ظاهرة فالبريمي ..لماذا لا نتجنبها؟؟

[قلب الأسد]

السلام عليكم ورحمة الله وبركاته

في بدايت حديثي احب اعتذر عن غيابي في هذا المكان لانشغالي وظروفي التي كانت تقصي عليي


وها انا اليوم رجعت اليكم لاكمل مشوار ما في جعبتي


في ظاهرة فالبريمي وفي الاواني الاخيرة بدت اتزيد ؟؟


ابصراحه شيء مؤثر .. وتقشعر له الابدان ؟؟


بين فترة وفترة .. نسمع عن شخص مقتول .. ومفرور .. فالسيوح ؟؟

بين فترة وفترة نسمع شخص طعن بسكين ومفرور؟؟

بين فترة وفترة نسمع عن شخص مضروب ؟؟

والاسبوع الماضي ؟؟

سمعت خبرين ..

الاول عن الشخص ( بدون ذكر اسم او قبيلة ) .. تم ضربة وطعنه بسكين .. في وادي الجزي ؟؟

والثاني الشخص الي طعن بسكين في المنطقة القريبة من السفير بالبريمي ؟؟
.....................

الحين .. في هالشهر الكريم .. الساعه 3 الفجر كانه الساعه 9 .. كل الناس تدبش( في حركة ) لا ينامون ؟؟
واتحصل كتل من الجماعات ( تجمعات - جلسات ) .. طوال الليل يسهرون .. اما باللعب او بالسوالف؟


هناك خلل.. من نسمع نفس هالاخبار .. الواحد يخاف على ولده ويخاف على اخوة ؟؟

حاول ان تكون متميز .. راقي .. في طلعاتك في جلساتك .. ابتعد عن هالتجمعات الي تسهر طوال الليل ..

خلك طموح في حياتك .. وليس طريح ؟؟

ماذا ستجني؟

اما العار .. واما تصبح علكة في اللسنة الناس .. او تضيع حياتك فالدنيا والاخرة .. لانه سياتي يوم وتحاسب على كل هذا الوقت الي لم تستغله فيما ينفعك وينفع ربك ؟؟

غايتي .. وهدفي من طرحي لهذا الموضوع ..

ان نتجنب الوقوع في نفس هالظاهرة والسهر طوال الليل ؟؟

نحاول ان نتجنب التجمعات الي ما وراها غير الخراب ( في اغلب الاحيان )؟؟

نحاول ان نستفيد وان نعتبر مما يدور من حولنا؟؟


تقبلو من خويكم قلب الاسد​

 

[دبدوبة خصب]

اخوي قلب الأسد يعطيك الف عافيه
انا سمعت قبل كم يوم انا في شباب مضاربين بسكاكين وغيره واللي بعد واحد مقتول الصراحه نستغرب هالشي كله يصير عندنا
ما عندي شي اقول غير ربي يحفظ الجميع
تقبل مروري

 

[وقباوي]

هلا والله بقلب الأسد ويعطيك ألف عافية
وموضوع جيد للنقاش
ويناقش أمور تهمنا في حياتنا الإجتماعية

 

[قلب الأسد]

اسعدني تواجدكم


دبدوبة خصب .. ايه تاكدت من الخبر


لا وسالفت السكاكين والضرابه هذي وحدها سالفة؟؟


بس ما احب اطرق في الخصوصيات

احب اني انوه

ان من واجبنا القضاء ع هالظواهر


بعدم التجمع والتكتل الي صايرة بين الشباب



والله ما وراهن غير المشاكل والمصايب ؟؟


تسلمون ع المرور


وان شاء الله راح نتغلب عليها اخوي وقباوي


وتسلمون ع المرور

 

[الغافري]

كلامك صحيح بصراحة هاي التجمعات الليلية هي السبب شباب لا شغل ولا مشغله شو تيبيهم يسوون .... الله يهديهم بس
وإذا جيت للدين ذكر الله تعالى في كتابه الكريم ( وجعلنا الليل لباسا )

شكرا لموضوعك الرائع

 

[ᗩl - ᗰaha]

~..مرحبا..أخوي..قلب..الأسد..~

~..لا..حول..ولا..قوة..الا..بالله..~

~..هذولا..ناس..ما..يخــافوون..ربهــمـ..~

~..بس ..أكيد..السبب..الأول..البطـاله..اذا..طوول..الوقت..فاضين..أكيد..بنحرفوون..بس..ما..اجوول..غير..اللــهـ..يهديهـمـ..~

~..مشكوور..أخووي ..قلب..الأسد..~

~..ريــانة ..العــوود..~​

 

[أبو سلطااان]

