في داعة الرحمن يا فلان ياانور هاالدنيا وضياها..

الشحــي A

¬°•| عضو مميز |•°¬
إنضم
19 فبراير 2012
المشاركات
363
في داعة الرحمن يا فلان
يا نور هالدنيا وضياها

أرجو العذر لو كنت غلطان
يا روح روحي يامناها

أهواك لو تنسد بــيــبــان
يا بلسم جروحي ودواها

ارحم وليعن بات سهران
روحه الشقيه لك عطاها

ذقت العذاب أصناف والوان
والعـيـن مــا وقـف بــكـاها

وتصلانيه في اليوف نيران
و كل يوم يــتـزايد لـضاهـا

خليتني في هم وأحـــزان
كا الأم لي تفقد ضناها

شرع الوفا راسخ و عنوان
و دونك حياتي ما أباها

يا وردتن في روض بستان
أموت من لفحة شذاها

نورك شرات البدر لي بان
أو شمس كونن في ضحاها

حافظ على هذيج الاعيان
ماريت في العالم شراها

ولا الثنايا حب رمـــــــان
والشهد ممزوج بلماها

شيدت لك في القلب بنيان
و قصور ما حدن وطاها

لنك غناتي وفيك هيمان
ياراحت الروح وعناها

أنا أشهد ان الحب سلطان
وحبك ملك روحي وخذاها

يحفظحك ربي طول الازمان
يا من قتل روحي وحياها


 

سمو الشيخه

¬ رائعة جداً ¬
إنضم
9 أبريل 2011
المشاركات
540
الإقامة
البريمي داري ومرباي
صح لسانك أخوي الشحيA.. كلماااات جميلة

أنا أشهد ان الحب سلطان
وحبك ملك روحي وخذاها

يحفظحك ربي طول الازمان
يا من قتل روحي وحياها
 

المزن

¬°•| روح حلوة |•°¬
إنضم
18 أغسطس 2011
المشاركات
4,139
العمر
24
الإقامة
England ♡
رووووووووووووووووووووووووعه القصيدة ابداااااااااااااااع
تشكر ع النقل خيوووووووو
بس بعض الاوقات يكون الفراق احسن من العشرة الخاويه ><
 

мά∂εмσίşάĻĻe

¬°•| مشرفة سابقة |•°¬
إنضم
28 يوليو 2012
المشاركات
6,002
العمر
33
الإقامة
...
رووووووعه حبيتها
يسلمووو على النقل الراااائع قق8
 

الشحــي A

¬°•| عضو مميز |•°¬
إنضم
19 فبراير 2012
المشاركات
363
أهممم شي يتووونسووو الأعضااء بالقصاااايد هههههخخ



تسلمي عل المروووووور
 
أعلى