القطاع الخاص

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
ماهو القطاع الخاص ؟ وهل للعاملين بالقطاع الخاص مستقبل ؟ وما هي الضمانات الي تضمن هذا المستقبل ؟ تساؤلات لا يرد عليها ابدا لكن نرى من المسؤولين الاشاده فقط له بالبنان مع ظلم وتعسف قانون القوى العاملة التي لا يحمي العامل ولا يعطيه حقه لا في العلاوات السنويه ولا في العلاوات الدوريه والى متى ؟ متى بيصير تعديل جذري فالقانون متى بيقدر كل عامل بالقطاع الخاص رفع صوته ويقول اريد حقي واذا قلت لمسؤول هذا الكلام قال لك تعال اشتكى واول ما تشتكى حطك المدير براسه ويبا يطفشك يتفق معك ع وظيفة مع العلم انك شاغر لخمس وظائف اداريه ومعك ما يثبت ، ساعات عمل اضافيه غير مدفوعة الاجر وذالك تحت مسمى الاخوه لكن تقطع كافة الصلات بك كموظف اذا احتجت وطلبت زياده ويبدا القول انك موظف جاحد للمعروف ، الاجازات ليش حاطين هذا القانون اذا وافق عليها المدير وين الالزامي يعني عادي يقولك مافي اجازه لان المدير مش راضي عنك وغيره وغيره وغيره

خط يا قلم يوميات عامل عماني منحوس :2253446f49dd40fbf5e
اتمنى الموضوع ما ينقل لقسم اخر لان هذا القسم جدا حيوي ويهمني شخصيا اعرف ردود الجميع وهل انه في شخص مسؤول رايح يرد علي كشخص كعماني
 

تشارلز

¬°•| عضو فعّال |•°¬
إنضم
27 أغسطس 2011
المشاركات
185
خلينا نتكلم بواقعية ، بالأمس القريب كان معاشات القطاع الخاص لا تتجاوز 120 ريال أي اغلبهم يستلمون 100 ريال وربما اقل...فهاذا دليل كبير على الكساد الذي سبب في جيل الشباب وثقافه لا تختفي في يوم وليلة إتجاه موظفين القطاع .
لانه كان عدد الموظفين قليل والذي يريدون التوظف كثير ولو بأي مبلغ ..مما سبب ثقافه غريبه اتجاه مدير القطاع او المسؤول والكادر الشبابي
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
شاكر لك مرورك لكن ياخي نحن في دولة خليجيه وتقولي 120 ريال ياخي اذكر الله ما استغرب لما كثير من الشباب يشتغلون بخمسه وستت الالف فدبي وبوظبي تعرف ليش مهانه فبلاد محد يعرفك فيها ولا يكون مهانه بين اهلك
والي طلبته ياخي تحسين للوضع وترد اتقولين جيه سؤالي لك انته عماني ؟ لانك اذا عماني لازم تطمح ومب عيب انه الانسان يكون طموح
وياخي فنفس الوقت فيه شركات كبيره تحتال ع العاملين ليش لان قانون القوى العاملة عطاها الحق انه تدفع للعماني كحد ادنى 200 ريال بينما ما يقدمه العامل
واحد العلاوه السنويه اثنين العلاوه الدوريه وفي بعض المرات الدورات التدريبيه وغيره من منافع ياخوي الهنود يحصلون عليها طيب والعماني شو موقعها من الاعراب ؟؟؟؟
 

ونه العوود

¬°•| عضــو مــهــم|•°¬
إنضم
12 يوليو 2012
المشاركات
2,038
الإقامة
البريمي
اللي انا أعرفه أن إذا ضاربتهم يسمعون كلامك لازم تشدد عليهم

يعني مثلا مثلا تبا تنزل اجازة وقالولك ما نعطيك او شي من ذا..روح سويلهم اكشن بس طبعا بأسلوب ^^

انا حد من اقاربي جي مسوي..والحين اموره طيبة ولله الحمد قق22
 

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
السلام عليكم ..

انا موظف فالقطاع الخاص .. ونتقل بين أكثر من وظيفه ..




كثير تلقى أشخاص ماعندهم غير التحرطم .. المدير ظالم .. هندي يكره العمانيين .. الشركه تعبانه من ناحية المعاشات .. واخر شي يطلع الموظف يروح لسوالف بس ونص الدوام برع وأذا عطوه أي شغله قال كرفتونا ..


كثير ما تلقى عمانيين .. يحقدون على الهندي الي قاعد على كرسي وهوو يكرف ..
انزين الهندي صارله 10 سنوات يشتغل وغالبا ما يبدئون عمال ويدرجون ..
مثل العمانييه يبدون عمال ويدرجون طبعا الي يشتغلون بضمير ..


الوافد .. راتبه أقل من راتب العماني .. لاكن يستلم أكثر منه نهاية الشهر ليش .. ما يتأخر .. ما ياخذ أجازات كثير .. غير الوقت الأضافي .. وهاذا واقع ..
طبعا هاذا في الشركات المعروفه الي تحاسب كل شخص بضمير مش الشركات الي مافيها أداره غير مدير واحد ..


