بسم الله الرحمن الرحيم
.
.
[ مكبوس دجاج - دجاج مكبوس ]
المقادير : دجاج مقطع بدون جلد ، بهارات ، كركم، ملح ، هيل صحيح
عود قرفة صحيح ، زعفران ، فلفل اسود، ليمون يابس ، بطاطس ، فليفلة
بصل ، طماطم ، ثوم مدقوق ، زنجبيل كامل ، 3 قرون فلفل حار،
عصير ليمونه ، زيت ذرة ، زيت زيتون ، ماء للطبخ ، عيش منقوع .
الطريقة : يتبل الدجاج بالملح و البهارات و الفلفل و الزنجبيل المطحون
و عصير الليمونه و يترك جانباَ،و على قدر الطهي يقلى البصل لين
يصير لونه ذهبي ، يضاف إليه الطماطم و يقلب حتى ييذوب مع البصل ،
نضيف ورك + رجل الدجاجه إلى القدر و نستمر في التقليب قليلا ،
و بعدها نضيف الماي لين يغطي الدجاجة كاملة و نتركها لمدة 10 دقايق
و بعدها نضيف الليمون اليابس و الثوم و الزنجبيل و الهيل و القرفة
مع شوية زين زيتون و يتسكر القدر، و بعدها نروح لبقية الدجاج
و نصفه على صحن فرن مفروش بشرائح الطماطم و نحط له ليمون
يابس و كم فص ثوم مع شوي زيت زيتون و ندخله في الفرن لين
ما يحمر ، نرجع للقدر و نضيف البطاطس و الفليفة و أي خضره تحبوها ،
و حطوا شوي زعفران لين نص ساعة بالكثير و بعدها صفوا الماي
من جميع الاشياء اللي حطيتوها ما عدا الدياي و البطاطس ،
ضيفوا ملح اذا احتاج مع قرون الفلفل بدون ما تفتحوها وضيفوا العيش
و خلوه لين ما ينضج ، و بعدين غرفوه فصحن و بالعافية :66:
