{ طولت بآلي وخذهآ آليوم لك شكراً , / تأليفي !

الحالة
مغلق و غير مفتوح للمزيد من الردود.

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR

(( طولت بالي وخذها اليوم لك شكراً / ما ينزل الراس دام الروح بي حية ))


آلسلآم عليكم ورحمة آلله وبركآته ~

حبيت أحط لكم آلقصة آللي كتبتهآ , وأتمنى إنهآ تنآل على إعجآبكم ^_^ , طبعاً هآي ثآني قصة أكتبهآ !! , آلقصة الأولى رآح أطرحهآ بعد مآ أخلص هآي لأني أبآ أعيد كتآبتهآ مرة 2 , ^_^ , طرحت آلقصة فـ منتدى وآحد بس ولآحظت إن في نآس نقلوهآ م آلمنتدى , ومآ أدري إذآ حد قرآهآ من قبل بس أتمنى فعلاً إنهآ تلآمس إحسآسكم وتنآل على إعجآبكم ^_^ !!


في البداية راح أعرفكم ع شخصيات القصة عشان تاخذون فكرة عنهم :



عائلة محمد علي الـ .............. :

محمد (الأب) : طيب وكريم وحنون ، عمره 43 ، ويشتغل في مكتبه الخاص
آمنة (الأم) : طيبة وحنونة ، عمرها 41 ، أحياناً تكون صعبة وايد وما تتفهم
عيالهم :
حمد : 23 سنة ، مخلص جامعة ويشتغل عند أبوه ف المكتب ، للحين ما عرس، شخصيته حلوة ، بس غامضة أحياناً، مغازلجي بس مب بدرجة كبيرة رغم إنه يحب بنت تقربله من بعيد.
ريم : 21 سنة، تدرس في الكلية تخصص إعلام ، حبوبة بس خقاقة شوي ، ملامحها حلوة وبسيطة.
فوز: 17 سنة ، ف المدرسة آخر سنة لها، ماخذة أدبي ، حلوة وطيبة و حذرة وايد ف نفس الوقت، طباعها هادية وما تحب تخالط الناس وايد.
ندى: آخر العنقود ، عمرها 5 سنوات، ف الروضة ، شقية وايد وسوالفها حلوة وهي أجمل خواتها.

عائلة خلفان بن سعيد الـ .........:

خلفان (الأب) : عمره 59 ، طيب ويحب عياله وايد، أغلب وقته ف العزبة أو البيت أو المصنع.
فاطمة (الأم) : عمرها 56 سنة ، حبوبة ومتفهمة وايد وعلاقتها فعيالها كبيرة تقول أختهم.
ميثة: عمرها 35 سنة، معرسة بعيد عن أهلها وتسكن ف العين، زوجها اسمه خالد وعندها عبدالعزيز وعمره 18 وروضة عمرها 16 سنة وسارة عمرها 7 سنوات.
حميد: عمره 28 سنة ،أعزب يشتغل ف شركة ، متدين وعلى نياته ويعيش بروحه بيت.
أحمد: عمره 21 سنة، يشتغل ف مصنع أبوه، حبوب وكشخة، وعليه سوالف بس قلبه طيب.
موزة: عمرها 17 سنة ، وتدرس ف المدرسة وهي ربيعة فوز ماخذة أدبي ، تدش القلب بسرعة وهي آخر العنقود ودلوعة أبوها.

عائلة سالم حميد الـ ........:

سالم (الأب) : عمره 60 سنة، أغلب وقته مشغول ف الشركة اللي يملكها، يحب عياله بس ما يبين لهم هالشي.
حليمة (الأم) : عمرها 58 سنة ، طيبة بس دوم فحالها، بالرغم من إنها تقضي أغلب وقتها عند جيرانها.
عيالهم :
شمسة: عمرها 30 سنة ، متزوجة من ولد عمها ف دبي وتعيش هناك ، اسمه فهد وعندها بنت وولد.
حمدان: عمره 28 سنة، معرس، وعنده بنت ويسكن عند أهله وحرمته اسمها عالية.
خليفة: عمره 23 سنة ، يشتغل ف شركة الاتصالات، وسيم ، وعصبي وايد ، بس قلبه رحيييييم ويموت ع اليهال، وغير ها مغازلجي م الدرجة الأولى.
نورة: عمرها 17 سنة، مع فوز وموزة ف المدرسة وماخذة أدبي بعد، طيبة وطيبتها توصل للسذاجة وينقص عليها بسرعة وتتحسب إن الناس كلهم طيبين وها اللي مضيعنها وهي آخر العنقود.

عائلة عبدالله عبدالعزيز الـ .........:

عبدالله : عمره 31 سنة ، معرس ، طيب وحنون وحاط حرمته ف عيونه
خولة: عمرها 28 سنة، زوجة عبدالله وتحبه وايد وتموت عليه، طيبة وايد وتتمنى تكون أم بس الله ما رزقها عيال.
علي: عمره 21 سنة، يدرس ف بريطانيا، تخصص هندسة مكانيكية، أخو عبدالله ، وسيم وكشخة وعنده سوالف مع البنات واي شي يطيح ف خاطره يباه.
ميره: أخته عمرها 17 سنة، ف المدرسة وماخذة علمي ، حلوة وطيبة وتحب علي وايد لأنه أجرب اخوانها لها.

هذي هي الشخصيات اللي راح يكون لها دور أساسي في القصة ، وفي شخصيات راح تظهر ف أثناء الأحداث ، وشخصيات دورها راح يكون ثانوي .. هالعائلات ما يقربون حق بعض .. بس يمكن القدر هو اللي راح يجمعهم في القصة .. مثل ما جمعهم في الواقع ..!

،,

ترقبّوآ آلجزء الأول ^_^
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR

على بركة الله نبدا ..

((طولت بالي وخذها اليوم لك شكراً / ما ينزل الراس دام الروح بي حيّة ))

الجزء الأول



مدرسة ......... لـ التعليم الثانوي
يوم الأربعاء
الساعة 11:00 ص


فوز وموزة ونورة قاعدات بنفس المكان اللي متعودات يقعدن فيه كل يوم وقت البريك عقب ما يروحن ياخذن لهن شي ياكلنه ..
موزة : ياخي الفصل الثاني توه بادي .. وأنا أحس نفسي مليت طفشت من الدراسة ..
نورة: حرام عليج .. ها وإنتي نسبتج حلوة .. مب أنا مالت عليّ ..
موزة: شدي حيلج هالفصل ..
نورة: إن شاء الله .. خاطري والله نكون ويا بعض ع طول .. وندرس ف نفس الكلية أو الجامعة ونفس التخصص ..
موزة: شرايج بعد نسكن مع بعض ههههههه .. وهي تطالع ع فوز : فوز بلاج ما ترمسين ، من جم يوم ملاحظة عليج مول ما ترمسين ويانا .. صاير شي ...؟!
فوز : هاه .. لا بس مضايجة من شي ..
نورة: أفااا فوزي مضايجة .. ونحن ما ندري .. شفيج فديتج ...؟!
فوز: لا تحاتون أنا بخير ..
موزة: فوز صدق شفيج .. مب إنتي فوز اللي نعرفها .. من بدا الفصل وإنتي سرحانة وتفكرين ..؟!
فوز: آآآه .. تدرون ما أخبي عليكن شي .. وأول ما أحس نفسي أقدر أرمس بخبركن .. لأني محتاية أقول حق حد ..
موزة ونورة : أوكي .. ع راحتج ..
فوز: بسير الصف أحين ...؟!
نورة: وين يالسين ..
فوز: أبغي أكتب قبل لا تبدا الحصة ..
موزة: شو عندج عقب البريك ...؟!
فوز: انجلش ..
نورة: احم .. لا عاد إذا جيه سيري ما بنعطلج ..
فوز : أونه ..
موزة: فديت مس بدرية والله .. حظج يا فوزو دامها إدرسج ..
فوز: أدري بس والله الكلاس مب شي بدونكن ..
موزة: ما عليه هانت باجي هالفصل وبنفتك م المدرسة ..
فوز: الله كريم ..
نورة: الله يسامحهم خربوا ما بينا .. كنا ويا بعض ليش يفرقونا ويا راسهم .. مع إن ماخذين نفس المواد .. شو ها ..
موزة: ههههههه أعصابج زين .. أحين ياية تحتجين ويا فيسج .. عقب ما خلص فصل ..
فوز: صدقها نواري خربوا علينا .. قبل كنا ويا بعض .. والشاتنج يقول ف حصة الرياضيات ..
موزة: هههههههه تصدقين عندي ترا بعض السوالف .. لمن أيلس أقراهن أضحك ع هبالنا ..
فوز: إحم .. أحين نحن كبار المدرسة .. يبيلـ ....

قاطعتهم ربيعة فوز ويات تسلم عليهن ويا ربيعتها اليديدة .. وعقب سارت عنهن .. وفوز حست بضيج واستأذنت

نورة: بنشوفج ع نهاية الدوام ..
فوز: إن شاء الله ..

سارت فوز عنهن .. وايد أشياء مضايجتها .. سرها اللي محد يدري عنه .. ومب قادرة تقوله حق حد .. واللي بدت تتذكره بشكل دايم .. وعلاقتها مع صديقة طفولتها اللي صارت غريبة بالنسبة لها .. ها غير حبها اللي مات قبل لا يبدا ..

يا رب ساعدني .. من وين بلاقيها وإلا وين .. وليش رجعتلي الذكرى أحين .. ليش .. آآه جان زين أقدر أنسى .. جان زين أقدر أمسح الماضي أو أغيره .. سارت الحمام تركض .. عشان تغسل ويهها لا حد يلاحظ دموعها .. وعقبها رجعت الكلاس ..!

مرن موزة ونورة عندها وزقرنها .. وظهرت عند الباب ترمسهن ..
موزة: فوز ترا حالج مول مب عايبنا .. حطي ف بالج .. عقب الإجازة .. بتخبرينا شفيج ..
فوز: يصير خير ..
نورة: احم .. يات حبيبة قلبج ..
فوز: أقول صخي لا تسمعج ..

يات المس وكانت مبتسمة ف ويه البنات .. وهن سلمن عليها .. سألتهن عن الدراسة وعقبها دشت الكلاس وفوز وراها ...!

ف كلاسهم موزة ونورة

موزة : نوارة .. ف رايج بلاها فوز ..؟!
نورة: ما أدري .. أنا قلت يمكن مب قادرة تتأقلم ويا بنات كلاسها ..
موزة: ما أظن .. نحن خلصنا الفصل الأول .. ويمديها تتأقلم .. وغير جيه هي أبداً ما كانت جيه الفصل اللي طاف ..ما أدري شو اللي غيّرها ..
نورة بتفكير: ممممم يمكن تحب ..
موزة: بالله .. ويا فيسج إذا ع الحب ف هي تحب من زمان .. بس قالت إنها بتنساه ..
نورة: بذمتج .. وين تنساه يعني ما تعرفين فوز ..؟!
موزة: أعرفها .. بس قلت يمكن صارت تفكر بعقلها .. وتفكر إنها قاعدة تعذب نفسها ع واحد ما يستاهل ..
نورة: لو مكانها .. ولا بفكر فيه حتى .. شو أبا فواحد عاطني أكبر طاف ..
موزة: والله عاد قلبها حبه شو تسوي .. مب بكيفها ..
نورة: انزين أقول دام هالباردة غايبة خل نسير اللاب .. ترا عندنا حصتين ورا بعض ..
موزة: أوكي .. بس قبل بنمر ع صفهم فوز .. بنشوفها شو تسوي .. وبنقهرها ..
نورة: ههههههه ما تودرين حركات النذالة ..
موزة: تصدقين .. لا ما أقدر خخ أبا أسويلها ببااي .. خصوصا إن عندهم حبيبة قلبها أحين ..
نورة: أوكي ..

ظهرن ومرن ع صفهم فوز .. اللي انتبهت عليهن وابتسمتلهن .. لأنها عارفة هن ليش يايات .. يبن يغايظنها .. والمس بعد انتبهت عليهن وابتسمتلهن وعقبها سارن اللاب .. يلست نورة تشيك ع الإيميل ودشت المسن .. وموزة يلست تنزل قصص عشان تقراهن فوقت الفراغ .. انتبهت ع نورة اللي متشققة م الفرحة واستغربت شفيها .. وسارت تشوف شعندها ..
موزة: بلاج نوران جيه شاجة الحلج ...؟!!
نورة اللي فاجأتها موزة: ها .. ولا شي ..

صكت المحادثة ع طول ..
وموزة استغربت تصرفها .. بس قالت يمكن خلصت شغلها ..

موزة: شو نروح ...؟!!
نورة: هيه خل نسير .. بس قبل بنروح نشرب ..
موزة: أسمينا تحوطنا اليوم .. أخاف عندنا مس احتياطي والله بتزولنا ..
نورة: خل يولن .. بعدين المعلمات كسولات ما فيهن بارض حق البنات .. خصوصا معلمات الاحتياطي .. عوفة
موزة: أوكي نسير ..

مرن ع الثلاجة .. شربن وعقبها سارن صوب كلاسهن .. ف الوقت اللي ظاهرة مس الأنجليزي من كلاسهم فوز .. وزقرتهن ..

المس : موزة .. نورة ..
موزة ونورة: هلا مس ..
المس: شحالكن ...؟!
موزة ونورة: الحمدلله بخير وعافية ..
المس: أبا أتخبركن عن فوز .. بلاها ...؟!
موزة ونورة: بلاها ...؟!!
المس: أبدا ما عايبتني هالفصل .. من أسبوعين أحين حالتها مب أوكي .. طول الحصة شاردة وتفكر .. وجم مرة نبهتها بدون لا تدري .. وأحس إنها تضايجت من هالشي .. بس ها كله لمصلحتها .. صاير عندها شي ...؟!!!
موزة: ما أدري والله .. هي حتى ويانا جيه وسألناها وقالت عقب بتقولنا ..
المس: أنا ما أبغي مستواها ينزل .. هي شاطرة ف الانجليزي ما شاء الله عليها .. بس هالفصل مستواها نزل .. ع الأقل ع مستوى الحصة .. حاولن ترمسنها ..
نورة: إن شاء الله مس ..
المس: وخلنها تاكل .. أخافها تختفي ..
موزة: ههههههههه لا تخافي مس .. بنقوم بالواجب ..

سارت المس .. وموزة طالعت ع نورة .. وابتسمت ..

نورة:ههههه خطيرة فوووز .. والله بتطير م الوناسة لو درت إن حبيبة قلبها تسأل عنها
موزة: لا وبعد مهتمة فيها .. شو السبب يا ترى ...؟!
نورة: ههههههههه يمكن تبا تخطبها حق أخوها ..
موزة: هههههههههههه عيل أقولج من أحين بتوافق ع طول .. وبتنسى حموود وطوايفه ههههههه
نورة: خل نسير نقولها ..
فهالوقت فوز كانت ياية صوبهن ..
فوز: تقولون حق منو ..؟!
موزة: حقج ..؟!
فوز: خير شصاير ...؟!
نورة: قولي شو اللي ما صاير ..؟!
موزة: شفتي حبيبة قلبج ..
فوز: هيه كانت واقفة ترمسكن .. بلاها ...؟!!
موزة: تحاتيج .. وياية تسأل عنج ..؟!
فوز: عني أنا ..؟!
موزة: هيه ..
نورة: موااازي .. خليها تاكل أخافها تختفي ..
موزة : هههههههه هيه والله .. عاد مهتمين ف دراستهم وف صحتهم .. نيااااالج
فوز: بلا غلاسة رمسن شو كانت تبا ...؟!!
نورة: كانت تسأل عنج .. وتشتكي منج .. ومن حالج ..
فوز: أهااااااا .. اسكتوا والله .. طول الحصة تقط نغزات .. اللي سرحانة .. واللي ميودة القلم وتدق ع الطاولة .. واللي واللي .. محد ما درا إنها تقصدني والبنات ويا راسهن يضحكن ..
موزة: نواري تقول يمكن تبا تخطبج حق أخوها ..
فوز: بذمتج ..؟!
نورة: هيه .. عيل ليش هالإهتمام كله ..
فوز: إحم .. ما يخصكن .. بسير كاهي أبلة العربي ياية .. ياللا فداعة الله
نورة وموزة: فداعة الله ..

سارت فوز كلاسها .. ونورة وموزة كلاسهن .. يلسن يلعبن اسم حيوان جماد لين ما دق الجرس .. وعقبها تهيأن للحصة اللي بعدها ...!


بيت أبو حميد
قوم موزة
يوم الخميس
الساعة 5:30 العصر



موزة يالسة ف الحوش ويا أمها .. وميودة التليفون إطرش مسجات حق ربيعاتها ..
أم حميد: موزة ..
موزة: هلا أمايه ..
أم حميد: اليوم حرمة ولد خالج ربت .. عقب المغرب بنسير نشوفها ..
موزة: ما شاء الله شو يابت..؟!
أم حميد: بنت ..
موزة: أكيد سموها موزة .. على اسمي
أم حميد: شو نسيتي أمها اسمها موزة ..
موزة: هيه صح .. انزين لازم اسير وياج ...؟!
أم حميد: محد بيخاويني .. وأبغيج تروحين
موزة: إن شاء الله .. بس ما بنطول
أم حميد : إن شاء الله ..