يعطيك العافيه أخوي و كلامك صحيح الناس كثرت و المشاكل كثرت
و التجمعات أول من ينظر إليهم بأصابع الأتهام ...
فلماذا لا يتجنب هؤلاء الشباب المشاكل و السمعه السيئه و يشغلوا وقتهم
فيما يرضى الله و يرضي المجتمع

 

[كبـــــــريـاء]

هذي نتيجه طبيعيه يا قلب الأسد انا بخبرك شو السبب :

البريمي صارت مثل مسقط (خليط من جنسيات وقبائل مختلفه من السلطنه) !!!!!!!!!!
قبل كان في نوع من الاهلية وكل حد يغار على جاره وتحس بنوع من الامان ، اما الحين ما شاء الله

تشوف زاد العمران فالبريمي والشقق والعماله الوافده بدت تزيد هذيلاء غير اللى بدوا يتوافدون من مناطق عمان عسب يسكنون فالبريمي !!!!!!! هذا خلق نوع من الخلل وبدوا الناس ما يعرفون بعضهم والمشاكل بدت تزيد !!!!
اما بخصوص السهرات والخ ... ،،،

هذا ينبع من الفرد نفسه اذا عنده مراقبه ذاتيه لتصرفاته ،،
ومشاكل القتل هذا دور الشرطه !!!!!


انا بخبرك شيء قبل كنا نشوف الهنود ما شاء الله فكل مكان ،،
الحين لا الفلبينياااااااااااات اكثر من الهنود صاروا!!!!!!!

غير المراكز الصحيه اللى بدت تزداد فالبريمي لا اريد ان اعمم ولكن مراكز عن مراكز تفرق !!! (الفكره واضحه)

بس ما نقول غير الله يسلمناااااااا ويسلمكم من كل شر ،،

 

[سفير الحب]

من وجهة نظري هذا كله بسبب الإنفتاح المفاجئ الذي شهدته محافظة البريمي ..

 

[حلم رومنسي]

السلام عليكم ورحمة الله وبركاته,,,

ابصراحة شدني الموضوع ... وهالظاهرة مب فالبريمي بس فــ كل مكان .... هي غريبه او دخيله على البريمي ,,, ( وانا اقصد القتل والجرايم ) مب التجمعات و السهرات ,,, واذا عن التجمعات والسهرات قبل 10 سنوات كانت اكثر عن جذي.. بس ماكنا نسمع عن جرايم مثل هالوقت ..


وعندما رأى الأقرع بن حابِس التميمي رسول الله صلى الله عليه وسلم وهو يقبل الحسن والحسين رضي الله عنه ويأخذهما في حضنه، قال: "إن لي عشرة من الولد، ما قبَّلتُ منهم أحداً"، فنظر إليه رسول الله صلى الله عليه وسلم ثم قال: "من لا يَرْحم لا يُرحم" وفي رواية أو أملك لك شيأً إن نزع الله الرحمة من قلبك .


طبعاُ بتقولون شو دخل هالحديث فموضوعنا


أن الاحصاءيات تثبت أن الشواذ جنسيا ومتعاطي المخدرات واللي يسرقون واللي يخربون واللي يؤذون العباد .. هم الشباب الذين لم يجدوا طعماُ للحنان ولا طعماُ للراحة .. ولا ابوين مجتمعين

اذانشىء الشاب في بيئة منزوعه الحنان.. الاب كله تصفيع فالام ومشاتم .. ولا الام تراد الاب .. كيف تتوقعون الشاب يطلع ... اكيد بيطلع يطبق اللي شافه فالمجتمع ,,,أو ويكون قاسي فالتعامل مع الناس

وانا شخصيا كنت اعرف واحد ابووه ليل ونهار ضرب فيه واذا ما ضربه يربطه .. واحين شو تتوقعون طلع الولد .. طلع حرامي وسكير الله يعزكم ...

يعني قصدي من الحديث ... اهم شي التربية فالبيت قبل تربية الشارع


وهااااي وجهة نظر

 

[(الكعبي)]

موضوع طيب ويستحق المرور
والتنوية علية مشكووور قلب الاسد

 

[مروض الكهان]

ابدعت اخوي في طرح موضوعك
فعلا سوالف القتل صارت منتشرة وبكثرة

دمت بود وتقبل تحيتي

 

[قلب الأسد]

في البداية احب اشكر الجميع على التواجد والمرور

والتاثر الي اصبح واضح على نفوسكم

.............

لفت انتباهي لبعض مرور الاعضاء الي بالفعل تحتاج الى التخلص من هالظاهرة الي صايرة بينا وبين مجتمعنا


الغافري: نعم لو كل واحد بيتمسك بالدين .. و فيه ذرة من الدين ويخاف ربه ما وصلت نفسة انه يقتل ويضارب ويلعب بالجنس ( الي كثرت في الاواني الاخيرة مع الاجانب للاسف )


ريانة العود : حلو كان تنسيقك في المرور .. ومثل ما قلتي هالبطالة والفراغ في الانسان سبب في تهيج المشاعر وظهورة من ارادته وانحرافة.


