لاصار مافي الرجل غيره وشيمه

سكوتي يصعب تفسيره

¬°•| عضو مميز جدا |•°¬
إنضم
23 أبريل 2011
المشاركات
654
الإقامة
في قلب اهلي
يافكـر ياللـي ضـاري بالخريـمـه
تعال قدم لـي مـن الكيـف فنجـال




يافكـر مالـي بالخطـا والشتيـمـه

لكن جرتنـي لهـا بعـض الاشكـال




لـي هقـوةٍ فيهـا وعنـدي عزيمـه

كنت احسبنهـا فزعـةٍ تبهـج البـال




بس المصيبـه خالـف السيـل ديمـه

اثـر المظاهـر غررتنـي والازوال




صحيـح للحيـه وقــار ٍ وقيـمـه

في وجه من له مع هل الطيب منزال




علاقتـه مـع ديـن ربـه قويـمـه

ومصخر ٍ جهده على خيـر الاعمـال




نهـج الضميـر وسيرتـه مستقيـمـه

ولاطب في قلبه مـن الكبـر مثقـال




كريـم بخـلاقـه وكـفـه كريـمـه

للجـار والعانـي وللضيـف هشـال




متغينـمٍ فعـل المـراجـل غنيـمـه

ولاينثني مـن ميلـة الوقـت لامـال




وان كشرت شهـب الليالـي صتيمـه

وان صملت يصمل وياقـف ويحتـال







ولااللحـى تـرا بعضهـا جريمـه

جريمة ٍ لاجات فـي وجيـه الانـذال




كم واحـد لحيتـه صـوره وسيمـه

لكنه يقصـر عـن طليقيـن الافعـال




كبده على خطـلان الايـدي سقيمـه



وبخل وضعافة نفس واعراض واهمال





رجال فـي حـذف القفـا والنميمـه

ومجالـس الجهـال والقيـل والقـال




العـزم ثـاوي والروابـع عديـمـه

جرف قصيـرٍ كلمـا حِـرك انهـال




هذا انت ياوجـه الفشـل والهزيمـه

واخذ الكلام المقرحاني وفـي الحـال




لاصار مافي الرجل غيـره وشيمـه

كلمـة رجُـل خسـارة ٍ فيـه تنقـال




وانشهدانـك عايشـن فـي ظليـمـه

يالحية ن مانت علـى وجـه رجـال
 
التعديل الأخير:
أعلى