شوي ودق تليفونها وكانت اختها ميثة متصلة فيها ..
موزة: مرحبااااا ملايييييين ف ذمتييييه ولا يسدن ..
ميثة: أوهووو موزووه تطورنا شهالترحيب القوي
موزة: صج ويه .. عقب هالترحيب تقولين لي موزوووه ..
ميثة: هههههههه
موزة: مالومج .. من عاشر القوم ..
ميثة: شقصدج ..؟!
موزة: ماشي .. المهم شحالج .. وشحالها رووضوووه ...؟!!
ميثة: الحمدلله كلنا بخير .. مانشكي باس .. شحالكم إنتو ؟!!
موزة: الحمدلله بخير وعافية .. ما ناقصتنا غير شوفتج .. شو مب ناوية تيين صوبنا ...؟!
ميثة: لا .. اللي يبا يشوفني إيي ..؟!
موزة: عاد تدرين أختج .. ثانوية عامة ما تقدر تظهر م البيت ..
ميثة: أووووونه .. ما تقولج حصوووووه السوق ما تظهر منه ..
موزة: والله ذيج حصوووه .. بس أنا فديتني أبا أحافظ ع نسبتي ..
ميثة: لا صدق ما بتيين صوبنا ..؟!
موزة: هالفترة لا .. يمكن عقب ما أخلص ..
ميثة: الله وأكبر .. يعني عقب 5 شهور .. مقواااااج ..
موزة: شسوي .. ما عندي تايم .. وعشان خاطرج إذا ييت عقب المدرسة بيلس عندج شهر شتبين بعد ...؟!
ميثة: إنزين .. بتنورين البيت والله .. وخالد دوم يسأل عنج ..
موزة: يسأل عني .. شو يبا ..؟!
ميثة: ما أدري .. يقول شو موزووه ما بتيي صوبنا ..؟!
موزة: أونه طيب .. تسأل عليه العافية ..
ميثة: حرام عليج وربي ما فيه مثله إثنين فديته ..
موزة: إنزين ما قلنا شي .. أسولف بس .. سلمي عليه وايد .. وعلى عيالج الدببة اللي ما يسألووون ..
ميثة: إن شاء الله فديتج ..
موزة: كاهي أمي عندي تبين ترمسينها ...؟!!
ميثة: هيه عطيني إياها بتخبرها عن صحتها ...

عطت موزة أمها التليفون عشان ترمس بنتها .. وسارت دارها .. شوي ويدش عليها أخوها أحمد ..
أحمد: مرحباااااا السااااااااع بأم العيووووون الوساااااااع
موزة: هلا والله بشيييخ الشباب ..
أحمد: شحاااااااااالج ..؟!
موزة: بخيييير ربي يعافيك .. من صوبك ..؟!
أحمد: مررررره تماااااااام ..
موزة: شفيك مبين عليك مستانس ...؟!
أحمد: حد يشوف هالويه السمووح وما يستانس
موزة: فديتك والله ..
أحمد: شو المذاكرة ..؟!
موزة: الحمدلله ماشي الحال .. وإنت شخبار الشغل ..؟!
أحمد: بعد ماشي الحال ..
موزة: وأخوك تشوفه ..؟! مول مب مبين ...؟!
أحمد: لا ما شفته من أسبوع يمكن ..
موزة: ها مب معرس وما نشوفه .. عز الله لو عرس .. ولا بنشم ريحته
أحمد: ههههههههه وإنتي شتبين فيه خليه ..
موزة: أخويه لازم اسأل عنه ..
أحمد: إنزين يا حلوة أنا بسير عنج ..
موزة: وين يالسين ..؟!
أحمد: أحين بيأذن المغرب .. بسيرالمسيد ..
موزة: أوكي
أحمد: شدي حيلج موزوووه ..
موزة: لا توصي ..

دشت أمهم ف هاللحظة ويايبة تليفون موزة عقب ما رمست بنتها ..
أم حميد: هاج تليفونج .. أحمد تسلم عليك ميثة ..
أحمد: ربي يسلمج .. إلا هي شخبارها؟!
أم حميد: بخير وعافية .. موزووه ..
موزة: ها أمايه ..
أم حميد: أختج تقول الأسبوع الياي عرس حماتها .. نست تخبرج ..
موزة: منو ..؟!
أم حميد: مهرة ..
موزة: مهرووه بتعرس .. زين والله بالمبارك ..
أحمد بغصة: منو بتاخذ ..؟!
أم حميد: ولد عمها

انسحب أحمد بهدوء .. ولاحظت موزة الضيج اللي بين ع ويهه .. وعقبها سارت تتمسح عشان تصلي لأن المغرب أذن عندهم .


بيتهم عبدالله
يوم الخميس
الساعة 8:00 المسا



عبدالله توه داش البيت .. كانت حرمته خولة ويا أخته ميره يالسات ف الصالة ..
عبدالله: السلام عليكم .. وسار يقعد عدال حرمته ..
خولة وميرة: وعليكم السلام والرحمة ..
عبدالله: شحالج حبيبي..؟!
خولة: بخير والله .. شو أخلي البشكارة تحط العشا ..؟!
عبدالله: لا مش أحينه .. ميروه شو الدراسة ..؟!
ميرة اللي تطالع التليفزيون : والله الحمدلله ماشي الحال ..
عبدالله: متى تخلصين دراسة ..؟!
ميرة باستغراب: أووه تونا بادين الفصل الثاني .. وإنت تسأل متى نخلص؟!
عبدالله: أدري إنزين ..
ميرة: ما أدري اسأل خولة .. أكيد تعرف ..
خولة: أظن ع نهاية شهر 5 .. أو بداية شهر 6
عبدالله: اهاا .. عيل ع نص 6 بنسافر ..
خولة وميرة: وين ..؟!
عبدالله: بريطانيا ..
خولة: شو هناك ..؟!
عبدالله: بنسير عشان العلاج ..
خولة نزلت راسها .. وف خاطرها تقول .. أي علاج الله يهديك .. ما بقى مكان ما سرناه ..
ميرة: وليش ما تروحون قبل ..؟!
عبدالله: يا حلوة .. أولاً حرمتي فديتها وراها تدريس .. وثانياً لو سرنا أحين منو بيقعد عندج ..؟!
ميرة: هيييه صح .. نسيت ..

نشت خولة اللي ضايجها موضوع السفر .. وسارت دارها .. وعبدالله لحقها .. أما ميرة فيلست تقلب ف القنوات .. لين ما دق تليفونها وجان أخوها علي متصل .. واستانست وايد ..

ميرة: هلاااااااا والله بشيخ المزايين هلا
علي: يا مرحباااااابج يالغلا .. شحالج ..؟!
ميرة: بخييييييير دام أسمع هالصوت ..
علي: فديتج والله .. علومج .. شو الدراسة ..؟!
ميرة: كل شي تماااااااام .. وإنت شخبارك وشو الدراسة ..؟!
علي: الحمدلله .. رقيييييييص ..
ميرة: ههههه دوم إن شاء الله ..
علي: شو ماشي أخبار ..؟!
ميرة: لاااا والله ع حطة إيدك .. وإنت شو الجو عندكم ..؟!
علي: برررد م الخاااااااطر ..
ميرة: زين والله .. مممممممممم عبدالله قبل شوي يقولي بنيي عندك
علي: وين عندي ..؟!
ميرة: بريطانيا وين بعد ..
علي: ليش .. ومتى ..؟!
ميرة: ع نص شهر 6 .. وليش عشان يعالج حرمته ..
علي: اهااا .. ليش ما فاد علاج ألمانيا ..؟!!
ميرة: بالظاهر لا ..
علي: الله يعينهم .. المهم يا حلوة .. بخلييييييج أحينه ..
ميرة: ويييييين ..؟!
علي: بسير تحت ربعي يايييييين عندي بنلعب ..
ميرة: احلف إنت بس ..
علي: شفيج ..؟!
ميرة: أحينه بتودرني أنا القمر وبتروح عند ربعك ..
علي: ههههههههه هيه والله .. عيل حد يخلي القمر ويسير يقابل جياكر ..
ميرة: ما أدري عنك ..
علي: ههههههه أوكي رمسي إنزين ياللا ..
ميرة: أونك .. خلاص روح .. ما يصير تخليهم بروحهم ..
علي: أوكي .. ياللا برايج
ميرة: حشى ما صدق أسرحه ..
علي: ههههههههه ميرووووووه خلي عنج الاستهبال ..
ميرة: أوكي .. خلاص روح فديتك ..ودير بالك ع روحك حبيبي ..
علي: إن شاء الله .. وإنتي بعد .. ودرسي عدل ..
ميرة: إن شاء الله
علي: سلمي على عبدالله وخولة ..
ميرة: يبلغ ..
علي: مع السلامة ..
ميرة: ربي يحفظك ..


بندت ميرة عن أخوها .. وسارت دارها لين إيي وقت العشا .. أما عبدالله من بعد ما لحق حرمته درا إنها تضايجت من طاري السفر ..

عبدالله: بلاج غناتي ..؟!
خولة: آآآه مليت يا عبدالله مليت ..
عبدالله: أدري .. بس
خولة: بس شو ..؟! ما بقى مكان ما سرناه .. وللحين ما فقدت الأمل
عبدالله: ولا بفقده ..
خولة وهي تصيح : خلاص يا عبدالله أنا ما أبغي أحاول .. تعبت .. من أمريكا لتايلند لألمانيا .. وأحين بتختمها ببريطانيا .. لو شي أمل جان صار من زمان ..
عبدالله: خولة غلاتي .. ما بنخسر شي لو رحنا ..
خولة: لا بنخسر .. تعب ع الفاضي .. وربي صرت أحس كأني حقل تجارب ..
عبدالله وهو يلف عليها: لا تقولين جيه فديتج .. إنزين هاي آخر محاولة .. ومن عقبها بنخليها على الله ..
خولة: يصير خير ..
عبدالله : فديتج والله لا تبجين دموعج غالية عليه .. ويلس يمسح دموعها بإيده .. شو ما بتعشيني ..؟!
خولة: ياللا خل ننزل ..

ونزلوا تحت عشان يتعشون .. يلس عبدالله ف الصالة يفكر ويتأمل إن العلاج ف بريطانيا إييب نتيجة لأنه مشتاق يكون له ولد .. يبا يهال يترسون البيت .. ويحشرونه بأصواتهم .. يبا يسمع كلمة بابا .. أما خولة فسارت المطبخ تساعد البشكارة ف تحضير السفرة ...!!


بيت أبو حمد
قوم فوز
يوم الجمعة
الساعة 2:30 الظهر



فوز قاعدة بدارها عقب الغدا .. ما تدري شو اللي خلاها تسير صوب صندوق رسايلها .. الصندوق اللي تحتفظ فيه بالرسايل والهدايا من صغرها .. مضايجة وااايد ويلست تفتش ف الرسايل .. وتذكرت صديقتها القبلية .. خلود منقهرة وايد منها .. مع إنها تحاول تبين نفسها قوية .. وما تفكر فيها .. بس ما تقدر .. تحس بخيانتها .. تحس بالقهر والألم لما تشوف صديقة طفولتها تمشي مع بنت ثانية .. قبل كانوا مع بعض ليمن دشوا الثانوية وكل واحد سار فدربه .. مع إنها للحين مب عارفة شو اللي غير خلود صوبها ..

فوز .. وربي ما سويت لها شي .. فوق إني أحبها .. وطرشتلها أكثر من رسالة .. وعاتبتها أكثر من مرة .. ولا تخليت عنها فيوم .. ف الأخير تبدلني بوحده ثانية .. خل تصادق اللي تبا .. بس مب تتنازل عني بهالسهولة .. للأسف انغشيت فيج يا خلود .. وين قبل لمن كنتي إطرشين لي رسايل تراضيني .. وين قبل لما كنتي ما تفارقيني ولا لحظة ف المدرسة .. وين أيامج لما كنت أزورج وتزوريني .. ما أقول غير الله يسامحج ..
حاولت ما تصيح .. بس ما تقدر .. هي حساسة الكل يدري بهالشي والكل يعاتبها ع هالشي .. أحيانا تصيح بدون سبب ..

فوز وهي تتذكر آخر مرة رمست فيها خلود بروحها .. وكانت ف نهاية الإمتحانات .. لما كانوا صف أول ثانوي ..

فوز: إنتي ما عندج إحساس ..
خلود: شتبيني أسوي .. مثل ما إنتي صديقتي .. شهد بعد صديقتي ..
فوز: قارني بيني وبينها .. وبتعرفين زين إني ما عدت صديقتج .. عنبوج .. إنتي ولامرة ييتي صوب صفنا .. تسألين عني .. أما هي .. من تخلص الحصة تركضين لها .. دوم أيي أدور عليج الصف وما ألقاج .. اسأل عنج وين .. يقولون لي ظهرت مع شهد .. شهد .. شهد .. شهد ..
خلود: أقول .. تدرين شي .. هي دوم تقولي .. با بختج بالظاهر فوز وايد تحبج .. تدرين شو قلت لها .. قلت لها لا .. ما تحبني .. فوز ما تعرف تحب ..
فوز وهي منصدمة: أنا .. بعد كل شي يا خلود .. ما أحبج .. الله يسامحج ..

نزلت دمعتها بحرارة .. ما تبجي ع صديقتها .. يومها حست إنها ما تستاهل أي شي .. وإنها ما عندها إحساس .. ولا عندها وفاء للصداقة .. طاحت عيونها ع رسالة كانت خلود مطرشتنها لها لما كانت ف صف 5 .. ما قدرت تحدد شو مناسبة الرسالة .. بس من اللي فيها يبين إن خلود مزعلتنها ومطرشة الرسالة عشان تراضيها .. قرتها بصمت .. ف البداية .. لين ما وصلت لكلام حرق فوادها ..

ويلست تقراه بصوت عالي ..:
" قراري ما بيتغير مهما سويتي .. ولين ما الله ياخذ أجلي ما بتخلى عن البنت اللي دشت قلبي واعتبرتها أختي وصديقتي .. وما بخليها تبجي مول .. بخليها تفرح وتعيش بسعادة لأن مالي حد من عقبها .. يكفي إن غيابج يحطم قلبي .. لا تفكرين فيوم إني ممكن أتخلى عن صداقتنا .. أو أبدلج بوحده ثانية .. ومهما ابتعدتي وإلا سويتي بتظلين أعز وأغلى صديقة ...."


كبر راسك على من كانوا أحبابك
تغير فيك كل شي كنت أشوفه فيك
ضحك وقتك ولما الحظ دق بابك
نسيت اللي رخص عمره لجل يرضيك
حسافة إنته زمن غدار لي جابك
وأنا بعيني وكل ما فيني كنت أبغيك
نثرت إحساسي الغالي على أدرابك
وأثاري إنته ذهب زايف بعد يغريك
تظن ببجي تظن مقوى على غيابك
تظن قلبي بعد ذاك الوفا يعطيك
ابتذكرني إذا غدر الزمن صابك
بلاني بك وبيجي دورك بعد يبيلك




جذب .. كل ها جذب .. وينج فيه لو تيين تقرين هالرسالة .. وتشوفين إنج ما سويتي شي من ها كله .. بعتي صداقتنا .. اللي الكل جان يرمس عنها .. والكل جان يحسدنا عليها ..

وربي محد يستاهل أصيح عشانه .. بس أنا غبية .. أنا اللي خليتها تشوف نفسها علي .. ضعفت جدامها .. وركضت وراها .. لا يا فوز إصحي .. هي اللي باعت .. وهي اللي بغت هالشي .. وفيوم بترد لج تعتذر .. تأكدي من هالشي يا فوز .. تأكدي .. إنها بتييج تطلب السماح منج .. وساعتها أنا اللي برفض .. وبقولها آسفة ..!!

دقت الباب .. ودشت عليها .. أختها الصغيرة ندى .. مسحت فوز دموعها بسرعة عشان ما تشوفها لأنها ع طول بتسير تقول حق أهلها ..

