{من تهمه جروحي وانا فيني من الجروح اطعون}

[Ŝσмε Ĝiяℓ ღ]

كل الشكر غلآتي..~
بإنتظار تكملتكِ..~
بكل شوؤق..~
لا تتآخرين..~​

 

[مجروحة المشاعر]

البارت السابع

.•..•. ا?لجرحُ بَ ا?لجرحُ متصِآدمُ .. آحيآنُ ؛ وديُ آقآبل جنُ ولآ إنيّ آقآبل ( آوآدمُ ) ?»

بو علي رفع ايده يبى يضربها و لكن دخل خليفة من وراها و مسك ايد ابوها
بو علي :هد ايدي يا قليل الادب ...
خليفة : ما ترفع ايدك على زوجتي...
هنادي و جواهر انصدموا خليفة كيف دخل عندهم ؟؟و هو ولا مرة دخل غرفة وحدة من البنات ...هنادي الي كان قاعدة بدون شيلة انتبهت على نفسها وراحت تركض تلبس شيلتها ..خليفة ما كان يشوفها اصلا ...بو علي معصب حده ..
بو علي: اطلع من بيتي انت وياها
خليفة : طالعين و مالنا قعده ف بيتك...خلينا نروح يا جواهر
جواهر : البسي عباتج هنادي و تعالي معنا
بو علي : هنادي ما بتطلع من البيت فاهمه...بكسر ريلها لو طلعت
خليفة : الشرطة موجودة..ماشي غصب
بو علي : بتشتكي علي ؟؟انا الغلطان اني زوجتك بنتي
خليفة :هنادي امشي معنا
بو علي : هنادي ما بتطلع الا ع قطع رقبتي
خليفة : جواهر خلينا نروح
جواهر : واختي ماقدر اخليها بروحها
خليفة : ابوج يبى هالشي خليه يسوي الي يباه مالنا خص
جواهر : بس خليفة هااااي اختي
يدخل سلطان و ام علي و مهرة ....
سلطان : شو الي صاير هنا؟
بو علي: انتوا وين كنتوا لحد الحين؟؟
سلطان : كنت مودي امي العيادة و مهرة راحت وياها
بو علي طالع هنادي و راح صوبها ....و رفع ايده عشان يضربها بس سلطان و خليفة مسكوه
بو علي :هدني انت وياه
سلطان : هدي يا ابوي
بو علي : انت تقول رايحين العيادة و هي تقول رايحين عرس والا خطوبة ..من اصدق احين هاااااا؟
مهرة واقفة عند الباب و تسمع كلام ابوها ...ودها تشرد من هالبيت ...هذا ما بيت هذي جهنم...مهرة ركضت تحت بدون ما تحس و الدموع في عيونها ...ما عرفت شو تسوي غير انها تطلع برع ...
ام علي وصلت و تحاول تهدي الوضع ...الوضع مرة متوتر ...محد انتبه ان مهرة طلعت كلن يحاول يهدي بو علي
مهرة طلعت من البيت شافت سيارة راحت تركب ما انتبهت ان حد في السيارة ع بالها سيارة اخوها سلطان....قعدت تصيح
مهرة و هي تصيح :ليش يا رب ؟؟ليش انا اعيش هاي الحياة ...اكرهك يا ابوي ...ما تستاهل هاي الكلمة ...جاها صوت استغربت منه
....: ليش تقولي كذا؟؟استغفري ربج يا مهرة ...انتي مهرة صح؟؟
مهرة و هي تفتح عيونها اربع اربع و الدموع بعده فيها: من ؟؟؟؟؟عبدالله...هاي سيارة س...
عبدالله:لا هاي سيارتي...مهرة بلاج ؟؟لاتصيحين ..ناس يتمنون ان يكون عندهم ابو ..لا تكرهين ابوج
مهرة قامت تبى تطلع من السيارة :انت مالك خص ..هذا شي راجع لي اكره الي ابي حتى لو كان ابوي
عبدالله : مهرة بغيت اقولج شي لو سمحتي
مهرة فتحت الباب ولا اهتمت انه يبى يقول شي و هي تسب نفسها ليش طلعت تصيح برع
عبدالله تكلم مع انه ما لقى رد منها :مهرة انا اريد اتزوجج
مهرة وقفت مكانها عند باب السيارة و هي مصدومه و الدهشة في عيونها ,,,كيف ؟؟شو صار؟؟ شو يقول هذا؟؟
عبدالله : انا راح اتقدم لج رسمي عند ابوج
مهرة من سمعت كلمة ابوج كانه حد كب عليها ماي بارد : اسمعني يا عبدالله ..اذا انت تبى تتزوجني مثل ما تقول ترى انا ابوي ميت و اخطبني من اخوي...واذا زواجك مني شفقة علي و على حالي ...اسمح لي انا من الحين مب موافقة ...راحت تمشي عنه
عبدالله : اسمعي يا بنت محمد ...لو ما انا انتي كنتي ميته فاهمه ...و اريد اعرف من المفروض يرد الجميل ؟؟
مهرة من سمعت هالكلام وقفت و طالعت على عبدالله الي بعده كان في السيارة : شو قصدك؟؟
عبدالله : انا زواجي منج مب شفقة عليج ...بس اريدج تعيشين حياة حلوه و تكوني مرتاحه ..و سعيدة
مهرة :من قالك اني ما مرتاحه؟؟...تحاول تبين له العكس
عبدالله : طالعه من بيت اهلج و تصيحين و تركبين سيارة ما تعرفينها حق منوه هاي هي المرتاحة؟
مهرة توهقت حاولت تغطي ع الموضوع : انا ع بالي سيارة اخوي ...و نسيت شي غالي علي و رجعت اشوفه
عبدالله: و الكلام الي قلتيه ؟؟
مهرة : اقول الي اقوله ياخي مالك خص ...و لا تفكر ف يوم اني راح اكون زوجتك فاهم...خلته و راحت البيت ...مع انها ما ودها ترجع ودها تكون ف أي مكان ثاني غير البيت ...و في خاطرها ودها تعرف شو الي كان يقصده ؟؟كيف لو مب هو كانت بتكون ميتة ...لو متت كان احسن اووووووووف شوه اي الحياة ..
قعد يناظرها لحد ما دشت البيت ..بلاها هالبنت يعني كل هذا كره لابوها ؟؟؟ما الومها والله بس حتى لو المفروض ...اي مفروض أي خرابيط ...انا شو قلت حق البنت ...اصلا ما كان له داعي اني اكلمها ...
((....وش جاك يا خاطري بالحيل متغير
امسيت في حالة و اصبحت في حالة
الشور عند الذي بالرأي متحير
و العلم عند الذي للحين ما قاله
مديت حبل الرجى طويل و قصير ولا هو وصلني
ولا كفى بعد طاله
و الهم عندي كبير و عندك صغير
خوفي على حالتي لو يعكس ظلاله
من جاد عند العرب يقال له خير
و من هو تردى رداه بعمه و خاله...))
الله يهديها يا رب ..انا ابى اتزوجها عشان ترتاح و هي كذا ترد علي ...بس ما الومها ...شكلها سالفة صايرة عندهم اسمع اصوات ...خلني اروح البيت احسن لي...نزل من سيارته و راح بيتهم... و هو في باله شكل مهرة و دموعها ع خدها ...
دش البيت و لقى اخته عليا الي يعتبرها في مقام امه الله يرحمها ...هي اخته الكبيرة ...ما تزوجت لحد احين و هي في الثلاثين بس عشان تربي اخوانها ...امه ماتت عنهم من 20 سنة
و عليا كان عمرها بس 19 و كانت اخر سنة دراسة ...مات امها و طلعت عليا من المدرسة عشان تربي اخوانها...مسكينه يا اختي ضحت بحياتها عشانا ...بس لحد متى ...نسى مهرة و هو يناظر اخته و يفكر في حالها ...عليا انتبهت في اخوها الي شكله وصل لبعيد
عليا: عبدالله ...عبدالله وين وصلت؟؟
عبدالله انتبه انها شافته: هاااا ولا مكان...راح و قعد وياها ...شحالج عليا؟
عليا: الحمد لله ..شفيك عبدالله؟؟ شي مضايقنك؟
عبدالله تذكر مهرة ...لقاها فرصة انه يكلم عليا عشان تخطبها له: بصراحة يا عليا ...
عليا قاطعته بخوف: فيك شي؟؟؟
عبدالله: بسم الله عليج ..هذا انا ما فيني شي ...خليني اكمل كلامي
عليا: اسفه يالله كمل كلامك
عبدالله: بصراحة ماعرف شو اقول لج....
عليا فهمت الموضوع :السالفة فيها عرس صح؟
عبدالله هز راسه بمعنى هيه
عليا وقفت من الفرحة :اخيرا قررت وانا دوم كنت احن عليك...شكلك محطي العين ع وحدة...من هي سعيدة الحظ الي بتاخذ اخوي مني؟
عبدالله : وحدة تعرفينها
عليا حطت ايدها ع خاصرتها: لا و بعد اعرفها؟؟من هي يالله قول عشان اروح اصفعها شوي
عبدالله : من الحين تصفيع ؟؟حرام البنت ...قطع كلامه ...كان يبى يقول ان الي فيها مكفيها من الضرب ما تبى زيادة ..
عليا : بعد صرت تدافع عنها من الحين ..خلاص انا ما موافقه عليها
عبدالله : عليا والله البنت طيبة و حبوبة
عليا : من هي؟
عبدالله : مهرة
عليا استغربت: من مهرة ؟؟بنت محمد جارنا؟
عبدالله : هيه هي
عليا قعدت ع الكرسي هي تعرف مهرة زين ...مهرة ما عليها كلام بس ابوها ...هي كانت تروح بيتهم و تعتبر ام علي مثل امها المرحومه ...بعد ما ماتت امها ام علي كانت اقرب انسانه لها ...بس بو علي حرمها منها منعها انها تروح عندها
عبدالله قطع عليها حبل افكارها : عليا
عليا : هاااا
عبدالله : بلاج؟
عليا : ماشي ...قامت راحت غرفتها ...سكرت الباب عليها وقعدت تصيح
عبدالله حس بانه جرح اخته ليش انه رجع الذكرى لها ...ذكرى كانت تحاول تنساها ...راح وراها ...وصل لعند باب غرفتها ...سمع صوتها ...سمع بكيها ...كان يسمعه وايد بعد ما ماتت امه ..كان كل ليلة يوقف عند باب غرفتها و يتمنى انه يساعد اخته و يخفف عنها ..سمعها تقول آه يا امي رحتي عني و خليتيني ....تقطع قلبه ما عرف شوي يسوي ...ايده ارتفعت تلقائي و دق باب الغرفة ...عليا ما ردت عليه ...رجع دق الباب
عبدالله : عليا الله يخليج افتحي لي الباب
عليا ما ردت عليه ...و سمع صوتها بداء يزيد ...و هو بداء يزيد دق ع الباب ...حس ان لازم يخليها ترتاح بعدين بيرجع لها ...التفت يبى يروح انفتح الباب وراه و رجع مكانه الي كان واقف فيه ...ما انتبه الا انه يشوف اخته في حضنه و هي تصيح ...حضنها و كانت دموعه شوي و تطيح ..بس عيب على الرجال يصيح ...لازم يواسي اخته ما يزيدها ...دخلها الغرفة و قعدها على السرير و هي بعدها تصيح في حضنه ..كانت محتاجه احد معاها ...محتاجه احد قربها ...عبدالله قعد يمسح على شعرها و يمسح دمعها
عبدالله : خلاص علويه ...هالشي مكتوب ومقدر حبيبتي ...ماله داعي هالدموع الحين
عليا رفعت عينها تناظر اخوها ...حست انه يشفق عليها :عبدالله اشتقت امي اشتقت لها...رجعت ضمت راسها في حضن اخوها
عبدالله : كلنا اشتقنا لها ...بس يا عليا انتي صرتي امنا ...عوضتينا حنان امنا و غيابها ...يكفي انج ضحيتي بحياتج عشانا ...تركتي المدرسة ...و كل ما تقدم لج حد رفضتي ...و احين وصلتي للثلاثين و قلتي انج ما راح تتزوجين لحد ما نتزوج كلنا ...كل هذا و كل الي سويتيه عشانا مستحيل ننساه يا عليا...واذا ما سكتي احين بغير رايي و ما راح اتزوج و بسوي اضراب مثلج ...تحيا العزوبية
ضحكت عليا غصب عنها و غصب عن دموعها ضربته :انا ما صدقت على الله انك قررت تتزوج اخيرا.
عبدالله : يعني بتخطبينها حقي؟
عليا تمسح دموعها : اكيد ..متى تبى نروح نخطبها؟؟
عبدالله : دوم مستعجله ...صبري تراني ما خبرت ابوي بعدني...قلت اقولج انتي قبل...و اخذ رايج في الموضوع
عليا : اكيد بستعجل على عرس اخوي ...شو رايك انا اقول لابوي؟
عبدالله : خلاص قولي له ...بس ابى منج وعد .
عليا :وعد شو؟
عبدالله : مابى اشوف هالدموع في عيونج مرة ثانية
عليا : ان شاء الله
عبدالله قام باسها على راسها و طلع عنها ...قعدت تحمد ربها انه عطاها اخوان مثل عبدالله...

