاد
 

ناصر الخميساني

¬°•| مُخرج |•°¬
إنضم
1 نوفمبر 2007
المشاركات
3,449
العمر
35
الإقامة
البريمي نور عيني
بعد السلام..

كثرت هذه الظاهرة في مدينتنا الغالية..

صارت أغلب البنات تسوي مثل هالحركات..





المسؤول الأول والأخير هو (الوالدين).. لانه التربية تنعكس صورته ف المجتمع..
إذا كانت البنت أو حتى الولد مع بيئة قذرة فإن صورته قذرة أمام الناس
والعكس صحيح





ونحن لا نعيب على بناتنا، بالعكس والنعم فيهن، لما يشتغلن ما ينتبهن لسفاسف الأمور
(أنا عندي شغل، إذا أركز فيه)





الحالة ف البريمي كما يراها معظم الشعب العماني، إنها راهية جداً بالسكان وبالأسواق، وإن الناس اللي فيها ما محتاجين،
أنا أشتغل ف لجنة الزكاة..

والله
وبالله
وتالله
إنه أكثر من 750 عائلة ف البريمي محتاجة وأكثر من 300 حالة حاجتها شديدة يعني ما عندها تاكل ليومها..
فأكيد انه بعضهم عادي يشغل بناته ف مثل هذي المكاتب.. ومثل ما قلت هي في النهاية قضية



أخلاق



تقبلوا مروري
وشكراً أختي بنت البريمي ع الطرح الجميل
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
921_21223126953.jpg

السلام عليكم ورحمة الله وبركاتهــ،،
أسعد ،، اللهــ،، [ صباحاً / مساءً ] بكل خير ،،~
921_01223127266.jpg

عادي ،، الحين اللي ماسك على دينه كانه ماسك على الجمرة ،،

لي عودة !!
،،
921_01223128479.jpg
 
إنضم
19 يوليو 2008
المشاركات
1,309
الإقامة
Between four walls
طبعاً في البداية اشكر اختي العزيزة الغالية بنت البريمي الي طرحت هالموضوع وهو في الصميم بصراحة ،،،، وانا اشهد بهالشي ،،، وصارلي كذا موقف مع بنات بس انا من النوع الي يطنش ،،، الحمدلله اهلي مربييني احسن تربية ،، وانا عن نفسي ما انزل مستواي بهالوث _

وانا اللحينه بتكلم بلسان صراحة _ وبليز شاركوني الرأي ويكون بمصداقية _

برايكم منو المسؤول عن هالبنات اللي يشتغلن لا رقيب ولا حسيب ؟؟
اول شي مسؤولية الاهل والتربية الصالحة تنشئ ناس كفء وقد الشغل _
ثاني شي تكون مسؤولية الحكومة إلي لا مشغلة حد ولا شي كله بواسطات وما موفرة حق عيال الناس وظائف ولا شي_ وهالذنب على رقابهم تراه مب على الناس _


وبرايكم هل الحاجة تخلي الواحد يخلي بناته يشتغلن ف الاماكن العامة ؟؟
طبعاً لأنه مش كل اهل البريمي مقتدرين مادياً ، فيضطرون يشغلون بناتهم قوم 100 - 150 ريال وتكرف المسكينة دوامين بس عشان تساعد ابوها وامها _ طبعاً الشؤون الاجتماعة مالها خص مخليه نفسها لكن الله فوق.

وأنت كشاب ترضى حق حد من أهلك يشتغل في مثل هالأماكن ؟؟
بصراحة لأ_


وتسلمين على الموضوع_
 

ريانووو

¬°•| عضو مميز |•°¬
إنضم
13 أكتوبر 2008
المشاركات
282
الإقامة
ف قلبه

مشكورة فديتج ع طرحج للموضوع
وحابة اقولج شي لاحظت من رمستج انج انسانة راقية باخلاقج و الله يحفظج لاهلج
الشي الثاني كان ممكن تسيرين لهالبنية المتكشخة و تكلمينها جان كفختيها ع براطمها ...
ها مكان شغل مب عرس المفروض انها تشوف الزباين شو يبون ع سب ما تخسر بس دام انها جي هي قاعدة تسئ لعمرها و لغيرها وللمكان اللي تداوم فيه..
فالله المستعان يقولج ها نقطة ف بحر ف مالنا غير نقول الله يهدي الجميع...
والسموحة منج..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
بعد السلام..

كثرت هذه الظاهرة في مدينتنا الغالية..

صارت أغلب البنات تسوي مثل هالحركات..