ندى : فوز ..
فوز: هلا حبيبتي .. تعالي عندي ببوسج ..
ندى بابتسامة وهي تقترب من فوز : إنزين ..
فوز باستها .. وحظنتها وكملت صياحها .. وندى سمعت صوتها وهي تبجي ..
ندى: فوز ليش تصيحين ؟!
فوز: ما أصيح حبيبتي .. شعرة طاحت فعيني ..
ندى: لا إنتي تصيحين ..
فوز: ما أصيح .. قلت لج شعرة طاحت ف عيني .. وهي تغير السالفة .. شو كنتي تبين ياية داري ..؟!
ندى: باجر مدرسة .. وأنا ما حليت الواجب .. ساعديني ..
فوز: أوكي وين كراستج ؟!
سارت ندى دارها تركض ويابت كراستها وعطتها فوز .. وأشرت ع الواجب ..
فوز: ها هو الواجب .. ويا راسج ها سهل .. حليه بروحج ..
ندى: إنزين .. بس إنتي شوفيني ..
فوز: أوكي .. خبريني شو تعلمتي ..؟!
ندى: وااااايد ..
فوز: إذا بسألج بتعرفين ..؟!
ندى: هيييييييه اسأليني .. أنا شطووورة
فوز بابتسامة باهته: أوكي .. شو الباب بـ الإنجليزي ..؟!
ندى: door
فوز: شاطرة .. أوكي ممممممم شو الصنارة بالإنجليزي؟!
ندى: rod
فوز: برافوو حبي .. ياللا كملي الواجب ..
ندى: بعد عيره .. اسأليني ..
فوز: هههههه شو عيبتج السالفة ؟! بعدين الناس يقولون غيره مب عيره ..
ندى بابتسامة: عيره .. ما أعرف .. عيره ..
فوز: هههههههه خلاص لا اتعبين روحج .. عيره عيره .. أوكي .. شو ممممم الضفدع بالإنجليزي؟!
ندى: frog
فوز: والدب ؟!
ندى: bear

دق تليفون فوز .. وسارت تشوف منو تذكرها هالوقت .. وهي ترمس ندى .. : بس خلاص يسدج حق اليوم .. كتبي الواجب أشوف ..
فتحت المسج اللي واصلنها .. وابتسمت ..

دامي على الدنيا وأشم النسايم
والله ما أبيعك يا رفيقي وأخليك
لو حال من دونك بغيض ولايم
مغليك مهما كلف الأمر مغليك
ولو صار من دونك جدال وشتايم
أبيع عمري وأفتخر يالخوي فيك


فديتج والله .. جان زين كل الناس شراتج .. ربيعتها موزة هي اللي مطرشتلها المسج .. هي تعرفها من أيام الإبتدائي بس ما كانت وياها وعلاقتها فيها زادت لمن دشوا الثانوية .. يمكن لأنهم صاروا بنفس الصف وكانوا إيلسون عدال بعض .. ومن يومها صارت رفيجتها الروح بالروح .. ما تخبي عليها شي .. إلا سرها الصغير اللي محد يدري عنه .. وعقبها تعرفوا على نورة .. نورة كانت من مدرسة ثانية .. يعني ما يعرفونها من قبل .. ومع الأيام صارت رفيجتهم .. بس علاقة فوز بموزة أقوى .. فتشت ف تليفونها عن مسج حلو ومناسب وطرشته حقها ..

لا تظن القلب يا عمري نساك
إن ضواني الليل عيني تحتويك
وإن بدالي الصبح أشرق به ضياك
في عيون الناس حاضر وألتقيك
وفي عروقي نبض سميته هواك
لا تقول الوقت قساني عليك
كل ليل يمر يكبر به غلاك
يالغلا كله تراني أشتاقلك وأوله عليك


ومن عقبها سارت تشوف أختها شو سوت ف الواجب .. لقتها راقدة ع الأرض والكراسة تحتها .. شلتها وحطتها ع الشبرية .. إلا وشوي إدش عليهم ريم وهي محرجة ..

ريم: شو هالعيشة ياخي .. حرام عليهم .. لا يرحمون ولا يخلون رحمة الله تنزل ..
فوز باستغراب: منو هذولا ...؟!
ريم: منو بعد .. هالدكاترة الأرف ..
فوز: شفيهم؟!
ريم: توها ربيعتي شواخ داقة .. شو تقول .. أونه الدكتور يبا الأسايمنت بااجر .. وأنا ما سويت شي فيه ..
فوز: إنزين سيري أحين ..
ريم: لاه .. حلفي إنتي بس .. شو أحين .. الأسايمنت أقل شي يباله أسبوعين
فوز: وهو متى معطنكم ؟!
ريم: يوم السبت .. حتى ما كملنا أسبوع .. وغير ها كان عندنا إمتحانات ..
فوز: الله يعينج .. وأحين شو بتسوين ..؟!
ريم بتفكير .: ممممممم ما بداوم باجر ..
فوز: بذمتج ؟؟
ريم: هيه .. خل يسويني آبسنت .. يوم ما بيأثر ..
فوز: وفهاليوم بتخلصين الأسايمنت ؟!
ريم: لا طبعاً .. بس هو عندنا يومين بالأسبوع .. السبت والأربعاء .. وأنا باجر بغيب .. يعني ما بشوف ويهه إلا الأربعاء .. وبحاول أخلصه ع الثلاثاء..
فوز: ياللا تحملي .. باجي هالفصل وبتتخرجين ..
ريم: لين ما أتخرج .. بيغسلونا غسال
فوز: هههههه شو دراعة وانا ما أدري
ريم: تستهبلين حضرتج ؟!
فوز: لا أطمش .. صج والله شو بيغسلونا ..
ريم: قوليلي إنتي ..؟!
فوز: شو ؟!
ريم: ع وين العزم ..؟!
فوز: ما فهمت ؟!
ريم: ويا راسج مشكلة الناس اللي فهمها بطيء .. جان زين طالعة ع اختج ذكية وتفهمينها ع الطاير..
فوز: شسوي عاد .. ما طلعت عليها ..
ريم: أصلا أنا ما في مثلي إثنين .. ما علينا .. أقصد شو بتدرسي عقب ما تخلصين .. وين تبين؟!
فوز: ما أعرف .. أي مكان .. ما تفرق ..
ريم: ياخي خلي عندج طموح شوية .. بس وين إنتي ويه دراسة .. إنتي ويه حب وعشق وهيام
فوز وهي تتنهد: تصدقين عاد .. مخلية الدراسة حقج ..
ريم: أوف شو زعلتي ..
فوز: لا والله ليش أزعل .. بس أنا صدق ما أحب الدراسة .. ما أعرف كيف يبت نسبة ..
ريم: أنا متأكدة إن حد تبرعلج .. هههههه
فوز: وايد يضحك ..
ريم: ههههههههههه هيه ..
فوز: ريمووه جلبي ويهج وسيري دارج .. ترا مب خلقج ..
ريم: خلاص انزين بسير عنج .. بس بقولج .. تزهبي عقب المغرب بنسير ..
فوز: وين ؟!
ريم: بيتهم ولد خال أبويه ..
فوز: شو هناك ...؟!
ريم: أمايه قالت بنسير عازمينا ع العشى ..
فوز: أووووف .. ما بسير ..
ريم: ليش ..؟!
فوز: ليش .. تدرين بعد ليش .. بناته خقاقات .. ما أطيق سوالفهن ..
ريم: ههههههههه عادي .. اللي يخق عليج .. خقي عليه ..
فوز: لااااه تشوفيني فايجة ..
ريم: صدق والله ..
فوز: الخقة مخلتنها لج إنتي .. خقي ع كيفج .. انا مب سايرة ..
ريم: أكيد بيسألون عنج .. وبعدين أنا أبغيج تسيرين ..
فوز: ليش ..؟
ريم: عشان تقعدين وياي .. ما أبا أسولف ويا بناتهم ..
فوز: وحمد بيروح؟!
ريم: أكييييييييييد .. حمد يقدر ما يروح .. أصلا مستحيل يفوت السيرة
فوز باستغراب: ليش عاد ؟!
ريم: ما خبرتج ؟؟!
فوز: شو ؟!
ريم: الحبيب طلع عاشق ولهان ويحب ..
فوز: منو يحب؟!!
ريم: منو بعد .. فطيييييم ..
فوز: حلفي ..؟!! من متى ..؟!
ريم: من فترة أحين .. بس محد يدري .. وأمس يالس ع راس أمي عشان تخطبها له ..
فوز: وإنتي شرايج ؟!
ريم: بصراحة عارضت .. بس أخوج يبغيها ومقتنع فيها .. وما قدرت أقول شي .. بس مممممم فطيم أطيب خواتها .. احسها جيه ..
فوز: يمكن والله .. على الأقل مب خقاقة شرات باجي خواتها ..
ريم: المهم شو قلتي .. بتروحين ؟!
فوز: منصور هناك وإلا مسافر ..؟!
ريم: ما أدري .. أظن مسافر .. ليش تسألين عنه ..؟!
فوز: تأكدي من حمد .. وإذا مب هناك بروح ..
ريم: ليش ما تبين تشوفينه ؟!
فوز: لا .. كريييييه ما أطيقه ما تشوفنيه كيف يطالع ..
ريم: هيه لاحظت عليه آخر مرة .. وايد يطالعج .. بالظاهر معجب
فوز: يخسي إلا هو .. مالت عليه
ريم: شفيج محرجة ع الولد
فوز: لا تطرينه بليز .. أساسا أنا الشباب اللي جيه أمقتهم .. وأحتقرهم بعد
ريم: أوووف .. شو مسويبج ؟!!
فوز تغيرت ملامح ويهها .. وقالت بنبرة حادة: يخسوون يسووبي شي ..

وعقبها طلبت من ريم تخليها لأنها بترقد .. بس كانت تباها تظهر .. لأنها شوي وبتصيح ..
ياربي شو اللي قاعد يصير وياي .. ليش ما أقدر أيود نفسي .. ليش ..؟!!

:

انتظروا الجزء الـ 2 ..

:
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً / ما ينزل الراس دام الروح بي حية ))


الجزء الثاني



بيت أبو حمدان
قوم نورة
يوم الثلاثاء
الساعة 12:00 بعد منتصف الليل



البيت جان هادي .. أبو حمدان وأم حمدان راقدين .. وحمدان ويا حرمته ف قسمهم .. ونورة مجابلة النت وترمس ع المسن وهي مستانسة ..

بلغ حبيبك وقله باخذك منه هذا هو الحل ومالي أي حل ثاني " نورة" : ما أدري .. شرايك إنت ..؟!

أسعد اللحظات في عمري حبيبي لي نظرتك تبتسم وإنت معايا " بدر" :

أنا أقول ف الصيف .. لازم أجي أريد أشوفك ..

بلغ حبيبك وقله باخذك منه هذا هو الحل ومالي أي حل ثاني:

لا والله وين تيي ..

أسعد اللحظات في عمري حبيبي لي نظرتك تبتسم وإنت معايا:

وين بعد .. بعدين بنتفق .. بس لازم أشوفك نواري .. إنتي شفتي صورتي بس أنا ما شفتها .. أجل كيف أجي أخطبك وأنا مو شايفك ما يصير ..

بلغ حبيبك وقله باخذك منه هذا هو الحل ومالي أي حل ثاني:

ما أدري .. بس أنا ما أقدر أشوفك .. حتى لو ييت .. يعني لا اتعب نفسك وتيي ع الفاضي

أسعد اللحظات في عمري حبيبي لي نظرتك تبتسم وإنت معايا:
لاااا والله غصب عنك بتشوفيني .. وش هو بكيفك وإلا بكيفك ..

بلغ حبيبك وقله باخذك منه هذا هو الحل ومالي أي حل ثاني:
شو ..؟! تبيني أظهر وياك بروحنا .. إنت بعقلك ..؟!!

أسعد اللحظات في عمري حبيبي لي نظرتك تبتسم وإنت معايا:
شفيها يعني ..؟! مو إنتي حبيبتي .. ومن حقي أشوفك قبل الخطبة

بلغ حبيبك وقله باخذك منه هذا هو الحل ومالي أي حل ثاني:
تعال بيتنا .. وبتشوفني جدام هلي .. مب من وراهم ..

أسعد اللحظات في عمري حبيبي لي نظرتك تبتسم وإنت معايا " بضيج": أنا بسير عنك ألحين ياللا ياللا تصبحين على خير

بلغ حبيبك وقله باخذك منه هذا هو الحل ومالي أي حل ثاني:
وإنت من أهله حياتي

بندت نورة المسن وسارت تيلس ع الشبرية وهي تفكر ف بدر وف اليوم اللي بيي يخطبها .. جان خاطرها ترمس حد وتقوله عن اللي قاعد يصير وياها بس هي ما عندها غير شمسة وشمسة معرسة وف دبي وأكبر منها بوايد يعني ما تقدر تقولها عن اللي ف خاطرها ..

سارت ترقد لأن الساعة صارت 1 ونص وهي باجر عندها مدرسة ..!

أما خليفة ف توه ياي من برع .. عقب ما لف السنتر ويا ربعه .. وما بقوا بنت ما تحرشوا فيها ورقموها .. يلس ع القنفة وهو يتذكر الموقف اللي صار وياه ف السنتر .. وابتسم :

خليفة: عبيد طالع ذيج الغرشوووب .. يا ويل حالي أنا ..
عبيد: ههههههه أقول ياللا سرينا ..
خليفة: لا إنت إيلس أنا بسير .. هذي حقي ..
عبيد: لا والله ..
خليفة: أنا شفتها قبلك ..
عبيد: أحين بتضاربني ع بنية .. صج ما فيك مذهب .. هيه يا حامد زيد صدقت والله .. " لا جمّع الله الرجال اللي تفرقهم مره"
خليفة: خخخخخخخ وقمنا نشعر بعد ..
عبيد: أقول سير لا تروح عنك ..

وسار خليفة صوب البنت .. اللي كانت شالة البقعة من ريحة عطرها ..
ويمشي وراها ويعد رقمه .. وعقبها يلس يتغزل فيها وهي تضحك وتمشي عنه ..
خليفة: يا ويل حاااالي أنا .. جم بعيش .. فديت هالإبتسامة .. لاخليت منها يارب
وقفت البنت وعطته نظرة حارة .. وقالت له : احشم نفسك ياخي .. بس عاد شو عطيناك فيس ما صدقت .. أووووف
وكملت طريقها .. وهو نقع م الضحك .. مالت عليج .. يتمنعن وهن الراغبات .. بس صدق تعق الطير م السما ..
عبيد من وراه: ههههههههههههه شو قفطوك ..؟!
خليفة: لا وين .. عطتني رقمها وقالت تبا تشوفني ..
عبيد: لاه وين عاااااد ؟!
خليفة بقهر: ما يخصك ..
عبيد: ههههههههه عطيناك فيس ما صدقت خخخخخخ
خليفة: مالت عليها .. شو شايفة نفسها .. تراها خايسة من هالخيوس
عبيد: هههههه غير بعد الناس اللي بتمووت قهر
خليفة: أقول خل نسير بسنا م المغرب ونحن نحاوط ونغازل الحمدلله محد زقرلنا السكيوريتي .. وإلا جان رحنا فيها ..
عبيد: عاد إنت اليوم حطمت الرقم القياسي ف المغازل .. جم حصدت ؟!!
خليفة: 4 خذن الرقم .. و5 عطني أرقامهن .. الحمدلله
عبيد: هههههههههههه عيل اليوم لا ترقد .. خطف عليهن كلهن ..

ابتسم خليفة .. هو متعود ع هالشي .. المغازل ف دمه ما يقدر يمنع نفسه .. بس مع ذلك ما يرمسهن .. وإذا وحده دقت عليه يعطيها طاف .. هو يشوف ف المغازل تسلية بس .. وعقبها نش وسار داره يرقد ..!


بيت أبو عبدالعزيز
ريل ميثة أخت موزة
يوم الجمعة
الساعة 2:30 ظهراً


يوم الجمعة العائلة كلها تتيمع ف بيت ريل ميثة حق الغدا .. وخالد عازم خوانه كلهم من صغيرهم لكبيرهم .. عقب ما خلصوا متغدين يلسوا ف الصالة .. أمس جان عرس مهرة أخت خالد .. وقوم موزة كانوا حاضرين وباتوا عند أختها ف العين واليوم بيردون بيتهم ..
ف الصالة موزة قاعدة ويا حصة أخت خالد .. ومعها روضة بنت أختها ..
حصة: ها مواز شو الدراسة؟!
موزة: والله الحمدلله سهلة وايد .. وإنتي؟!
حصة: عاد اللي يقول امرة مهتمة .. مطنشة ع الآخر ..
موزة: ليش عاد؟!
حصة: عاد بدرس أوني .. تدرين بعد عندنا من نخلص ثانوية ع طول زواج .. شو الفايدة أدرس وأنا عارفة إن اللي بياخذني ما بيخليني أكمل ..
روضة: أتخيل .. عيل أنا أدرس 12 سنة عشان ف الأخير أيلس ف البيت .. ما أبا ..
موزة: صدقها رواضي .. شو إيلسنا ف البيت .. دام جيه أحسن ما ندرس ..