في بيت بو علي ...
بو علي طلع من البيت و هو متحلف بالشر على هل بيته ...جواهر و خليفة راحوا بيتهم كل واحد ف سيارته ...سلطان و امه قاعدين يهدون هنادي ...الي انهارت خلاص و قاعدة تصيح ...مهرة في غرفتها في الصوب الثاني تفكر في الي صار اليوم مع عبدالله ...انا ما اريده يتزوجني شفقة علي ...طلعت من غرفتها راحت غرفة اختها تشوفها و تطمن عليها ...
في شقة جواهر و خليفة ...
جواهر : خليفة انت كيف عرفت؟؟
خليفة : انا كنت واصل البيت و انتي كنتي راكبه السيارة ...لما دقيت لج قلتي انج رايحه بيت اهلج...رحت بالسيارة وراج
جواهر : اهااااا ...اسفه حبيبي خليتك تتعب ويانا
خليفة : افاااا ماحب اسمع هالكلام منج ...بس تعالي انتي كيف عرفتي ان ابوج كان يضرب هنادي؟؟
جواهر : الخدامة اتصلت علي و رحت ركض بدون ما اقولك
خليفة : ما عليه حبيبتي ...المهم الامور طيبة احين
جواهر : الله يستر من ابوي بس مادري ع شو ناوي
خليفة : مساكين خواتج و امج شو راح يسوون
جواهر : الله يكون في عونهم ...بروح اشوف العيال
خليفة : انا بدش اسبح و اصلي
جواهر : تمام بجهز لك ملابسك حبيبي

الساعة 10 ونص في بيت بو علي
دخل بو علي و معه رجال تقريبا في نفس عمره قعداه في المجلس و راح ينادي ام علي و بناته
بو علي : هنادي ...هنادي
ام علي طلعت له : شو تباها ؟
بو علي : خليها تجي احين بسرعه اشوف
ام علي :اول قول شو تباها؟
بو علي عطاها نظرة : ترى هي مرة وحدة و ما اعيد كلامي بنتج وينها؟
هنادي طلعت من وراء امها :نعم ابوي
بو علي : البسي عباتج و تعالي
هنادي و هي خايفة: وين بنروح ابوي ؟
بو علي : انا انتظرج في المجلس بسرعه 5 دقائق عندج...خلها هي و امها و راح المجلس
هنادي طالعت امها و ام علي ردت عليها و فهمت من عيونها شو سؤالها
ام علي : روحي البسي عباتج و انا بلبس عباتي و بروح وياج
راحت غرفتها تلبس عباتها و قلبها ناغزها ما عارفه ابوها شو يبى فيها
مهرة كانت في غرفتها سمعت مسج وصلها ...خذت التلفون الي من كم يوم ما شافته ...خيبة 30 اتصال و 17 مسج....كل الاتصالات من عهود و كم اتصال من ربيعاتها و اكثر المسجات من عهود ....مسكينه مهرة ما تعرف شو الي يصير مع اختها ...ردت على عهود بمسج ....و اتصلت لها عهود بمرة
مهرة : خيبة بعده احين تم التسليم
عهود :وينج يالسباله ؟؟؟
مهرة : موجودة ...بلاج
عهود: كيف صحتج احين؟؟؟شو صار ؟؟شو يعورج؟؟
مهرة : كل هاي الاسئلة لازم اجاوب عليها؟؟
عهود : هيه و بسرعة اشوف
مهرة : انا الحمد لله طيبة ...و ما صار شي ...بس تعبت شوي و فديت اخوي خاف علي و وداني المستشفى
عهود حست بخجل : من منهم؟؟؟
طلعت هنادي و هي لابسه عباتها و امها بعدها ما طلعت من غرفتها نزلت الدرج تنتظر امها لحد ما تجي طلع لها ابوها من المجلس
بو علي : تعالي يا بنتي مسك ايدها و دخلها المجلس
هنادي استغربت تصرف ابوها ...هو عمره ما عاملها كذا ...و احين يمسك ايدها و يقول لها يا بنتي بكل حب ...لا هذا ما ابوي...اول ما دخلت المجلس طاحت عينها على الرجال الي في المجلس ..
بو علي : يالله يا بنتي روحي سلمي على زوجج

نهاية البارت السابع

اعرف الفضول قاتلنكم

بس لازم اسوي كذا

توقعاتكم للبارت الياي؟؟
هنادي شو راح يصير معها ؟؟و منو زوجها المزعوم؟
مهرة و عبدالله راح يتزوجون؟
نورة وحميد شو راح يصير بينهم ؟؟

الاحداث كل ما لها تشتبك اكثر انتظروا البارت الياي

 

[Ŝσмε Ĝiяℓ ღ]

لااااااااااااااااااااا مجروووحوووه شو هالحركآآآآت:ش5:
يعني تقطعين علي الحمآآآآآس يبالج عض قق4
معلييييييج برآآآآآويج حرآآآم حطيلي 4 بآرتات بموت ترآآ هع
عششـــآآآآني بلييز لا طوليييييييييين علينــآآآ

المهم خلينآ ف توقعااتي:

*اعرف الفضول قاتلنكم

بس لازم اسوي كذا (معليج يوم لك ويوم علييك<<نآوية عليج الأخت هع..

توقعاتكم للبارت الياي؟؟
بيكون فيه آكشنآآت آكثر هع
هنادي شو راح يصير معها ؟؟و منو زوجها المزعوم؟
بعد شو بيصيرلهــآآ غير آنه آبوهــآآ الخسف بزوجهــآآ واحد شآآيب<< سمحولي من قهري على هنودهــ هع<<دآخلة جو ف القصة..~
مهرة و عبدالله راح يتزوجون؟
آتوقع يب بيتزوجون بس بالأول بتصير بينهم مشآكل بس بعدين بتحبه..~
نورة وحميد شو راح يصير بينهم ؟؟
نوو آيديآآ هع..~((لا توجد لدي آدنــآآ فكرة..~
الاحداث كل ما لها تشتبك اكثر انتظروا البارت الياي..؟
آنتظره بفاااارغ الصبر بس لا طولين يآريت لو تنزلين 4 بآرتات اليوم
تسوين فيني خيـــر هع <<مآ تقدر تصبر آرحميهــآآ يآ بنت​

 

[مجروحة المشاعر]

ثانكس خيتي فديتج

ربي لا هان قدرج و غلاج

بس 4 اجزاء صعبه

انا واصله لحد البارت 12 بالكتابة و معلقه شوي


ف ما اقدر انزل اجزاء زيادة


بس اوعدج السبت انزل جزء عشان خاطرج

 

[غدر الزمان]

كلنا جروح

السلام عليكم ورحوة الله وبركاته مشاركتك رائعة جدا ولكن اسمحي لي كنت اتمني تكون باللغة العربية لاني ما عماني ووجود بعض الكلمات المحلية التي لا اعرف معناها ولكني استنبط معناها تحياتي لكي وانتظر البارت الثاني

 

[Ŝσмε Ĝiяℓ ღ]

مجروحه يسلموو فديتج ..~
بس لو تخليه قبل السبت يكون آحسن..~
لآني آبدأ أختبآرات ع السبت..~
ويسلموؤ خيتو..~

 

[زهرة الجوري]

القصة وااااااااااااايد حلوة:imuae85:
وانا متابعة لكل بارت تنزلينه
ياليت بس تستعيلين
لاني واااايد متشوقه ابا اعرف شو بيصير:3ash:
وتسلمين فديتج على الطرح الغااااوي:001::001:
ولاتتأخرين عليناا :ش12:
نترياااج

 

[مجروحة المشاعر]

البارت الثامن

((...تعلمت أزيف ضحكــــتي والقلوب أسرار
على أني بخيــر في عيـــن من يجهل أحزانـــي...))

بعد ما سولفت مع مهرة سكرت التلفون واطمنت على حبيب القلب راحت عند امها تشوفها و خلود قاعدة ف غرفتها تذاكر ...و حاسه ان راسها بينفجر من الصداع الي فيها ...نزلت تحت تغير جو عند امها ....
عهود :امي وينه مروان؟
ام جاسم :مادري عنه...شو تبينه؟
عهود : من زمان ما طلعنا نتمشى
ام جاسم : وايد رايقه تبين تتمشين؟؟
عهود : هيه ...خاطري اطلع اتمشى
دخلت عليهم خلود .
عهود : هلا هلا باختي المثقفة
خلود : شو مشكلتج ؟؟؟تغارين ؟؟
عهود : وليش اغار ؟؟
خلود : مادري عنج
ام جاسم : هيه تغارين منها
خلود : الله امي واقفة معي ...اطلع لسانها حق عهود
عهود :مالت عليج دلوعة الماما
خلود : تغارين؟؟صح نسيت ان اختي غيوره
عهود : خلي عنج ....اقول خلود ما تبين تروحين نتمشى؟؟
خلود:والله زين نغير جو شوي
ام جاسم : الوقت متاخر ما ينفع
عهود: امي الله يخليج كلمي حد من خواني نبى نروح نتمشي
خلود : صج امي خلينا نغير جو شوي تعبت من الدراسة
ام جاسم : انزين محد من اخوانكم هنا...
عهود تذكرت شي: امي جاسم موجود ...
ام جاسم : متى رجع ما شفته؟
عهود : رجع المغرب بعد ما رحتي تصلين انا شفته
ام جاسم : انزين تلقينه راقد...و تعبان
خلود :امي شوفي حمود والا مروان
عهود : صج امي شوفي حد منهم شو فايدتهم اخوان ؟
ام جاسم : حنت البنات غير شكل بعد ...اووووف منكم...جيبي التلفون خليني اتصل حق مروان اشوفه
عهود فزت من مكانها وع التلفون: تفضلي امي
ام جاسم : خيبة تكسر التلفون ...كل هذا عشان الطلعه؟
عهود : و اكثر من كذا بس عشان الطلعه
خلود :خلي امي عن تغيير رايها احين
ام جاسم ضحكت بمكر و كانها ترجع التلفون: احين بغير رايي
عهود ترجع التلفون صوب امها : لا الغالية لا تغيري رايج ...تدف خلود بايدها ...و انتي شو خانتج هنا هاااا؟؟
خلود : ااااي ماشي ...بس اشجع
ام جاسم اتصلت حق مروان :الووووو هلا ولدي انت وين
مروان : هلا امي ...قاعد مع الشباب..بغيتي شي امي
ام جاسم : يعني مشغول والا فاضي ؟
مروان : افاااا امي حتى لو مشغول افضى لج ...امري امي؟
عهود تتحرقص و تلصق في امها تبى تسمع و خلود تسحبها
ام جاسم : ما يامر عليك عدو يا ولدي ...عهود يلسي...
مروان : امي شو عندكم؟
ام جاسم : خواتك يبن يطلعن يتمشن و اذا انت ما عندك شغل تعال ودهن أي مكان
مروان : محد غير هاي العهود ...قولي لها ماشي ..اذا انتي بتروحي معهم بجي اخذهم
ام جاسم حبت تسوي نذاله في عهود الي متحرقصه ع الطلعه :لا انا ما فيني اسير مكان
عهود عرفت من كلام امها ان مروان ما بيوديهم الا اذا هي راحت ..قعدت تترجى امها تروح بس ماشي فايدة
مروان : خلاص عيل قولي لهم مرة ثانية
ام جاسم : تمام ..ننتظرك ...طالعت عهود الي تشققت ....و كملت كلامها ....ننتظرك ع العشاء والا بتتاخر؟؟
خلود ماتت ضحك على شكل عهود الي تقفطت مرة وحده ...
مروان :لا امي بتعشى مع الشباب
ام جاسم : ان شاء الله ..انتبه ع نفسك ...مع السلامة
مروان : مع السلامة
عهود خلت نفسها تصيح...و خلود بعدها تضحك عليها
ام جاسم :ماشي طلعه مروان ما فاضي
عهود فزت من مكانها : انزين كلمي حمود قولي له
ام جاسم : يالله يا هاي البنت ما تتعب ...لازم اطلعين يعني؟؟
الكل سكت لما سمعوا الصوت الي وراهم
....:وين تبون تسيرون؟؟
استغربوا من الصوت
ام جاسم : هلا ولدي ...كنت راقد شو؟
جاسم : هيه امي ...حسيت راسي مصدع و رقدت ..و احين قمت اصلي
ام جاسم : زين ولدي الله يهديك ان شاء الله...تبى عشاء؟؟
جاسم :شو مسوين عشاء ؟
ام جاسم : معكرونه بالبشاميل و في فطاير
جاسم : حطولي شوي
ام جاسم :يالله بنات قوموا حطوا عشاء حق اخوكم
عهود و خلود قاموا و هم فاتحين فمهم مستغربين من متى جاسم يقعد معهم ؟؟لا ويبى عشاء بعد؟
ام جاسم : شو فيكم ؟؟روحوا المطبخ هناك
راحوا و هم بعدهم ما مصدقين الي شافوه ...دشوا المطبخ يحطون العشاء
عهود : خلود شفتي الي شفته؟
خلود : هيه شفت الي شفتيه ...مصدقه الي صار؟؟
عهود : عن نفسي ابد ما مصدقه..و انتي؟؟
خلود : و لا انا والله ...بس بصراحة مستانسة ان اخوي قاعد ويانا ...من زمان ما قعد عندنا كذا
عهود : هيه والله ...تعرفين انا عندي احساس ان جاسم بيرجع مثل قبل
خلود : خفي علينا ام الحاسة السادسة
عهود : خلود ترى الي صار حق اخوي ما شوي ...الله يسامحها بنت بليس الي لعبت في راسه
خلود : محد كان بيعرف بالي صار الا بعد ما قروا الفاتحه في الملكة
عهود : سحرت اخوي الله ياخذها
خلود : ما زين عليج تدعين عليها
عهود : وانتي ليش تدافعين عنها؟
خلود : قولي الله يهديها
عهود :بس الي سوته غلط ...و ما يرضي الله
خلود : صحيح ان ابتسام غلطت بس الله كشفها
عهود : المهم افتكينا منها ...انا ما كنت مرتاحه لها ابد
خلود : تصدقين لو اقولج انها طيبة بس الشيطان لعب في راسها
عهود : مشتغله محامية دفاع الحبيبة ...اقول احين بفل عليج بهالصحن
خلود : خيبة خليني اسكت احسن لي
عهود : اسكتي و خذي العشاء وياي يالله اشوف
خلود : حاضر سيدتي
*جاسم قاعد يسولف مع امه ...و امه حدها مستانسه ان ولدها قاعد معها
جاسم : وين تبون تروحون ؟؟
ام جاسم : البنات يبون يطلعون
جاسم : خليهم يتجهزون
البنات من سمعوا خليهم يتجهزون وقفوا مكانهم بدون أي حركة ...ماشي غير عيونهم ترف
ام جاسم نادتهم ... و راحوا ركض ...زين ما طاح العشاء
ام جاسم : بسم الله شو فيكن؟
عهود : جاسم ...بطلعنا؟
جاسم ضحك من خاطره على شكل خواته....ههههههههههههههههههههاي دمعت عيونه من كثر الضحك ...لحظه عيدي بصورج ....ههههههههههه
الكل استغرب من تصرفات جاسم ...لا و بعد يضحك من خاطره ..عهود طالعت صوب خلود ...و خلود تشوف عهود ...
خلود : متأكدين هذا اخوي جاسم ؟؟
عهود : يكون حد سح.....سكتت وما كملت كلامها و ندمت انها قالته
جاسم سكت و طالع صوب عهود
خلود ودها تذبح عهود لانها خربت عليها وناسة اخوها
عهود تمنت الارض تنفتح و تبلعها في ذاك الوقت من شافت نظرات اخوها
ام جاسم يعني لازم تضيعين عليه فرحته...نحن ما صدقنا على الله رجع مثل ما كان
جاسم كسر الصمت الي صار : عطيني العشاء
مدت عهود الصينية و حطتها جدامه ...و راحت غرفتها ركض ...قعدت تصيح ...ليش انها خربت لحظه حلوه في حياة اخوها ...خلود راحت تركض وراء اختها بس عهود قفلت الباب قبل ما تلحق عليها خلود...دقت الباب و لا فتحت لها ...راحت خلود غرفتها رجعت تذاكر بعد ما تكنسلت الطلعة ...كلها دقايق و سمعت دق على باب غرفتها ...يعني هاي ما ملت ...بس لحظه هاي ما ضربات ايدها و الصوت
جاسم : عهود فتحي الباب
عهود و الدموع في عيونها ::جا ....جاسم
جاسم : خلاص افتحي الباب عاد ...والا ماشي طلعه؟؟
عهود من سمعت الطاري فزت تفتح الباب...شافت جاسم متجهز
جاسم : انا قلت تجهزتي ؟؟؟شو غيرتي رايج؟
عهود بعدها ما مستوعبه الي يصير
جاسم :هااااي وين وصلتي؟؟
عهود : هاااا...موجودة
جاسم : ما تبون تطلعون ؟
عهود : هيه ....لا ...هااااا
جاسم ضحك على شكل اخته الي ابد ما مستوعبه شي: هههههههههاي ...ارسي على بر هيه والا لا؟
عهود تنبهت : هيه ...بس...نزلت راسها
جاسم : بس شو؟؟
عهود : انا اسفه جاسم...سامحني اخوي
جاسم : اسكتي ماله داعي ...ويالله تجهزي اذا تبين تطلعين
عهود راحت حبت اخوها على راسه : فريره ...دقيقة و اكون جاهزة
جاسم استانس على هاي الحركة ...حس انه فرح اهله لما رجع مثل ما كان و قرر انه ينسى كل الي صار لا ابتسام ولا غيرها يقدر يتحكم في حياتي...راح يشوف اخته خلود..دق عليها الباب

