موضوع مهم للنقاش

الحالة
مغلق و غير مفتوح للمزيد من الردود.

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
السلام عليكم ورحمة الله ..

شحالكم مشرفينا وأعضائنا الحلوين ..

بما أني ما أعرف أسوي مقدمات وتعابير حلوة مع ذلك قلت لازم أدخل وأحط الموضوع وأنبه أخواتي بالمنتدى وأحب منكم أنكم تقولون رايكم بكل مصداقية وصراحة ....

الصراحة وأنا أتألم بهالحال اللي وصل له مجتمعنا العماني والعربي بشكل عام

معقولة لهالدرجة الناس ما عندها ضمير وما عندها ذرة ايمان .. لا وفشهر الرحمة .شهر العبادة شهر المغفرة ..

بخبركم الموقف وأبا رايكم بعدين ..

هذا الشيء حصل في كليتنا العزيزة ..

سرنا مرة انا وثنتين من ربعاتي اللاب وأنا ف الدرب حصلت ثنتين من بنات أعرفهن ويلست اسولف عندهن وربعاتي يمشن جدامي شوي شوي عشان ما يسبقني فأنا وأسولف عند البنتين أشوف ربعاتي جدامنا شوي وموقفنهن ريال وشكله ( استغفر الله ) ( ما أحب أقول بس مضطرة شكله ريال كبير ف السن شوي يعني عمره فوق الثلاثين تقريبا وفي لحيته بعض الشيب مبين وملامحه وملابسه وهيئته تدل على انه فقير ومسكين )

المهم هذا الشخص طلب منهن تلفونهن لييش ؟؟

أونه هو ما عنده تلفون ومحتاج ضروري ويبا يتصل بأسرع وقت وما أدري شوه وطلعلهن ورقه بالية وأونه هو يبا يتصل بالرقم اللي ف الورقة .. المهم الحمدلله أنها عرفت تتصرف قالتله أوكي روح قسم شؤوون الطلاب واتصل .. شكله عصب وقالها انزين خلاص وسار ..

عقب سألتهن شو يبا منكن هذا وخبرني السالفة ونحن ماخذين الأمر لحد الحين بشكل طبيعي ..

ف اللاب أحصل وحدة من البنات ميتة من الخوف وأشوف نفس الريال اللي كان مكلم ربعاتي ..

قالتلنا البنية :

تشوفنه هالريال هذا يلاحقني من مكان لمكان وأنا ميته من الخوف وطلب تلفوني بعد بس ما عطيته تحججتله بأي شيء .. وهنيه عرفنا شو السالفة وشو سالفته هالريال .

السالفة ما خلصت ..وحدة من ربعاتي روحت اللاب نحن قلنا بنخل المصادر شوي نبا نشوف الكتب وعقب بنسيرلها ..
ما نتفاجأ الا وفويهنا هالمرة أنا وربيعتي ( قالنا نفس الكلام ) أنه يبا يستخدم التلفون شوية ربيعتي قالتله ( لا لا ) وابتسم وسار ....

الله يعزكم هذا ياخذ التلفون أونه بيستخدمه وهو يدق على رقمه وبعدين ياخذ الرقم وياذي الواحد ...

بس الصراااحة ما توقعت لهالدرجة ناس وصلتبهم المواصيل لهالدرجة ..

طريقة يديدة حق المغازل .. والموقف تكرر فنفس اليوم مع مجموعة من البنات ..

يعني هو لو صدج يبا يستخدم تلفون يسير حق الأولاد ويطلب منهم ليش يطلب من البنات ..

ومن ذاك اليوم ما شفناه .. بسأنا مقررة اذا يانا وطلب مرة ثانية سيييييدة عند العميد يوصل الخبر ..

وأنا أساسا شاكة فأمره أنه يدرس ويانا ..

المهم ف النهاية ....