مر عليهم سيف أخو حصة ..
سيف: السلام عليكم والرحمة ..
البنات: وعليكم السلام ..
سيف وهو يطالع موزة: شحالج موزة؟!
موزة: الحمدلله بخير وعافية ..
حصة: شعندك ياي عند البنات ؟!!
سيف: أحينه عاد اللي يسمع يقول ياي حقج ..
حصة بخبث: عيل حق منو؟!
سيف وهو يطالعها: مالج خص ..
نزلت موزة راسها .. وسيف ما خاز عينه عنها ..
روضة: عمييييه
سيف: هلا حبيبتي ..
روضة: نبا نروح العين مول .. تودينا ؟!!
سيف: شعندج هناك؟!!
روضة: بنودي موزة تتحوط ..
سيف: امره فالج طيب ..
موزة طالعتها: ومنو قالج إني أبا أتحوط .. وعاد يوم بتحوط ما بتحوط غير ف العين مول ؟!
سيف: صدقها مواز عادة يوم بتحوطيها .. بتوديها العين مول ..
روضة : إنزين شرايج نوديج المبزرة ..
موزة: ما أبا أسير مكان ..
سيف: لا لازم تروحين .. ما يصير ..
حصة: بس خلاص العين مول ..
سيف: أوكي خلكن جاهزات .. أنا بسير البيت أتزهب وبيي
موزة: أنا ما بروح ..
سيف: ليش ؟!
موزة: بس كيفي .. ما أبا أروح ..
سيف: إذا ما بتروحي عيل ما بنروح كلنا ..
حصة: أونه ..
موزة: العين مول عندكم .. إذا ما رحتوا اليوم بتروحوا وقت ثاني .. يعني ما لازم تروحون
روضة: خالوووووووووه
موزة: يالدبة لا تقولين لي خالووه شو شايفتني ..
روضة: ههههههههههه وافقي وما بقولج
موزة: لا عيل قولي .. لأني ما بوافق ..
روضة: عشاني أنا .. روضتج .. ياللا فديتج ..
حصة: ياللا مواز لا تصيرين صعبة .. واليوم بتردون بيتكم يعني ما بنشوفج مرة ثانية لين ما تخلص المدرسة .. خلينا نظهر مع بعض
موزة باستسلام: أوكي .. بس حمود وعزوز يروحون ويانا
سيف: وأنا موافق ..
حصة: لازم حمود وعزوز يروحون ويانا ..
موزة وهي تغمز حق روضة: أكيد ما نصبر عنهم ..

سارن البنات دارهن يتزهبن عشان يروحن العين مول .. وسيف مستانس وايد ليش إن موزة بتروح وياهم .. سيف أخو خالد ومهرة وحصة عمره تقريباً 22 سنة يشتغل ضابط ف سلاح الجو هو هادي بس ظريف وسوالفه حلوة ويموت ع شي اسمه رياضة .. كل يوم عقب ما ينش م الرقاد لازم يروح يمشي أونه يبي يعضل ..!


مدرسة الـ ..... الثانوية للبنات
يوم السبت
الساعة 11:00 صباحاً
وقت البريك


يالسات مع بعض وكل وحده تفكيرها ف شي .. نورة للحين ما يات .. وموزة جانت تفكر ف أخوها .. أما فوز ف كالعادة وضعها ما تغير من بدا الفصل الثاني ..

موزة: فوز ..
فوز: هلا ..
موزة: تدرين الخميس اللي طافت عرست حماة أختي ..
فوز: اللي ف العين ؟!
موزة باستغراب: عندي غيرها
فوز: صح ما عندج غيرها .. كيف جان العرس ..؟!
موزة: حلو .. ومهرووة طالعة خبااال ..
فوز: مبارك عليها وربي يسعدها ..
موزة بضيج: آمين ..
فوز: بلاج موااازه ..؟!
موزة: مضايجة ..
فوز: من شو ..؟!
موزة: أحمد .. الظاهر إنه يحبها .. من درا إنها بتعرس انجلب حالة فوق حدر ..
فوز: تمزحي ..!
موزة: والله أنا بروحي تفاجأت وعقب لما رمسته أكد لي ..
فوز: بس البنت عرست .. وهو دام إنه يحبها ليش ما سار يخطبها
موزة: ترا قلت له .. قالي أونه يحس نفسه صغير ع الزواج ..
فوز: اهاا .. الله يعوضه باللي أحسن منها ..
موزة: بس أنا ما أظن إنه يحبها يحبها .. أنا أقول يمكن معجب فيها .. لأنه ما شافها إلا مرتين وإلا ثلاث .. ومول ما رمسها ..
فوز: يمكن دشت ف خاطره بلاج إنتي
موزة: لاه .. هيه صح ما خبرتج
فوز: شو ..؟!
موزة: توقعي منو شفت هناك ؟!!
فوز: منو ..؟!
موزة: سيفاااااااان ..
فوز: حلفي
موزة: والله ورمسني بعد ..
فوز بابتسامة : والله وشفتي حبيب الطفولة ..
موزة: ف عينج حبيب الطفولة .. لا حبيبتي .. صح نلعب ويا بعض وسوالف يهال .. بس هاك قبل .. أما أحين ما بينا شي ..
فوز: زين وشو صار عاد شو قالج ؟!!
موزة: ماقال شي .. شفته يوم العرس .. جان الخميس .. ويا صوبنا وسلم علينا وسلم ع أخوي أحمد وعقبها سار .. وشفته أمس عند الغدا .. ويا يسلم وعقبها اقترحت روضووه نسير العين مول وقال بيودينا ..
فوز: وتقولين لي ما بينكم شي ..؟!
موزة: ما أدري عاد هالشي هو من قبل جيه .. يعني يهتم فيني ..
فوز: أونه .. حبيبتي أقص إيدي بالنص إن ما طلع يحبج ..
موزة: إنزين خليه يحبني .. بس لا يفكر إني بحبه ..
فوز: ليش عاد .. شفيه ؟!
موزة: بس جيه مول ما حاطتنه ف بالي .. وبعد أونه قال إذا أنا ما سرت ما بيوديهن ..
فوز: سوالف يهال هاه ..

شوي وتيي نورة وتيلس عندها .. بس أبداً ما رمست .. والبنات استغربن شفيها ..

فوز: هيه .. وهيّه إطالع ع نورة .. نواره بلاج إنتي بعد ؟!
نورة: عندي شي أبا أقوله بس ..
موزة: شو ..؟!
نورة: أبغي حد ينصحني .. يوقف معي .. وما أظن بلقى حد غيركن
فوز: بلاج نوارة لا تخرعينا .. شصاير؟!!
نورة: أنا .. وسكتت ..
موزة: إنتي شو ..؟!
نورة: آآآآآآآه .. أنا أحب ..
فوز ابتسمت ابتسامة هادية .. وموزة طالعتها بنظرة استغراب ..
موزة: منو ها اللي أمه داعية عليه ..؟!
نورة: ف عينج .. قولي إلا داعيتله ..
موزة: لا صدج منو ها ..؟!
نورة: واحد .. تعرفت عليه ف الجات ..
فوز: شو ..؟!
نورة وهي منزلة راسها وتكمل: اسمه بدر .. م السعودية .. يحبني ويفكر يخطبني ..
موزة: ومن متى تعرفون بعض ..؟!
نورة: من 3 شهور تقريباً ..
فوز: 3 شهور .. مسرع ما حبج وحبيتيه .. لا وبعد يفكر يخطبج ..
نورة: شفيج ترمسين جيه يا فوز ..؟!!
فوز: كيف تبيني أرمس عيل .. أي حب ها من 3 شهور بس .. لا وبعدج متعرفة عليه ف الجات .. شو تتريين منه دام جيه ..؟!!
نورة: يعني إنتي تحبين هيه .. غيرج لا .. عليج غفور رحيم وعلينا شديد العقاب ..
فوز: نورة لا تقارنين بيني وبينج ..
نورة: لا بقارن .. شفيها يعني لو حبيت ..؟!
فوز: ما قلنالج لا تحبي .. ياخي حبي .. بس مب بهالطريقة ..
موزة: شو أحين بتتضاربن .. السالفة ما ترزا .. سكتن شوية خل نتفاهم ..
فوز: إنتي ما تسمعينها شو تقول ...؟!
نورة: أدري هالشي غلط وربي غلط .. بس أحبه وهو يحبني ..
موزة: نورة إنتي متأكدة من مشاعره صوبج ..؟! واثقة فيه .. متأكدة إنه ما يلعب عليج ...؟!
نورة: خبرتج يحبني .. شو يخليه يتواصل وياي لو ما يحبني .. خصوصا إني من بلد وهو بلد ..
فوز بعصبية: وشو اللي يخليه يخلي بنات ديرته ويحبج إنتي ..؟!! هو يعرفج .. شافج .. رمسج ؟!
نورة: نرمس كل يوم ع المسن .. ورمسني عن أهله وقال إنه يبا يخبر أهله عني بس قبل يبا ..
فوز بنرفزة: يبا شو ..؟! يشوفج مو .. ما ترمسين ..؟!
نورة: فوز إنتي بلاج .. ما أحب حد يرمسني بهالأسلوب ..
فوز: بأي أسلوب تحبين أرمسج ..؟!
نورة: لا عاد قولي إنج ميتة قهر ..
فوز: ميتة قهر ..؟! ليش عاد ...؟!
موزة بتحذير: نورة ..!
فوز: ما تقولين ..؟!!
نورة: لأني أرمس حبيبي .. بس إنتي ما قادرة توصلين حق حبيب القلب حمود .. لأن بدر يحبني .. بس حمود ما داري عن هوا دارج

كل ما بنيت الحلم في القلب وكمل
قبل أعلنه يظهر صدى عداوته
وأضحت همومي من ورا الخافق همل
وأحجامها حسب الوضع متفاوته
وأنا العزيز اللي تشبث بالأمل
عسى يشوف من الزمن طراوته
درس الحياة القاسية لو اشتمل
على الجبابر يعرفوا قساوته
تلقى بعض تجارهم يمشي ثمل
مع الفقارى يرتشف حلاوته
والقاضي اللي في كلامه ما صمل
فاضي عمل مسترسل بفضاوته
كيف المطوع يخلف بقول وعمل
والمصحف الطاهر نسى تلاوته
قال المثل خلي الجمل بما حمل
صافح عدون ما يبين نداوته
رجل ضلوعه للحمل ما تحتمل
يحرم على رجلي حشا مخاوته
مثل النعامة راسها تحت الرمل
ومن ظلها تشكي مدى ضراوته
جرح الصداقة في الظهر ما يندمل
عيّت سنيني كلها مداوته


فوز والدموع ف عينها: مشكورة يا نورة .. مشكورة وإيي منج أكثر ..
سارت فوز .. وموزة طالعت نورة اللي حست إنها قالت شي غلط .. بس فوز طلعتها من طورها ..
موزة: فوق إنج غلطانة .. بعد تعلين صوتج وتجرحين البنت ..

سارت موزة عنها .. تشوف فوز اللي كانت يالسة جدام الكلاس ..

موزة: فوز .. ترا نورة مب قاصدة ..
فوز: أدري
موزة: لا تزعلين منها .. إنتي تعرفين شكثر هي تحبج ..
فوز: مب زعلانة .. وما أبغي أرمس ف الموضوع ..
موزة: فوز .. نورة رفيجتنا .. ودام نشوفها تغلط لازم نكون وياها وننصحها ..
فوز: شو بتقوليلها يعني ..؟! تنهي علاقتها فها اللي اسمه بدر ..؟! مستحيل تسمع كلامج ..
موزة: وليش يعني ..؟!
فوز: تقولج تحبه .. هي يمكن تحبه بس هو أكيد يلعب عليها .. هذيلا هم الشباب .. دوم نيتهم خايسة .. وتفكيرهم خايس .. ما يبون الحب من البنت .. يبون جسمها ..
موزة: فوز شهالرمسة ..؟!
فوز: شو تتحسبين ينيت وقاعدة أخربط ..؟! لا يا موزة إنتو ما تعرفون شي .. تتحسبون الناس كلها طيبة .. هذيلا مب أوادم .. هذيلا ذئاب ..
موزة: أصابع إيدج مب متساوية ..؟!!
فوز: أدري .. وأدري بعد إن اللي يبدا بالغلط .. يبقى غلط ..!

سارت فوز الكلاس .. وربي هذيلا مب حاسات .. ليش يا نورة ليش تحطين نفسج ف هالموقف .. وتخربين حياتج ..!!

نورة تلومت وايد م الرمسة اللي فرتها على فوز .. وسارت عشان تعتذر منها بس الجرس دق وما وحت تسير ..!


بيت أبو حمد
قوم فوز
يوم الإثنين
الساعة 8:00 المسا



العائلة متيمعة ف الصالة .. أبو حمد وأم حمد وحمد وريم وندى .. عدا فوز اللي كانت ف دارها .. حتى ويا أهلها ما تحب تيلس وايد .. عافت حياتها .. من شي لشي .. شو بتتحمل وإلا شو .. من عقب ما صار بينها وبين نورة اللي صار ما شافتها أبداً .. ارتبشن ف الامتحانات حتى ف البريك ما يشوفن بعض ..!


ف دار فوز ..


ميودة دفترها وتكتب فيها .. هي دوم جيه لمن تكون مضايجة لازم تكتب ..

لم تعد تؤثرُ فيني تلك الطعنات .. فقد كستني الحياة بـ جراحٍ تمازجت مع صوت الأنين .. لأفقد الإحساس بـ الألم ..
سـ ألقاها مِمن بـ التحديد ..؟!
من قلبٍ أهيم بهِ عشق .. وهو هناك لاهٍ .. حتى أطيافي لم تأتيهِ يوماً ..
أم من صديقٍ وثقتُ بهِ .. فـ رمى سهامه عليّ وقتلني ..
أم من قصة طفولتي المخيفة .. وماضيّا الذي بات يغزو أحلامي ..
جميعهم متساوون في الجرح .. وفي الألم ..
جميعهم .. همشّوا قلبي ..
وقتلوا فيني الإحساس بـ الحياة ..!

وها هنا .. أسطّر جرح آخر .. من صاحبٍ آخر ..!


صكت الدفتر .. مالها خلق حق شي .. حتى المذاكرة .. تعبت منها .. دق تليفونها .. مسج من عند نورة ..


حبيبي كل شي فيني على شانك يعاتبني :
ضلوعي .. قلبي العاشق .. حنيني .. أصعب أطباعي
جنوني فيك .. ضحكاتي .. مداين لهفتي
وشفني :
على صدر الورق جالس عتبهم ينحر أسماعي
وأنا آسف
أنا آسف
أنا آسف
على الكلمة .. وزلة مالها داعي
قسم بالله مو قصدي ..!


آه يا نورة .. إنتي ما غلطتي .. أنا اللي فقدت أعصابي .. بس غصب عني .. هي لازم تعرف إن اللي قاعد يصير أكبر غلط .. شوي ودق تليفونها .. وكانت هي متصلة فيها ..

نورة: السلام عليكم
فوز: وعليكم السلام .. هلا نورة ..
نورة: شحالج فوز ..؟!؟
فوز: بخير ربي يعافيج .. من صوبج ..؟!
نورة: الحمدلله بخير .. فوز ..؟
فوز: هلا
نورة: أنا آسفة ع اللي صار .. ما أدري شو ياني قمت أخرف ..
فوز: عادي يا نورة ما صار شي .. أنا بعد غلطت لمن صرّخت عليج ..
نورة: بس أنا استاهل اللي صار .. فوز ما أبغيج لا إنتي ولا موازه تاخذون فكرة غلط عني ..
فوز: هالشي ما ممكن يصير يا نورة .. بس إنتي قبل لا تفكرين بقلبج فكري بعقلج ..
نورة: أحبه يا فوز .. وإنتي جربتي الحب وتعرفين هالشي ..
فوز بهدوء: نورة قلت لج لا تقارنين بيني وبينج ..
نورة: أوكي وضعج مختلف .. بس ف نفس الوقت تعرفين شو يعني الحب ..
فوز: نورة .. مهما جان .. لا توثقي فأي حد .. حتى لو جان هالشخص أقرب الناس لج .. أنا وحده وثقت ف ناس وايد كنت أشوفهم كل حياتي .. ومن عقبها تخلو عني .. ما بالج ب شخص متعرفة عليه عن طريق الجات .. ومعرفتج فيه سطحية .. وما تدرين بصدقه من جذبه .. و3 شهور فترة بسيطة عشان تقدرين تحددين مشاعرج تجاه انسان .. وتصرحي بهالمشاعر .. لو كنتي حبيتيه وسكتي وتواصلتوا لفترة طويلة .. عقبها ممكن أقتنع إن اللي بينج وبين هالشخص حب .. وغير ها هو مب من بلادج .. بعيد عنج .. نورة أنا أرمس لمصلحتج .. مب عشان شي ..
نورة: ومحمد بعد مب من بلادج ..
فوز: بس من أهلي .. ومحمد ما يدري إني احبه .. ولا فيوم بقوله بهالشي .. وخبرتكن إني قررت أنساه .. وفعلاً بديت بهالخطوة من فترة .. نورة فديتج إنتي بنت طيبة وألف من يتمناج لا تربطين نفسج ف واحد ما تدرين عنه شي .. أخلاقه طباعه صفاته .. ما تعرفين عنه شي .. أهله منو .. يمكن هو رمسج عنه وقالج أشياء بسيطة .. بس شدراج إنها صحيحة .. كوني حذرة ف تصرفاتج ورمستج وياه .. ولا تخلينه يلعب بعقلج .. ترا بتخسرين وايد أشياء .. وأولها ثقة أهلج فيج وسمعتج ..
نورة: يصير خير .. بخليج أحين ..
فوز: أوكي .. فكري برمستي عدل .. وتأكدي إن كل اللي أقوله لمصلحتج.
نورة: أدري يا فوز .. ياللا تصبحين على خير
فوز: وإنتي من أهله
نورة: فمان الله
فوز: ربي يحفظج

بندت نورة .. وسارت فوز تتغسل عشان تنزل تحت عند أهلها تشوفهم وتاخذ علومهم ..!