خلود : ادخل
جاسم فتح الباب :الحلوه شو قاعدة تسوي؟
خلود استانست ما توقعت ابد ان جاسم يجي غرفتها في يوم قعدت تلم كتبها عشان ما يقول انها ما مرتبه: قاعدة ادرس
جاسم :و الطلعة من بيروح ؟؟اروح بروحي يعني؟
خلود : افااااا عليك بس دقيقة و اروح وياك ...ما تهون اخليك بروحك...بس خلني اخبر عهود قبل
جاسم : خلاص عهود تتجهز
تدخل عهود من وراه : و هاي عهود جاهزة...هاي انتي ما بتروحين ويانا؟
خلود : وانا اقدر اخلي جسوم اخوي بروحه وياج انتي الخبلة
عهود : محد خبل الا انتي ...و تمسك ايد جاسم ...فديت اخوي حبيبي ...جسومي خلنا نروح عنها
جاسم يضحك على هبال خواته: جسومي ف عينج ...اصغر اخوانج انا ؟؟والا ريلج وانا ماعرف
عهود احمر ويهها من طاري الريل ...تخيلته حبيب القلب ...استحت على ويهها و خلت ايده :انتظركم تحت ....شردة تاااااااايم
ضحك عليها جاسم و راح ينزل وراها...خلود تجهزت و ركبوا السيارة
و راحوا صوب البحر ...استانسوا حدهم كله لعب و ضحك و وناسة...عهود و خلود ذابحنهم الفضول يبون يعرفون شو الي خلى اخوهم يرجع مثل ما كان ...بس هالشي ما يمنع انهم ما يسالونه بطريقة مباشرة ...يا خبر اليوم بفلوس باكر ببلاش

من الصوب الثاني ..واحد شباب قاعد بروحه في صوب و سرحان و قاعد يفكر و يدخن سيجارة ..ما انتبه الي قاعدة تناظرة من بعيد هي و ربيعتها و تعلي صوتها عشان يشوف صوبها ...و لكن لا حياة لمن تنادي...حمود كان سرحان ..كل هذا عشانها ..هي من تكون عشان تخليني اسرح فيها؟؟اوووووف الف وحدة في الجامعة تتمنى تكون لي بس انا ماعطي حد ويه... انا دشت هالبنت مزاجي ولازم اطيح راسها و غرورها ..التفت صوب البنت الي كانت تسوي له حركات و عطاها نظره... البنت استحت على ويهها و سكتت...قام وطلع من المطعم
هاجر وهي حدها معصبه من حركة حمود:شفتي الحيوان شو سوى؟
منال: بس انتي غلطانه ..ما كان له داعي تعلقي عليه
هاجر :انتي اسكتي ومالج خص..انا بعرف كيف ادبه هذا
قامت من مكانها و راحت ورا حمود ...شافته لحد ما ركب سيارته الكزس ...طلعت تلفونها و سجلت رقم السيارة ...الله يستر ع شو ناويه هاي...رجعت عند ربيعتها
منال: شو سويتي ؟
هاجر: خذيت رقم سيارته و بطلع اسمه و كل المعلومات عنه
منال: وليش كل هذا؟
هاجر: ع الحركة الي سواها فيني
منال :يابوي هو ما سوى شي غير انه ناظرج
هاجر: و نظراته هاي مستحيل انساها
منال: بس كيف بتجيبي المعلومات عنه؟
هاجر :نسيتي محمد الي اكلمه الي ف المرور؟
منال: سمحي لي من كثرهم ما عدت اذكرهم
هاجر: اووووف منج...المهم بسوي الي ف بالي
منال :شو ف بالج ان شاء الله؟؟شكله شر ما هو بخير
هاجر: بخليه يحبني ويموت فيني و بعدين بخليه
منال : مشكلة انتي...بو طبيع ما ايوز عن طبعه
هاجر : هههههههاي ...وانا بنت ابوي ...لا تسميني هاجر اذا ما جبت راسه
منال: اقول خلينا نسير تراني تعبت ..و تاخرت على البيت
هاجر : بعده الوقت احين 11ونص
منال: لا والله ان شاء الله تبين السهرة صباحي...قومي اشوف
هاجر: اووووووف هاي الي تخرب المزاج قومي يالله قدامي
طلعوا من المطعم و راحوا البيت...و هاجر في خاطرها تبى تجيب راس حمود...صحيح انه حلو بس الحركة الي سواها ما راح اعديها له ..
اول ما وصلت هاجر البيت اتصلت ع ذاك الرقم و قعدت تتكلم بدلع
هاجر:حمود شحالك حبي؟
محمد: هلا هلا ...وين هاي الغيبة؟
هاجر: سوري فديتك كنت مشغوله ...وتعرف سفرات و منا و مناك
محمد:يا هلا فيج والله ...امري فديتج شو بغيتي؟
هاجر تكلم نفسها (خيبة هذا عارف اني ما اتصال الا اذا بغيت شي): افاااا حمود انا ابى اطمن عليك
محمد: مشكوره و الله يعطيج العافية ...اخليج احين عيل عندي شغل فديتج
هاجر توهقت : حمود يعني ما تبى تكلمني؟
محمد: اقولج عند شغل احين مب فاضي لج
هاجر: ليش عصبت احين؟؟انا سويت شي يزعلك؟
محمد: ابدا سلامة راسج الشيخة هاجر ...حاجة اماره؟
هاجر :هيه ابغي شي منك
محمد:هيه احين قولي شو بغيتي..ما تقولي ابى اطمن عليك
هاجر: انزين ربيعتي تبى توصل حق واحد
محمد: و طبعا ما عندج الا رقم السيارة ...و يالله يا محمد طلع البيانات الي اباها
هاجر: عافية ع الشاطر
محمد: كم تدفعين ؟؟
هاجر: من متى تباني ادفع؟؟
محمد: من اليوم و ساير اذا تبين أي معلومات
هاجر:كم تبى؟
محمد:ابي 450 ريال
هاجر: خيبة 450 ريال ليش ترى الا بتجيب لي الاسم و الرقم ما ابى شي ثاني؟
محمد : هذا السعر اذا تبين و هذا رقم الحساب ************ و من يتحول المبلغ برسل لج المعلومات
هاجر : اووووف منك انزين يصير خير بس انتظر علي كم ساعة لحد ما اجيب المبلغ...و هذا رقم السيارة *****
محمد: اوكى باي..سكر التلفون في ويهها و ما عطاها مجال ترد عليه
انقهرت منه بس قهرها من حمود اكبر و تحملت كلام محمد و راحت تتدلع ع ابوها عشان يعطيها الفلوس و هي دقايق والا رجعت و الفلوس معها و طلعت مع السائق و حولت المبلغ و وصل لها مسج من محمد برقم و اسم حمود و بدون تفكير دقت على الرقم ع طول حطت ايدها ع قلبها و هي تنتظر تسمع صوته..ما رد عليها ..انقهرت اكثر ...اوووووف منه هذا شو مشكلته ليش ما يرد علي ...بنت هو عشان ما يرد ع ارقام غريبة...اكيد ما شاف الاتصال والا تلفونه كان صامت ...ليش انا مهتمه فيه كذا ...انا لازم اقهره و اخذ حقي خلني ارسل له مسج
((....تعال
وهات رغباتك
فداك اللي تبي آمر
أنا صرت
[ " مجنوووووونك " ]
واذا ودك أأكدلك
تعال
وشف مساحاتك //
بوسط الخافق اللي لك //....))))

نهاية البارت الثامن
شو الي راح يصير ف البارت الياي؟؟
حمود و هاجر شو بيصير بينهم؟؟
جاسم راح يرجع لطبيعته الحزينة و الا بيكون مثل ما هو ؟
ابطالنا شو صار وياهم ((مهرة , هنادي, علي))؟

 

[Ŝσмε Ĝiяℓ ღ]

ليً عوده [قق4 ]..~
بنتظــآآر البآرت القآدم:ش5:..~
تحيــآآتـي لج خيتوؤ..~

 

[مجروحة المشاعر]

البارت التاسع
((...حلف .. لايمكن يخونك ..
لك الله صورتك بعيني
تذكرني بجلساتك
تذكرني واقول :
شلون اعيش اوقاتي بدونك ؟! تراني لاتباطيتك !!
احن لصوت نبراتك وانا بعد ماسمعتهـ ..
عسى الله لايخليني بعيد
واعطش دوم لمزونك
وعساني ماانحرم منك
لأن عيوني الثنتين
يحبوووونكـ .. يحبوووونكـ
لاتقول شلون ؟؟!! المهم أنهم يحبوووونكـ ..)))
بعد ما كان يشغل وقته عن يفكر فيها ..او انه يحاول ينساها بس ما قدر رجع للمكان الي كل زاوية فيه تذكره بها ..اه يا بثينة كيف انساج و انا عايش على ذكراج ..علي قاعد ف بيته بروحه محد يسليه والا يونسه ...راحت الي كانت تشاركه حياته..بس لحد متى بيبقى ع هالحال؟؟اشتاق اهله..يبى يشوف امه ..اه من هاي العيشة...من وين والا وين القاها ..من فراق بثينة و الوحدة والا من ابوي و فراق اهلي ..دمعت عيونه ..و حط راسه ع المخدة و رقد من التعب...مسكين علي ما يعرف شو الي يصير ف بيتهم ..



بيت بو علي ...
هنادي في حالة صدمة ...شو الي صار ؟؟لا مش ممكن ؟؟انا ؟؟ دارت بها الدنيا و اغماء عليها مسكها ابوها و هزها بقوا قومي لا تفضحينا ...قام الرجال و مسكها من ايدها الثانية و هي ولا حاسه بنفسها
بو علي: لا تحاتي ترى ما فيها شي
بو شهاب:سلامتها ما تشوف شر
بو علي : ما من شر ..تعرف البنات يدلعن
بو شهاب :ما عليه ..بس يكون محتاجه تروح المستشفى؟
بو علي: لا ماله داعي ...هي ما تحب المستشفيات
بو شهاب : اهاااا
بو علي : خلني اوديها معك للسيارة
بو شهاب (عرف انه بو علي يبى يتخلص من بنته بس ليش ما عرف ...مسكينة هاي البنت كبر بنتي دانة )
بو علي : وين سرت ؟؟؟
بو شهاب: هاااا موجود ...
بو علي: خذ البنت السيارة و توكل على بيتكم
بو شهاب: بس ...
بو علي: بس شو؟؟يكون غيرت رايك؟
بو شهاب ( انا ع بالي البنت كبيرة مب ياهل شو الحل احين؟؟ ماقدر اقوله غيرت رايي و مابي اظلم بنته الياهل معي)
بو علي: بو شهاب اكلمك انا
بو شهاب : هلا ...خلني انا بشلها
شلها بو شهاب بين ايده كانها طفلة صغيرة ...حرام طفلة مثلها تكون زوجة بعدها ما دشت حتى ال20 ...شو ذنبها ...طلع بو شهاب من البيت و هنادي بين ايده محد ف البيت يعرف شو صار مع هنادي...بو علي ما حس بالشفقة على بنته و لو شوي و راح قعد يشوف تلفزيون ...نزلت ام علي و هي لابسه عباتها و عينها ادور ع هنادي بس ما شافتها...ناظرت ف الصالة ما لقت حد و دشت المجلس لقت بو علي قاعد عيونها بس الي تتكلم ..بو علي طالعها و قال لها
بو علي: اذا تدورين بنتج تراها راحت
ام علي فز قلبها :وين راحت؟؟شو سويت ف بنتي؟
بو علي طالعها بنظرة كلها ثقة : راحت بيت زوجها
ام علي ما شالتها الارض من الصدمة : أي زوج هذا الي تتكلم عنه؟
بو علي عصب : لا ترفعين صوتج علي فاهمه...زوجها على سنة الله و رسوله
ام علي خلاص ما قدرت تتحمل الصدمة و حاولت تمسك نفسها و تسحب جسمها الي مب شايلنها و رجعت غرفتها و قبل ما توصل الباب اغمى عليها
مهرة في غرفتها سمعت صوت شي يطيح قامت تشوف شو الي صار اول ما فتحت الباب طاحت عينها على امها و انصدمت كيف شو الي صار امي ؟؟؟!!!...راحت تركض تشوف امها و تحاول فيها بس ماشي فايدة امها كانت ما تتنفس ما عرفت شو تسوي راحت غرفة علي بحكم انها الاقرب بس علي محد ما تدري انه علي خلاص طلع من البيت و محد غير سلطان و بو علي الي يعرفون و راحت غرفة سلطان الي كان راقد بدون ما ادق الباب دشت و هي تصيح
مهرة تصيح و تشهق بصوت عالي: سلطان....سلطان قوم امي..امي
سلطان فز من نومه خاف شو صاير :مهرة شو صاير ؟؟شو فيها امي؟؟
مهرة تاشر على الباب: امي طايحه ..امي ماتت
سلطان طار من مكانه و راح يشوف امه
مهرة طلعت وراه و هي مب قادرة تتحمل وصلت لحد الباب و تشوف سلطان يقلب امه ويحاول فيها...
سلطان قلبه مقبوض على امه :مهرة جيبي عباتج بسرعة بخذها المستشفى
مهرة لا اراديا راحت تركض و جابت العباة و رفعت امها مع سلطان و راحوا يودونها السيارة بو علي كان قاعد ف الميلس و الباب مسكر ف ماشافهم لما طلعوا و راحت مع سلطان و قعدت جدام و امهم على السيت الي وراء ...كل يوم حد عندهم ف المستشفى مساكين ..وصل سلطان المستشفى في لمح البصر ما اهتم للرادارات و راح ينادي الممرضات ...المستشفى كان زحمة و مهرة فاتحه الباب عند راس امها و قاعدة تقرا عليها و هي تصيح ...امي لا تخليني ...لا تخلينا حق ابوي الظالم ...مرات دقايق و رجع سلطان و الممرضات معاه وحطوا ام علي على النقالة و دخلوا بها على غرفة العلاج و راح سلطان يخلص اوراق المستشفى و مهرة واقفة بروحها تشوف الباب الي دخلوا امها منه خايفة يطلع الدكتور و يقول انه امها خلاص عطتهم عمرها مجرد التفكير في هالشي خلى دموعها تزيد و قعدت تدعي الله انه امها تبقى لها ما انتبهت للعيون الي تناظر فيها.. قاعة الانتظار كان فيها قسمين بس ما كان فيها حاجز ....هو قاعد يناظرها و يشوف كل تصرفاتها و يشوف دموعها من تحت الغشوة ...قاعد يفكر و يشوفها...مسكينه هاي البنت صغيرة و شاله هموم اكبر منها شكلها امها تعبانه ...بس من الي كان معها؟؟هذا زوجها؟؟والا اخوها؟؟ طلع له الدكتور و قاعد يكلمه انتبه له و شل مهرة من تفكيره
الدكتور: استاذ انت ابوها المريضة؟؟
.....: هااااا ....هيه ابوها ...شو فيها؟؟
الدكتور: مجرد انهيار و تعب بس محتاجين نخليها عندنا اليوم عشان نطمن عليها اكثر
.....:خلاص احجز لها احسن غرفة عندكم
الدكتور: تفضل معي عشان توقع الاوراق
.....:ان شاء الله
راح مع الدكتور و هو منشغل باله في البنت الي كانت قاعدة تصيح و منشغل على المريضة الي وياه...ما يعرف شو مخبيه له الايام ..
رجع سلطان عند مهرة: هاااا مهرة ما طلع الدكتور؟؟
مهرة وقفت من سمعت صوت اخوها: لا مادري ليش تاخر
سلطان : ان شاء الله ما فيها الا الخير
مهرة : يا رب ...علي وينه؟؟دق عليه؟؟خله يجي عندنا
سلطان تذكر اخوه :هيه صدق لازم يعرف عن امي ...صبري ...يدور تلفونه ما لقاه ...نسيت تلفوني في البيت
مهرة: خلاص عيل خلنا ننتظر و من نرجع اتصل عليه ...سلطان امي شو صار عليها؟
سلطان : مادري يا مهرة مادري ...قال في خاطره اكيد ابوي
و مهرة كان تفكيرها نفس تفكير اخوها اكيد ابوها سوى شي في امها والا مستحيل تطيح عليهم هاي الطيحة ...طلع الدكتور و علامات وجهه ما اطمن على خير
سلطان و مهرة : هاااا دكتور بشر
الدكتور: بصراحة ماعرف شو اقول لكم
سلطان قلبه خلاص بيوقف: قول شو فيها امي
مهرة ماسكه ايد سلطان و ضاغطه عليها بقوة
الدكتور : الوالدة تعرضت لصدمة و الصدمة الي تعرضت لها سببت ارتفاع في الضغط و هالشي ادى لانفجار شريان عندها في المخ و لازم نسوي لها عملية احين عشان يوقف النزيف و حالتها مرة حرجة
مهرة ريلها ما قدرت تشيلها من الصدمة طاحت على الارض جو الممرضات و شالوها و حطوا لها مغذي ...سلطان من الصدمة الي سمعها ما عرف كيف يتصرف ما عرف شو يسوي قعد على الارض و حط ايده على راسه نزل الدكتور لعنده
الدكتور :ما يصير كذا يا اخوي ...انت لازم توقع اوراق العملية الحين الموضوع ما يتحمل أي تاخير
سلطان يرفع راسه يناظر الدكتور و عيونه كلها رجى عشان الدكتور يساعد امه:دكتور العملية مضمونه؟؟امي راح تعيش؟
الدكتور: ان شاء الله ..كل الي راح يصير الله كاتبنه بس قوم وقع الاوراق عشان تكون فرصة نجاتها اكبر
سلطان قام و راح مع الدكتور و وقع الاوراق و دشت ام علي العمليات و تاخروا وايد في العملية 5ساعات تقريبا احين الساعة وصلت 3ونص قريب الفير ...و مهرة رقدت بعد ما عطوها المغذي طلع الدكتور راح له سلطان
سلطان : هاااا دكتور شو صار؟؟؟؟
الدكتور: الحمد لله العلمية نجحت و قدرنا نوقف النزيف في الوقت المناسب
سلطان الفرحه ما وسعته :صج دكتور الحمد لله الحمد لله ...سجد شكر لله
الدكتور كان واقف ويشوف سلطان ماكان يبى يخرب عليه فرحته بس لازم يقوله ما يصير يخبي عنه
الدكتور: اخ سلطان انا مقدر الفرحة الي انت فيها بس في شي لازم اقولك عليه
سلطان قام بعد ما سمع كلام الدكتور و قلبه وقف اكيد في شي كايد ما قال ولا كلمة و عيونه هي الي تتكلم
الدكتور : انا اسف بس الوالدة صار لها شلل نصفي
سلطان انهار و استند على الجدار و حط ايده ع راسه ...الدكتور يحاول يواسيه
الدكتور: هذا المكتوب يا سلطان و الوالدة محتاجه اهتمامكم
سلطان ما عرف شو يسوي و قام طلع من المستشفى بسرعه و الدكتور مستغرب ما قدر يوقفه ...وين رايح سلطان ؟؟؟