المسؤول الأول والأخير هو (الوالدين).. لانه التربية تنعكس صورته ف المجتمع..
إذا كانت البنت أو حتى الولد مع بيئة قذرة فإن صورته قذرة أمام الناس
والعكس صحيح





ونحن لا نعيب على بناتنا، بالعكس والنعم فيهن، لما يشتغلن ما ينتبهن لسفاسف الأمور
(أنا عندي شغل، إذا أركز فيه)





الحالة ف البريمي كما يراها معظم الشعب العماني، إنها راهية جداً بالسكان وبالأسواق، وإن الناس اللي فيها ما محتاجين،
أنا أشتغل ف لجنة الزكاة..

والله
وبالله
وتالله
إنه أكثر من 750 عائلة ف البريمي محتاجة وأكثر من 300 حالة حاجتها شديدة يعني ما عندها تاكل ليومها..
فأكيد انه بعضهم عادي يشغل بناته ف مثل هذي المكاتب.. ومثل ما قلت هي في النهاية قضية



أخلاق



تقبلوا مروري
وشكراً أختي بنت البريمي ع الطرح الجميل


تسلم اخوي المهندس على التنبيه والتوضيح ومثل ما قلت هم ماخذين هالفكرة بس ما يعرفون بالحال ..

وجهة نظرك عا لعين والراس ونحترمها

دمت بحفظ الله
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
921_21223126953.jpg

السلام عليكم ورحمة الله وبركاتهــ،،
أسعد ،، اللهــ،، [ صباحاً / مساءً ] بكل خير ،،~
921_01223127266.jpg

عادي ،، الحين اللي ماسك على دينه كانه ماسك على الجمرة ،،

لي عودة !!
،،
921_01223128479.jpg

كلامج فمحله ..

دمتي ع الطاعة وننتظر تعليقج ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
اليوبيل الماسي: تسلم اخوي على هالمداخلة الطيبة ..

نحن ما بنعيب على الشغل .. عمره الشغل ما كان عيب ..بس اللي بيشتغل بيسوي سمعة طيبة حق عمره ..

وبعدين المحتاج مستحيل يسوي هالسوايا .. المحتاج اهم ما عنده سمعته وكرامته فوق كل شيء ..

ع العموم ما نقول غير الله يعين ...

دمت ع الطاعة ..



ريانو : مرورج الأروع فديتج وتسلمين لا هنتي ع المداخلة .. ومن طبعي ما أحب أني اتداخل ويا هالأشكال لأنهم ما يحبون النصيحة وأنا متأكدة من هالشيء وبعدين هيه تعرف الصح من الخطأ فأنا ليش أورط نفسي فيها ..

ع العموم ما نقول غير الله يعين والله يستر من بلاوي هالزمن ....

الله يهدي جميع الشباب والبنات ..
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
شكلي عرفت المكتبه اللي تقصدينها بس الله يستر عليهم

شوفي فديتج ترى الشغل بالنهايه مب عيب العيب ع اللي ماتعرف تحافظ ع سمعتها تتعدل وتتكشخ عشات تلفت الانتباه
ويوم يدخل ريال تقوله حاظر ع العين والراس ولو البنت دخلت عطتها طاف وترمسها من طرف خشمها

وبعدين راعي المكتبه لو فيه ذرة احترام جان مسك هالبنيه و رمسها وقال لها لاتسوين جيه وانا ابغي سمعه طيبه للمكتبه

بس الظاهر اهو عايبنه الوضع لان هالطريقه تلفت انتباه الشباب وتجذبهم بس المفروض منها مابسوي فل ميكب حشى وين رايحه عرس

بسوي خفيف ميكب بناتي مابسوي ميكب يبين اكبر عن سني ,,,,,

اهم شي البنت تمسك عمرها وتحترم نفسها ولاتسيئ سمعتها وسمعت اهلها بالنهايه كل شي بطيح ع الاهل وسمعتهم اهم بتضيع

مب بس هي لكن منو يفكر يعرف هالشي الا نادر من هالبنات المحترمات واللي اخلاقهن عاليه


قسم بالله شي يقهر والله

تسلمين فديتج ع الموضوع




 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
برايكم منو المسؤول عن هالبنات اللي يشتغلن لا رقيب ولا حسيب ؟؟
الاهل طبعا ..
وبرايكم هل الحاجة تخلي الواحد يخلي بناته يشتغلن ف الاماكن العامة ؟؟
هيه .. عادي احينه البنات يشتغلن اي شغله عسب ايساعدن اهلهن ويمشن حالهن .. بس شرط انهن يحافظن ع كرامتهن والاحترام..
وأنتي كبنت ترضين تشتغلين وتتعرضين لمثل هالمواقف البايخة ؟؟ ( مثل ما يقولون السيئة تعم ) ..
المهم اني اكون ساترة عمري ومحترمة وما علي من كلام الناس .. واني ما ارابع البنية الي بتكون شرات ذيج .. وابتعد عنها ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
فراولة شقية وقطوة البريمي :


مشكورات فديتكن ع المرور الطيب وما أزيد على كلامكن ..


دمتن بحفظ الله ..
 