ف الصالة ..

أم حمد: الولد أحين بس يبا يخطب .. لين ما يكون نفسه وعقبها الملجة والعرس.
أبو حمد: ما أدري .. أنا ما عندي مانع .. إذا أهلها بيوافقون ع الخطوبة أحين .. خلاص توكلنا على الله ..
أم حمد: وليش ما يوافقون .. ترانا أهل وما بيحصلون أحسن من ولدي حق بنتهم ..
أبو حمد: حمد إنت تباها !
حمد: هيه أبويه .. والبنت تباني بعد .. بس أنا قلت أحسن يكون بينا شي رسمي عشان محد يرمس عليها ولحد يخطبها ..
أبو حمد: خلاص عيل يوم الخميس بنسير نخطبلك
حمد: تسلم أبويه .. ما تقصر ..
ريم: مبرووك ع ياحمد ..
حمد: الله يبارك فيج ..
أبو حمد: إلا فوز وينها ..؟!
ريم: بدارها .. يمكن تذاكر ..
ندى: باباتي ..
أبو حمد: هلا باباتي ..
ندى: أبا أسير الحديكة ..
أبوحمد: شو تسوين ..؟!
ندى: ههههههه أبويه ف الحديكة شو يسوون؟؟
أبو حمد: هيه والله .. ها سؤال بعد ..
حمد: أنا بوديج .. متى تبين تروحين ؟!!
ندى: يوم الألبعاء عشان فوز تلوح معنا ..
ريم باستغراب: وليش فوز يعني ؟!
ندى: إنتي بعد جان تبين بنشلج ..
ريم: لاه
حمد: خلاص يوم الأربعاء بنسير الحديقة كلنا .. بس تعالي قبل أبا بوسة ..
وسارت ندى تركض تبوس أخوها ..
حمد: فديتج والله .. وفديت هالويه .. إنتي ليش جيه حلوة ..؟!
ندى بابتسامة: ما أعلف ..
ريم: يالبيضا .. وأنا ما بتيي تبوسيني ..
أم حمد: عنلاتج شو يالبيضا بعد تبين تحسدينها علينا ..
ريم:هههههههه لا تخافين أمايه ما أحسد أنا ..
ندى: عقب بستوي سوووده .. ما أبا
حمد: هيه وبنزقرج السووده
ندى: باباتي شوفه ها .. أنا مب سووده
فوز وهي نازلة : فديتج إنتي شيخة البيض كلهم ولا يهمج ..
سارت ندى تركض عند فوز وتحضنها ..

ريم: أوف واسطتج قوية يا فوز .. يحضنوج ويبون ياخذونج وياهم الحديقة .. شهالحب اللي طاح عليج فجأة ..
فوز: شو بدينا نغار .. أختي حبيبتي وكيفنا ..
فوز وهي تقترب منهم سلمت ع أهلها وسارت تيلس عدال ندى ..
ندى: بنلوح الحديكة
فوز: والله .. متى ..؟!
ندى: يوم الألبعاء ..
فوز: حبيبي الناس يقولون بنروح .. والحديقة ..
ندى: الحديكة ..
فوز: ههههههههه خاطري أعرف ليش ما تنطقين حرف الراء والكاف صح ..
ندى: ما أعلف ..
بو حمد: ها يا فوز .. شو الدراسة معج ؟!
فوز: الحمدلله أبويه
أم حمد: شدي حيلج كلها 3 شهور وتخلصين ..
فوز: إن شاء الله أمايه .. وهي تطالع ريم .. شو سلمتي الأسايمنت ؟!
ريم: هيه سلمته .. وحشرني والله مذلة هالدكاترة ..
فوز: الله لا يبلينا ..
ريم: لا حبيبتي .. ترا كلهم نفس الطينة .. وين ما تروحين تلقين هالأشكال ..
فوز: الله يعين ..
أم حمد: ياللا قوموا بتتعشوا ..

ونشوا كلهم يتعشوا .. وكملوا سوالفهم ع العشا .. حمد جان مستانس لأن أبوه وافق يخطب له فطيم .. وجان مستعيل خلص أكله بسرعة وع طول سار داره يرمسها ..!


شقة علي ف بريطانيا
يوم الأربعاء
الساعة 9:00 مساءاً بتوقيت بريطانيا



يالس ف الصالة ومتملل ..وياه ربعه سعيد وراشد يلعبون بلايستيشن .. وهو فاتح اللاب توب .. داش المنتدى بالتحديد المنتدى العام .. موضوع لفت انتباهه .. ويلس يقراه عيبه أسلوب الكاتبة وسار يدور ع كتاباتها عشان يقراها .. شوي ودق تليفونه .. ورد عليه ..

علي: السلام عليكم والرحمة
حمدة: وعليكم السلام والرحمة .. شحالك حبي ؟!
علي: بخير ربي يعافيج .. شحالج إنتي ؟!
حمدة: ولهانة عليك حييييييل .. فديت صوتك وطاريك
علي: توله عليج العافية ..
حمدة: شو قاعد تسوي ؟!
علي: ولا شي .. متملل وفاتح اللاب توب
حمدة: اهااا عيل الظاهر أنا حاسة فيك وحاسة إنك متملل عشان جيه دقيت لك
علي ببرود: الظاهر جيه ..
حمدة: علاوي حبيبي
علي: هلا ..
حمدة: شفيك ..؟!!
علي باستغراب: شفيني ؟!
حمدة: ما أدري أسلوبك متغير ..
علي: ما فهمت ؟!
حمدة: إنت مضايج مني ؟!!
علي: لا أبداً ..
حمدة: عيل شفيك .. مب من عوايدك ترمسني جيه ببرود
علي: ما فيني شي ..
حمدة: شو مليت مني ؟؟!
علي: حمدة واللي يسلمج لا تبدين تخرفين .. وتقولين رمسة ما صارت ..
حمدة: لا بس إنت قبل ما كنت ترمسني جيه .. شو اللي تغيرأحين؟!! حتى قبل كنت إنت إدق علي ترمسني .. وأحين إذا أنا ما دقيت إنت طاف ..
علي: مب فاضي تعرفين فترة امتحانات وانشغلت ..
حمدة: أوكي حبي ..
علي: حمدة بسألج سؤال ..!
حمدة: شو حبيبي؟!
علي: إنتي تتريين مني شي ؟!
حمدة: شي مثل شو ؟!
علي: يعني حاطة ف بالج إني أخطبج ؟!
حمدة: لا ..
علي باستغراب: لا ...؟!!!
حمدة: هيه .. أنا أتسلى وإنت تتسلى ..
علي: تتسلين ؟!! شو معنى رمستج ؟!!
حمدة: علي بذمتك إنت بتبا وحده رمستها ف التليفون والتقيت وياها .. وتبادلت معها الهدايا ؟!!
علي بتردد: ما أعرف .. ع حسب إذا كنت أحبها
حمدة: وإنت ما تحبني؟!!
علي: ما أدري .. يمكن ..
حمدة: لا إنت ما تحبني .. إنت حبيت تتسلى .. وأنا ساعدتك ع هالشي .. أنا نفسي ما أدري إذا أحبك أو لا ..
علي: حمدة .. إنتي تستاهلين كل خير ..
حمدة: كلهم يقولون جيه لمن يقررون يفارقون ..
علي: ليش إنتي رمستي قبلي حد ؟!!
حمدة: هيه رمست .. 2 .. ورمستهم نفس رمستك .. بس إنت غير عنهم .. وايد أشياء فيك لفتت انتباهي .. أولها طيبة قلبك .. وحنانك
علي: أنا آسف يا حمدة .. بس تواصلنا غلط .. وتعارفنا أكبر غلط
حمدة: أدري ..
علي: ما بقول إني حبيتج .. يمكن أعجبت فيج ..
حمدة: كنت ترمس غيري وإنت ترمسني؟!!
علي: هيه .. بس خليتهن .. وقطعت تواصلي معهن ..
حمدة: ليش ؟!!
علي: لأني قررت أدور ع الحب الحقيقي ..
حمدة: وحبي وحبهن مب حقيقي؟!
علي: إنتي بروحج قلتيها .. تسلية ..
حمدة: أوكي يا علي الله يوفقك وتلقى الحب الحقيقي اللي تدور عليه .. لو إني أشك إن ف حياتنا شي حب حقيقي ..
علي: موجود بس يبا اللي يدور عليه ..
حمدة: مع السلامة
علي: ربي يحفظج


سعيد وهو يطالع علي .. اللي فر التليفون ع القنفة ..: علاوي بلاك ؟؟!
علي: ما فيني شي ..
راشد: شو الحبيب .. أشوف قمت تسرحهن البنات ..
علي: هيه مليت بصراحة ..
سعيد: هذيلا من بقايا المغازل ..
علي: هيه الله لا يرد ذيج الأيام ..
راشد: بلاها ذيج الأيام .. بالعكس كانت أيام حلوة ؟!
علي: دخيلك شو م الحلاة .. خلاص أنا تطوعت
سعيد: ههههههههههه عليوو أونك تطوعت ..
علي: هيه فديتني تطوعت .. أحين بس سوالف طماااشة .. أتطمش ع البنات .. أما أرقم لاااااا حرّمت ..
سعيد: لا اظاهر الولد اهتدى ..
راشد: الشييييييمة شو من هدايته .. و20 بنت ف المسن وين سارن؟!
علي: صكييييييتهن بلوووووك ..
راشد: ما تقدر تعيش بدون لا ترمس بنت
علي: وليش ما أروووم .. لا تيلس تحبطني ..
سعيد: الله يهديك ويهدينا وياك ..

دق تليفون علي .. وسعيد جان الأقرب له .. وأول ما شاف الإسم ابتسم ورد عليه ..

سعيد: حيالله بهالصوت ..
ميرة: السلام عليكم
سعيد: وعليكم السلام والرحمة ..
ميرة: ها مش تليفون علي ؟!!
سعيد: إمبلا هوو .. شو تبينه ؟!!
ميرة: إذا ما عليك أمر
سعيد: وأنا ما تبين ترمسيني؟!!

علي يطالعه باستغراب ها منو يرمس .. يرمس بنت .. ويا فيسه .. منو .. ويأشر لسعيد بإيده منو .. وسعيد سواله طاف ..

ميرة: منو إنت ؟!!
سعيد: أفااا نسيتي صوتي
ميرة: بلا استهبال ..
سعيد: ويااااااا فيسج صدج ما تنعطين ويه .. ويفر التليفون لعلي ..
علي: منو؟!!
سعيد: رمسها وبتعرف ..
علي: السلام عليكم ..
ميرة: وعليكم السلام والرحمة .. هلا ومليار غلا ..
علي: شحالج حبيبي ؟!!
ميرة: بخير .. بس ولهانييين عليك وااااااااايد .. شحالك إنت؟!
علي: الحمدلله بخير .. مي تو والله ولهان عليكم ..
ميرة: ويا راسك إنت تعطي ربعك يردون ع الفون ..؟!!
علي: لا ..
ميرة: عيل منو هالسبال اللي رمسني ..؟!!
علي: هههههههههههه .. وهو يطالع ع سعيد .. أحين سعيد ولد خالتج صار سبااااااااااااال ..
سعيد فج عينه ..
ميرة: قول والله إنه سعيد ..!
علي: والله هو .. بذمتج عاد أنا بعطي ربعي يردون عليج .. شو هالعقل اللي فيج ..
ميرة: شدراني ما عرفت صوته ..
علي: ههههههه محرّج عليييييييج أونه ليش تقولين عنه سبااااال
ميرة: ههههه لأنه سبال شو هالحركات .. جان قالي إن هو سعيد
علي: ما علينا .. شو الأخبار عندكم ؟!!
ميرة: ماشي أخباار .. بس داقة اسأل عليك .. شو متى بترد البلاد ؟!!
علي: مب تقولين إنتو بتييون؟!! ليش أرد بعد ؟!!
ميرة: ويا راسك يعني ما بترد .. أنا قلت يمكن بتي قبل الصيف ..
علي: لا ما بيي ..
سعيد: قولها محد غيرج سباااااااال يالسوووده
علي: ههههههه يقولج محد غيرج سبال يالسوودة ..
ميرة بغيظ: مالت عليه .. أكرهه ..
علي: ههههههههه أونها تكرهك .. ويحط التليفون جريب من سعيد .. عشان ميرا تسمع شو يقول
سعيد: عداااااااااااال عاااااد أنا اللي أموت فييييييج .. ويا راسج شرات البطيخة ..
ميرة: ما حصلك مثل راسي يالقرد ..
علي: ههههههههههههههه لا عاااااد هذي قوية .. ميروووة حسني ألفاظج ياخي ..
ميرة: خليه يستاهل ..
سعيد: شو قالت ؟!!!
ميرة: قووله قوله شو قلت ..
علي: هههههههه لا حرام ..
سعيد: شو قالت ؟!!
علي: قالت إنت قرد ..
سعيد: قرد مرة وحدة .. عطني التليفون عطني ..
سعيد: ميرووووة ..
ميرة: خير ؟!
سعيد: منو قرد يالسووودة ..؟!!
ميرة: ليش تسأل ؟!! شو إنت ما تعرف إن إنت قرد ..
سعيد: أنا قرد .. صدج إنج مسودة ويه ..
ميرة: كيفي ..
سعيد: سيري بيعي أرويد ويا فيسج ..
ميرة: مالت عليك .. عطني أخوي ما أبا أرمسك ..
سعيد: وع .. عاد من زين صوتج .. جلبي شكلج علاوي ما يبا يرمسج
ميرة: أووووووف .. لو أعرف إنك عنده ما دقيت .. وع عليك يالحص ..
سعيد: ميرووووه حشميني .. أكبر عنج أنا ..
ميرة: يوم إنت بتحشمني بفكر ..
سعيد: اقول سيري يوديلج كتاب أفلح لج .. يالسة تهذربين بسوالف بطالية ..
ميرة: مالت عليك .. أكرهك .. سبال.. ما أدانيك ..

وصكت التليفون فويهه م الغيض اللي فيها .. وسعيد نقع عليها ..

سعيد: ههههههههههههه
علي: شفيك ؟!
سعيد: مالت عليك أكرهك سبال ما أدانيك .. وكرااااااااخ ..
علي: صكت ف ويهك ؟
سعيد: هههههههه هيه .. صدج أختك ما تتغير .. لسانها من صغرها طويييييييل ..
راشد وهو ياي صوبهم .. شفيكم ناقعين م الضحك .. ضحكوني معكم ..
علي: ههههههههههه ماشي .. ناس هزبوا الحبيب وأحينه منقهر
سعيد: تخسي تهزبني ..
علي: خلك تستاهل شو تباها .. تعرفها من صغرها ما تسكت عن حقها ..

كملوا سوالفهم وبعدها راشد استأذن بيروح .. وسعيد وعلي كملوا سهرتهم .. سعيد ولد خالة علي وهو يدرس معه ف نفس الكلية .. بس تخصصه غير عن تخصص علي وهو ف عمر علي.
:

نهاية الجزء
ترقبوا الجزء الثالث

 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً / ما ينزل الراس دام الروح بي حية ))

الجزء الثالث


بيت أبو منصور
قوم فطييييم
يوم الخميس
الساعة 9:30 مساءاً



أبو حمد رمس أبو منصور عن الخطوبة .. وهو وافق وما عنده مانع أبداً وقال إن البنت بنتكم .. طبعاً حمد مستانس من خاطره .. قبل جان يرمس فطيم بدون لحد يدري بس أحين بيقدر يرمسها متى ما يبا .. أبو حمد استأذن عنهم وقال عقب بيمرهم .. وأبو منصور بعد ظهر م البيت .. وعقبها حمد ومنصور ساروا يقعدون عند الحريم .. فوز يالسة وهي طفرانة ومضايجة وتلومت وايد إنها يات معهم .. لو يالسة ف البيت أحسن ..

