هلموا هنا ي سنااافر

ونه العوود

¬°•| عضــو مــهــم|•°¬
إنضم
12 يوليو 2012
المشاركات
2,038
الإقامة
البريمي
سلام عليكووووم

كالعاده ايي اتسحب واكتب موضوع ومحد يكون داااااش...قق21

قسمي الحبيب قسم الطرائف شهر ونص م كتبت فيه شي..المشكله م فيه طلعات لمسقط ودنيا وسوالف وضحك

عاد اليوم بتكلم عن الحكاوي اللي صارتلي فالواتساب..من ضحك وعنف ومقالبي مع سنااافري وإلى أخره ققق1

بتكلم عن أختي واخوي وربيعتي..



بسم الله:



أختي:

أحيانا أنا أنام عقب صلاه الفجر..وأختي دايما تنصحني تقولي باكر اباج تقومين من الصبح انزين..اقول لها هيه انزين..يا ويلج لو ما قمتي والحين يلا نامي ولا تسهري..انزين بس بعد شوي الحين م فيني نوم..

ويوم يصبح الصبح خبر خير ونه الله وكيلج بس روحي انتي روحي قق111

ويوم تشوفني م قايمه اطرش على الواتساب تكتب جي م تناديني باسمي:

ونه ونه ونه ونه العوود...فيسات...ونه ونه ونه ونه...وانا م ارد عليها اخليها تهذر بروحها...ونه ووجع وتحط فيس معصب عاد يوم اقوم من النوم سيده ازخ الفون..إلا اشوف البنت موصله 20 رساله غير مقروءه وااابوج شو مستوي؟؟!!

الأ اشوف كله ونات ووجعات وفيسات ققق1

هههههههههه وكم مره اريد احظرها..أقول لها شوفي اذا بترسلي جي دوم بحظرج تراه..وتستغرب كيف انا اقول جي ونحن علاقتنا فبعض قويه ققق1



أخوي

دش علي فالواتساب عرض..وحاط فيس يضحك..بسم الله شسالفه كيف مب فاهمه شي وكله فيسات ضحك..سالت اختي قالتلي حتى انا يرسلي فيسات بس م يتكلم..قلتلها صبري نشوف اشصاير؟؟!!

ورحتله قتله..سلامات منو الريال؟!!..قام يحط فيسات بعد..قلت فخاطري لازم اقوى شوي عشان يرد بكلام ويقولي شوفيه..قتله أخوي ممكن نتعرف؟؟!!...هههههههههههه قالي أنا م ينقص علي بسهوله أنا ما مال تعارف..ههههه وتمي يسولف ويسولف ويسولف

وأخيراً فرجت خخخخخخخ


ربيعتي:

مره سويت لربيعتي مقلب مزاحي وبنفس الوقت صدقي...:

ونه اشفيج؟؟...ما فيني شي..لا فييج شي قولي يلا عاد..مافيني شي خوزوا عني..هههههههه انا زعلتج قتلج شي..لا أنا م زعلانه منكم أنتوا الكل فالكل أصلا انا م ازعل شتوره..عيل اشفيج؟!!..م فيني شي بس ابا اقعد بروحي..ي ربي ونه يلا قولي ترا بزعل..عادي زعلي الحين الكل انا م يحبني وبسرعه يزعل مني مع اني م ضريتكم بشي..ونه انتي شي فيج انا حاسه قولي..م فيني شي خوزي عني..ونه بليييز اذا تعزيني قوليلي ولا لأن قتلج شي وزعلج وانا م حسيت؟؟!!...لا م قلتي شي انتي بس انا ابا اقعد بروحي..أوك براحتج بس اذا تبي تتكلمي انا عندج اعتبريني اختج.. قق111
بعد شوي

ونه بليييز م قادره انام قولي اشفيج؟؟!!...م فيني شي صدق..عيل ليش ساكته وما تتكلمي.؟؟!!...انا بفتقدكم..وين بتروحي؟؟!!...بفتقدكم بروح اي مكان..ونه تراج خوفتيني قوليلي اشصاير؟!!..م صاير شي بس السالفه ومافيها اني بفتقدكم..يعني بتتزوجي؟؟!!..بفتقدكم م اقدر اقول غير ذا الكلام.. قق21


واليوم الثاني لما ييت اسلم عليها ققق1

قالتلي انتي شو سويتي امس..قتلها م سويت شي..امس كان ذاك مزح ولا صدق؟؟!!..لا صدق انا بفتقدكم ولين الحين بقولج..انزين ليش ممكن تقوليلي؟؟...
قلتلها بيخلص اشتراكي وما بشوفكم ولا بسولف معاكم بفتقدكم ههههههههههههه




أبــــــــــــــــــــــــو المقلب قق111


قالتلي تراج صيحتيني وانا عبالي شي صاير ههههههههههههه...


بس اللي استغربت منه..انهم بنات يتقبلوا كل شي..واذا م سولفت معاهم ايلسوا يتسالوا والخاص فوق 5 رسايل من كل محادثه...ونعم البنات صراحه حبيتهووون من القلب :شش11:



وبس ذا اللي صار...بس المقلب اللي سويته فربيعتي طلع نايس..هو كان صدق الكلام مب كذب لان اشتراكي كان بيخلص..ومافيه كيلوبايتات عشان اراسلهم :imua18:



اجمل التحايا:ونه العوود crazy rabbit4
 
التعديل الأخير:

ŔξVẼήĜξ

¬°•| فنّانُ أسـطوري |•°¬
إنضم
25 ديسمبر 2011
المشاركات
14,512
العمر
29
الإقامة
● ғαηтαsч ●
::126

::126 الأ اشوف كله ونات ووجعات وفيسات ::126

crazy rabbit4
ههههههههههه
،
مواقف تضحك
الله يخليكم لبعض كلكمـ
وولكم باك

::126
 

أُنْثَے مِنْ ~ بَيَآضْ

¬°•| راعية واجب|•°¬
إنضم
9 أكتوبر 2010
المشاركات
2,060
الإقامة
أَقْطُنُ فِي نَقِيضِ الخُلْدْ ..*
ههه !
ما شاء الله عليك طريفهْ ..*

ربِّيْ يحفظكم دومْ لِـ بعضْ ضْ ..،
آستمتعتْ بالقرآءةة ..

شُكراً عطراآ
وِدِّي


،
 

المزن

¬°•| روح حلوة |•°¬
إنضم
18 أغسطس 2011
المشاركات
4,139
العمر
24
الإقامة
England ♡
هههه
،
اسميج يا ليلة حركات ففق22
،
طرح جميل !
الله يخليلج اخوانج وربعاتج
تقبلي تحياتي
،
المزن
:bounce:
 

زهرة الجوري

¬°•| مُشرفة الأخبار المَحلية و العالميّة |•°¬
إنضم
22 يونيو 2011
المشاركات
992
ههههه
ماشاء الله عليج ونه
الله يخليكم لبعض :004:
 

حكآيةة غيم

¬°•| الكلمة الحلوة |•°¬
إنضم
10 أبريل 2013
المشاركات
1,764
الإقامة
بَين ثنـآيآ قَلـمي..♥~
ونــه الـعوود:imua40:
عــليج ســـــــــوالف خخخخخخخخخخخخ ههههههههههههه
تسلمين ع الطرح الغاوي
 
أعلى