:: زوآج آلبنآت في سن صغير ::

ღ أ”أ£أ¦أژ ღ

زائر
:: زوآج آلبنآت فـ سن صغير ::

.. السلام عليكم ورحمة الله وبركاتة ..

شحالكم ؟؟ ربكم بخير


بدخل فـ الموضوع دايركت بدون مقدمات و خرابيط

موضوعي عن زواج البنات فـ سن صغير

بصراحة أنا ما أحب اترمس فـ هالمواضيع بس من اللي اشوفه جدامي ..

قبل ما انزل الموضوع انهزبت خخخخخ .. قالوا لي ما يخصج فـ ذي المواضيع ولا تتكلمين فيها

بس قلت لازم اطرحه وشوف رايكم و خاصتاً أن ألحين وايد تصير ذي الشغلات يعني تلقى البنت ما مكمله 17 سنة و هي فـ بيت ريلها

المهم .. وايد منا مرت عليه شرات ذي المواقف و سمع عنها

بخبركم عن موقفين مرن علي و أنا فـ المدرسة ...

ذيج السنة كانن عندنا بنتين مخطوبات وحدة فـ الصف السادس [ 12 سنة ] و الثانية فـ السابع [ وبعد عمرها 12 سنة ] و ذي السنة معرسات خخخخ
حتى المعلمات كانن يوم يشوفنهن يستحقرنهن
و لا بعد عادي أي حد يسألهن بيخبرنه .. المدرسة بكبرها كانت تدري عنهن
12 سنة يعتبرن يهال .. ليش أهلهم وافقوا أنهم يزوجونهن ؟؟

يبون الفكه منهن ؟؟ ولا الستر ؟ شرات ما يقولون بعض الناس

و هاي وحدة ثانية كانت فـ صفنا يعني فـ نفس عمري
ألحين هي مخطوبة و بعد العيد أن شاء الله بيكون عرسها .. و اللي ما خذنها أكبر منها بـ 9 سنوات و بعد ما يباها تكمل دراستها أونه يغار عليها ههههههههههههههههه

والمشكلة أنها هي موافقة و أهلها بعد موافقين

سؤال :: ألحين هو ليش ما خذنها عشان يربيها ولا شو بالضبط لوووول

و اللي قاهرني أن ما باقلها إلا كم سنة وبتخلص من المدرسة

يعني ما قادرة تصبر وهو بعد ما قادر



المهم

ألحين أريدكم تعلقون ع الموقفين اللي خبرتكم عنهن !!


أسئلة للشباب ::

1- هل تقبل أنكـ تتزوج وحدة أصغر منكـ فـ السن ؟؟

2- لو حد تقدم لأختكـ و هي فـ عمر صغير بتوافق ولا بترفض ؟؟


سؤال للبنات ::

1- هل ترضين أنج تاخذين واحد أكبر منج ؟؟



والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟

أنا أول وحده أعارض هالشيء :patch_no:

أريد أعرف رايكم ؟؟



















احترامي لكم // شموخ



:patch_lov:
 
التعديل الأخير بواسطة المشرف:

شيخة المزايين

¬°•| مُشرفَة سابقة|•°¬
إنضم
12 مايو 2008
المشاركات
1,605
الإقامة
ف بيتناااااااا
سؤال للبنات ::


1- هل ترضين أنج تاخذين واحد أكبر منج ؟؟

اكيد اخذ واحد اكبر عني بس مب وووايد


والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟
اكــــــيد ضد بس شو نسوي من يسمع الكلام
ووووايد منه اذكر لما كنت فالمدرسة اغلب البناات مخطوبات
يعني لا تستغربي وااايد منه هالايااام
 

احلى حنين

¬°•| عضو فعّال |•°¬
إنضم
7 أبريل 2008
المشاركات
159
سؤال للبنات ::


1- هل ترضين أنج تاخذين واحد أكبر منج ؟؟

ايوا ارضى بس مب واااايد



والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟

في الوقت الحالي ومن زمان بعد هالشي
البعض يعتبرها مشكلة وقضية يعني البنت ولا الولد يكونو في سن صغير

لــــــــــــــــــــــكن
من وجهة نظري انه ما مشكله بالعكس بتقلل من العنوسة في المجتمع..
و فارق السن اعتبره ما سلبي في حالة التفاهم بين الزوجين..