في صوب ثاني و في نفس المستشفى كان بو شهاب قاعد مع هنادي الي صارت زوجته ...مسكينه هاي البنت انا لازم اطلقها ...بس اذا طلقتها راح ترجع للعذاب ف بيت ابوها و ما يصير تقعد معي ف بيتي ...لا حول ولا قوة الا بالله ...قعد يناظرها ملامحها كلها برأة ملامح الطفولة ...غفت عينه و هو قاعد عدالها .

(.....يــــــــــاعين ادمعـــــــــي
ويــــــــا اه من صدري اطلعـــــــــي.....)

دق تلفونه شافه الرقم غريب من كم يوم هالرقم يدق عليه و يرسل مسجات حب و عتاب و شوق اووووف اكيد هاي وحدة من المعجبات خلني اطفر بها مثل ما طفرت بي بس ما فيني عليها تلصق فيني و تقولي احبك ...و هو سرحان في افكاره انقطع الاتصال ...خلها راح تملل بعد كم يوم...حمود كان في خاطره شي ثاني في خاطره ذيك البنت الي شافها في الجامعة باكر راح اتصرف و اشوف شو راح تسوي خلني ارقد احين ...ما عليه يا نوال انا وراج و الزمن طويل...حط راسه ع المخدة و رقد و هو ناوي نية على نوال ..
من نوال يا ترى؟


هاجر من الصوب الثاني محترقه حدها من حمود ليش هالحقير ما يرد ما عليه.. اوووف منه...ما عليه انا اعرف شغلي معه عدل من ضمن المعلومات الي رسلها لها محمد ان حمود طالب في جامعة ********* و هاي الجامعة قريبة من بيت هاجر ...ما عليه يا حمود ال***** مب انا هاجر ال***** الي ما ترد عليها ... بتروح له الجامعة و راح تسوي الي في بالها و اجيب راسك يا حمود اجيبه.

نرجع عند سلطان الي طلع من المستشفى وين رايح ؟؟ راح يتصرف راح ينفس عن غضبه راح يرد اعتبار امه ...راح البيت و هو ناوي على ابوه خلاص نحن سكتنا بما فيه الكفاية لحد متى بنتحمل هذا الوضع؟؟لحد متى ابوي راح يظلمنا وياه ؟؟؟لو صار شي لامي قسم انه بيصير شي ما تحمد عقباه..و هو يسوق و افكاره تلعب فيه و الشيطان يوسوس له ما انتبه للسيارة الي جايه من الشارع الثاني و سلطان حاول يتحكم في السيارة بس كانت سرعته كبيرة طلع من الشارع و انقلبت سيارته ... الوقت كان متاخر و الشارع كان شبه فاضي بس صاحب السيارة الثانية ما صار له شي لان سرعته كانت بطيئه و راح يشوف سلطان طلعه من السيارة و الدم يطلع من راسه و راح به المستشفى بسرعه .
وصل المستشفى الي كانوا ينتظرونه بعد ما دق عليهم و خذوا سلطان بسرعه للغرفة العلاج ..الدكتور انصدم عرف سلطان و ندم انه ما وقفه قبل لا يطلع ..لا حول ولا قوة الا بالله ...سووا له فحوصات صحيح انه الجروح الخارجية وايد بس الحمد لله ما كان فيه أي اضرار داخلية بس انكسرت ايده اليمين ...محد يعرف شو الي يصير مع هاي العايلة كل حد من صوب
ام علي صار لها شلل نصفي
سلطان صار له حادث و انكسرت ايده
هنادي صار لها انهيار بعد خبر زواجها المفأجئ
مهرة ودها تعرف شو الي يقصده عبدالله و هل راح يتقدم لها مثل ما قال؟
علي سكن بروحه بعد ما طرده ابوه
جواهر ما تدري شو صاير في بيت اهلها لان ابوها طردها هي بعد



الرواية كل ما يالها تتشابك خيوطها ...والحين انقل لكم الرواية لمنحنى ثاني فصل غير عن الي كان راح اسميه (الحب المحرم)
كانت قاعدة في غرفتها تشوفه و تناظر في ملامحه ...النوم طار من عينها ...بسبب الكابوس الي ياها ...ما حبت اصحيه ...شافته في سابع نومه ...مسكين طول الوقت في الدوام ...صحيح انها متزوجه ولد عمها و صار لهم تقريبا سنة بس ما تحس انها تحبه ولا هو يحبها ..هو تزوجها لانه عمها ما عطاه مجال انه يرفض ...هي كانت يتيمة وعمها الوحيد الي كان مهتم فيها وزوجها من راشد ولده خايف عليها بعد ما يموت محد يهتم فيها ...راشد صحيح انه ما مقصر وياها بشي بس العلاقة الي بينهم هي مجرد علاقة زوج و زوجة و مسؤوليتهم تجاه كل واحد فيهم ...
...تنهدت و قالت بصوت مسموع:اه يا ليتك تحبني يا راشد عشان احبك
راشد كان راقد و ما سمع الي قالته ...رجعت البطانية عليها تبى النوم يرجع لها بس ماشي فايدة قامت تقرا قران لحد ما يأذن الفير الي ما باقي شي عليه...كلها دقايق و اذن قامت توعي راشد حق الصلاة...قام توضى و راح يصلي و هي قامت تصلي و تسوي ريوق عندها دوام ...زين انه راشد متفهم و وافق انها تكمل دراستها الجامعية ...باقي لها سنة و راح تخلص ...
رجع راشد من المسيد
راشد : السلام عليكم
....: و عليكم السلام و الرحمة
راشد :ما شاء الله قايمة بوقت اليوم
....: لا ابد بس شفت حلم و قمت و ما جاني نوم
راشد: اهاااا
...:و بعدين تعال يعني كل يوم ما اقوم بوقت؟
راشد: ف العادة انا اصحيج حق الصلاة مب العكس
...:عادي يوم لك و يوم عليك
راشد:شي طيب ...قعد ع الكنبة و مسك الجريدة و يقرا ...نفس الروتين كل يوم ...لحد الحين الله ما رزقهم ب عيال ...
بعد الريوق هو يروح الدوام و ياخذها وياه للجامعة و ع الساعة 2 يمر عليها و يرجعون البيت ساعة زمن لحد ما يجهز الغدا ...و العصر هو يروح يشرف على اشغال ابوه و هذا حالهم ...
تجهزت و لبست عباتها و شالت شنطتها و كتبها
....: يالله راشد خلنا نروح
راشد : يالله توكلنا ع الله
ركبوا السيارة و شغال المسجل ع الاخبار ...و الهدواء مخيم عليهم كالمعتاد ...وصلوا الجامعة نزلت ودعها و راح الدوام ...اول محاضرة عندها تبداء ع الساعة 8 و هي توصل قبل الوقت بربع ساعة تروح تقعد في المكتبة و تحضر دروسها و اليوم على غير العادة شافت واحد لاف ايده و قاعد في المكتبة يدور عن كتاب ...ما اهتم فيه و راحت تقعد مكانها المعتاد و طلعت الملخص و تقراء منه ...من كثر ما هي منذمجه في القراءة ما انتبهت للعيون الي تراقب كل حركة تسويها طاح القلم من ايدها و نزلت تاخذه و لما رفعت راسها طاحت عينها في عينه ...حست شعور غريب تملكها ...حست انها تعرفه من زمان ...كلها ثواني و كل واحد مب قادر يشيل عيونه عن الثاني ...شو هالشعور الغريب الي حست فيه اول مرة تحس فيه ...استوعبت انها قاعدة تناظر ريال غريب عنها ...نزلت عيونها على الطاولة و رجعت تكمل قراءة بس هيهات بالها مشغول ...شو الي صار لي ؟؟من هذا ؟؟و شو هذا الشعور الي حسيت فيه ؟؟خوف؟لالالالا مش ممكن ....اه حسيت احساس اول مرة احس فيه ...احساس مرة حلو ...اعوذ بالله من الشيطان شو الي يصير معي ...بغت ترفع عيونها تناظره مرة ثانية بس خافت انه قاعد يناظرها ...قالت اتهور و اجرب ...و رفعت عينها بس ما لقته ...عيونها تلف يمين يسار ...وين راح ؟؟يمكن كنت اتوهم؟؟لالا ما يصير انا شفته ...طلع من و راها
....: ادوريني؟؟
... وقفت و هي خايفة : هااااا ...بسم الله
...: بسم الله عليج ...شفيج؟؟خوفتج؟؟
... استحت ما عرفت شو ترد
...: لا تستحين مني ...انا ودي اطلب منج طلب اذا ممكن
...قامت تجمع اغراضها تبى تروح بدون ما تنطق بكلمة
...: ليش تحرميني من صوتج؟؟ارجوج اسمعيني
راحت بدون ما ترد عليه ... و هو واقف جدامها ...كانت تبى تمر بس هو في طريقها ...نزلت راسها و قالت
...: لو سمحت ابي امر ممكن
....: اخيرا سمعت صوتج...اكيد ممكن بس ما اطلب يعني؟؟
سوى لها مكان عشان تمر و هي تمر ضربت شنطتها فيه بالغلط من كثر ما هي مستعجله عشان تطلع ...هو رجع على وراء و سوى نفسه يطيح و يتالم...رجعت على وراء تشوف شو صار له ...شافته على الارض و ماسك ايده الي تعوره
...: انا اسفه ..اسفه ...قالتها و ركضت بتطلع من المكتبة
قبل لا يرد كانت طلعت خلاص و قعد على الارض يفكر في كل الي صاار ...كل شي مثل ما يبى ...مشت الخطة عليها...


نهاية البارت التاسع

من هم ابطال البارت الياي؟؟
الحب المحرم شو الي راح يصير في هذا الفصل؟؟
هنادي و بو شهاب كيف بتكون علاقتهم؟؟
حميد شو راح يسوي مع معضد؟؟

اسئلة وايد و الاجابات مجهولة ؟؟

 

[أزهار البريمي]

مجروووحة

قصة حلوووة ورووعه

تسلمين ع الطرح الراقي

ربي يعطيج العافية

ونتريا تفاعلج الحلو


ونتريا الزووود منج

ودي وإحترامي

 

[Ŝσмε Ĝiяℓ ღ]

نــآآآآيسسسسسسووو ققق8
نترـــيآآآ التكممممملة خيتووو

 

[مجروحة المشاعر]

البارت العاشر

(...الغربه ماهي سفر لبعيد
او هم يوم جديد
الغربه لما اعز الناس عنك يغيب؟...)


راحت محاضرتها و هي بالها مشغول فيه...من هذا ؟؟تعور ؟؟يا رب انا شو سويت؟؟حمود حس انه سوى انجاز بعد ما خلى نوال تنتبه له ...اجيب راسها اجيبه ...بس مادري حسيت نظراتها غريبة ...مب مثل باقي البنات شو سالفة هاي البنت ...انا متاكد انها تتصنع هاي النظرات ...و الايام بينا يا نوال ...و راح تكونين لي ...و هو راح محاضرته ..الكل يتحمد له بالسلامة ...مع انه ايده ما فيها شي بس سوى كذا عشان الخطة تنجح و بالفعل نجحت الخطة مثل ما يبى ...و اول خطوة صارت مثل ما مخطط لها ...و الخطة الثانية جاية ان شاء الله...


