أن تحب شخصاً يعني أن تصنع له شيء لذيذ

مـريم

¬°•| حظ عينيـے لو تشوفگ گل يوم |•°¬
إنضم
22 نوفمبر 2010
المشاركات
1,437
الإقامة
ما وراء الإنترنت
السلام عليكم ورحمة الله وبركاته



أسعد الله أوقاتكم بكل خير جميعاً Red fox2

موضوعي يتكون من 3 أطباق شهيه خفيفه لذيذه :imua54:

- برياني ربيان
- سلطة الطحينية
- كيكية المربى


نبدأ بسم الله بالثقيل ::86



برياني الربيان

- نجهز العيش
- الربيان جاهز مقشر انظفه نشل منه الخيط الموجود
- نقطع بصل وكزبرة حسب كمية الربيان
- ندق 3 فصوص ثوم أو أكثر نحط معاه ليمون يابس زنجبيل أخضر شوية وكركم وملح وبهار

- نحمس البصل وبعدها نظيف له الربيان والثوم وباقي الأشياء اللي معاه
- آخر شي نحط له الكزبره
- نغطيه نخليه على النار لين ما ينشف منه الماي يعني صار جاهز

- بعد ما يجهز نصبه على العيش اللي مسويينه من قبل ونخلطهم مع بعض


3QeGnM4.jpg





السلطة

- بطاط مقطع مربعات
- كوسا مقطعة مربعات ( أو باذنجان )
- خبز مقطع مربعات

- نقلي كل شي بروحه مايصير نقلي البطاط مع الكوسا لانها تستوي أسرع
نحطه في ورق نشاف عشان يتشرب الزيت بعدين نحطهم في صحن وفوقه الخبز

- نسوي الطحينية ( 2 م ك طحينية , 3 م ك روب , م ص زيت زيتون , نص ليمونه صغيره ,ربع م ص سنوت [كمون] , رشة ملح وفلفل اسود , ماء تقريبا فنجانين أو أكثر خلوها شوي سائله )

XRqEa4t.jpg


كيكية المربى


2 كوب طحين
1 كوب سكر
4 بيضات
ربع كوب زيت
1 كوب ماي دافي
4 م ك حليب نيدو
3 م ص بكنج بودر
شوية فانيليا


- نخفق السكر مع البيض لمدة 5 دقائق ونظيف له الماي والزيت والفانيليا
- نخلط الطحين مع الحليب والبكنج بودر ونظيفهم للخليط

نصب نصف الخليط في بايركس اخترت البايركس الدائري , ندخله الفرن بعد ما يخلص نحط الباقي وندخله الفرن

- نحط المربى أو الكراميل أي نوع فوق الطبقة الاولى ونسكرها بالطبقة الثانيه
نرش عليها سكر مطحون ..تقدم باارده


JGeW3p1.jpg





وهني وعافية ::36


35006h2f2.jpg
 
التعديل الأخير بواسطة المشرف:

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
red-crab5

طريقة البرياني جميله .. يبالها تجريب مع الربيان


السلطه أفضلها بدون كوسا لن الكوسا المقليه بعيد عنها ..


يعطيج العافيه .. ممتاز التنسيق ..
 

مـريم

¬°•| حظ عينيـے لو تشوفگ گل يوم |•°¬
إنضم
22 نوفمبر 2010
المشاركات
1,437
الإقامة
ما وراء الإنترنت
red-crab5

طريقة البرياني جميله .. يبالها تجريب مع الربيان


السلطه أفضلها بدون كوسا لن الكوسا المقليه بعيد عنها ..


يعطيج العافيه .. ممتاز التنسيق ..

الله يعافيك
جرب البرياني وايد حلو
السلطة أول مرة أجربها بالكوسا حلوة بس الكوسا المقلايه تعطي طعم سكري
بالعاده الباذنجان حلو مع البطاطس
شكرا لك
 

ŔξVẼήĜξ

¬°•| فنّانُ أسـطوري |•°¬
إنضم
25 ديسمبر 2011
المشاركات
14,512
العمر
29
الإقامة
● ғαηтαsч ●
بسم الله الرحمن الرحيم
السلام عليكم ورحمة الله وبركاته

حبيت السلطة بصراحة
ﻷني أحب طعم الطحينية ويا الباذنجان . .

ما شاء الله عليج أطباق متكاملة
تستاهلين التقييم
وافر الإحترام
 

«|شمُوخْ|»

¬°•| مشرفة سآبقة |•°¬
إنضم
27 ديسمبر 2010
المشاركات
5,861
الإقامة
ما أعـلنت حبّي لـ { البريمي } إلا لأنـي من عربـها
وعليكم السلام ورحمة ا لله

ما شاء الله 3 اطباق متنوعه
وطريقة الوصف حلوه وما عليها كلام

بجرب السلطه والكيكه::128
بس الربيان ما احبه

تسلم الايادي شيف مريومه
تقبلي مروري + تقييمي

احترامي وتقديري
 
أعلى