AMS

¬°•| عضو مميز جدا |•°¬
إنضم
29 مايو 2008
المشاركات
600
الإقامة
I don't know
من صدج ؟؟؟؟؟

برايكم منو المسؤول عن هالبنات اللي يشتغلن لا رقيب ولا حسيب ؟؟
الله يخلي الاهل والمدير ....
تربيه لا يعله عليها ....

وبرايكم هل الحاجة تخلي الواحد يخلي بناته يشتغلن ف الاماكن العامة ؟؟
ليش لا ....
بس مب تكون اوفر و ميك اب واضح من اخر الشارع....


وأنتي كبنت ترضين تشتغلين وتتعرضين لمثل هالمواقف البايخة ؟؟ ( مثل ما يقولون السيئة تعم ) ..
كيف يعني ...
لو قصدج اني اشتغل هذا الشغله ...
عادي بشتغل بس مب مع ميك اب وخرابيط الثانيه ...
بكون سونريته محترمه ....
..................
ولو كان قصدج اني لو كنت مكانج وشفت هذي اشكال....
بصراحه كنت اطلع كما دخلت واروح لمكتبه ثانيه ....
استغربت لما قلتي انج اشتريتي منهن ....
يمكن لاني ما احب ادور( اسال واخذ) ولو يلي في محل قال ما ادري دوري اقوله اوكي باي ....
الا لو كان شي مهم مهم مهم....
...........
ما اظن ان هذي اشكال من دوله اظن انهن وافدين من خارج ...
لانها لو كانت منا ما كانت تسوي يلي سوته ....
كل بنت سفير لدولتها حتى لو كانت فيها .....
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
أشكرج أختي بنت البريمي على غيرتج على بنات دارج و سمعتن ...
الخير يخص و الشر يعم للأسف يعني الثانيه لي حاشمه عمرها أكيد و صلتها الرمسه من وراء الثانيه ...
أنا عن نفسي ما أرضى على أهلى يعملوا بأماكن عامه فيها من كل هب و دب ...
و ما أختلف عن أخوي الأرجنتيني بالراي الحشيمه حشيمه و لكن تجنب للقيل و القال و كلام الناس لو أموت جوع أهلى ما يعملوا بمثل هذي الأماكن ..
أما موضوع الحاجة و دور الحكومة لا تعليق
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
برايكم منو المسؤول عن هالبنات اللي يشتغلن لا رقيب ولا حسيب ؟؟
الله يخلي الاهل والمدير ....
تربيه لا يعله عليها ....

وبرايكم هل الحاجة تخلي الواحد يخلي بناته يشتغلن ف الاماكن العامة ؟؟
ليش لا ....
بس مب تكون اوفر و ميك اب واضح من اخر الشارع....


وأنتي كبنت ترضين تشتغلين وتتعرضين لمثل هالمواقف البايخة ؟؟ ( مثل ما يقولون السيئة تعم ) ..
كيف يعني ...
لو قصدج اني اشتغل هذا الشغله ...
عادي بشتغل بس مب مع ميك اب وخرابيط الثانيه ...
بكون سونريته محترمه ....
..................
ولو كان قصدج اني لو كنت مكانج وشفت هذي اشكال....
بصراحه كنت اطلع كما دخلت واروح لمكتبه ثانيه ....
استغربت لما قلتي انج اشتريتي منهن ....
يمكن لاني ما احب ادور( اسال واخذ) ولو يلي في محل قال ما ادري دوري اقوله اوكي باي ....
الا لو كان شي مهم مهم مهم....
...........
ما اظن ان هذي اشكال من دوله اظن انهن وافدين من خارج ...
لانها لو كانت منا ما كانت تسوي يلي سوته ....
كل بنت سفير لدولتها حتى لو كانت فيها .....

تسلمين خويتي ع المرور الطيب وابداء رايج ...بس انا كنت مب فاضية ايلس ادور ف المكتبات مستعيلة ..

دمتي بحفظ الله ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
أشكرج أختي بنت البريمي على غيرتج على بنات دارج و سمعتن ...
الخير يخص و الشر يعم للأسف يعني الثانيه لي حاشمه عمرها أكيد و صلتها الرمسه من وراء الثانيه ...
أنا عن نفسي ما أرضى على أهلى يعملوا بأماكن عامه فيها من كل هب و دب ...
و ما أختلف عن أخوي الأرجنتيني بالراي الحشيمه حشيمه و لكن تجنب للقيل و القال و كلام الناس لو أموت جوع أهلى ما يعملوا بمثل هذي الأماكن ..
أما موضوع الحاجة و دور الحكومة لا تعليق

تسلم أخوي بو سلطان ع المرور الفنتك ..

وتسلم على غيرتك على اهلك .. رايك عين العقل ..

دمت بحفظ الله ..
 
أعلى