حركات الشباب وقت المذاكره هههههههه

خالد الشامسي

:: فريق التغطيات التطويري ::
إنضم
21 يوليو 2012
المشاركات
3,729
الإعجابات
14
#1
[SIZE=+0]الله يخليكم بس اتخييلوووواا

حركات الشباب ايام المذاكره .... حلييييييييييلهم

عفيـــة ع الشطاااااااار

1- الثلاث وجبات الرئيسيه لابد منها ويقعد عليها قعده (يوعان المسكين ما ينلام) واحيانا يزيد وجبات اضافيه اذا كانت الماده دسمه.


2- يقعد يسوي عمره ملان وتعبان ويسير عند امه ويقولها ياربييييي مب قادر اذاكر مدري شو فيني حاس بكتمه .. الظاهر حد صاكني بعين .. تقعد امه المسكينه تقرا عليه وترشه من ماي زمزم ..
كل ها عشان اذا رسب يقولون ضاربينه بعين (انا ما اقولكم انه كل الي يسوون جيه يجذبون لان العين حق بس الغالبيه يمصخونها)



3- بعضهم ينزل عليهم وسواس نظافه ايام الامتحانات يتسبح الصبح والليل وقبل كل صلاه وكل ما قالت له امه باجر امتحانك ذاكر خلاص تقشر يلدك من السبووح .. قالها امي ان الله جميل يحب الجمال (وطبعا هالمثل ما ايي على باله الا وقت الامتحانات) ولا يطيح تلميع وتغسيل بالسياره وطبعا هذي من واجباته اليوميه


4- وبعضهم تنزل عليه صلة الرحم فجأه يقوم يكلم واحد من ربعه اليدام الي من زمان ما كلمه .. يبي يشوف اذا ما عنده شي .. يمره بعد العصر يسلم عليه ويشوف شو صار عليه ويشغله عن المذاكره .. ويمر على يدته ويده وكل اهله يبداهم زياره من اول يوم لاخر يوم من الامتحانات وبعد الامتحانات (مسااااااااااااااافر في زمن النسيان)


5- وهذا المسكين اللي من قل الحيله الي يعور القلب لاقفلت معاه ... مسك المخده ونام لين ما تنششه امه الصبح ويقول يووووووه راحت عليه نومه


6- الي يأنبه ضميره ولازم يدخل المنتدى يشوف من رد على مواضيعه ومنو نزل موضوع يديد وما يودر موضوع إلا ويرد عليه ولا ويطيح رسايل خاصه لكل الاعضاء الي فاقدنهم طبعا هم لهم شهور ما دخلو بس توه يحس انه افتقدهم


7- وشي نوع الي ما يصلووون و يقيمون صلاتهم في البيت... عاد ايام الامتحانات .. تقول الله هداهم والخمس صلوات كلها في المسيد .. وبعد الامتحانات يرد شرات قبل وألعن


طبعا كل هاااا عشان يشغل عمره عن المذاكره ... اطلعو على حقييقتكم

والسموووووحه ع القصوووور
[/SIZE]​
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,431
الإعجابات
0
الإقامة
في قرية التوت
#3
ههههههههههه

اعترف ذيب شو سويت انت ايام الامتحانات ؟؟ققق13

طرح جميل بس يبالهم شوي red-crab13
 

اسطورهـ

¬°•| عضو مبتدى |•°¬
إنضم
18 أكتوبر 2012
المشاركات
46
الإعجابات
0
الإقامة
البريمي داري والشريعه معادي
#4
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ:ش8:
 

ˇعنودْھَہ ♡

¬°•| مشرفة الِضِيافَة والترحٌيبْ |•°¬
إنضم
1 يوليو 2011
المشاركات
3,035
الإعجابات
0
العمر
21
الإقامة
ف بيتنآ «●•
#6
ههه
هيه وآلله لآزم هآلحركـآت
يضيعووون وقت ..
::23
آمـآ آلبنوتـآت يحليلهن ههههه
مجتهدآت .. :ast7y:
،
شكرآ لك ذيب آلمعآني
ودي
 

إحسآإسي غير

¬°•|مشرفة طٌـلبـِة الْـمٌداِرًسَ |•°¬
إنضم
29 سبتمبر 2009
المشاركات
8,259
الإعجابات
5
العمر
19
الإقامة
..~{ البريمي }~..
#7
هههههههههه و الله طلعتوا مب هينييين ^^
فديتنا فترة الاختبارات دح 24 ساعة onion head4
بالتوفيق للجميع .. طرح جميل ::23
 

تمثال التفاؤل

¬°•| عضو مميز جدا |•°¬
إنضم
13 يوليو 2012
المشاركات
678
الإعجابات
0
الإقامة
فوق السحاب
#8
هههههههههههه ...يالتيني كذا ايام الامتحانات
زين اتغدا بس ... وما احب اشوف حد وووو

طرح ميمز خيوو
لك احلى تقيم
 
أعلى