في بيت بو معضد
معضد : امي وينها بنتج؟
ام معضد: رايحه المدرسة ليش؟
معضد: انا قايل لها مالها داعي تروح المدرسة ..الي يسمع يقول انها بتجيب نسبة احين
ام معضد : شو بغيت منها؟
معضد: ما تبى تروح السوق تاخذ اغراض حق العرس؟
ام معضد: بس يا ولدي البنت بعدها صغيرة ع الزواج
معضد : وين صغيرة امي ...احسن لها تتزوج ...شو تقعد تسوي واذا ما جابت نسبة بتقعد الا ف البيت ...احسن لها تقعد ف بيت زوجها بدل ما تقعد عندنا
ام معضد ما قدرت تقول شي بعد هالكلام الي سمعته: الي تشوفه يا ولدي ...الي تشوفه
معضد: من ترجع دقي لي و تجهزي بتروحين معها
ام معضد: ان شاء الله
دق تلفونه طلعه من جيبه ...شاف الاسم هذا حميد شو عنده ؟؟قال ف خاطره
معضد: انا بطلع الحين هذا حميد يتصل مادري شو عنده ...متذكرني على غفلة
ام معضد : الله وياك ...سلم عليه
معضد يرد على حميد و هو طالع من البيت .
معضد: الوووو...هلا هلا ب ولد خالي ...غريبة داق علي شو عندك؟
حميد : هلا بولد العمة ...شحالك؟
معضد : الحمد لله بخير و سهالة ..و من صوبك؟
حميد: الحمد لله طيب ...انت وين؟
معضد: موجود. بغيت شي؟
حميد: بغيتك في موضوع ...وين نلقتي؟
معضد : خير ان شاء الله ...تعال البيت
حميد: خلاص دقايق و اكون عندك
معضد : لا تتاخر انتظرك
حميد: مسافة الطريق...مع السلامة
...كلها دقايق و وصل حميد بيت عمته دق الجرس وهو واثق من الي ناوي عليه
فتح له معضد الباب دش سلم على عمته و راح يقعدون في المجلس
معضد: حياك الله حميد ...تفضل
حميد: الله يحيك ...زاد فضلك
معضد: هاااا شو تشرب؟
حميد: و لا شي ..بس بغيتك في موضوع مهم
معضد: خير ان شاء الله شو صاير؟؟
حميد: بصراحة يا معضد ماعرف من وين ابدء ..بس يا اخوك انا ناوي اعرس
معضد: مبروووووك اخيرا قررت...انزين انت تبى تعرس انا شو تباني اسوي؟
حميد:انت تعرف العروس ...و ابي تتوسط لي
معضد: انا اعرفها؟؟و كيف اتوسط لك؟؟
حميد: اول عطني كلمة رجال انك راح توقف معي
معضد كله و لا حد يبين انه مب ريال : وعد مني قول من هي و اعتبر ان البنت من نصيبك
حميد لعبها صح :البنت هي اختك نورة
معضد وقف ما عرف كيف يتصرف :بس نورة انخطبت خلاص
حميد وقف : بس انت عطيتني كلمة بترد فيها؟؟؟
معضد :انا ما ارد في كلمتي بس انا عاطي الريال كلمة بعد و ما يصير ارد فيها
حميد: بس انا اولى فيها من الغريب
معضد: حميد الريال مقدم المهر خلاص
حميد :افاااا معضد ...ما هقيتها منك...انا ولد خالك تقدر تقول حق الريال البنت مخيره حق ولد خالها و رجع المهر
معضد: شوف يا حميد الموضوع مب سهل لهاي الدرجة...انا ماقدر اقولك شي احين عطني وقت افكر فيه ...و برد لك خبر
حميد : خلاص عيل انتظر منك الخبر الزين ...و لا تنسى انت عطيتني كلمة رجال
معضد :ان شاء الله خير
حميد : عيل اترخص احين عن اذنك
معضد: اذنك معك
طلع حميد و خلى معضد في حيرة ....معضد عقله متشتت ...ما بين ربيعه و ولد خاله ..اووووف منك يا حميد خليتني في موقف ماعرف كيف بطلع منه ...قعد معضد في المجلس و غرقان في افكاره ...و لما طلع حميد تصادف ان نورة احين بدش ...نورة وقف كل شعر جسمها يوم شافته حتى انه الشنطة مالها طاحت من ايدها ...قام حميد و حط ايده ع كتف نورة
حميد : شو فيج كانج شايفه جني؟
نورة بدون وعي و فاتحه فمها اخر شي و عيونها بعد
حميد هزهااا و انتبهت له نورة :هاااي اكلمج
نورة من الربكة قالت الكلام الي كانت تقوله ف خاطرها : مب جني الشيطان بكبره
حميد عصب بس مسك نفسه : امشيها لج هاي المرة يا عروس
نورة من سمعت كلمة عروس دارت بها الدنيا و طاحت ع صدر حميد ما عرف شو يسوي
حميد توهق بس حس ان نورة محتاجه له حدها...قام و لمها لصدره حيل و همس بدون وعي منه ...ما راح تكوني حق حد غيري يا نورة ...والله اني احبج و اباج ...انا اسف اني قاسي وياج ...بس هااا طبعي ...دوم كنتي تقولي اني دفش ..اه يا نورة ما اتخيل حياتج مع حد غيري ...انتبه ع نفسه انه بعده جدام البيت و نورة في حضنه ما عرف شو يسوي كان بيروح يوديها البيت بس تذكر ان معضد داخل و اذا شافه هالشي مب لصالحه..و بعدين شاف ان نورة محتاجه للمستشفى قام و حطها ف السيارة و رجع البيت و دش عند عمته
حميد :عموه تعالي معي بسرعه
ام معضد : وين يا ولدي؟
حميد :ماشي وقت اقولج البسي عباتج و تعالي انتظرج بالسيارة لا تتاخري ارجوج عمتي
ام معضد شافت الخوف في عيونه ..ع بالها شي صار ف اخوها ..:ابوك فيه شي؟
حميد :لا ابوي ما فيه شي بس انتي تعالي بسرعه انا ف السيارة ...و طلع عنها و رجع السيارة عند نورة
ام معضد : الله يستر بس...راحت تلبس عباتها
حميد وصل السيارة و شغلها... و راسه شوي و يدخل ف الكرسي الي وراء ...قاعد يشوف نورة ...حبي لا تخليني دخيلج ..ارجوج ...ماقدر اعيش حياتي من دونج ...انتي كل الحياة ف عيوني ...من كثر من هو سرحان بتفكيره مد ايده على خدها و ما انتبه ان عمته كانت تفتح باب السيارة
ام معضد ركبت السيارة :هااا ولدي شو صاير
حميد رفع ايده و ناظر عمته بعيون كلها خوف و رجاء و ناظر على وراء
ام معضد فهمت انها لازم تشوف وراء ...اول ما رجعت راسها على وراء شافت نورة و شهقت :يمه بنتي شووووو فيها ...نزلت من السيارة و راحت فتحت الباب الي وراء ...دموعها بدت تنزل...حميد ..بنتي شو فيها؟؟شو صار عليها؟؟
حميد: مادري ..مادري ...انا كنت طالع و طاحت جدامي ...عمتي ركبي خلينا نوديها المستشفى
ام معضد رفعت راس نورة و قعدت ع الكرسي و خلت راس نورة ع ريولها :بسرعه يا ولدي بنتي بتروح علي
حميد سكر الباب و انطلق بسرعه البرق ...و ام معضد دموعها ع خدها و تحاتي بنتها و تقراء عليها اول ما وصلوا المستشفى خذوا نورة ع غرفة العلاج و راح حميد يخلص الاجراءات و امها قاعدة تنتظر الدكتور برع ...رجع حميد عند عمته ..و طلعت الممرضة راحت عند حميد ...انت شو تقرب للمريضة ؟
حميد بدون وعي منه و بدون ما ينتبه لعمته: انا انا زوجها ....ما اقدر اعيش من دونها ..ارجووج طمنيني عليها...شو فيها
ام معضد انصدمت قعدت تشوفه
الممرضة : اطمن زوجتك بخير بس حصل لها انهيار بسيط بسبب الضغوطات الي تمر فيها
حميد : اقدر ادش عندها؟
ام معضد بعدها ما مستوعبه الي قاعد يصير ...و حميد نسى ان عمته موجودة نهائيا
الممرضة : بس نحولها غرفة تقدر تدخل عندها
حميد التفت صوب عمته و شافها تناظره و ف عيونها اسئلة واااايد ...انتبه انه قال للممرضة ان نورة زوجته و قال وايد كلام زيادة عن اللزوم ..استحى ما عرف شو يقول ...اكتفى انه ينزل راسه
ام معضد بعدها في حالة صدمة ...كيف زوجها ؟؟شو صاير بالدنيا ؟؟: حميد
حميد رفع راسه يناظر عمته بدون ما ينطق بحرف
ام معضد : انت ...انت تحب نورة؟؟
حميد استحى و اكتفى انه يهز راسه ب الايجاب
ام معضد تذكرت ان معضد يبى يزوج نورة حق ربيعه ...وااا علي عليك يا ولد اخوي ...شكله يحب نورة من قلبه ..ياليتك يا معضد تغير رايك انا ادري ان محد بيعز بنتي غير ولد اخوي ...و يكفي خوفه عليها ...انا لازم اقنع معضد ...ابشر يا حميد ان شاء الله نورة من نصيبك ...نقلوا نورة غرفة خاصة و دش حميد و امها عندها بعد ما تطمن عليها حميد استاذن من عمته عشان يروح
حميد:الحمد لله ما فيها الا الخير ..انا بروح احين عمتي تامريني بشي؟
ام معضد: ما يامر عليك عدو يا ولدي ...بس اباك تتصل على معضد ..تراني ما حافظه رقمه
حميد طلع تلفونه و اتصل : تفضلي عمتي هذا معضد
معضد من شاف الاتصال طلع من حبل افكاره الي خلاه حميد فيه و شاف رقم حميد ..شو عنده هااا بعد :الوووو هااا شو عندك بعد؟
ام معضد : انا امك شو فيك؟
معضد رجع يشوف الرقم ...هيه هااا رقم حميد : امي شو عندج داقه من رقم حميد؟؟ قعد يقول ف خاطره شكله حميد يبى يتمكن و راح يقول حق امي ما عليه يا حميد
ام معضد : انا ف المستشفى تعال عندنا
معضد: المستشفى ؟؟ليش شو فيج امي ؟؟شي يعورج؟؟
ام معضد :ما فيني شي بس اختك طاحت علينا لقاها حميد عند الباب و يا و ناداني و رحنا المستشفى
معضد حط ف باله ان حميد قال شي حق نورة اووووف منه هاااا شو عنده : ان شاء الله دقايق و اكون عندج
ام معضد : يالله مع السلامة ...تفضل يا ولدي مشكور
حميد: افاا عليج عمتي ما سويت شي ...اذا بغيتوا شي بس خلي معضد يتصل لي
ام معضد : الله يعطيك العافية ولدي ما تقصر ...سلم على ابوك
حميد: ان شاء الله يوصل ...عن اذنج عمتي
ام معضد: اذنك معك درب السلامة
طلع حميد من الغرفة و قلبه عند نورة ما كان وده يخليها دقيقة وحدة بس غصبا عنه ...معقوله انا احبها لهاي الدرجة؟؟و ليش لما اكلمها اكون قاسي وايد ؟ماعرف ماعرف وصل السيارة و باله عندها و راح البيت ..

من الصوب الثاني
وصلت سيارته عند باركنات الجامعة ...حطت الغشوه على ويهها و طلعت له و هي مب ناسيه الموقف الي صار لها اليوم ...تصادفت وياه كم مرة ...ركبت السيارة و سلمت
نوال: االسلام عليكم
راشد: و عليكم السلام و الرحمة
نوال: شحالك؟
راشد: الحمد لله ...بس تعبان و يوعان حدي
نوال: من نوصل البيت نص ساعة و يكون الاكل جاهز ان شاء الله
راشد: ماشي وقت خلينا ناخذ اكل من المطعم ..انتي شكلج بعد تعبانه
نوال: لا عادي ما فيني شي
راشد: ماله داعي تطبخي اليوم ...خلينا نغير شوي
نوال : ع راحيك
مروا المطعم و خذوا لهم غداء و رجعوا البيت و نوال طول الطريق شاغل بالها حمود ..شو الي كان يباه؟؟شو عنده هااا ؟؟الله يستر ...وصلوا البيت و خلت اغراضها و راحت تحط الغدا....دش راشد يتوضى و يصلي ...من خلص الغداء كان جاهز و تغدا و نوال كله سرحانه
راشد: نوال ؟؟
نوال انتبهت :هاااا نعم؟
راشد: شو فيج ؟؟ما كليتي شي ؟؟
نوال: لا ما فيني شي ...بس مالي نفس
راشد: افاااا ..تعوذي من ابليس و كلي شوي
نوال مدت ايدها ما تبى اطول السالفة :ان شاء الله
كل الي كلته كم لقمه بس و انتظرت لحد ما خلص راشد اكل ...قامت تنظف المكان و راحت ترتاح حاسه ان جسمها كله تعبان ...شافت راشد سبقها و راح في سابع نومه ..وقفت دقيقة تتامل فيه ...راشد ملامحه حلوه بس الي شافته اليوم كانت ملامحه احلى حمود كان عليه جمال و سمارة بدو و يحب يدلع نفسه و يكشخ وايد ...تعوذت من الشيطان و راحت ترقد اول ما حطت راسها ع المخدة ...رجع لها حمود ...ياخي شو مشكلته هااا الانسان مب راضي يطلع من بالي ..ماعرف شو صار لي ...كلها دقايق و رقدت
من الصوب الثاني في المستشفى
كانت غرفتها كبيرة مرة فتحت عيونها و شافت باقة ورد جوري و ريحه الغرفة كلها ورد ...استانست حست انها في حلم ..ما كانت تبى تصحى منه ...ما انتبهت للريال الي كان قاعد ع الكرسي الي عدالها...بس هو انتبه انها قامت
بو شهاب : الحمد لله ع سلامتج
هنادي فز قلبها اول ما سمعت الصوت ...لفت ويهها صوبه : منو انت؟؟و دمعت عينها ..تذكرت ان هااا الريال زوجها
بو شهاب : لا تبكين ارجوج...
هنادي: اطلع برع ...انا مابي اشوفك ...انا ابى امي ...غطت راسها بالبطانية و قعدت اصيح
بو شهاب ارتبك ما عرف شو يسوي قام بيطلع ينادي الممرضة...يات الممرضة عند هنادي ..و بو شهاب وقف برع مسك تلفونه و اتصل ع الرقم الي مسج عليه غلاي
بو شهاب: الوووو
....: هلا و غلا...وينك من امس؟
بو شهاب : موجود...اسف حبيبتي...بس انا ف المستشفى
....:بسم الله عليك...شو يعورك ابوي؟؟
بو شهاب: ما فيني شي بنتي ...بس تعالي اباج
دانة: ان شاء الله ابوي ...اخلي سعود ايجيبني
بو شهاب: خلاص انتظركم انا لا تتاخرون
دانة : مسافة الطريق بس
بو شهاب سكر التلفون و قعد ينتظر ف الاستراحة ...ما حب يدش عند هنادي ...لان الصدمة بروحها تكفيها ...
مهرة بعد ما قامت يا الدكتور عندها ...بس بعدها ما تعرف بالخبرين لا عن امها و لا عن اخوها سلطان
الدكتور : بشو تحسين الحين مهرة؟؟
مهرة :الحمد لله احسن...دكتور ...امي؟؟
الدكتور :امج الحمد لله طيبة ...بس
مهرة: بس شو ؟؟قلبها بداء يدق بسرعه
الدكتور : صار لها شلل نصفي
مهرة بدت دموعها تنزل لا ارادي :امي انا؟؟امي؟؟
الدكتور : اخت مهرة هالشي مكتوب و مقدر ..انتي لازم تستعيدين صحتج عشان تكوني جنب امج
مهرة في خاطرها ..كله من ابوي...راح انتقم منك يا ابوي ع كل الي سويته فينا
الدكتور : اخت مهرة ما عندكم حد يجي يكون معكم؟
مهرة تتكلم و دموعها بعدها ف عينها: اخوي سلطان وينه؟
الدكتور: اخوج تعرض لحادث سير بس الحمد لله اصابات خفيفة وعنده كسر ف الايد
مهرة كل مرة تجيها صدمة ...ما عرفت شو تسوي :اخوي سلطان ؟؟وينه ؟؟تعور؟؟ابى اشوفه؟ودوني عنده
الدكتور نادى الممرضة و ساعدت مهرة عشان تروح عند سلطان ...مرت مهرة و الممرضة من جدام الاستراحة وين كان قاعد بو شهاب ...شافها و عرف انها نفس البنت الي كان يناظرها امس ...شكلها تعبت الله يعينها ...بس وينه الريال الي كان وياها ؟؟؟مب موجود؟؟يمكن محتاجه مساعده؟؟ما اشوف حد معها ...بعدين بروح اشوفها...وصلت دانه و حبت ابوها على راسه
دانة :هااا ابوي شو فيك؟؟
بو شهاب: وينه اخوج؟؟
دانة : راح يدور باركن للسيارة
بو شهاب:دانة ..انا ابى اقولج شي..و اباج تساعديني
دانة خافت شو السالفة ...و شو الي ابوها يباها تساعده فيه:امر ابوي من عيوني
بو شهاب :انتي تعرفين ان بعد المرحومه امج انا ما تزوجت ...وكنت مفكر في الزواج من فترة ...
دانة : يعني تبى تتزوج؟
بو شهاب: البارحة من طلعت من عندكم واحد من ربعي قالي ان عنده بنت زينة ...قلت خلني اشوفها ...بس هو قال البنت لك و انا واثق انك بتسعدها ...و رحنا المحكمة و وقعت العقد و ابوها وقع عنها
دانة مب مستوعبه الي ابوها يقوله: يعني شو احين ؟؟
بو شهاب : يعني انا تزوجت احين
دانة انصدمت بالخبر :تزوجت؟؟انزين ما لقيت مكان غير المستشفى عشان تقولي؟؟
بو شهاب: لان العروس في المستشفى
دانة : شو بلاها؟؟
بو شهاب :من تطلع الممرضة من عندها ...ابيج ادشين عندها و راح تعرفين كل شي
دانة : و انا شو اقدر اسوي الحين؟كيف تباني اساعدك؟
بو شهاب :مب عارف شو اسوي معاها ...من ادشين عندها راح تعرفين كل شي بس صبري شوي
طلعت الممرضة من عند هنادي..شافها بو شهاب
بو شهاب: هاي الممرضة طلعت...يالله دشي
دانة وقفت : وانت ما بدش معي؟
بو شهاب: لا ...اباج انتي ادشي بروحج
دانة مستغربة من كل الي يصير: ان شاء الله
نهاية البارت العاشر

