اعتقادات الشواب والعيايز

الخزامى

¬°•| عضــو مــهــم|•°¬
إنضم
22 فبراير 2012
المشاركات
979
الإعجابات
4
العمر
38
#1
اعتقادات الشواب والعيايز

تعالو نشوف علوم اول :

- بوبشير، وهو حشرة ضعيفة وطويله و عندها اينحه طوال، كانوا يعتقدون إذا جافوه يبشر عن ضيف ياي أو عمل ناجح او المطر بينزل .
-ام النقيع هي حشرة من الخنافس، كانوا يمسكونها بإيدهم ويتمنون أمنية إذا نقعت بتتحقق الأمنية وإذا لا ما بتحقق.
- الطيطار إذا ظربناه وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلاي ولا مشواي على الطريقة الافريقيه.. شو لاعت جبودكم ؟
- هاي حق اهل البحر بس إذا بتاكل السمجة لازم تقطع راسها قبل ما تبتدي فيها.

- تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.
- الماي مب زين ينشرب حزة المغرب، لأنه يمرض.

- يوم بتي ترقد لا تحط الماي عند راسك لأنه يخف نظر العين. حطوه تحت المخده

- كانوا يقولون الرقاد العصر يقصر العمر.

- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه ووتكفيخ .ويقولون حرام اتم الجهة السفلية من النعال
مجابلة السما لان فيها الله...(انزين والوصخ المكود ع الارض...ما يجابل السما؟)

- كانوا يدخنون بالشبه لأنه يطرد الحسد.

- كانوا يقولون إذا رفت العين اليمين خير، وإذا رفت العين اليسار شر.

- إذا كفك اليمين حجك يعني بتعطي حد فلوس، وأذا اليسار بتقبض فلوس(( أظني كل حد بيتمنى ا يده اليسار تحجه)).

- إذا خشمك حجك يعني بتسلم على شخص ياي من بعيد.

- إذا ااذنك انسدت يعني حد يطريك يا بالخير أو بالشر.

- أذا كان شخص طالع وزقريته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.


- الياهل ( الطفل ) لازم يحطون في منزه ( مهده ) سجين وملح وقرآن، عشان يحفظه الله بالقرآن، والسجين والملح عن الجن. طبعا اليوم يحطون حق الياهل النيدو والسيريلاك


 

إحسآإسي غير

¬°•|مشرفة طٌـلبـِة الْـمٌداِرًسَ |•°¬
إنضم
29 سبتمبر 2009
المشاركات
8,259
الإعجابات
5
العمر
19
الإقامة
..~{ البريمي }~..
#2
السلام عليكم و رحمة الله و بركاته
يسلمو نقاء ع المعلومات عن المعتقدات الاوليه و حسيت ان بعضها لليوم و بعضها منقرضه و ضحتني شوي هع
كل الشكر ع الطرح المميز
 
إنضم
1 فبراير 2011
المشاركات
691
الإعجابات
0
الإقامة
البريمي
#3




جمييل مآقد طرحته
آنآملك المبدعه
دليل على ذوقك المتميز
تسلمين على الطرح المتميز
لا عدمنآ طلاتج الدآآيمه
 

`¤*«مُحمدْ البادِيْ»*-¤

¬°•| غَيثُ مِن الَعطاء ُ|•°¬
إنضم
22 أكتوبر 2011
المشاركات
6,080
الإعجابات
0
الإقامة
إنْ وابلاً، فَطَلْ
#7
اثنتان شدتا انتباهي

سالفة الحسر أم منيقع، لما زمان في المزرعة وخاصة ايام الجداد، كنا نمسكها بس عشان نسمع صوتها لا غير، وما أدري عن قضية المعتقد، وما اسمعت أحد معنا يطريها
وأما نومة العصر فما تزال مستنكرة عندنا بس تخف مع الوقت
 

miss 6air

¬°•|مُشِرفَة سَابقة |•°¬
إنضم
24 أغسطس 2008
المشاركات
1,586
الإعجابات
0
العمر
24
الإقامة
البريمـي دآر الصريـمي
#8
يسسلمووآ

معلومات مب كلها يديده

الاغلبيه أعررفهـا

أختي دوم تاكل لسان الغنم واسمنها شاعره
بس انا ما احبه وبعدد شاعره هع

آمآيه بعدد تقول لآ تلبسوا القميص جلب لآ ينجلب حظكم

ويوم تدخنا بالبخور تدخنا من جدام ومن ورا
أونه تقول عن ما يباج ولد عمج هههه

سسوالف شياب :ast7y:
 
أعلى