\\


احلى حنيـــــــــــــــــــــــن
 

كبـــــــريـاء

¬°•| مُشرفَة سَابِقِهْ |•°¬
إنضم
13 يناير 2008
المشاركات
2,664
الإقامة
بـــــلا وطن ،،،
شموخ موضوع جميل لكي يناقش ،،

فهذا الزمن حقيقة انا مع الاهالي اللى يزوجون بناتهم وهن صغااااااااااار !!!!
لان الزمن تغير والمشاكل بدت تزيد فأغلب الاهالي يفكرون بستر بناتهم من الاشياء اللى قاعده تصير الحين ،،


طبعا في نفس الوقت هذا يعتمد على البنت نفسهاااااااا ، في بعض البنات بصراحه (ع قوله الحريم يبالهن ريل لا يضيعن) وهذي النوعية اللى تتزوج ف سن صغيره يعني ف سن 16 او 17 ،،،
شغله ثانية هذا يعتمد على الاهل نفسهم تعرفي البيوت العمانية ما شاء الله عيالهم وايدن واغلب الاهالي يفكرون ان تزويج بناتهم وهم صغار يخلصهم من الحمل اللى هم يعيشونه !!!!

في النهاية : هناك اسباب تخلي من الاهل يزوجون بناتهم وهن ف سن صغيره ،،
يبالج تسوين استبياااااااااان يا شموخ هاهاهاهاهاها



سؤال للبنات ::


1- هل ترضين أنج تاخذين واحد أكبر منج ؟؟

عادي بس مب وايد يعني بسنتين اوكيه غير جيه لا طبعااا ،،

والأهم من هذا كله أريد أعرف رايكم فـ زواج البنات فـ سن صغير [ مع ولا ضد ]؟

محايـــــــــدة ،،،


طبعا نحن فعائلتنا ولا مره صار هالشيء لان نحن نؤمن

بان البنت لازم تكمل تعليمها وتأسس حياتها وبعدين يجي الزواج ،،
 

احساس قلبي

¬°•| عضــو مــهــم|•°¬
إنضم
30 مايو 2008
المشاركات
1,998
انا بالنسبه لي فانه ليس المهم هو فارق السن وانما هو تقارب الافكار والاهتمامات
ويكون فارق السن متقارب
فنرى احيانا ان الرجل يكون عمره 25 والمراة عمرها20 لكن تفكير المراة لازال صغيرا ولايستطيع الرجل التعايش معه
واحيانا ترى البنت عمرها 18 سنه ولكنها واعيه وفاهمة لمسؤليتها وتكون ناجحة في حياتها اكثر من البنت ذات ال25
فليس السن هو الماخذ الاساسي لنجاح الزواج وانما التفكير والنضوج



والرسول عليه الصـــــــــلاة والسلام تزوج السيدة عائشة وهي في سن التاسعة من عمرها



 

(الكعبي)

¬°•| مُِشْرٍفَ سابق|•°¬
إنضم
24 ديسمبر 2007
المشاركات
2,229
الإقامة
شمال عمان الغاااالية
موضوع ف قمة الابداع يااااااااشموووخ
ويسعدني ان أكوووون اول الشبااااااااااب ف الرد

أسئلة للشباب ::


1- هل تقبل أنكـ تتزوج وحدة أصغر منكـ فـ السن ؟؟
أكيد أقبل بس فااارق السن اكووون معقووول يعني بين 1/3 بس ...

2- لو حد تقدم لأختكـ و هي فـ عمر صغير بتوافق ولا بترفض ؟؟

اكيد الرفض لان البنت لابد ان تكووون مخلصة الثااانوية ع الاقل



ولي رجعت أذا تطلب الامر
 

غريب الدار

¬°•| مشرف سابق|•°¬
إنضم
18 فبراير 2008
المشاركات
910
الإقامة
البريـــــمي
- هل تقبل أنكـ تتزوج وحدة أصغر منكـ فـ السن ؟؟
اكيد طبعا...يعني فحدود الخمس سنوات معقول..

2- لو حد تقدم لأختكـ و هي فـ عمر صغير بتوافق ولا بترفض ؟؟
لا طبعا...لانها على الاقل لازم تكون مخلصه الثانويه...

بالنسبه لسؤالج ووهو اهم شي فالموضوع ...مادري الاهل لازم يغيرون نظرتهم شوي لزواج البنت وهي صغيره يعني لين تخلص الثانويه بعدني اشوفها البنت مب فسن الزواج...وبصراحه هالجيل كثر من البنات والشباب حتى يوصلون لمرحلة مابعد الثانويه والجامعه وبعده العقل الله هنه مب ذاك الزود...مش الكل بس نسبه كبيره واقول هالشي من اللي اشوفها جدامي وناس مقربين...فكيف هالبنت راح تتزوج وتنشىء بيت واسره...

تسلمين اختي شموخ عالموضوع الطيب ..