الوافد يشتغل بظمير ويعطي الشغل حقه .. والعماني سوالف وطلعه ألا ماندر طبعا النادرين ماسكين مناصب لنهم مجتهدين اكثر من الوافد ..


انا من خلال تجربه سابقه خلال سنه بس ترشحت لمنصب نأئب مدير في فرع شركه كبيره في مجالها وفيه عمانيين كملوا خمس سنوات وهم على حالهم لاكنى رفضت لني بكون بعيد عن البريمي والوافد عادي عنده يروح الشرق والغرب ..


حاليا مسؤول قسم في شركه ثانيه .. تعب الدوام .. غير المسؤوليه لاكن الي عنده روح التحدى والأصرار دائما تلقاه في منصب والي يحب يطحرطم بظل مكانه ..
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
ياخوي العرين حطيت ع العماني حط الله يهديك الحين تبا اتقولي انه كل اصابعك سوا مثل ما كلمتني من تجربه شخصيه انا بعد لي الحق اكلمك عن تجربة شخصيه والي كتبته فوق من تجربه شخصيه كنت عايشنها وما زلت اعيشها لكن وين التحدي يوم صار وقت الزياده انزادو الهنود طيب وانا سالت المدير مافيه جواب زياداتنا ثلاثين واربعين ريال لكن الهندي ياخوي عندي هندي اشتغل شغله ويحصل راتب احسن عني فلا تعمم الله يرضى عليك ... مرات احس نفسي غرقان مش من التعب انا شاب ولا من الشغل ابدا من قل التقدير ولعدم توفر وظايف تخليك قريب من اهلك
يا رب اغفر لعبدا شكى همه لخلقك

وبين الشباب والطيش اقول
ناديت والليل جاوبني وبكاني محدن سمعني
 
أ

أ“أ‡أ،أ£ أ‡أ،أˆأ‡أڈأ­

زائر
تجربة القطاع الخاص ،،، تحتاج إلى قوة وعزيمه ودعم قوي من الحكومه تجشيعا الكلمه والفعل لهذا القطاع ،،، فهو ينقصه الكثير وأخص الشركات البسيطه



طرح رائع واعتذر على تقصيري معاك
 

شرطي مرور

¬°•| عضــو شرف |•°¬
إنضم
24 فبراير 2009
المشاركات
2,273
الإقامة
فوق عالي السحب
موضوع جميل ورائع

لكن هل العماني فعلا يريد العمل فالقطاع االخاص

كوظيفة أم فقط يريد التمسك بالوظيفة هذي يمشي فيها حالة
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
شرطي مرور يمشي حاله ؟؟؟؟ كيف وهو مب محصل الوظيفه الحكومية يا ليت حد من القوى العامله يتكلم ويعلق ع الموضوع
او ( القوى الخامله ) هذا مسمى سمعته بين فئه من الشباب هل يا ترى انا من القوى الخامله ::s31::
للي يقرا الموضوع يسامحني لكني فبلادي مب مستوعب الفكره العامه للي يصير يعني هل المطلوب اني اقضي عمري كله اشتغل فالقطاع الخاص بس عشان امشي حالي ؟؟؟ ماريد بيت ؟ ماريد اتزوج ؟ وسيارتي لازم اتكون صيانتها بالحسره ؟
لازم اعيش بضنك من الحياه لاني موظف بالقطاع الخاص ؟؟؟؟
لا وسمعت موضوع جديد اذا تقدم موظف من القطاع الخاص يبا يتزوج يقال له مانقدر نزوجك لانك موظف بالقطاع الخاص ياخي الارزاق بيد الله سبحانه ياهي مشكله مع القطاع الخاص كيف يعني انتحر واريح وارتاح والا شو :ش9: عفوا بس انا فعلا داير راسي
 

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
ياخوي العرين حطيت ع العماني حط الله يهديك الحين تبا اتقولي انه كل اصابعك سوا مثل ما كلمتني من تجربه شخصيه انا بعد لي الحق اكلمك عن تجربة شخصيه والي كتبته فوق من تجربه شخصيه كنت عايشنها وما زلت اعيشها لكن وين التحدي يوم صار وقت الزياده انزادو الهنود طيب وانا سالت المدير مافيه جواب زياداتنا ثلاثين واربعين ريال لكن الهندي ياخوي عندي هندي اشتغل شغله ويحصل راتب احسن عني فلا تعمم الله يرضى عليك ... مرات احس نفسي غرقان مش من التعب انا شاب ولا من الشغل ابدا من قل التقدير ولعدم توفر وظايف تخليك قريب من اهلك
يا رب اغفر لعبدا شكى همه لخلقك

وبين الشباب والطيش اقول
ناديت والليل جاوبني وبكاني محدن سمعني

لا يخوي ماقدر أعمم لاكن الشريحه الاكبر الي قصدتها ..
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
مسا النور والسرور
لا ياخوي العرين مش الشريحه الاكبر نحن في عمان الله يرضى عليك فمعظم الشريحه هي الشريحه العامله
 

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
مسا النور والسرور
لا ياخوي العرين مش الشريحه الاكبر نحن في عمان الله يرضى عليك فمعظم الشريحه هي الشريحه العامله



الي انا شفته وقاعد أشوفه الأكبر وان كان لك وجهة نظر ..