أباكم تقولون رايكم فالموقف ؟؟

وشو بيكون موقفكم لو كنتوا مكاني مثلا ؟؟ ( للبنات )

لهالدرجة الواحد يرخص بنفسه ويطلب من البنات تلفونات ؟؟

والسموحة ع الإطالة ...

خويتكم :

بنت البريمي
 

ولد شيوخ

¬°•| عضو مميز |•°¬
إنضم
12 سبتمبر 2008
المشاركات
349
العمر
39
الإقامة
العين دار الزين
والله هالانسان احقر مخلوقات الله ,,,,,,,لانه الواحد مثل ما يخاف على اهله يخاف على بنات الناس لانه هب لعبه عنده,,,

ووايد بتشوفون من هالسوالف البايخه يسوون افلام هنديه عشان الترقيم خخخخخخخ

والله لو انا مكانكم بتفل فويهه ((الله يعزكم)) لانه سخيييف وما عنده سالفه
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
أباكم تقولون رايكم فالموقف ؟؟
احس انه الي يسوي هالحركة سخيف وما عنده سالفه .. والبنية الي بتعطيه فونها مافيها عقل ..


وشو بيكون موقفكم لو كنتوا مكاني مثلا ؟؟ ( للبنات )
عادي .. طبعا اول ما يطلبني فوني بقوله سوري سير اطلب من ريال هب من بنات ..

لهالدرجة الواحد يرخص بنفسه ويطلب من البنات تلفونات ؟؟
تراج قلتيه رخيص .. شو تتوقعين من شخص رخيص يسوي ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
ولد شيوخ : تسلم اخوي عالمرور الطيب .. كلامك فمحله .. بس أنا اللي مستغربة منه أنه ريال كبير مب ياهل مال هالحركات .. ( تحت السواهي دواهي )

قطوة البريمي: الحمدلله أغلبية البنات اللي سارلهن وخبرني ما عطنه لأنه شكن فيه ( اذا يبا يطلب ليش ما سار عند الأولاد يطلب ) بس تراه قالوها ( اذا لم تستحي فافعل ما شئت ) ..


دمتم على الطاعة ..
 

سفير الحب

موقوف
إنضم
14 يونيو 2008
المشاركات
1,632
بعدك أخيه ما شفتي شي ..

اللي جاعد يصير أفضع من كيه ..

الله يكون في عونكم أخواتي ..

بعد انا مرة كنت جاعد بالمصادر وبالتحديد غرفة المراجع وكانت هناك بنت يالسه تكتب بحث ودخلوا الجاعة صعايده وبعد شوي طلعوا وهمه يطلعوا واحد منهم رما رجمه حج البنت وأنا شفته والبنت ما عرفت كيف تتصرف المهم جالت تعال خذ هالورقة وشوف أيش فيها ..

المهم انا خذيت الورقة وحصلت فيها رجم وخبرتها وجالت تصرف ..

أنا دجيت على الرقم والولد يحسب إنه البنت داجه عليه ..

المهم أنا خليته يتمرمر هاذيك اليوم بطولها وبعدها إتصلت فيه وهزبته ..

كنت أبخليه يرسلي رصيد وأضحك عليه بس قلبي ما طاوعني أواجه السيئة بالسيئة ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
خافق احساس : نتريا تعليقج ع الموضوع ..

فتى الظاهرة : تسلم اخوي ع المرور الطيب .. شو بعدنا ما شفنا شيء ؟؟ بعد شيء أقوى اكثر عن جيه !!

والله يستاهل هالولد ( قلة ادب ) لو خسرته رصيد بعد احسن هع هع هع ..
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
لا اله الا الله

احم

بصراحه موضوع يستحق الوقووف عنده

يعني هالبنات قد بناته شوو يبااا في الترقيم

والله على جي انا ما لوم البنيات

^___^

ولو انا كنت في هالموقف

اكبرطاااف بيحصل

واساسا نحن كليتناا ما فيها شباب ^__^


الحمدلله

كلمااا بنياات

الله يعطيج لاعافيه على الطرح


تقبلي مروري


سويرة
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
انا مابقول غير


انه ماعنده سالفه وعقله صغيييييييييييييييير وبدل عقله حاط قوطي فيه كنكري
ومراهق بالثلاثين
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
نايف السعيدي : احم محجوز مقعدك محد بيقعد عليه خخخخ .. نتريا تعليقك ع الموضوع ..