شو احداث البارت الياي؟؟
دانة و هنادي شو راح يصير معهم؟؟
علي و جواهر كيف راح يتصرفون اذا عرفوا عن امهم؟
بو علي شو راح يصير وياه ؟؟
نوال شو هو الاحساس الي حست فيه هل هو الحب؟؟

 

[جريح الزمان]

تســـــــــــــــــــلمي مجروحه ع الطرح الجميــل
الله يعطيج العافيه
نترقب أصدارك المبدع

 

[جريح الزمان]

تـــــــــسلمي مجروحه

 

[Ŝσмε Ĝiяℓ ღ]

تسسلمين مجروحة..~قق8
نتريـآآ البآرتات..~:3:
تآخرتي علينآ زيدينــآآ ثنين ع الأقل فوؤديتج..~ققق7

 

[مجروحة المشاعر]

السموحة فديتج ع التاخير

عندي امتحانات هاي الفترة و مزحومه قد شعر كشتي :nope:


بس لج وعد مني انزل لج جزء ع يوم الاربعا

بس جزء عن الطمع


ثانكس ع المتابعة للجميعcrazy rabbit4

 

[مجروحة المشاعر]

البـــــــــــــــــــارت الحادي عشر

بَبَقىْ على نفسْ آلوٍعد , أشآرٍكِكْ حِلوٍ الحيَاة ُ ومُرٍهآ ‘
مُجَرد آحــسَـآسيْ ..[ بقُرب? ] .. يــخــلي هـ آلدِنيَــآ | آمَـآإنـْ |

دانة بدت تمشي بخطوات كلها خوف ...من هاي الي بتصير حرمة ابوها ...او بالاحرى صارت حرمة ابوها...و ليش هي ف المستشفى ؟؟و شو الي ابوي يباني اساعده فيه؟؟الله يستر ..وصلت عن باب الغرفة ..دقت الباب و فتحته و دخلت ...
انصدمت من الي شافته ...معقوله هاي هي الغرفة الصحيحة؟ لا هي هاي الغرفة بس هاااي البنت بعدها صغيرة ؟؟؟كانها في عمري ؟؟ كيف ابوها رضى عليها؟؟شكلها تعبانه ؟؟مسكينة هاي البنت؟؟ابوي كيف رضى انه يتزوجها...عصبت و طلعت برع الغرفة عند ابوها...ابوها عيونه كانت على باب الغرفة لانه عارف انه بنته ما راح اطول ف الغرفة وقفة جدام ابوها...قبل ما تتكلم قال لها
بو شهاب: اعرف الي بتقولينه ...حتى انا انصدمت لما شفتها...ما كنت اتوقع ان ابوها راح يزوجني بنت ياهل كبر بنتي
دانة: بس ابوي ما يصير كذا..ماعتقد انت ترضاها فيني...كيف رضيت ف بنت الناس
بو شهاب: تحسسيني ياهل يا دانة ...انا لما شفتها انصدمت ...و كنت راح ارفض هالزواج ...بس البنت طاحت علينا ...و ابوها قال خذها وياك ...شو تبيني اسوي؟؟
دانة : بس ليش ابوها يسوي فيها كذا؟؟حرام عليه ...هاي بعدها ياهل
بو شهاب: قلت راح اطلقها بس ...ما كنت ابيها تعيش حياتها مع ابوها تعيسة و حزينة ..دام ابوها رضى يزوجها واحد كبره...قولي لي شو اسوي؟؟
دانة قعدت عدال ابوها :ابوي الوضع ما ينسكت عنه..و اخواني شو راح تقول لهم؟
بو شهاب: شهاب متزوج و هو وزوجته ما راح يقولون شي ...و سعود....ف هاي اللحظة دش سعود
سعود: هااا قاعدين تحشون فيني ؟؟شو عندكم؟
دانة : لا ما نحش فيك تعال ابوي يباك ف موضوع
سعود شاف علامة الجدية في كلام اخته و نظراتها :نعم ابوي امر شو هناك؟
بو شهاب: سعود انت ريال و كبير الحين..
سعود من سمع هالكلام فز قلبه شو السالفة
بو شهاب: انا بصراحة يا ولدي تزوجت البارحة
سعود انصعق من الخبر وقف: شووووو؟كيف؟؟وليش ما قلت لنا؟
بو شهاب: الموضوع صار بسرعه و ماقدرت اتصرف و اقول لكم
دانة : سعود الوقت مب مناسبة للعتاب ...الموضوع اكبر من كذا
سعود: شو هناك زيادة ؟
بو شهاب : ابو البنت خدعني...زوجني بنته و هي ...
سعود : انزين؟؟هي شو؟
بو شهاب: هي كبر دانة اختك
سعود: شوووو؟
دانة : سعود اخفض صوتك نحن ف المستشفى
سعود وقف: ابوي انت لازم اطلق البنت ...شو تبى وحدة كبر بنتك؟؟
بو شهاب: سعود اقعد و خلنا نتفاهم..
سعود: نتفاهم على شوو؟
دانة : سعود ابوي يبى يعوض على البنت ...شكلها عانت وايد ...و يكفي ان ابوها لو يحبها ويعاملها زين ما كان رضى يزوجها واحد كبره
سعود: بس ابوي هالشي كله غلط في غلط ..ماعتقد انت ترضى هالشي حق دانة ...كيف رضيت فيه على بنت الناس؟؟؟
بو شهاب :انا ما كنت اعرف ان البنت صغيرة ...ع بالي البنت كبيرة
سعود: واحين عرفت ان البنت صغيرة شو راح تسوي؟؟
بو شهاب: انا مب عارف شو اسوي؟؟اذا طلقتها راح يسمونها مطلقة و راح ترجع لبيت ابوها الي باعها لواحد كبره ...و انا بصراحة ابى اخلي البنت تعيش حياتها و اعتبرها مثل بنتي و اخليها تعيش احسن من العيشة الي عايشتنها
سعود: مادري ابوي سووى الي تشوفه صح
دانة : ابوي مثل ما قال سعود سوى الي تشوفه صح و نحن بنكون وياك
بو شهاب: الله يخليكم لي يا عيال ...انا قررت اطلق البنت بس بخليها تعيش ويانا ف البيت و راح نعتبرها وحدة منا وفينا شو قلتوا؟؟؟
دانة : يعني راح تكون عندي اخت؟؟
سعود: وانتي هذا الي تبينه؟؟
دانة : هيه هذا الي اباه
بو شهاب: اعتبريها مثل اختج و مابي شي ينقصها ...و ابيج توقفي وياها ف كل شي ...انا بروح اشوف الدكتور اذا نقدر نطلعها من المستشفى...و اباج يا دانة تقنعينها
سعود: خلني اروح وياك ابوي
دانة : انا بدش عندها احين و ان شاء الله اقنعها...ابوي هي شو اسمها؟
بو شهاب : اسمها هنادي
دانة :الله اسمها حلووو مرة ...انا من احين حبيتها
سعود: مسرع هااا الحب بس من اسمها حبيتيها...يمكن تطلع شريرة؟
دانة: لا شكلها بنت طيبة و على نياتها
بو شهاب: من الحين بدينا ضرابه ...يالله امشي جدامي
راح بو شهاب و سعود عند الدكتور ...و دشت دانة عند هنادي

ف نفص الوقت و غرفة في قسم الرجال
مهرة دشت تشوف اخوها سلطان ...كان راقد و ايده مجبسة ...نزلت دمعتها غصب عنها ...الممرضة كانت واقفة وياها ...
الممرضة : مهرة ما عندج حد تقدري تخليه يجي يكون وياكم؟
مهرة : امبلا عندي اختي الكبيرة و اخوي...في تلفون عشان اتصل عليهم؟
الممرضة : اكيد في تفضلي عند الرسبشن
طلعت من عند سلطان و راحت مع الممرضة...وصلت الرسبشن و اتصلت على علي
علي: الووو
مهرة: هلا علي شحالك؟
علي: منو؟؟مهرة؟
مهرة: هيه مهرة ؟؟
علي: رقم منو هذا؟
مهرة: نحن ف المستشفى تعال عندنا
علي من سمع مستشفى خاف ان امه صار لها شي بعد ما درت ان ابوه طرده من البيت:امي عرفت بالموضوع؟
مهرة : اي موضوع؟
علي: ان ابوي طردني من البيت بعد ما قدمت استقالتي
مهرة تفأجاة بالخبر: انت شووو تقول؟متى صار هالكلام؟
علي عرف من ردت فعل مهرة ان الموضوع غير :من امس ...تعال انتي ليش ف المستشفى حد متعور؟؟شو صاير؟
مهرة : لا حول و لا قوة الا بالله نحن من وين نلقاها والا من وين؟؟و هذا ابوي لحد متى بيبقى يعاملنا كذا؟؟امي طاحت علينا امس ..و سلطان سوى حادث و انكسرت ايده
علي تروع من سمع كل هاي الاخبار: بسم الله شوو صاير ؟؟
مهرة : تعال المستشفى انا بروحي...مب عارفه شو اسوي...و خبر جواهر خلها تجي بعد
علي:و هنادي وينها عنج
مهرة : ف البيت انا طلعت بدون محد يدري طلعت انا و سلطان
علي: خلاص مسافة الطريق و اكون عندكم
مهرة : لا تتاخر ارجوك علي
علي: لا تحاتي دقايق و بكون عندج
مهرة :اوكى ربي يحفظك
علي: مع السلامة
ركب سيارته و اتصل على جواهر
علي:الوووو هلا جواهر
جواهر: اهلين علي...شحالك اخوي؟
علي: الحمد لله انتي وين؟
جواهر: انا ف البيت امر؟
علي: ما يامر عليج عدو...بس امي و سلطان و مهرة ف المستشفى و يبون حد عندهم
جواهر: بسم الله شو صاير؟؟من متعور؟؟
علي: مادري مهرة دقت علي قبل شوي و قالت تعالوا عندنا
جواهر : خلاص اتجهز و اروح عندهم
علي: تمامو انا الحين رايح عندهم ...نلتقي هناك عيل
جواهر : انتبه ف الطريق
علي: ان شاء الله
بو علي راح الشركة ولا كانه ما مسوي شي...و مب مهتم انه ما شاف حد ف البيت..


في بيت بو جاسم
راح حق اخته و دق عليها باب غرفتها
....:عهود؟؟
عهود استغربت هااا صوت اخوها؟؟ شو عنده؟؟: نعم
....: ممكن ادش؟؟ابى اسولف وياج شوي
عهود فتحت الباب :تفضل
....: شحالج؟
عهود: بخير ...شي فيك؟
....:لا ما فيني شي ليش؟
عهود: ابد سلامتك...ياي عندي الغرفة و تبى تسولف وياي ما فيك شي
....: عيب والا حرام اسولف مع اختي؟؟
عهود:: مب عيب ابد ...بس مب متعوده لاه
....:انزين اقولج
عهود: ايوااا كذا اباك ما تلف وادور ....يالله قولي شو عندك؟
....:بصراحة انا سويت شي غلط
عهود :شووو مسوي يا مسود الويه؟؟و انت دايم تسوي غلط
....: عهود...بس عاد ...لا تخليني اندم اني يات اقولج
عهود: خلاص يالله قووول شو عندك
.....:بصراحة ....

خلهم يسولفون شوي بعدين نرجع لهم
فتحت عيونها و شافت امها و ما انتبهت ان اخوها كان موجود ف الغرفة قعدت اصيح و غطت ويهها بالبطانية...امها تسمع صوتها ...تكلمت بصوت خفيف
نورة: مابي اتزوج...ابى اكمل دراستي ...و اجيب نسبة و اروح الجامعة ...و اخليكم تفتخرون فيني...و ارفع راسكم...