من ناحية الشغل صحيح معظمهم يشتغلون لاكن كيف يكون الشغل للأسف مش بالمستوى المطلوب .. والتذمر دائما تلاقيه عندهم حتى وهم مخطأين ..
 

`¤*«مُحمدْ البادِيْ»*-¤

¬°•| غَيثُ مِن الَعطاء ُ|•°¬
إنضم
22 أكتوبر 2011
المشاركات
5,968
الإقامة
إنْ وابلاً، فَطَلْ
بالنسبة أخي لما ورد في موضوعك أعلاه من نقاط تبين الظلم الواقع على العمانيين في القطاع الخاص، لو وضعت أمثلة من الواقع لكان أجمل ولدعم موضوعك بقوة!
لي عودة إن شاء الله​
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
بالنسبة أخي لما ورد في موضوعك أعلاه من نقاط تبين الظلم الواقع على العمانيين في القطاع الخاص، لو وضعت أمثلة من الواقع لكان أجمل ولدعم موضوعك بقوة!​


لي عودة إن شاء الله


صباح النور شو من الامثله الله يسلمك وضح لي عشان اكتب وما اقصر واذا ع الدليل للي قلته مب صعب حصوله قق23
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
الامثله هي تقريبا :
انته متعاقد مع الشركه الفلانيه بعمل معين ما لمسمى واحد بشركه وحده بعد فتره تنتبه انك تشتغل في عدة شركات بمهام مشابهه لعملك حتى لا يخرج عن نطاق لا يختلف عن جوهر عمل العامل بعدها ساعات عمل اضافيه لقلة الوعي لدى العامل لما اشتغلت بالقطاع الخاص كان عمري 19 سنه ماعرف كم ساعه لازم علي اشتغل فاليوم ولاني صغير والحاجه وما تسوي كنت اسوي اي شي ولاني نوعا ما فرحان لاني اشتغل لكن من المستفيد الوحيد من هذا اصحاب الشركات والي تلاقيه فمعظم الوقت بانه صاحب الشركه يوحي لك بانه يدفع لك راتبك مش لانه عرق جبينك وانما هو فضل صاحب الشركه انزله عليك وانته لازم عليك تشكره :imua58:
بعدها لما ترفض تشتغل ساعات عمل اضافيه بعد ما وصلك انك غير مجبور فيهن طبعا تحصل ع رد سلبي من المسؤول عليك غير مجبور لانك لا تلاقي اجر فيهن :cm:
وما خفي اعظم

اليوم قريت فجريدة عمان خبر العلاوه عجبني صحيح قليل لكن الحمد لله قليل دائم خير من كثير منقطع
 

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
الامثله هي تقريبا :
انته متعاقد مع الشركه الفلانيه بعمل معين ما لمسمى واحد بشركه وحده بعد فتره تنتبه انك تشتغل في عدة شركات بمهام مشابهه لعملك حتى لا يخرج عن نطاق لا يختلف عن جوهر عمل العامل بعدها ساعات عمل اضافيه لقلة الوعي لدى العامل لما اشتغلت بالقطاع الخاص كان عمري 19 سنه ماعرف كم ساعه لازم علي اشتغل فاليوم ولاني صغير والحاجه وما تسوي كنت اسوي اي شي ولاني نوعا ما فرحان لاني اشتغل لكن من المستفيد الوحيد من هذا اصحاب الشركات والي تلاقيه فمعظم الوقت بانه صاحب الشركه يوحي لك بانه يدفع لك راتبك مش لانه عرق جبينك وانما هو فضل صاحب الشركه انزله عليك وانته لازم عليك تشكره :imua58:
بعدها لما ترفض تشتغل ساعات عمل اضافيه بعد ما وصلك انك غير مجبور فيهن طبعا تحصل ع رد سلبي من المسؤول عليك غير مجبور لانك لا تلاقي اجر فيهن :cm:
وما خفي اعظم

اليوم قريت فجريدة عمان خبر العلاوه عجبني صحيح قليل لكن الحمد لله قليل دائم خير من كثير منقطع

مافهمت مثالك عدل صاحبي ..
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
يعني شاغر لمنصب واحد مسمى واحد راتب واحد معادله طبيعيه مناسبه
شاغر خمس الى ست الى سبع مناصب وراتب واحد معادله فوق الطبيعية
فهمت اخوي العرين :2253446f49dd40fbf5e
 
التعديل الأخير:
أعلى