سلامة: بلاج فوز ..؟!
فوز: هاه .. ماشي عادي ..
سلامة: ما ترمسين ليش ..؟!
فوز: شو أقول يعني ..
فطيم: شو الدراسة معج ..؟!
فوز: الحمدلله ماشي الحال ..
ريم بهمس: شفيج ابتسمي حق الناس لا تخليهم يحسون إنج مضايجة
فوز: أبتسم .. قصورج .. ما تشوفين ها اللي ما يتسمى كيف يطالع
ريم: طنشيه .. شو تبغينه ..
فوز: ليش ما قلتوا من قبل إنه هنيه .. توقعت ما أحصله شرات هاك اليوم ..
ريم: شدراني أنا ..
منصور: أمايه ..
أم منصور: ها حبيبي ..
منصور: وأنا بعد أبا أخطب ..
أم منصور: خلص هالكورس وبنخطب لك ..
منصور: ما باجي شي .. كلها شهرين وأتخرج ..
حمد: يالغيييييييرة ..
منصور: غيره ف عينك .. شو حلال عليك وحرام علينا ..
حمد: أوكي بنعرس مع بعض ..
منصور بابتسامة: بس تمام
أم منصور: هاه فوز .. شو مسوية ف الدراسة ..؟!
فوز: كل خير خالتي ..
أم منصور: جان زين سلامة شراتج .. طلعت لي قرووون
سلامة: أماااايه عاااد .. لا تبدين اسطوانتج ..
أم منصور: عاد اللي يسمع يقول مأثرة فيج هالإسطوانة .. إدش من إذن وتطلع م الثانية
حمد: سلامة تبين نصيحتي .. يلسي ف البيت شلج بالدراسة
سلامة: ياخي اقنعهم يا حمد .. ولك علي أزوجك الأسبوع الياي
حمد: ههههههههههه خلاص تم ..
شيخة: منصور نبا نسير السنتر ..
منصور: شعندج ف السنتر؟!
شيخة: شفت ف النت الفون اللي نازل أحين وعيبني وقلت بآخذه
أم منصور: أنا بعد أبا أغير .. بنروح مع بعض .. سمعت نازل فون يديد بـ 5000 وأبغي آخذه ..
فوز بهمس: بدت الخقة ..
ريم: صخي لا يسمعونج ..
منصور: خلاص ماماتي بنروح باجر
فوز بهمس: وع أونه ماماتي .. شو يتحسب نفسه ياهل ..
ريم: ههههههه وإنتي بلاج عليه .. خليه يقول اللي يبا يقوله
فوز: ماماتي .. وماماتي .. محد عنده أم غيره ..
أم حمد: ها يا حمد شوف أبوك خله إيي .. غايته نروح ..
حمد وهو يطالع فطيييييم: يالسين أمايه بعدها ما يات 11 ..
ريم: حمد إنت لو عليك ترقد هنيه ..
اكتفت فطيم بابتسامة ..
فوز: اتصل فيه لين إيي أبويه يبيله وقت ..
منصور ف خاطره .. يلسي شو عايلنج ..
أم منصور: يالسين وين تبون .. بعده الوقت ..
دق حمد حق أبوه لانهم كانوا يايين ف سيارة وحده .. وعقبها كمل سوالفه اللي ما تخلص ..
حمد: خالتي عاد راعونا ف المهر ..
أم منصور: هههههههه عادك تفكر ف المهر .. خلص أمورك قبل ..وجان تباها بعطيك بدون مهر بعد ..

فطيم اطالع امها وهي مستغربة .. غريبة أمها تقول هالرمسة .. مع إنها دوم تقول مهر بناتها مب شوية .. شو اللي تغير أحين .. وحمد قالها جيه لأن فطيم خبرته إن أمها بتطلب وايد عليه .. بس هو قالها بيدفع اللي تباه ..
من عقبها استأذنوا لأن أبو حمد يا ومنصور ظهر معهم أونه بيسلم عليهم .. وهو ما خاز عينه عن فوز .. حتى ما حشم إن أخوها وياها وهي كانت كارهتنه وما طايقة تشوفه حتى ..!

ف السيارة ..

أبو حمد: ها يا حمد مستانس ..؟!
حمد: هيه يابو حمد مستانس .. ما قصرت ..
أبو حمد: شد حيلك عيل .. وابدا اشتغل ف بيتك ..
حمد: إن شاء الله ..
أم حمد: ما سمعت أم منصور شو تقول ..؟!
أبو حمد: شو ..؟!
أم حمد: ولدك يقولها راعينا ف المهر .. جان تقوله جان تباها خذها بدون مهر ..
أبو حمد: معقولة .. أم منصور تقول جيه ..
أم حمد: بروحي استغربت منها ...
أبو حمد: ياخوفي بس يبون بدل ..
أم حمد باستغراب: بدل ..؟!!
أبو حمد: هيه .. أخافهم عقب يقولون يبون وحده من بناتنا حق ولدهم ..
فوز شهقت .. وريم صخت ..
حمد سكت .. كأن شي ف باله بس ما حب يرمس عن الموضوع .. وأم حمد هي اللي ردت : والله جان خطب والبنت وافقت عليه .. شعنه ما نوافق ..
ريم: أمايه شو هالرمسة ..؟!
أم حمد: شفيها ..؟!
ريم: ولا يحلمون بهالشي .. يسد خذوا أخونا .. بعد يبون ياخذون وحده منا ..
حمد: أقول ريم صخي أحسن .. محد طلب رايج أحين .. والولد ما قال يبا يخطب .. وأهله ما رمسوا .. كلها افتراضات ..

صخت الريم .. وما رمست لين ما وصلوا البيت .. أما فوز فجان قلبها يعورها من رمسة أبوها .. لا والله يبون بدل .. بس أبويه صدقه وكلامه منطقي .. وتصرفات منصور أكبر دليل .. يعني ليش أمه ما تبا مهر .. ع أساس إن ولدهم بياخذ وحده منا .. وأبويه ما يطلب عليهم شي .. نكتة حلوة بصراحة ...!!!



في السنتر
يوم الجمعة
الساعة 9:00 مساءاً
ف ستار بوكس
قوم خليفة


خليفة يالس ويا ربعه عبيد وزايد .. عقب ما تعبوا من الحواطة ف السنتر .. اليوم مزاجه متعكر .. يحس نفسه ضايج .. كل يوم نفس الروتين .. إذا مب ف الدوام ف أكيد ف السنتر مع ربعه أو ف البر

عبيد: خلّوف .. بلاك اليوم جأنه إلا حد صافعنك ؟!
خليفة: ما فيني شي .. مليت ياخي ..
زايد: من شو مليت ..؟!
خليفة: من هالعيشة .. أبا أغير هالروتين ..
زايد: أحين مليت .. وإنت نص البنات مخطف عليهن .. شو تبا بعد ..
خليفة: لا والله لا يغرك .. يخسن أرمسهن هالخايسات ..
عبيد: عيل ليش ترقمهن ..؟!
خليفة: بس جيه .. تسلية .. حتى الأرقام اللي عندي قبل لا أدش البيت أفرهن .. وأي رقم غريب أعطيه طاف ..
عبيد: غريبة .. جان ما تباهن عطينا إياهن ..
خليفة: خذهن جان تبغيهن .. ويطلع الأرقام اللي عنده ويفرهن ع عبيد..
زايد: أقول شباب شرايكم نسافر ..
خليفة: وين نروح ..؟!
عبيد: تايلند ..
خليفة: تايلند ..؟! والله ما حطيت فيها ريل ..
عبيد باستغراب: ليش ..؟!
خليفة: عاد اللي يبا يدش ف الحرام يسير تايلند .. لا أبويه أنا ريال جريب بدش الـ 24 وأفكر أستقر ..
عبيد: إنزين مب لازم تماشي حد .. بس ع الأقل سير ويانا واستانس
زايد: عبيد .. تايلند مب شي والله صدقه خلّوف .. ما فينا ..
عبيد: إنزين وين تبون ..؟!
خليفة: أصلا انا ما بسافر معكم .. ف عادي روحوا وين ما تبون
زايد: ليش عاد ..؟!
خليفة: إجازتي أبغيها حق الصيف ..
عبيد: أووووووووه .. يا ويلي بموووووت ..
خليفة باستغراب: شفيك ..؟!!
عبيد: طااااالع هنااااااااااك .. قمر يمشي ع الأرض .. لا لا مستحيل
خليفة وزايد اللي يطالعون ع المكان اللي يطالع عليه عبيد
زايد: ما شاء الله مب جمااااال عليهااااااااااا ..
خليفة ما حب يعلق .. صدق البنت عيبته بس ما علق .. حس إنها بنت ناس وحشيم ..
عبيد: غريبة خلّوف .. ما قلت شي عنها ..
خليفة: شو أقول يعني ..؟!!
عبيد: يعني قول إنها غرشووووب .. وتعق الطير م السما .. قول شي يدل على إنك منبهر .. وشوي وبتروح فيها
خليفة: تصدق عاد .. أحس لو قلت جيه .. بعد ما بوصفها .. ف خلني ساكت أحسن ..!


ف أحد المحلات
قوم موزة

موزة ياية ويا أخوها تاخذ لها أغراض ناقصتها .. وأحمد جان ساكت ومول ما يرمس .. مع إنها حاولت تظهره م الجو اللي هو فيه .. بس بدون فايدة ..
موزة: أحمد ..
أحمد: هلا غلاتي ..
موزة: بلاك ما ترمس .. ترا حالتك مول مب عايبتني ..!
أحمد: ما فيني شي .. شتبيني أقول ..
موزة: أحين أنا بقولك شو تقول .. ياخي خلاص إنساها البنت عرست وحرام تفكر فيها ..
أحمد: يعني إنتي تشوفين إن هالشي ف إيدي ..
موزة: هيه ف إيدك .. بعدين ع فرض إنها مب معرسة .. تتوقع لو خطبتها بتوافق ..؟!!
أحمد: وليش ما توافق؟!
موزة: أحمد إنت عارف زين إنها مستحيل ترضى تيي عندنا .. حياتهم غير عنا ..
أحمد: أونه ..
موزة: صدق .. مهرووة أفكارها غريبة .. ع عكس حصيص .. إلا صدق جان حبيت حصة فديتها والله عسل ..
أحمد: موزوووه شو هالرمسة .. بكيفي هو أحب اللي أباه ..
موزة: إنزين بس إنسى يابني .. مافيش فايدة ..
أحمد: أدري .. ياللا خلصي خذي اللي تبينه .. مستعيل مواعد الربع ف الكوفي شوب ..
موزة : إنزين ..!

ف محل ثاني وف نفس السنتر
قوم فوز

فوز: حمد ياخي بلاك فضحتنا ..
حمد: شفيج .. شو فضحتج بعد .. شسويت ..؟!!
فوز: امره ما سويت شي .. قاعد تغازل عيني عينك ..
ريم: صدقها .. ياخي احشمنا نحن معك واحشم ذيج الفقيرة اللي بتاخذها ..
حمد: فديتها والله .. فطيم محد يسواها
فوز: محد يسواها وإنت قاعد تغازل .. فشلتنا ..
حمد: أغازل .. ؟!! يا كبرها عند الله .. شو قلت أنا .. أشوف تبين تتبلين علي ..
فوز: أتبلى عليك .. واللي يعلي صوووووته ويقوول آآآه .. أبا أكسجين بموووت .. شو تسمي هاااا ..؟!!!
حمد: عادي .. حسيت بإختناق من ريحة العطر ..
ريم: ههههههههههه حمد نحن خواتك وندريبك عدل
حمد: إنزين .. عادي بعدين هي اللي كانت إطالعني ..
فوز: هذا إنتو يالشباب .. أونه البنت إطالعهم .. بيخلونها
إطالعهم حتى لو كانت ماتطالع ..
حمد: حبيبتي أنا غير .. أنا كلهن يبن يرمسني بس أنا أعطيهن طاااف ..
ريم وهي تغير الموضوع: فوووز ..
فوز: هلا ..
ريم: طالعي منو هناك ..؟!
فوز: وين ..؟!
ريم: هناك .. البنت اللي طالعة م المحل .. مب رفيجتج ؟!!
فوز وهي تطالع: هييييييه .. فديتها مووويز .. شو تسوي هنيه .. خلينا نروح نسلم عليها ..
ريم: أوكي .. حمد إنت اوقف هنيه ..
حمد: ما أبا .. بسير .. بسلم ع أخوها ..

وسارت فوز ومعها أختها وأخوها صوب موزة اللي استانست لمن شافتها وسلمن ع بعض ..

موزة: يالخاينة شتسوين هنيه ..؟!!
فوز: هههههه أنا وإلا إنتي .. ليش ما قلتيلي إنج بتظهرين هاه ...!؟!!
موزة: إحم .. ترا أحمد ما أكد علي إذا بنسير أو لا ..
فوز: أهااا ..
ريم: شحالج موزة ..؟!!
موزة: بخير ربي يعافيج .. شخبارج إنتي ..؟!!
ريم: الحمدلله ماشي الحال .. شو الدراسة معج .؟!
موزة: عال العال ..
أحمد وهو يرمس أخته: مويز ياللا تأخرنا ..
موزة: أوكي أحين بيي .. أقول بروح عنكم ..
فوز: ها أحمد ..؟!!
موزة: هيه ..
فوز: ما شاء الله تغير وايد من آخر مرة شفته فيها ..
موزة: ههههههه لازم .. أصلا من لمن كنا صف سادس ما شفتيه
فوز: المهم ما بنعطلج .. أخاف عقب يهزبج .. بس لا تنسين تسلمين ع أمج وأبوج وااااايد ..
موزة: وإنتي بعد ردي السلام ..

سارت موزة ويا أخوها أحمد .. وفوز وريم كملن تسوق مع حمد اللي كل ما مرت بنت حذاله لازم يعلق .. وهن مفتشلات منه .. أحين الناس بيقولوا هذيلا مب خواته .. هاللقاء اللي صار جان جريب من المكان اللي قاعدين فيها خليفة وربعه .. وكانوا مدققين وايد ع اللي قاعد يصير ومركزين ع البنات .. وكل واحد ف خاطره يقول شي .. عقبها نشوا وقرر كل واحد فيهم يرد البيت لأنهم تعبوا م الحواطة ..!!


بيت أبو حمد
قوم فوز
يوم الأحد
الساعة 5:00 عصراً



نزلت فوز من الدري سايرة صوب الصالة .. اليوم ما شافت أختها ندى وولهانة عليها حيل .. مرت ع غرفتها ما لقتها .. ونزلت تحت تسأل أمها عنها ..

فوز: هلا امايه ..
أم حمد: أهلين ..
فوز: شحالج ..؟!!
أم حمد: الحمدلله بخير .. شفيج جيه .. تقولين حد يركض وراج ..؟!
فوز: أمايه وينها ندوووش ما شفتها اليوم ..؟!!
أم حمد: بيت بو ناصر ..
فوز: وين ..؟!!!
أم حمد: شفيج عند اليييران .. بيت بو ناصر ..
فوز: وليش تخلينها تروح هناك وبروحها بعد ..؟!!
أم حمد: كاهو البيت عدالنا .. وبعدين خليها تروح تلعب ويا بنتهم سارة ..
فوز: لااااااااه حلوة هذي .. وليش ما سارووه هي اللي تيي .. ما تدرين إن بيتهم كله شباب .. كيف تخلينها تروح عندهم ..؟!!!!
أم حمد وعلامات استفهام ع راسها : بلاج محرجة جيه .. البنت مب سايرة عند ولادهم سايرة عند سارة .. وهي دوم تسير عندها

طلعت فوز م البيت معصبة .. وبدون لا تنتبه ع نفسها وشو لابسة .. عدلت شيلتها وسارت بيت يرانهم أبو ناصر ودقت الجرس .. شوي إلا ولدهم فهد ظاهر م البيت

فهد أول ما شافها وقف مكاااانه م الصدمة .. ياااااااااه يا فوز ياية لعندنا .. شهالحلاااااااة يااربيييي

على كثر السنين اللي تمر ولا قدرت أنساك
خيالك ساكن عيوني ترا لو طالت سنيني
أحبك اعشقك وأهواك وأبقالك على ذكراك
حبيبي حبك العذري جرى مجرى شراييني
أنا مقوى على هجرك ذبحني بعدك وفرقاك
تمنيت اللقا ساعة نظرة منك تحييني
وقلبي من يلومه يوم يتذكر ويتمناك
عظيم الشوق ياخذني جدا أغلى محبيني
جميلٍ ماحدن مثلك فلا هذا ولا هذاك
وربات الخدر معهن ترجحك الميازيني
ظلام الليل تضويبه وبدره طلة محياك
شمس الصبح ف خدودك عودٍ مايسٍ ليني
حبيبي يا بعد عمري ورب الكون لي سواك
إذا صديت تجتلني ومنك الصبر يشقيني
حياتي كلها لأجلك وأقول العمر لك يفداك
كثير الناس تتمنى وغيرك صعب يرضيني




فوز وهي اطالعه بغرور: السلام عليكم ..
فهد: وعليكم السلام والرحمة .. هلا فوز ..
فوز ف خاطرها محد غيرك يظهر لي .. شو هالبلشة .. ما صدقت أفتك منك ..
فوز: أهلين .. لو سمحت ممكن تزقرلي ندى ..
فهد: هيه ممكن .. بس إنتي ما بدشين ..؟!!!!
فوز: لا ..
فهد: أفااا ما يصير تيين عندنا وما إدشين ..
فوز: لو سمحت مستعيلة .. شوف لي ندى وين ..
فهد: أوكي لحظة ..