معضد من سمع هالكلام عرف و قرر شو الاحسن لاخته ...عرف انه كان غلطان ..مع انه كان يبى يقنع نفسه انه كل الي يسويه لمصلحتها...بس هي و حياتها ...و سعادتها ...راح يظلمها اذا زوجها ...طلع من الغرفة
ام معضد: نورة بنتي لا تصيحين
نورة: امي ابى اروح البيت
ام معضد: ان شاء الله بنتي ...صبري اشوف اخوج ...مادري وين طلع
نورة: يعني معضد كان موجود هنا؟
ام معضد: هيه كان موجود و سمع كل الي قلتيه
نورة كتمت حزنها :امي انا راح اسوي كل الي يباه اخوي...هو يعرف مصلحتي اكثر مني
ام معضد: عين العقل بنتي ...بس الي ف بالها شي ثاني ...راح تكوني زوجة ولد اخوي يا نورة ...ما تعرفين شكثر هو يحبج
نورة شافت امها وصلت لمكان بعيد: امي شو فيج؟
ام معضد: هاااا لا ما فيني شي ...بروح اشوف اخوج وينه
طلعت ام معضد تدور معضد وينه....نورة رضت بالواقع ...ع الاقل ما تعرف هالغريب الي راح يكون زوجها يمكن يكون احسن من حميد...الي كل مرة يهددها بشي...غمضت عيونها على طاري حميد ...تذكرت انها طاحت جدام حميد هي كيف وصلت المستشفى؟؟مب مهم...بس حست احساس رجعها للوقت الي طاحت فيه ...حست انها في عالم ثاني...عالم كله حب و حنان..معقوله؟؟؟لالالالا مش معقوله...تعوذت من الشيطان ...دخلت عليها امها
ام معضد: يالله يا بنتي قومي خلينا نروح البيت
نورة :ان شاء الله امي
ام معضد: اخوج راح يوقع الاوراق ...و قال انه بينتظرنا برع
نورة: وينها عباتي امي؟؟
ام معضد: اوووه نسيت اخلي اخوج يجيب لج عباة...ترى حميد ركبج السيارة لما شافج طايحه برع ...و يا و ناداني ...وجينا المستشفى على طول...ماله داعي العباة...غطي راسج بالشيلة و طلعي
نورة احين فهمت كل شي...بس الي ما فهمته ..حميد ليش قال لها مبروووك يا عروس؟؟:ان شاء الله امي
طلعت من الغرفة و امها ماسكه ايدها و مغطيه ويهها بالشيلة مال المدرسة ...نزلت راسها ما تبى حد يشوفها ولا تبى تشوف حد...ودها توصل البيت و تروح تكلم ربيعاتها ودها تقول لها كل الي صار لها و صلوا السيارة و معضد كان ينتظرهم ...ركبوا و راحوا البيت ...و كل واحد باله مشغول ف شي...ام معضد تفكر في طريقة تقنع معضد يغير رايه و يزوج نورة من حميد...معضد يفكر كيف يرفض الريال بعد ما عطاه كلمة و الموقف الي خلاه حميد فيه...نورة عايشه صراع بينها و بين نفسها...بتعيش حياة ما تعرف كيف بتكون ...مع شخص ما تعرفه...شخص غريب عنها...ما تعرف اطباعه ولا تعرف كيف تصرفاته....الله يعينها..

وصل علي و جواهر المستشفى ...انصدموا بالاخبار الي ياتهم ....امهم كيف راح يتصرفون احين؟؟؟علي راح يطمن على سلطان....الحمد لله سلطان قام بالسلامة و ما فيه الا العافية...بس امهم حالتها صعبة ...بتعيش باقي حياتها بشلل نصفي...منو راح يهتم فيها؟؟
جواهر قاعدة تصيح: مهرة ...امي شو صار لها؟؟
مهرة ما قد شافت اختها كذا من قبل ...جواهر كانت دايما تحاول تواسي خواتها و ما تبين ضعفها...شو صار لها؟؟:انا بروحي ماعرف ...كانت طايحه عند الباب و رحت انادي سلطان و ماعرف ليش طاحت
جواهر تمسح دموعها: هنادي وينها؟؟
مهرة: ماعرف اظن رايحه المدرسة
جواهر: الله يستر اكيد ابوي سوى شي حق امي....والا امي مستحيل اطيح علينا هاي الطيحه
مهرة من سمعت كلمة ابوي راح بالها بعيــــــــد ...قرب اليوم الي راح اسوي فيه الي ف بالي...محد راح يوقف ف طريقي...
جواهر : مهرة اكلمج
مهرة : هاااا شو عندج؟؟
جواهر: قومي نشوف سلطان و علي
مهرة : يالله نروح
راحوا غرفة سلطان ...سلطان قام خلاص ...الدكتور رخصاه لان جروحه خفيفة و مب محتاج انه يترقد ف المستشفى....
جواهر : تستاهل السلامة اخوي
سلطان: الله يسلمج ...امي كيف صحتها الحين؟؟
مهرة: الحمد لله على كل حال
علي: انا قررت اخلي امي عندي
جواهر:وين عندك؟؟
علي: انا طلعت من البيت ...و رحت الشقة مالي
جواهر: و ليش ان شاء الله؟
علي: ماله داعي احين بعدين اخبرج كل شي
سلطان : بس من راح يهتم فيها هناك؟؟انت عايش بروحك و محد معك
مهرة: انا بروح مع امي ما بخليها بروحها
جواهر: و هنادي بتقعد بروحها؟؟
علي: لا طبعا خلي هنادي تجي معج ...و انت سلطان تعال بعد اقعد معنا
سلطان :و من بيقعد ف البيت؟؟
مهرة : البيت خله حق ابوي
سلطان: انا بقعد ف البيت ما بروح مكان
جواهر: الحين انا ابى اعرف شو الي صار لامي؟؟
سلطان: بيوصلج الخبر ان شاء الله
علي: شو بتسوي؟؟
سلطان: خل الموضوع علي...مهرة قومي بنروح البيت و خذي لج اغراض و خذي حق امي و حق هنادي ...و روحوا عند علي...و خذوا الخدامة معاكم...جواهر روحي معها عشان تخلصون بسرعة ...
علي:سلطان انت شو ناوي عليه؟؟
سلطان : ما ناوي على شي بس لحد متى راح نسكت على هالوضع؟؟
جواهر: خلاص انا بخذ مهرة و بنروح ف سيارتي...
علي: و انا بلحقكم ف سيارتي ...عشان نخلي الاغراض ماظن راح تكفي سيارة وحدة ...
سلطان: خلاص عيل اعتمد عليكم...انا بروح اقعد مع امي شوي
علي و جواهر و مهرة طلعوا و راحوا البيت ...عشان ينقلون اغراضهم من البيت لشقة علي...وصلوا البيت و جواهر نادت الخدامة
جواهر: اسياء تعالي
الخدامة: هااا ماماه شو في؟؟ماما كبير وين؟
جواهر: ماماه في المستشفى ...تعالي خلي سامان كله داخل كيس بيروح
الخدامة: سامان مال منو؟
جواهر: سامان مال ماماه و مال هنادي و مال انتي
الخدامة: انا بعد في روح؟؟
جواهر: ايواا
الخدامة: شيل كله ملابس؟
جواهر: ايواا بسرعة
كل حد قام يجمع اغراضه من صوب...مهرة من خلصت راحت غرفة هنادي...استغربت ان شنطتها مال المدرسة موجودة...راحت تسال الخدامة
مهرة : اسياء هنادي وينها؟؟
الخدامة:ما في معلوم ماماه
مهرة:جواهر تعالي
جواهر: بلاج مهرة؟
مهرة: هنادي مب موجودة؟؟و شنطة المدرسة ف الغرفة..يعني هي ما راحت المدرسة
جواهر: عيل وينها؟؟
مهرة : يكون ابوي سوى فيها شي؟؟
جواهر: خلينا نتصل عليها
مهرة مسكت تلفونها و اتصلت ...سمعت الاتصال ف الغرفة ...دشت الغرفة و لقت التلفون
جواهر و مهرة فز قلبهم اكيد شي صاير حق اختهم والا مب معقوله هي مب موجودة ف البيت ...

نهــــــــــــاية البارت الحادي عشر
مهرة و اخوانها كيف راح يعرفون شو صار ف اختهم؟؟
بو علي من يرجع البيت وما يلقهم شو راح يسوي؟
ام علي شو راح يصير معها؟


الرواية كل ما يالها تتشربك اكثر و اكثر....
قق3

 

[`¤*«مُحمدْ البادِيْ»*-¤]

يثبت لمدة أسبوع، ويختم ب مميز​

 

[مجروحة المشاعر]

البارت الثاني عشر

(...الا ياعيني لا تبكين عيشي نعمة النسيان
خساره دمعتك تنزل على من لا يراعيها....)

فتحت عيونها و كلها تعب...تتمنى كل الي صار حلم مو حقيقة ...بس استغربت من شي...ذاك الريال مب موجود...و موجودة بنت ف عمرها تقريبا..
دانة: صح النوم يا حلو
هنادي: منو انتي؟
دانة: اعتبريني مثل اختج
هنادي: ارجوج ابيج تساعديني
دانة : امري فديتج؟
هنادي: ابي اطلع من هنا...ابي اروح عند امي...ابى ارجع بيتنا
دانة وقفت مب عارفه شو تسوي....دموع هنادي غلبتها...:اسمج هنادي صح؟
هنادي: كيف عرفتي؟
دانة: ابوي قالي
هنادي و علامات الاستغراب ف ويهها: ابوج؟؟ابوج كيف يعرفني؟
دانة : ابوي طال عمرج يصير زوجج
هنادي بعدها مب مستوعبه الي يصير جدامها
دانة: ادري انتي مستغربة من الوضع...كيف ابوي رضى يتزوج وحدة كبر بنته؟انا اقولج السالفة كلها انا كنت مثلج مب مستوعبه الوضع

خلوهم يسولفون و يتعرفون ع بعض...و نحن خلونا نروح مكان ثاني
بيت بو معضد....
اول ما دشت غرفتها مسكت تلفونها ...شافت مسج واحد ....مكتوب فيه
(....شلون اكتب عن غيابك..وانا في غيابك غايب
ماني قايل للعذاب..شي أشد من العذاب
شي مثل الإكتئاب..شي مثل الإغتراب
شي مثل الإضطراب..
باختصار..تقدر تسمي غيابك...
موتي في عزالشباب.)طمنيني عليج
شافت الاسم انصدمت...غلطة عمر؟؟معقولة؟؟
لا مب ممكن...امبلا هاااا المسج من حميد...بس كيف؟؟و ليش؟؟شكلي كسرت خاطره و عشان كذا راسل المسج...خلني اتصل حق خلود وايد احسن...اتصلت و محد رد عليها...وينها هاي بعد؟؟؟حطت راسها ع المخدة و ما حست بعمرها ...راحت ف سابع نومه...كلها دقايق و جاها اتصال...ردت بدون ما تشوف الاسم عارفه انها خلود ...لانها دقيت عليها و ما ردت..
نورة و صوتها كله رقاد:الوووو هلا يا سباله وينج ما تردين...انا من امس ف المستشفى وانتي ما تسالين عني ...عاتبه عليج وايد يا مسودة الوية...تعرفين كل الي صار لي من حميدوه ...ياختي مادري شو فيه هالادمي ...مرات احس انه يحبني...و مرات احس انه اسلوبه قاسي وايد وياي...لما اكلمه احس اني اكلم اخوي معضد...
ظلت تتكلم و الشخص الي ع الخط بس يسمعها و ما تكلم ولا قال شي
نورة: خلود تعرفين ...احس ان حميد فاهمني بدون ما اتكلم...ابى احبه مثل اول ...بس مب قادرة ...حتى مسمتنه غلطة عمر...اه يا خلود ودي احسه قريب مني ...بدت دموعها تطيح غصب عنها ....
حميد: اوعدج اني اكون قريب منج بس مابي تكوني حزينة ...روحي ارتاحي احين...خلاص تطمنت عليج
نورة مب مستوعبة شو الي صار منو؟؟؟حميد الي كان ع الخط مب خلود؟؟و سمع كل الي قالته عنه...كل شي ....دمعتها وقفت حايرة ف عيونها...قالت وايد كلام عنه و ما قال لها ولا كلمة ...ما دافع عن نفسه بشي ...سكر الخط و هي بعدها على حالها ...الافكار تلعب بها...طار الرقاد ...اي رقاد الي بيبقى بعد الي صار...معقوله هااا الي كلمته حميد؟؟لالالالالالا مش ممكن معقوله؟؟؟حميد يتغير ف يوم و ليلة؟؟قعدت تذكر كل الايام الي كنت تقضيها وياه...ايام الطفولة...كانت ايام حلوه...حميد كان معروف عنه الشطانه...و نورة كنت تحبه من يوم هم صغار...مرت عليها كل ذكريات الماضي...قطع عليها حبل افكارها الاتصال الي ياها...شافت الرقم هاي خلود...خلاص من اليوم و ساير لازم تشوف الاسم قبل لا ترد
نورة: الووو
خلود: هلا و غلا...وينج يالقاطعه؟
نورة: مادري منو المفروض يعاتب الثاني
خلود: ليش عاد؟؟
نورة قعدت تحكي لها السالفة كلها من اول و جديد...