أم أحمد : احلى شيء فكليتكم انها بس حق البنات ... تسلمين الغلا ع المرور الطيب ..

فراولة شقية : والله صدج انه مراهق شيبة .. تسلمين ع الطلة الحلوة ..

صخر جلمود : شو تضحك الا تخوف !!! من ناحية يديدة يديدة وغبية بعد ...
 

الربيعي

¬°•| مشرف سابق|•°¬
إنضم
18 يونيو 2008
المشاركات
1,007
الإقامة
حـــيــ الأمـــــل ــــــث
موضوع في غاااااية الأهمية !!!


أنا من ناحيتي دائما أقول ان البنت هي لازم تتصرف وبسرعة البرق في مثل هذه المواقف المخيفة

وإنها تهدده أو تصرخ في وجهه وتعطيه من ذاك الكلام السنع !!

ولازم ان تفرض البنت شخصية قوية من البداية حتى يحسب لها ألف حساب قبل مجرد التفكير بمثل

هذه الأمور من قبل ضعيفي النفوس ...!!

لأن العالم الآن مليء بأصحاب القلوب المريضه ....

فالتكن الفتاة المسلمة ذات شخصية قوية كأسلافها من الصحابيات الجليلات رضوان الله عليهن

كــ صفية بنت عبدالمطلب ، وما فعلته باليهودي

وأم عُمارة وما فعلته بالمشركين

وغيرهُنّ من الصحابيات ...

وحتى في زماننا هذا أعرف من النساء ذوات الشخصيات القوية بحيث لا يجرؤ أحد على النظر في وجوههنّ !!

فما بالك بالكلام معهن وطلب الأرقام والهواتف ؟؟!!! هع


إذاً ، كُنّ ذوات شخصيات ( دفشه ) قوية مع هذه الأشكال قبحها الله ،

وخلوا عنكن الرقة معهم ، !!

ما تنفعهم غير العين الحمرا !!!! هع


يسلمووووو (^_^)
 
التعديل الأخير:

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
موضوع في غاااااية الأهمية !!!


أنا من ناحيتي دائما أقول ان البنت هي لازم تتصرف وبسرعة البرق في مثل هذه المواقف المخيفة

وإنها تهدده أو تصرخ في وجهه وتعطيه من ذاك الكلام السنع !!

ولازم ان تفرض البنت شخصية قوية من البداية حتى يحسب لها ألف حساب قبل مجرد التفكير بمثل

هذه الأمور من قبل ضعيفي النفوس ...!!

لأن العالم الآن مليء بأصحاب القلوب المريضه ....

فالتكن الفتاة المسلمة ذات شخصية قوية كأسلافها من الصحابيات الجليلات رضوان الله عليهن

كــ صفية بنت عبدالمطلب ، وما فعلته باليهودي

وأم عُمارة وما فعلته بالمشركين

وغيرهُنّ من الصحابيات ...

وحتى في زماننا هذا أعرف من النساء ذوات الشخصيات القوية بحيث لا يجرؤ أحد على النظر في وجوههنّ !!

فما بالك بالكلام معهن وطلب الأرقام والهواتف ؟؟!!! هع


إذاً ، كُنّ ذوات شخصيات ( دفشه ) قوية مع هذه الأشكال قبحها الله ،

وخلوا عنكن الرقة معهم ، !!

ما تنفعهم غير العين الحمرا !!!! هع


يسلمووووو (^_^)

يسلموو أخوي ع المرور الطيب ,,

وكلامك عين العقل ,,,,

ما يبالهم غير العين الحمرا خخخ ,,,
 
الحالة
مغلق و غير مفتوح للمزيد من الردود.
أعلى