ابو سلطان : اطرقت الى موضوع مهم .. وهي السمعه نعم .. الواحد يحافظ ع سمعته .. لكن شو هالولد او الريال الي انشوفة دوم مع الشلة والجلسات فالحواير شو تبي الناس اتقول عنه غير الذم؟؟ هذا الي حاصل في مجتمعنا .. لو كان ما يسوي شيء .. الناس اول ما اتشوفة باستمرار .. بيقولون عنه انه لعاب ؟؟ ولو كان غير ذالك هذي نظرت المجتمع ؟


كبريا : مرورك كان مميز .. تطرقتي الى عدت نقاط .. وهي نقاط اساسية نعاني منها للاسف في محافظة البريمي .. كنا نريد نطور بالعمالة الوافدة والمحلات والتجارة .. بس هالانفتاح اخاف يقلبنا للاسوء ؟
النقطة الاولى: اختلاف الجنسيات بالفعل هناك عده اسباب الى خلى البريمي تختلط .. الي كان يشتغل فالامارات سكن البريمي .. الحين الواحد صار نظرته الراحه انه يسكن البريمي .. لتوفر الخدمات بمختلف انواعها ... الي عنده شوية بيزات اتحصلة بيكون قواعده فالبريمي لانه المكان الانسب في استثارها .. والكثير الكثير..

النقطة الثانية : النوادي الصحية .. يا ربي .. انا كنت اسمع ,., بس في موقف خلاني اتاكد .. مره كنت شال عمي للعلاج ومسكين شيبة .. يوم دشيت ( اول مرة ادش هالنوادي ) .. شفت البلاوي ؟؟
لا بتجيك فلبينية او صينية .. عاد لبسها استغفر الله .. وتعالووو والله لا تستحي ولا شيء تلزق فوقك .. لا والشباب الموجودين ( الي ينتظرون دورهم فالمساج ) حركات وضحك .. والله ما كانا عايشين فدولة اسلامية ؟؟ لا والي غمني اكثر يوم طلع واحد من المساج .. طلع مرتاح والفوطة ع راسة .. والله حالة ؟؟ وين الحكومة الرشيده .. لا تقولون ما يعرفون .. الكل يعرف ؟؟ بس ساكتين ؟؟ ما ادري ليش؟؟

النقطة الثالثة: الشرطة ودورها .. الشرطة ما مقصرة وابصراحه احس فالاواني الاخيرة باذلين جهودهم .. في اغلب الاماكن انحصلهم بس يد وحده ما اتصفق .. لازم الكل نوقف معاها .. وانازرها ..

النقطة الثالثة: الفلبينيات .. ما شاء الله الي يسير صوب فندق البريمي او هدايا العين الي مقابل الفندق .. او فندق السلام .. ما كانك فالبريمي ؟؟ الي رايحه والي تعبر الشارع والي راكبة التكسي .. والله دنيا ؟؟ الحين لو يشتغلون ما قلنا شيء بس ما ادري وش سالفتهن .. يجيبونهن فترة ويشلوهن ؟؟


تسلمين اختي وتواجدك كان له اثر كبير في الموضوع



فتى الظاهرة : انا معاك في الي قلته ؟

بقية الاعضاء لي عوده لتعليق على ما امليتموة لي

 

[السَعيدي]

ما راح اطول في تعليقي ولكن من وجهة نظري المتواضعه ان كثرة الاختلاص وعدم مراقبة اولياء الامور لتصرفات ابنائهم هي سبب رئيسي لوجود مثل هذه الظواهر

اما بالنسبة للسهر فمن وجهة نظري المتواضعه ايضاً ارى بان السهر ليس به عيب
وذلك يعتمد على الشخص نفسه
واختياره لأصدقائه الي بيسهر وياهم
ونحن ما شاء الله نشوف شباب قمة الادب والاخلاق يسهرون الى وقت متاخر ولكن ولا في يوم تحرشو باحد او سوو مشكله
وعلى الجهة الاخرى نشوف شباب ما يعدو السهر بدون مشاكل وظرابات

في الاول والاخير وخلاصة القول
ان لم تستحي فأفعل ما تشاء
ولو صار الي صار
هذيلا الناس الفاسدين ما يتغيرون
واصل الواحد وتربيته هي الي تتحكم في جميع سلوكياته
اشكرك اخوي على الطرح المميز للموضوع

واشكر جميع الاخوه على التفاعل

 

[قلب الأسد]

السلام عليكم ورحمة الله وبركاته,,,

ابصراحة شدني الموضوع ... وهالظاهرة مب فالبريمي بس فــ كل مكان .... هي غريبه او دخيله على البريمي ,,, ( وانا اقصد القتل والجرايم ) مب التجمعات و السهرات ,,, واذا عن التجمعات والسهرات قبل 10 سنوات كانت اكثر عن جذي.. بس ماكنا نسمع عن جرايم مثل هالوقت ..