...بعد ما شافوا ان هنادي مب موجودة اتصلت جواهر حق علي ...و علي راح يشوفها يمكن ف بيت الجيران مع انهم مب متعودين انهم يروحون عندهم...طبعا ما لقاها...علي دق حق سلطان
علي: هلا سلطان
سلطان: اهلين شو هناك؟
علي: اقولك هنادي مب موجودة ف البيت
سلطان: وين راحت عيل؟؟
علي: ما ندري
سلطان حس ان ابوه ف الموضوع:خلاص انا راح اتصرف
علي: شو بتسوي؟
سلطان :عرفت هي وين...برايك احين بعدين بكلمك
علي: اوكى على خير
اول ما سكر عنه اتصل ف ابوه
بو علي: نعم
سلطان: ابوي هنادي وينها؟
بو علي:هذا انت؟؟ليش ما جيت الشركة اليوم؟؟
سلطان: هنادي وينها؟؟
بو علي: راحت بيت زوجها...بغيت شي
سلطان تنفز حده و عرف الحين سبب طيحت امه و كل الي صار لها سكر التلفون ف ويه ابوه...عيب عليه بس ابوه يستاهل اكثر من كذا...طلع سلطان من المستشفى و راح البيت مع اخوانه...اول ما وصل لقاهم خلاص جمعوا كل الاغراض الي يبونها...حتى اغراض هنادي...
علي: هااا سلطان وينها هنادي؟
سلطان: ابوكم سواها
مهرة و جواهر واقفات و مب عارفات شي...
مهرة تجرات و تكلمت.:سوى شووووو؟
سلطان ناظر ف عيون مهرة :ابوي زوج هنادي
من الصدمة الكل تسمر في مكانه محد تكلم و لا حد قال ولا كلمة...مهرة بدت الدموع تنزل من عيونها لا ارادي ...
نعطيهم وقت لحد ما يستوعبون الخبر...و نروح مكان ثاني
خطة اليوم الاول مشت و اليوم الثاني عيونها كله ادور عليه ...الفضول ذابحها تبى تعرف شو كان يبى منها....بس ما شافته للاسف ...و من الصوب الثاني وحدة جاية الجامعة بس عشانه ...نوال ما كانت الوحيدة الي ادور على حمود ...هاجر راحت الجامعة مع انها ما تدرس ...راحت تشوف حمود الي اهان كرامتها مثل ما تقول...بس ما لقته ...هو كان جزء من خطته انه اليوم الثاني ما يداوم...نوال فز قلبها ع بالها انه تعور لما طلح...و هاجر بعدها تحاول فيه..هاجر قررت ترسل له مسج...هلا انا ف الجامعة انت وين؟؟حمود اول ما شاف المسج استغرب...اول شخص طرى ع باله نوال...بس هااا الرقم الي مطفربه من فترة ...اخيرا قرر يرد عليها...نعم من انت؟؟هاجر كانت قاعدة ف الحديقة الي ف الجامعة و كان في اثنين شباب يناظرونها و هي تسوي حركات انها مب مهتمه...كانت كاشخه مرة ..كل هااا عشان حمود...اول ما وصل لها المسج طارت من الوناسه و نست العيون الي كانت تراقبها ..فزت من مكانها ...شوي وتحس نفسها اطير ...بس حركتها كانت فيها مبالغه ...بس محد يلومها صار لها فترة ترسل له و هو ما يرد عليها...اخيرا رد....ردت عليه ..انا وحدة مب واحد ...تعال ف الحديقة انتظرك لا تتاخر....حمود اول ما استلم المسج كانت افكاره بس عند نوال...معقوله هاي نوال...لالالالا هي شكلها مب مال هاي الحركات...خلني اشوف وين تريد توصل هاي صاحبه الرقم..رد عليها منو انتي؟؟ تنرفزت هاجر اول ما شافت رد حمود ...ردت ...انا انتظرك من تجي راح تعرفني ...حمود اول ما قراء المسج صار فيه فضول يبى يعرف منو هاي الي مطفره فيه ...كان وده يروح الجامعة بس اذا راح بتخترب خطته...في النهاية قرر انه يروح و منها وده يشوف نوال ...كشخ كالعادة و راكب سيارة و راح الجامعة ...وصله مسج ...هاااا وينك قاعدة انتظرك والا اروح؟؟..رد عليها روحي اذا ما ودج تشوفيني...من وصلها المسج انقهرت ...كان ودها تسبه بس تحملت ...بغت تروح بس هي كانت جايه عشان تشوفه اصلا ...ردت عليه باسلوب ...لا ولو انا جايه عشانك ليش اروح ..بقعد انتظرك ..لا تتاخر علي..قراء المسج و هو في خاطره شو ناويه عليه هاي البنت...كلها دقايق و وصل الجامعة و راح و حط الافاف على ايده عشان يكمل الخطة و يشوف اذا كانت راعيه الرقم تعرف شكله والا لا...دش الجامعة و لقى ربعه ...قعد يسولف وياهم شوي و بعدها مشوا مع بعض لحد ما وصلوا حديقة الجامعة لانها قريبة من البوابة و قعد مع الاثنين الي كانوا وراء هاجر
سالم :حمود شوف الغزال الي قاعده هناك
محمد:هاي شكلها مواعده واحد و تاخر عليها
سالم:من ساعة قاعدة هناك و نباها تعبرنا شوي بس ماشي فايدة
حمود: خلوها علي
سليمان :شو تبون البنت خلوها الله يستر عليها
حمود:اسكت شوي خلنا نطفر بها ...قام حمود يصفر بصوت عالي عشان تسمعه ..هو شك انها هي البنت الي تراسله ..لانها كل شوي اطالع التلفون
هاجر ملت من حركات الشباب و حمود تاخر عليها قامت بتروح و طبعا قبل لا تروح لازم تسويها ختامية ...راحت صوب الشباب ....و بدون ما تشوف حمود اول ما وصلت كان ودها تصفع حد كف بس كانت عندها غرشة ماي فتحتها و كبتها عليهم كلهم حمود رجع على وراء و ما لحقه الماي الا شوي ...و هاجر انتبهت على ايد حمود ..و قالت له
هاجر:ايدك منكسره و بعدك ما اتوب عساها ما تصح...ورفعت راسها بتروح بس تسمرة مكانها ....هذااا؟؟هذااا ....لا مش ممكن؟؟هذا حمود استحت على نفسها ...شو بيقول عنها احين..نزلت راسها و انسحبت من ذاك المكان راحت تبى تطلع من الجامعة بس الي خلها توقف صوت المسج و مكتوب فيه ..ليش روحتي؟؟بعده وقت خلص الماي والا بعده ...انحرجت و طالعت على وراء شافته يطالعها من بعيد ...انحرجت ليش انها تبى تطلع جدامه شي ثاني و طلعت شي غير ...خلاص عرف انها هي...شو بيقول عنها احين ؟؟اووووف


هنادي تعرفت على دانة و حبتها وايد حستها طيبة..
هنادي : انزين شو الحل احين؟؟
دانة:اممممم ..عادي يدخل ابوي ف الموضوع ؟؟
هنادي ترددت شوي مب عارفه كيف تواجه ابو شهاب بعد ما قعدت تصارخ في ويهه..
دانة : شو قلتي هنادي؟
هنادي : الي تشوفينه
دانة : لا تخافين ابوي طيب وايد ...راح يوقف وياج ...بروح اناديه...طلعت من الغرفة بسرعة
هنادي من سمعت هالكلام دمعت عيونها ...تشوف الفرق بين ابوها و بين ابو شهاب ...مب عارفه شو راح يصير وياها...بس عسى خير ...شوي الا دخل بو شهاب..هنادي عدلت قعدتها و شيلتها..
بو شهاب دش و دانة ماسكه ايده:السلام عليكم
هنادي و صوتها امبين عليه الصياح: و عليكم السلام
دانة :ابوي نحن مب عارفين شو نسوي الحين؟؟شو تشور علينا؟
بو شهاب:هنادي انتي باقي لج هاي اخر سنة ف المدرسة صح؟
هنادي هزت راسها ب نعم
دانة: و المدرسة ما باقي عليها شي عن تخلص تقريبا شهر
هنادي ابلعت ريقها تبى تتكلم : بس انا ابى اكمل دراسة في مدرستي؟؟
بو شهاب:مب مشكلة ...بنخلي السايق يوديج لحد ما تخلصين
هنادي ودها تعرف ليش هم يعاملونها كذا ؟؟ما تعودت ان حد يعاملها بهالاسلوب...راح تكون مطلقه بس كيف بتقعد معاهم ف البيت ...ودها ترجع بيتهم...لو انها تعاني بس بتكون قريبة من امها و اختها...بس دانة شرحت لها الوضع...اقتنعت اخيرا بعد ما حنت عليها دانة ...دانة شكلها بنت طيوبة مرة و تصرفاتها قريبة من تصرفات مهرة اختها...اشتاقت اختها الخبلة رجعت تصيح دانة لمتها ف حضنها و بو شهاب طلع برع وراح عن سعود
دانة: شو فيج هنادي ؟؟خلاص عاد
هنادي : ابى ارجع عند امي ..ابى اختي
دانة : تحملي هالشي عشانهم ...انا راح اوقف وياج ...و صدقيني ابوي ما راح يقصر عليج بشي ابد
هنادي: انا مابى شفقة من حد
دانة: هنادي انا بزعل منج اذا سمعت هالكلام مرة ثانية ...انا ما صرت مثل اختج؟؟
هنادي ما ودها تزعل دانة ...لانها ما شافت منها الا كل خير هزت راسها على اساس هيه
دانة :بس عيل ماريد اسمع شي من هالكلام فاهمه
هنادي: ان شاء الله
دانة: و مابى اشوف هالدموع بعد ....ياخي انا بصيح وياج المرة الجاية بس خبريني قبل اجيب الدموع وياي نسيتها ف البيت ...
ضحكت هنادي غصب عنها
دانة : ايه كذا اباج مب مكشرة اضحكي يا شيخة الحياة حلوة بعدها
هنادي ترددت في بالها اخر جملة (الحياة حلوه) الله يجعل الي فيه الخير قالت ف خاطرها
بو شهاب شافهم تاخروا دق عليهم الباب و دش...شاف هنادي تضحك مع دانة
بو شهاب : اذا وايد عاجبنكم المستشفى بشتريه عشانكم و قعدوا فيه كثر ما تبون
دانة: هيه عاجبنا ...يالله اشتريه نحن ننتظر
بو شهاب: اقول يالله قدامي ع البيت اشووف
هنادي ضحكت عليهم مع انها كانت مستحيه من بو شهاب
بو شهاب: هنادي لبسي عباتج و يالله نروح
هنادي قامت و لبست عباتها و ساعدتها دانة

طبعا الي ما تعرفه هنادي ان امها كانت ف نفس المستشفى ...طلعت من غرفتها و دانة ماسكتنها غطت ويهها لانها متعودة بس دانة ما تغطت ابوها ما يقول لها شي ...بس دانة من شافت حركة هنادي سوت مثلها ...مشت هنادي و بين زحمة الناس الي ف المستشفى عيون بو شهاب ادور على البنت الي كانت موجودة الليلة الماضية ما شافها ولا شاف الي كان وياها ..و هم في طريقهم مر سلطان و ايده ملفوفه و كان شكله تعبان و متضايق و هنادي منزله راسها لحد ما وصلوا البوابة ...بو شهاب لاحظ سلطان و قال حق دانة
بو شهاب: دانة روحي انتي و هنادي السيارة مع سعود و انا بلحقكم بسيارتي
دانة استغربت من حركة ابوها : ان شاء الله ابوي ..انت وين بتروح
بو شهاب عيونه تلاحق سلطان عن يغيب عنه:بورح اشوف ريال و بجي لكم
دانة :اوكى بس لا تتاخر علينا ...ورانا مشاوير
بو شهاب راح عنها :اوكى

طلعت دانة و هنادي لحد ما وصلوا سيارة سعود...سعود استغرب من هالبنات الي جايين عنده و هو ما كان متعود يشوف اخته دانة تتغطى...لا و بعد فتحوا الباب
سعود : نعم خواتي ...شكلكم غلطانين ف السيارة
دانة رفعت الشيلة عن ويهها: لا اخوي مب غلطانين
سعود: هاي انتي؟؟من متى تتغطين؟؟
دانة: من اليوم و رايح ...شو دخلك
سعود استغرب من البنت الي مع دانة و اشر لها ع اساس انها هاي هي حرمة ابوه...و هنادي منزله راسها ...دانة هزت راسها انها هي هاي ...
دانة : يالله هنادي ركبي ...هذا سعود اخوي لا تستحي منه ...هو مثل اخوج
هنادي ركبت و سلمت: السلام عليكم
سعود و ما قادر يشيل عيونه ...بس هاي صغيرة ...حرام ابوها يسوي فيها كذا
دانة ركبت و ضربت كتف سعود :الناس ترد السلام
سعود: هاااا و عليكم السلام
دانة عرفت الي يدور في خاطر اخوها بس ما قالت شي ...اكتفت انها تسكت و تخلي الوضع صامت لحد ما يوصلون البيت ...

((...دمعة تجبر خاطري المكسور
وينه الي يداوي كل الجراح...؟؟
انا وحيد ومالي احد من بعدك يا يمهــ...))

عهود: انت غبي والا شو؟؟؟
معتز:اسف ..
عهود: الحين شو بتقول عني ربيعتي؟؟
معتز:خلاص عهود انا اعتذرت و هذا جزاي اني جيت اقولج؟
عهود:ليش خذيت رقم البنت من تلفوني؟؟
معتز: كانت لحظة طيش
عهود: اووووف منك ...الحين ماعرف وين اودي ويهي
معتز: رسلت لها مسج اعتذر و ما ردت علي
عهود: انت ما تعرف شي ...الله يسامحك بس
معتز: الحين شو بنسوي؟
عهود: قسم انك غبي ...يعني يرضيك لو واحد من ربعك خذ رقمي من تلفونك بدون ما تدري؟؟
معتز: عهود خلاص عاد ...اعرف الي تبين توصلين له...انا لو ما حسيت بالذني ما جيت اعتذرت
عهود:انزين هي شو قالت لك؟؟
معتز: هي بس مرة وحدة ردت و كلمتها
عهود:لا حول ولا قوة الا بالله ...ماعرف شو اسوي لك احين ...لو اقتلك شوي
معتز: عهود انا ابى اصلح الغلطة لا تزيديني
عهود: قولي كيف تبى تصلحها؟؟
معتز : ابى اتزوجها
عهود انصدمت ...كيف ؟؟شو الي صار؟؟

طلعت من الجامعة و هي منحرجه من الموقف مع انها ما كانت مهتمه خلاص حمود عرفها انها هي الحين شو بيقول عنها ؟؟
مب عارفه كيف تتصرف ..اول مرة تحس انها منحرجة ...ما ف حياتها صار لها كذا ...دوم كانت متكبرة و مغرورة ...و ما تهتم لحد ...هذا هز لها كيانها خرب عليها حياتها ...زاد كرهها له ...ردت على مسجه بكلمة وحدة (اكرهك) حمود ما اهتم كالعادة ...عادي عنده اكرهته والا حبته ...هو ف باله وحدة ثانية ...هاجر ركبت السيارة و راحت البيت و هي حدها معصبه و ناويه بالشر على حمود ...بس حمود كان في وادي ثاني ...قعد يدور نوال ف الجامعة...الساعة قريب نهاية الدوام....و المحاضرات بالعادة تخلص قبل بربع ساعة ...عرف انها بتكون في المكتبة ...لانها متعوده تقعد هناك ...استاذن من ربعه و راح المكتبة ...شافها و كانها قاعدة ادور شي ...سرحانه واصله لبعيـــــــد ...قعد على الطاوله الي قدامها و قعد يناظرها و هي سرحانه ...و الي قطع عليها و خلاها تنتبه له رنة تلفونها...و طاحت عيونها عليه ...هي قاعدة ادوره طول اليوم و قبل لا تروح تشوفه نست تلفونها الي كان يرن ..و قعدت تشوف حمود...نوال ما كانت مستوعبه الي يصير...تجراء حمود و جا و قعد وياها على نفس الطاولة ...هي خافت و قامت تبى تروح...
حمود: لحظة نوال..ارجوج اسمعيني
نوال وقفت و طاحت الشنطة من ايدها و الكتب..قعدت تلمهم...و نزل حمود يساعدها..
نوال ما تكلمت ولا قالت شي و حمود اغتنم الفرصة مسك واحد من كتب نوال...
نوال: ممكن الكتاب لو سمحت؟؟
حمود:ما اعطيج الا اذا عطيتيني رقمج
نوال: شو؟؟
رجع تلفونها يرن...راشد يتصل ينتظرها برع
حمود: هذا اذا تبى الكتاب؟
نوال ارتبكت ...شو خبل هذا انا اعطيه رقمي...ما اهتمت...خلت الكتاب و راحت عنه
حمود كان وده يعطيها اياه بس ما عرف ليش فضل انه يخليه عنده... يمكن عشان يكون عنده فرصه انه يتكلم وياها مرة ثانية...


نهاية البارت الثاني عشر

توقعات البارت الجاي
نوال و حمود و هاجر ...ابطال الحب المحرم ...شو راح يصير بينهم ؟؟
هنادي راح تتاقلم مع دانة و اهلها؟؟
علي و اخوانه شو راح يصير وياهم؟
معتز من هي الي يبى يتزوجها؟؟