حشوات سمبوسه <<شغل عدل ^_^

الحالة
مغلق و غير مفتوح للمزيد من الردود.

منوة الروح

¬°•| مراقبة عامه سابقه |•°¬
إنضم
4 مايو 2008
المشاركات
4,146



سمبوسة الماش
كوبين ماش تنقعينهم بماي حار ساعه وتسلقينهم لحد ما يستوي مو ينهري وينشخل
القشره مالت ممكن تستغنين عن جزء منها اثانء الغسل بس لازم يكون فيها قشر عشان طعمه

تحمسين عشر بصلات كبيره مفروه مو ناعم وسط لحد ما تذبل مع شوي زيت
تضيفين لها 4 مكعبات ماجي خضار وكمون صحيح وكزبره مطحونه ناشفه وفلفل اسود
ولما تشرب البهارات تضيفين لها كوبين كزبره خضره مفرومه وتحمسينها معاه لما تنشف على نار قويه اضيفي لها الماش وخليها وياه مع التقليب دقيقتين بالاخر اضيفي ملعة اكل ثوم مهروس مع حبة فلفل اخضر حار وقلبي شوي بس تطلع ريحته وعدلي الملح حسب ذوقك
وتبرد وتحشى بها السمبوسه


سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه
انا هذي جربتها واايد حلووة حتى تقدرين تسويها فطيرة بعد ^^


سمبوسة اللحم
نص كيلو لحم مفروم
5 بصلات كبيره مفرومه
4 فصوص ثوم مفرومه ناعم
رشةكمون ناعم
رشة كزبره ناعمه
رشة قرفه
فلفل اسود وملح
ملعقة اكل كزبره خضره مفرومه

حطي اللحم على النار في مقلاة واسعه وخليه على نار قويه لحد ما ينزل مايه ويتبخر قبل لا ينشف حطي البصل والثوم والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها



سمبوسة الجبن
علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى


سمبوسة البطاط والبزاليا
كوبين مكعبات صغيره من البطاط تسلق دقيقتين وترفع
كوبين بزاليا مسلوقه
بصل مفروم ناعم
كمون حب
كزبره خضراء مفرومه كميه كوب
ماجي مكعبين
حبة فلفل اخضر حار مفروم
نتفة زنجبيل اخضر مبشوره
نص ملعقة اكل كاري ا
البصل تقريبا 7 بصلات
حمريه بشوية زيت ومعاه ملعقة اكل كمون حب وحطي البطاط وقلبي وحطي الماجي والبزاليا والفلفل والزنجبيل وقلبيه لحد ما يتشرب من بعض
اخر شي حطي الكاري والكزبره وذوقي الملح والفلفل برديها واحشي
سمبوسة الخضار بالشبنت
كيس كيلو خضار مشكله (جزر-بزاليا-فاصوليا-ذره)
5 بصلات مفرومه معاها 5 فصوص ثوم مفرومه
شده شبنت
مكعبين ماجي
ملعقة مشكله من الهارات ( كمون-كزبره-كمون-فلفل اسود -كركم)
اسلقي الخضار شوي لحد ما تنضج الا شوي
احمسي البصل جيدا مع الماجي والبهارات والشبنت اضيفي الخضار وقلبيه يشرب من بعضه

وبردي واحشي


سمبوسة الدجاج
دجاجه مسلوقه مفتته
5 بصلات مفرومه
فصين ثوم كبار مفرومين
حبة فلفل اخضر حار مفرومه
علبة مشروم شرايح مفرومه خشن
مكعبين ماجي
ملح وفلفل
ملعقة اكل زبده

حمري البصل بشوية زيت حتى يذبل اضيفي الماجي وبس يذوب بالبصل اضييفي المشروم وقلبيه يتحمر مع البصل اضيفي الدجاج وغطيه شوي يتسبك

ضعي الزبده في مقلاة صغير مع الثوم والفلفل الحار وبس ريحته تطلع اضيفيه للحشوه وقلبيه معاه جيدا وسكري عليها وبرديها واحشي
سمبوسة الشاينيز
كوبين ملفوف مفروم شرايح
كوب جزر مفروم شرايح
حبة فلفل اخضر مفروم شرايح
ومثلها حبة فلفل احمر ومثلها حبة فلفل اصفر
3 اكواب بصل شرايح
ربع كوب صلصة صويا او اقل شوي
مكعبين ماجي

حمري البصل الى ان يذبل شوي اضيفي باقي الخضار وقلبيها على نار قويه شوي ولما تسخن خففي النار وغطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها
طبعا الماجي ينضاف مع البصل اولا

سمبوسة المشروم بالذره
3اكواب بصل مفروم
علبتين مشروم شرايح ومفروم خشن
كوب ذره مسلوقه
نص كوب كزبره خضره مفرومه
5 فصوص ثوم مفرومه
مكعبين ماجي
ملعقة صغيره كزبره ناشفه مطحونه
حمري البصل مع الماجي والكزبره الناشفه وبس تطلع ريحتها اضيفي المشروم وقلبيه جيدا اضيفي الثوم وقلبي وبس تنشف اضيفي الذره والكزبره وسكري عليها

منقول
 

كيـِـآטּ

¬°•| مشرفة سابقة|•°¬
إنضم
7 مارس 2008
المشاركات
2,284
الإقامة
ليس في مخيلت أحد
انا أعرف باللحم والدياي...:)

تسلمين غاليتي...يرعاك الرحمن
 

جروحــ دفينه ــي

¬°•| مٌشرِفة سابقة |•°¬
إنضم
10 أبريل 2008
المشاركات
2,386
الإقامة
..فــي جروحي ..
تسلمين حبوبه على الحشووووات ,,

يعطيج العافيه ,,


:patch_lov:​
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
سمبوسة الدجاج
دجاجه مسلوقه مفتته
5 بصلات مفرومه
فصين ثوم كبار مفرومين
حبة فلفل اخضر حار مفرومه
علبة مشروم شرايح مفرومه خشن
مكعبين ماجي
ملح وفلفل
ملعقة اكل زبده


انا احب اللي بالدياي

وان شاء الله نطبقهااا

يسلملي الطرح
 

حلم الحلا

¬°•| عضو مميز |•°¬
إنضم
6 سبتمبر 2008
المشاركات
241
ما قصرتي خويتي ...^^ يعطيج العافية
 
الحالة
مغلق و غير مفتوح للمزيد من الردود.
أعلى