سار فهد يزقر ندى .. ويات تركض تشوف إختها شو تباها .. وفهد يطالعها ..

فوز: ياللا فديتج بنروح البيت ..
ندى: بس أنا بعدني ما خلصت لعب ..
فوز: بتكملين لعبج ف البيت ..
ندى: ما أبا .. بلعب مع سارونة ..
فوز: ندى لا تخليني أعصب .. و خل نرد البيت ياللا ..
فهد: بلاج .. خليها تلعب .. وقبل لا يأذن بترجع ..
فوز إطالعه بنفس خايسة: ها شي بيني وبين اختي ف لو سمحت لا تتدخل ..
فهد: أوووف شابة ضو ..
فوز طالعته بعين .. وردت ترمس أختها ..: ندى نرد البيت أحين ترا والله ما بيصير طيب ..
ندى خافت من اختها واستغربت منها .. ليش جيه ترمسها .. وقالتلها بتروح تخبر سارونة إنها برد البيت وبتيي ..
فوز: لا تتأخرين .. بنتظرج هنيه ..

سارت ندى تركض .. وفهد للحين واقف بس داخل البيت ويطالع فوز اللي عطته ظهرها .. وبعد فترة صمت .. رمس فهد ..
فهد: فوز ..
فوز: نعم .. بغيت شي ..؟!!
فهد: لا بس ..
فوز: بس شو ..؟!!
فهد: ما شاء الله عليييييج من جريييب أحلى بوااايد ..
طالعته فوز بنظرة احتقار .. وكانت بترد عليه بس شافت ندى ياية .. يودتها من إيدها .. وسارت البيت ع طول ..

ندى: آآآي فوز بلاج تعوريني ..؟!

فوز مب حاسة بهالشي من عصبيتها .. وع طول فرت أختها ع القنفة .. ويلست ندى تصيح ..

أم حمد: إنتي بلاج جيه ..؟!!! صدج إنج مضيعة المذهب ..
فوز: أمايه .. ندى ما تروح تلعب بيت عمي بو ناصر .. وإذا سارة تبيها تييها هنيه .. بس ندى ما ترووووح ..
أم حمد: ليش عاد .. الناس ييرانا من زمان وما ضرونا ف شي ..
فوز: البيت متروس شباب وأنا ما أبا أختي تروح عندهم
أم حمد: شقصدج يعني ..؟!!!
فوز وهي تحاول تهدي نفسها: ماشي يمه .. بس ندى ما تروح بيتهم .. وبعدين إنتي نسيتي اللي سووه ف عمتي ..؟؟؟
أم حمد: اللي راح راح .. وخلصنا منه ..
فوز: لا يمه ما خلصنا منه .. وإنتي تدرين زين إن أبويه ما يحب أي حد منا يختلط فيهم .. هم ييرانا ع العين والراس .. بس شي ثاني لا .. وأظن مراعين حق الجار فيهم .. لا ضرر ولا ضرار .. وأبوي منعج من إنج تزورينهم ..
أم حمد: أدري .. بس ندى صغيرة .. ومالها ذنب ف اللي صار .. والسالفة صايرة من سنين أحين .. ليش مب قادرة تنسينها ..؟؟!
فوز: لما أبويه يقرر هالشي بنساها .. بس أمايه .. مستحيل أنسى إن عمتي ماتت مقهورة ..
أم حمد: فوز لا تطرين هالسالفة مرة ثانية .. وإلا ما تلومين إلا نفسج .. وأنا حذرتج .. قلت لج هالسالفة محيها من راسج
فوز: أمحيها .. ليش ..؟!!
أم حمد: لأن المفروض محد يدري عنها .. لا إنتي ولا غيرج .. وجانج سمعتيها بالغلط .. ها ما يعطيج الحق تردين تتذكرينها
فوز: وليش ما تبون حد يدري عنها .. المفروض حمد وريم وندى بعد يعرفون عمتي ليش ماتت .. ومنو سبب وفاتها ..!!
أم حمد: فوز .. سيري دارج واقصري الشر ..


سارت فوز فوق .. وأمها مستغربة منها ومن تصرفها الغريب .. شفيها فوز جيه .. وليش ما تبيها تروح .. والله هالبنت غريبة .. فوق إنها يالسة ف غرفتها 24 ساعة بعد تتصرف تصرفات ما يتصرفها عاقل .. ومن وين طلعت لي بسالفة عمتها بعد ..!

ريم: أمايه ..
أم حمد: خير .. شعندج إنتي بعد ..؟!!
ريم: شو سالفة عمتي ..؟!!
أم حمد: أي سالفة ..؟!
ريم: فوز شو كانت تقصد برمستها ..؟!!! ليش عمتي ماتت ومنو سبب وفاتها ..؟!!
أم حمد: أنا ما أصدج أفتك من أختج تطلعين إنتي لي .. شو هالحالة ..

سارت أم حمد دارها .. وريم علامات تعجب فوق راسها .. شو هالرمسة اللي سمعتها فوز واللي ما يبون حد يدري عنها ..؟!!!

أما فوز ف سارت دارها تركض وهي مضايجة .. ومن ضيجها يلست تصيح .. مضايجة من هالزفت فهد اللي مب مخلنها ف حالها .. فهد ولد ييرانهم وجان يحبها .. من صغرها ويطرشلها رسايل ويا أخته اللي أكبر من فوز بسنتين .. كانت وقتها صغيرة وما تفهم ف هالسوالف .. بس خلته ع كيفه .. ورسايله تقراهن وتفرهن ف الزبالة .. لمن كبروا هو بنفسه شاف إن هالشي سخف .. ف اكتفى بالنظرات اللي يرميها ع فوز لمن تسير المدرسة لأنهم ف نفس العمر .. وكل يوم الصبح وهي سايرة المدرسة لازم تشوفه ..
ومضايجة من اللي صار ويا عمتها اللي توفت .. ومن سيرة ندى لبيت أبو ناصر ..
آآآآآآه .. تعباااااانة ليش يمه تخلونها ترووح .. ليش ..؟!! وهذا الخايس .. فلت من إيدي هالمرة بس ما عليه .. خل يعيد رمسته أو حركاته السخيفة والله ما أسكت عنه .. كلهم حقيرييييين .. ومن نفس الطيييينة .. أكرههم .. أكرههم .. ودفنت ويهها ف وسادتها .. وكملت صياااااح ليمن رقدت ..!


بيت أبو حميد
قوم موزة
يوم الإثنين
الساعة 9:00 مساءاً



موزة بدارها فاتحة كتاب التاريخ وتذاكر .. دق تليفونها وكانت حصة متصلة فيها .. أونها بتاخذ العلوم .. ابتسمت موزة وردت عليها ..
حصة: السلام عليكم
موزة: وعليكم السلام والرحمة .. هلا حصيص
حصة: هلا بج زود مويز .. شحالج ..؟!!
موزة: الحمدلله منيحة .. من صوبج ..؟!!
حصة: فديت المنيح والله .. أنا بعد منيحة .. شو الدراسة ..؟!!
موزة: والله ماشي حالها .. أهم شي كلها شهرين ونخلص ..
حصة: هيه والله .. الأيام تمضي بسرعة ..
موزة: شو الأخبار ..؟!!
حصة: الأخبار ف التي في .. خخخ
موزة: لااااااه .. ما يضحك ..
حصة: أدري ..
موزة: ومهرووه شخبارها .. ما تيي صوبكم ..؟!!
حصة: لا من سارت دار الحي .. ما بغت تيي صوبنا ..
موزة: الله يوفقها ويسعدها .. شو ماشي نونو ف الطريج ..؟!!
حصة: لا لسه .. خليها تتهنى ما كملت شهرين من عرست ..
موزة: هههههههه هيه والله .. لاحقة ع المغثة ..
حصة: آآي شفيك .. خوز عني ..
موزة: بلاج .. منو ترمسين ..؟!!
حصة: ها سيفوووه ..
موزة بابتسامة: بلاه ..؟!!
حصة: أونه إلا يسمع صوتج ..
موزة: لا والله ..
حصة: هيه .. تدرين بعد هذيلا شباب دار الزين فيهم دقة ..
موزة: ههههههههههه دقة .. شو ها بعد ..؟!!
حصة: ما علينا .. مشكلة عشاق الهوى ..
موزة: شقصدج ..؟!
حصة: ماشي .. يسلم عليج ..
موزة: الله يسلمه ردي السلام عليه ..
حصة: تعرفين إنتي بعد أخويه منتزق ما بيصدق .. الشيخة موزة مطرشتله سلاااام ..
موزة: أخجلتم تواضعنا .. أدري يعني هو إن يعني أنا ترا ما أسلم ع أي حد ..
حصة: الشيييييييييمة .. بيموت سوواف إذا سمع هالرمسة .. آآآآي .. والله ما اقولك ..
موزة: أقول أنا بخليج .. تفاهمي ويا أخوج ..
حصة: لا لا .. يالويه حل عني خلني أعرف أرمس البنت ..
موزة: هههههههههههه
سيف: فديت هالضحكة ..
صخت موزة .. أوف ليكون خذ الفون منها .. صدج ما يستحي ع ويهه ..
سيف: شفيج صخيتي .. قلت مب حلوة ترمسين أختيه وما أسلم عليج ..؟!
موزة: الله يسلمك ..
سيف: شحالج ..؟!!
موزة: الحمدلله بخير وعافية
سيف: دوم هب يوم يا رب ..
موزة: وياك .. ببند أحين .. سلم ع حصة ..
سيف: شو ما بتسأليني عن حالي وإلا هب مهم ...؟!!
موزة: شخبارك ..؟!!
سيف: الحمدلله بخير .. شو الدراسة ..؟!!
موزة: الحمدلله ..
سيف: شدي حيلج فديتج .. لا تصيرين مثل حصووه .. ترا مول ما تفتح الكتاب ..
موزة ف خاطرها .. شت فديتج بعد .. : إن شاء الله ..
سيف: ياللا عيل برايج .. ديري بالج ع روحج ..
موزة: إن شاء الله

وخذت حصة الفون وردت ترمس مع موزة .. اللي خلاص مب قادرة .. الظاهر رمسة فوز صح .. وسيف معجب .. لا لا .. ما أبا أصدق هالشي ..!!


في الصالة ..

أبو حميد وأم حميد قاعدين يرمسون ويا حميد .. اللي فتح معهم موضوع الزواج .. لين أحين محد يدري إنه يبا يعرس .. غير أبوه وأمه .. وقالهم إنه يبا بنت واحد يعرفونه من بعيد ..

أبو حميد: والله اللي أعرفه عن أبوها إنه ريال والنعم فيه ..
حميد: والبنت بعد .. يمدحون فيها ..
أم حميد: وإنت شعرفك ..؟!!
حميد: عرفت وخلاص .. المهم متى نروح نخطبها ..؟!!
أبو حميد: متى ما بغيت
حميد: الخميس الياية
أم حميد: وايد مستعيل أشوفك ..
حميد: أمايه الله يهديج شو مستعيل .. وأنا صكيت الـ 28 ..
أبو حميد: الخميس الياية بنسير نخطب لك إن شاء الله ..
أم حميد: بالمبارك يا ولدي ..
حميد: الله يبارك فيج ..

حدرت عليهم موزة .. اللي استغربت وجود أخوها عندهم ع غير العادة ..
موزة: حميد هنيه .. لا مش ممكن ..؟!
حميد: ليش مش ممكن .. ؟!!
موزة: من زمان ما شفناك .. حشى ما تقول عندي أهل .. وأخت حلوة بسير أشوفها ..
حميد: انشغلت هالفترة ..
موزة: واليوم شو عندك ياي هنيه .؟!
حميد: موزووه بلاج إنتي يالسوسة .. يعني ما تبيني إيي .؟!
موزة: أفا عليك .. جان زين لو بترد تعيش هنيه بعد ..
حميد: لا عاد هاي صعبة .. شحالج .. شو الدراسة معج ؟!
موزة: كل شي منييييح .. من صوبك ؟!
حميد: الحمدلله بخير ..
أم حميد: ما باركتي حق أخوج ؟!!
موزة: أبارك له .. ع شو ؟!!
حميد: احم .. بخطب وبعرس جريب..
موزة: لا والله .. مبرووك فديتك .. ومنو هاي سعيدة الحظ ؟!
حميد: ما تعرفينها ..
موزة: إنزين قولي منو ؟! شدراك يمكن أعرفها ..
حميد: بتعرفين عقب .. ياللا أنا اترخص عنكم ..
أم حميد: ليش ما بتتعشى معنا ..؟!
حميد: لا .. بطلع مع الربع ..
أم حميد: ربي يحفظك يا وليدي ..

سار حميد عنهم .. وعقبها حطوا العشا وتعشوا وموزة من بعدها سارت دارها تذاكر ..!!


شقة علي ف بريطانيا
يوم الثلاثاء ..
الساعة 7:00 مساءاً



علي فاتح المسن ويالس يسولف ويا أخته .. دش عليه سعيد وسار ييلس عداله ..

سعيد: شو تسوي ..؟!
علي: اللي تشوفه ..
سعيد: هاي اختك ما وراها مذاكرة .. بلاها 24 ساعة يالسة ع النت
علي: وإنت شعليك ..؟!! شو يعورك ؟!!
سعيد: بطني يعورني .. قولها تسير تيودلها كتاب
علي: حرام عليك شو تيود كتاب .. خلها ترتاح مب تضغط ع عمرها
سعيد: محد مدلعنها غيرك .. لو هاي أختيييه .. والله لتشووف
علي: كيفي .. أختيه الوحيدة وتستاهل الدلع إنت ما يخصك ..
سعيد: إمبلا يخصني .. بنت خالتيييه الله يرحمها ..
علي: الله يرحمها .. انزين المهم
سعيد: شو ..؟!
علي: خلني أرمس اختيه واجلب ويهك ..
سعيد: أفاا والله ما هقيتها منك يا ولد الخالة .. وأنا اللي ياينك عشان نطلع نتعشى برع .. بس إنت مب ويه عزايم
علي: ههههههههههه عاد بو عسكور يعزم .. من متى ..؟!! لا لا أكيد شي صاير ..
سعيد: ما صاير شي بس جييييه تغيييييييير خل ميروووه تعشيك أحينه ..
علي: هههههههه مب زين والله .. ميروه من زمان طالعة عني ..
سعيد باستغراب: عيل منو ترمس ..؟!!
علي: وحده ..
سعيد : أدري وحده .. شو مش ع أساس تبنا وودرنا هالسوالف .. صدق بوطبيع ما إيوز عن طبعه .. بتموووت إنت لو ما رمست بناات
علي: ههههههههههههه حرام عليك .. سوووالف بس .. حب ماشي لا تخاف ..
سعيد: ترا أحبج وحبيبتي وحياتي ببلاش شو تبا بعد
علي: لااااه شو تشوفني لعااااااااااب ..
سعيد: بذمتك .. جم وحده للحين قلتلها أحبج ..
علي: هههههههههه ما أذكر ..
سعيد: من كثرهن .. الله يهديك يا ولد خالتيه ..
علي: آمييييييين ..
سعيد: ياللا خل عنك هالسوالف البطالية وسير تزهب الجو حلوو خاااري .. ياللا
علي: أوكييييييك

سار علي يتزهب وعقبها ظهروا هو وسعيد وساروا يتعشوون ف الماك ..

سعيد: بسم الله .. بلاك اطالعني جيه ..؟!
علي: هههههه كيف أطالعك بعد ..
سعيد: ما أدري .. نظرتك خبيثة .. شو وراك ..؟!
علي: ههههههههههه مب أنا اللي ورايه .. إنت شوف منو وراك

طالع سعيد ع ورا .. وكشر ..