وتقبلي رايي المتواضع
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•

1- هل ترضين أنج تاخذين واحد أكبر منج ؟؟

هيه عادي المهم طرقة تفكيره واسلوبه يعني مايكون اكثر عن 30 سنه

والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟


طبعا ضد البنت الصغيره شو فهمها بالزواج ومسؤلياته خلها تكمل دراستها ابرك
وعقب يصير خير

 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
بالنسبه لموقف الاول يوم تقولي ان المدرسات كانن يستحقرنهن
الصراحه ما اشوف فيها شي اذا تزوجن
واهلنا اول يتزوجون وهم اعمارهم 15 واقل بعد

واذا كان على الدراسه البنت تقدر تكمل دراستها وهي متزوجه

صح انه بنات هالايام يبالهن يكبرن عشان يقدر الحياه الزوجيه لكن ما يمنع

وكلامي هذا مب دليل على انه انا مع زواج البنت وهي صغيره



اجابتي على الاسأله


أسئلة للشباب ::


1- هل تقبل أنكـ تتزوج وحدة أصغر منكـ فـ السن ؟؟

هيه عادي
بس ما تكون ياهل


2- لو حد تقدم لأختكـ و هي فـ عمر صغير بتوافق ولا بترفض ؟؟
لازم تكمل دراستها وهذا اهم شي


الأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟

ما عندي مانع ولكن فنفس الوقت ما اشجع
 

ღ أ”أ£أ¦أژ ღ

زائر
سؤال للبنات ::


1- هل ترضين أنج تاخذين واحد أكبر منج ؟؟

اكيد اخذ واحد اكبر عني بس مب وووايد

عاد اتخيلج شيخوه ماخذه واحد شيبه هههههههههه :patch_rir:

والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟
اكــــــيد ضد بس شو نسوي من يسمع الكلام
ووووايد منه اذكر لما كنت فالمدرسة اغلب البناات مخطوبات
يعني لا تستغربي وااايد منه هالايااام

انتي تعالي مدرستنا بس بتشوفين العجب لوووووووووول

مشكورة ع المرور
 

ღ أ”أ£أ¦أژ ღ

زائر
سؤال للبنات ::


1- هل ترضين أنج تاخذين واحد أكبر منج ؟؟
انا اوافق بالزواج من واحد اكبر مني

:patch_punnch:

بس ما أظن أنج تقبلين بواحد فوق الخمسينات صح ؟؟ هع هع


مشكورة ع المرور
 

ღ أ”أ£أ¦أژ ღ

زائر
سؤال للبنات ::


1- هل ترضين أنج تاخذين واحد أكبر منج ؟؟

ايوا ارضى بس مب واااايد



والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟

في الوقت الحالي ومن زمان بعد هالشي
البعض يعتبرها مشكلة وقضية يعني البنت ولا الولد يكونو في سن صغير

لــــــــــــــــــــــكن
من وجهة نظري انه ما مشكله بالعكس بتقلل من العنوسة في المجتمع..
و فارق السن اعتبره ما سلبي في حالة التفاهم بين الزوجين..


\\


احلى حنيـــــــــــــــــــــــن

لا تعليق :patch_mechan:

مشكورة ع مرورج
 

سفير الحب

موقوف
إنضم
14 يونيو 2008
المشاركات
1,632
هل تقبل أنكـ تتزوج وحدة أصغر منكـ فـ السن ؟؟

أكييييد أقبل وطبعا ما أريد أكبر مني ..

لو حد تقدم لأختكـ و هي فـ عمر صغير بتوافق ولا بترفض ؟؟

من تخلص دراستها سواء كانت الثانوية أو الجامعية أكيد ما برفض ..

والأهم من هذا كله أريد أعرف رايكم فـ زواج البنات فـ سن صغير [ مع ولا ضد ] ؟؟

أقول أن الزواج نصف الدين ..
 

ღ أ”أ£أ¦أژ ღ

زائر
بصراحهـ تعبت خخخخخخخخخخ

مشكوووووووووورين ع مروركم وإبداء آرائكم ؟؟

بس تعليق ع كلام الأرجنتيني كح .. كح

الصراحه ما اشوف فيها شي اذا تزوجن
واهلنا اول يتزوجون وهم اعمارهم 15 واقل بعد

بس هذاكـ قبل

يعني زمنا غير عن زمنهم ألحين كل شيء تغير


البنات قبل مب شرا ألحين

يعني لو تتزوج وهي صغيرة مب مشكله تقدر تتصرف بس ألحين لو البنت تصكـ العشرين بعدها تكون مب قد الزواج





.

.

مشكووووووورين مرة ثانيهـ ^^
 
إنضم
19 يوليو 2008
المشاركات
1,309
الإقامة
Between four walls
1- هل تقبل أنكـ تتزوج وحدة أصغر منكـ فـ السن ؟؟
هيه بس تكون فاهمة الحياة شوي ما تكون حيرية.

2- لو حد تقدم لأختكـ و هي فـ عمر صغير بتوافق ولا بترفض ؟؟
أكيد برفض وبنفس الوقت بيكون قرار البنت اذا هي حابة تستقل او تكمل دراستها او تستقر في حياتها هي وريلها ، يعني رأي البنت مهم وايد تراه.
 
أعلى