وعندما رأى الأقرع بن حابِس التميمي رسول الله صلى الله عليه وسلم وهو يقبل الحسن والحسين رضي الله عنه ويأخذهما في حضنه، قال: "إن لي عشرة من الولد، ما قبَّلتُ منهم أحداً"، فنظر إليه رسول الله صلى الله عليه وسلم ثم قال: "من لا يَرْحم لا يُرحم" وفي رواية أو أملك لك شيأً إن نزع الله الرحمة من قلبك .


طبعاُ بتقولون شو دخل هالحديث فموضوعنا


أن الاحصاءيات تثبت أن الشواذ جنسيا ومتعاطي المخدرات واللي يسرقون واللي يخربون واللي يؤذون العباد .. هم الشباب الذين لم يجدوا طعماُ للحنان ولا طعماُ للراحة .. ولا ابوين مجتمعين

اذانشىء الشاب في بيئة منزوعه الحنان.. الاب كله تصفيع فالام ومشاتم .. ولا الام تراد الاب .. كيف تتوقعون الشاب يطلع ... اكيد بيطلع يطبق اللي شافه فالمجتمع ,,,أو ويكون قاسي فالتعامل مع الناس

وانا شخصيا كنت اعرف واحد ابووه ليل ونهار ضرب فيه واذا ما ضربه يربطه .. واحين شو تتوقعون طلع الولد .. طلع حرامي وسكير الله يعزكم ...

يعني قصدي من الحديث ... اهم شي التربية فالبيت قبل تربية الشارع


وهااااي وجهة نظر

ما شاء الله عليك اخوي كانت لك ادله في حديثك تثبت على ذالك

واكيد التربية لها دور كبير

ولا ننسى الربعه والاصدقاء من بعد التربية .. لها دور كبير ايضا

واكيد الخلل من الاساس فكيف تبي البنيان يصير

وتسلم مرة ثانيه اخوي

والل يكون في عوهه هالشخص الي طريته وان يصلح باله..

 

[اليوبيل الماسي]

إندوكم وانا كل يوم اقعد في الطريج اليديد حماسه ،وانا اقول ذاك اليوم الدوريات ليش تارسات المكان ، والله ياخوك ما ندري بالسالفة ، بس انا عن نفسي صح اقعد برع ويا ربعي لكني ما اطول عشان انه عندي دوام ،،، ثاني شي تراه لي يسهر يمكن تصيرله مواقف عند ناس ثانيين وخاصتاً اذا كان المكان مشبوه ،،، فأحسن حل إنه الواحد يحط راسه ويقوم يصلي الفير عند خلق الله احسن له واريح له.....

تحياتي لك يا قلب الأسد ومشكور على الموضوع صراحة بلاوي تصير في البريمي وانا آخر من يعلم

 

[قلب الأسد]

إندوكم وانا كل يوم اقعد في الطريج اليديد حماسه ،وانا اقول ذاك اليوم الدوريات ليش تارسات المكان ، والله ياخوك ما ندري بالسالفة ، بس انا عن نفسي صح اقعد برع ويا ربعي لكني ما اطول عشان انه عندي دوام ،،، ثاني شي تراه لي يسهر يمكن تصيرله مواقف عند ناس ثانيين وخاصتاً اذا كان المكان مشبوه ،،، فأحسن حل إنه الواحد يحط راسه ويقوم يصلي الفير عند خلق الله احسن له واريح له.....
تحياتي لك يا قلب الأسد ومشكور على الموضوع صراحة بلاوي تصير في البريمي وانا آخر من يعلم

ما شاء الله عليك اخوي مرورك ابهرني وزاد اعجابي


تسلم اخوي

وهذا هو الصح

والله يعافينا من كل شر

 

[اليوبيل الماسي]

ما شاء الله عليك اخوي مرورك ابهرني وزاد اعجابي


تسلم اخوي

وهذا هو الصح

والله يعافينا من كل شر

ويسلم غاليك ياخوي

يميع ان شاء الله

 

[قلب الأسد]

دوم يا ربي


لاحظت هالظاهرة بدت تتلاشاء وخاصة ابجنب نادي النهضة فالاول يتولوفوووووووون شباب والحين هاليومين ما اشوف احد ؟؟

يمكن انشغالهم بالعيد خخخخخخخخ