سعيد: أوووووف ..
علي: هههههههههههههههه
سعيد: أقول كل خلصنا .. بنسير
علي: تونا يايين .. ما وحينا .. عاادي بوعسكور شبابية .. شرايك نعزمها عندنا .. مساعة يالسة تطالعك ..
سعيد: خل تزووول شو أباااهاا ..
علي: هههههههه البنت متعذبة حرام عليك فيّسها ..
سعيد: واصلة جان تباها ..
علي: لو تباني عادي بقردنها .. بس المشكلة ما تباني أنا ..
سعيد: وأنا ما أباها ..
علي: ليش شفيها ..؟!! حليلها طيووبة وحبوووبة
سعيد: علوووي لا تستهبل علي .. ترا بترفس فيك أحينه ..
علي: صدج والله ما استهبل .. شو تبا أكثر ..
سعيد: ما أبا اللي تحبني .. أبا اللي أنا أحبها ..
علي: وإنت بعد تعرف تحب ..؟!!!
سعيد: شو .. محد غيرك يعرف يحب ..؟!!
علي: لا أنا للحين ما حبيت حب حقيقي .. حب لعب بس ..
سعيد: وأنا ما أبا أحب حب لعب ..
علي: ههههههههه ومنو هاي اللي تحبها ..؟!
سعيد: للحين ما أعرفها .. بس أول ما أعرفها لازم أقولك ..
علي: هيه لازم وبعد لازم تعرفني عليها ..
سعيد: لا عاد هاي قوية .. ماشي ..
علي: وليش إن شاء الله ..؟!
سعيد: بس ما أبغيك تعرفها
علي: لا تخاف ما بسرقها ولا بغازلها ..
سعيد: والله ما يندرى بك .. إنت عيونك زايغة ..
علي: حرام عليك .. ترا وايد تقط نغزات ويا راسك ..
سعيد: هههههههه من فعايلك ..
علي: يعني أحينه إنته تشوف إن أنا واحد صايع ..؟!!
سعيد: بصراحة وبدون زعل .. هيه ..
علي: أوف يا كبرها عند الله .. أنا مغازلجي ..!
سعيد: عيل بذمتك شو تسمي واحد .. فوق 20 بنت يرمس ع المسن .. ها غير المغازل ف المولات .. وتوزيع الأرقام .. ياخي إنت ليش مش طالع مثل ولد خالتك ..
علي: عدااااااااااال .. اللي يسمع إنت مول ما تغازل ..!
سعيد: أنا أغازل ..؟!!
علي: هيه تغازل ..
سعيد: ف عينك .. أنا بس أطالع ..
علي: ههههههههههههههه والمطالع شو يطلع ..؟!! مغااااااااازل
سعيد: لا شي فرق لمن تطالع بس .. ولمن ترمس بصوت عالي وتعد رقمك وإلا تفرّه .. وإلا تتغزل ف البنت
علي: إنزين أنا حركات المغازل خليتها .. ما أذكر متى آخر مرة غازلت ف المول ..
سعيد: هيه بس سوالف المسن ما يزت عنها ..
علي: هههههههههه احم اللي ف المسن مجرد فريندس بس .. لا تفكر ف شي ثاني .. .. وبعدين البنات اللي ف المسن كلهن عضووووات ف منتدى ولد عمي زياد بحكم إني إداري فيه ..!!
سعيد: واللي في التليفون ..؟!
علي: لا خلاص ما أرمس حد ع الفون .. حرّمت ..
سعيد: لو إني أشك ف هالشي .. بس بحاول أقنع نفسي وأصدق ..
علي: ههههههههه غصب عنك بتصدق .. أنا عندك 24 ساعة تشوفني أيود الفون أرمس بنات ..؟!! ما أرمس غير ميروووه
سعيد: وآخر الليل ف غرفتك .. ؟!!
علي: أستغفر الله .. منو يرمس آخر الليل .. لا لا .. أعوذ بالله .. ما أسويها
سعيد بنص عين: إنت ما تسويهااااااااا .. محد يسويها غيرك ..
علي: ياخي إنت وايد ظالمني .. لهالدرجة أنا طايح من عينك ..؟!!
سعيد: هههههههههههه هيه
علي: الله يسامحك ..!
سعيد: الله يسامح الجميع .!

أول ما خلصوا متعشين ردوا الشقة ع طول .. سعيد سار يرقد .. أما علي فيلس ع المسن وفتح النت دش المنتدى يشوف شو آخر كتابات العضوة اللي تعود يقرالها .. ما جان فيه يديد ف ظهر ع طول وصك اللاب توب وسار يرقد ..!!



نهاية الجزء
ترقبوا آلجزء آلرآبع ^^
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR

(( طولت بالي وخذها اليوم لك شكراً ما ينزل الراس دام الروح بي حية ))


الجزء الرابع


مدرسة الـ......... الثانوية للبنات
يوم الثلاثاء
الساعة 11:00
وقت البريك



موزة مستانسة لأن علاقة فوز ونورة ردت مثل قبل وأحسن .. ونورة من عقب ما صار اللي صار .. ما رمستهن عن بدر مول مع إنها كل يوم ترمسه ع المسن ..
فوز معصبة وايد من مس الإنجليزي اللي كل يوم والثاني تذكرها بمستواها اللي بدا ينزل .. مع إنها ف الإمتحانات درجاتها نهائية بس ف الحصة مول ما تشارك وهي مستغربة هالشي .. ومع إنها أكثر من مرة نبهتها بس بدون فايدة مرن 3 شهور ع الدراسة أحين .. وفوز ع حالتها أمس نورة وموزة عصبن عليها وطلبن تفسير حق اللي قاعد يصير وياها .. لأن أكثر من معلمة اشتكت منها ..
اليوم المفروض تقول حق نورة وموزة عن سرها .. تبا حد تفضفض له .. وتقوله اللي قاعد يصير وياها .. وقبل لا تبدا ترمس

نزلت دمعة حارة من عيونها .. والبنات استغربن شفيها .. ويفكرن بالشي اللي ممكن يأثر ف فوز لهالدرجة ويخليها تنشغل عن دراستها ..

فوز وهي تبجي بهدوء: ما أبا حد يدري ..
موزة ونورة: نوعدج محد يدري .. قولي شفيج لا تخرعينا ..
فوز: اللي بقوله شي صعب .. فوق تصور أي وحده فيكن .. وايد أيلس مع نفسي وأفكر .. ليش أنا بالذات اللي يصير معي هالشي ..
موزة بخوف: فوز شصاير .. لا تخرعينا ..
فوز: بدت تتذكر الأحداث .. مع إن هالشي صعب عليها .. وتحاول تنساه بس ما تقدر .. عالق ف بالها .. وهي تصيح .. والكلام امتزج بصوت بجاها ..
فوز وهي منهارة : ما أقدر أقووول .. ما أقدر .. وربي حراااااام .. حرام اللي صار واللي قاعد يصير ..

نشت فوز عنهم وسارت الكلاس والكل يطالع ويهها اللي صار أحمر من زود البجي .. يلست ع الكرسي ويوديت ورقة ويلست تشخبط فيها والدموع تنزل من عيونها ..!

أما موزة ونورة ف يطالعن بعض وفويههن علامات تعجب .. شو هالشي اللي صاير ..؟!! من تصرفات فوز يبين إنه شي كبير .. ولا وحده منهن قدرت تروح تشوف فوز .. قالن بيخلنها ليمن تهدا لأن حالتها ما تسمح إنهن يرمسن وياها ..

شوي ودشت المعلمة .. جان عندهم تاريخ ف هاك الوقت .. معلمة التاريخ وايد تحبها .. وأول ما شافت ويهها استغربت .. بلاها فوز .. أصلا حالها مب عايبنها من فترة بس اليوم كأنها تبجي .. ومن قبل رمستها وقالت لها إذا بغت تقولها أي شي هي مستعدة تسمعها .. بس فوز ما علّقت ..

أبلة شمسة: فوز ..
اتجنبت إنها تطالع ف عيونها لأنها راح تبجي أكثر .. شغلت نفسها بالأوراق وردت عليها بدون لا تطالعها
فوز: هلا أبلة ..
أبلة شمسة: بلاج ..؟!!
فوز: ماشي .. تعبانة شوية .. راسي مصدع ..
أبلة شمسة: شرايج حبيبتي تظهرين تحوطي ف المدرسة وسيري خذيلج ماي وكلي بندول وعقب إرجعي ..

احتشر الكلاس .. أونه ليش فوز بالذات .. والكل ابتسم ..

فوز: ما يحتاي ..
أبلة شمسة: إمبلا يحتاي سيري .. وبعد بدل لا تتحوطين بروحج .. اختاري لج طالبة تروح وياج ..
ابتسمت فوز ابتسامة حزينة .. وما ردت ..
أبلة شمسة: شو تبيني أنا أختارلج ....؟!!
فوز: لا أبلة أصلا أنا ما بسير ..
أبلة شمسة: بتروحي .. وشواخ بتروح معج .. ياللا أشوف جدامي

ظهرت فوز ومعها شيخة .. لو إنها ف هاك الوقت كانت تحتاي تكون بروحها .. وبدون لا يشاركها أحد وحدتها .. تبي تفرغ وتبي تبجي لين ما يبقى دمع ف عينها .. سارت خذت لها ماي .. كلت بندول وعقبها ع طول رجعت الكلاس ..

أبلة شمسة: شو ارتحتي أحين ..؟!!
فوز: الحمدلله ..
أبلة شمسة: حطي راسج ع الطاولة ..
سمعت فوز رمستها بدون لا تعلق وطول الوقت والأبلة تطالعها وهي مستغربة من وضعها .. والفضول بدا يلعب دور ف موضوعها .. بس ما حبت تجبرها ع شي ما تباه ....!!

مر اليوم كئيب بالنسبة لـ فوز .. وما شافت نورة وموزة نهاية الدوام .. كانت تبا تهرب م المدرسة بسرعة وما تبا حد يشوفها أو ينتبه ع وضعها ..!!!


بيت أبو حمدان
قوم نورة
يوم الثلاثاء
الساعة 9:30 مساءاً
في الصالة


عائلة أبو حمدان متيمعة اليوم .. شمسة ياية من دبي عشان تشوف أهلها صار لها فترة ما شافتهم وقررت تيي عندهم وتيلس للويكند .. زوجها وصلها وسلم ع أهلها وعقبها ع طول رجع دبي .. الكل قاعد بالصالة عدا نورة اللي كانت فغرفتها ترمس بدر..!

خليفة: شموووس ..
شمسة: خلّوف يوز عني .. أصغر عيالك أنا تقولي شمووس .. احشمني جدام عيالي .. باجر بيزقروني شمووس وإنت السبب ..
خليفة: هههههههههه .. عادي بعد يدلعونج .. لو مكانج بستانس
حمدان: عاد والوناسة .. أقول لا تيلس تعلم عيالنا هالسوالف .. شوق متعلمة تزقرني حمدووون .. من وين تعلمتها هاا ..؟!!
خليفة: هههههههه حمدووون عااد قووية هذي ..
حمدان: بنتي ما عرفت ف هالسوالف إلا من يوم مشت ويّاك ..
خليفة: يعني أنا مخربنها .. أفاا والله .. ما هقيتها منك ..
شمسة: هيه إنت تخرب عيالنا .. بس ما عليه مردودة يا ولد حليمة .. خل تعرس وتييب عيال ..
خليفة: شو بتسوين ..؟!!
شمسة: شو بسوي ..؟!! إن ما خليتهم يزقرونك سلّحوف .. ما أكون بنت أبويه ..
حمدان: ههههههههههههههههه سلحوووف
خليفة: شمووس صخي .. لا يسمعون أحين عيالج ترا يسوونها ويزقروني جيه..
شمسة: خلهم إنزين وأحسن بعد من أحين يزقرونك سلحووف لأن الظاهر عيالك مطوولين لين إييون ..
خليفة: فديت عيالي والله .. ما بخليج تشوفينهم ..
شمسة: ليش عيال وزير وإلا شيخ ..؟!
خليفة: لا .. عيال خليفة بن سالم بن حميد الـ ....... والنعم ..
شمسة: بدت الخقة
خليفة: بليز شموس لا تعايرين .. ترا خقتي ولا شي جدام خقة ريلج فهّوود ..
شمسة: بلاك ع ريلي .. ارتااح .. وبعدين ريلي من حقه يخق .. بس إنت ع شو تخق يا حظي ..
خليفة: مشكلة الناس اللي بيموتون قهر ..
أبو حمدان: يعني لازم ع كل يمعة تتناقرون .. خلونا نسمع الآخبار .. بلاكم حاشرين البيت ..
حمدان: ويووووو هزّبووووهم ..
خليفة وهو يغير الموضوع: إلا نويّر وينها ...؟!!!
أم حمدان: أكيد بدارها تذاكر .. ما باجي شي وبيبدون الامتحانات
خليفة: نورووه تذاكر .. أشك بصراحة .. كل ما دشيت عليها الغرفة ألاقيها يالسة ع الكمبيوتر ..
أم حمدان: شتسوي بعد ربشوهم بالبحوث هالسنة ..
خليفة: واللي يسمع شادة الحيل بنتج ..
أم حمدان: أحين خلصت من شمسة .. وتبا تحط ع ذيج الفقيرة ..
حمدان: صدق بلاك ع البنت ..؟!!
خليفة: ما بلاني شي .. بس يلستها ع النت 24 ساعة مب عايبتني والمفروض تشد حيلها .. نسبتها الفصل الأول مب لذاك الزود .. وما بتدخلها مكان .. بس هي أبدا مب مهتمة ..
شمسة: عقب برمسها بشوف شو مشكلتها ..

دشت عليهم عالية ياية من بيت أهلها .. وسارت عند شمسة تسلم عليها لأنها ما شايفتنها لمن وصلت ..

عالية: شحالج شمسة ..؟!!!
شمسة: الحمدلله بخير .. شحالج إنتي ...؟!!
عالية: الحمدلله .. بس الحمل تاعبني ..
شمسة: ف أي شهر أحين ..؟!
عالية: الخامس ..
شمسة: يالله الله يسهل عليج .. إلا شوق وينها ..؟!!
دشت شوق وسارت تركض عند عمها تبا تطيح ف حظنه .. وخليفة من شافها أونه بوّز
شوق: عميييييه ..
خليفة: خوزي عني .. لا ترمسيني ..
شوق وعلامات تعجب ع راسها .. : أنا سو سويت ..؟!!
خليفة: مب إنتي أبوج .. أبوج يقول أنا أخربج .. خلاص لا ترمسيني ..
شوق: تحلبني .. وطالعت أبوها معصبة .. : بابااااتي ..
حمدان وهو يأشر ع خليفة إنه بيذبحه .. : هلا حبيبتي ..
شوق: إنته ليس تقول جيه ..؟ّ!!!
حمدان يعرف إن بنته أحين بتصيح وإذا صاحت ما بتسكت ..
حمدان: حبيبي أنا ما قلت جيه ..
شوق: عمييييييه ما يجذب ..
حمدان : لا أنا اللي أجذب .. مسودة الويه إنتي ..
شوق مدت بوزها شبر .. وبدت تصيييييح ..
عالية: شو تباها .. أحين شو يسكتها والله ما فيني حق حشرتها ..
وأبو حمدان يتنازع من صوب .. واحتشر البيت بصياااااح شوق ..
حمدان: يالأسود قوم راضيها أحين ..
خليفة: أسود ف عينك .. شو أراضيها منو مزعلنها مب إنت ..
حمدان: كله من تحت راسك .. سرت تحقرها أونه لا ترمسيني .. وايد حساس الأخ ..
خليفة: هيه عقب بتقول أنا خربتها .. ما بسكتها خلها تصيح ..
حمدان: ريم حبيبتي تعالي .. بس حياتي لا تبجين ..
شوق وهي تصيح .. وصياحها تخالط مع كلامها .. : أنا مب مثودة ويه .. أنا بيضة ..
نقعوا كلهم م الضحك عليها وهالشي قهرها وخلاها تزيد ف صياحها أكثر وأكثر ..
حمدان: خلوف قووم راضيها ..
خليفة: أوكي بس بشرط ..؟
حمدان: بعد ..؟
خليفة: هيه شو تتحسب سكوت بنتك بالساهل .. لازم أستعمل طرق الحيلة والدهاء عشان تسكت وهالشي يبيله وايد ..
حمدان: قول شو تبا ..؟!!
خليفة: إيدك ع 300 ..
حمدان: تمزح ..؟!!!
خليفة: لا ما أمزح .. بسكتها وبوديها يوم الخميس المول تتحوط .. بـ 300 .. ووياها بعد عيال شمووس .. يعني الـ 300 مب حقي ..
شمسة: عاش خلووووف ..
خليفة: عشان تعرفين إني طيب .. فديتني والله ..
حمدان: تم .. بس قبل سكتها ..
خليفة : أوكي ..

سار خليفة وشل شوق .. وساروا برع .. دخلها السيارة .. وحوطها ف المنطقة ووعدها ياخذها المول يوم الخميس .. والحبيبة استانست .. وع طول سكتت .. وعقبها رجع البيت ..!

حمدان: شو سويتلها ...؟!!
خليفة: أنا وشواقي متفاهمين .. فديتها والله
شمسة: يا حظ عيالك والله ..
خليفة: احم .. هيه والله .. ويا حظ حرمتي بعد ..
حمدان: شو الحبيب .. أخاف معرس من ورانا وعندك عيال..؟!
خليفة: أعوذ بالله .. قصدي حرمتي اللي بخذها .. بلاك إنته .. احين الشيبة بيصدق وبيسويلي سالفة ..
شمسة: أنا بسير أشوف نورة .. وعقبها ع طول بنحط العشا .. لا تسيرون مكان ..


ف دار نورة ..

كانت ترمس بدر .. اللي علاقتها فيه متوترة وايد هالفترة .. بسبب طلباته اللي زادت عن الحد .. اقتنع إنه ما إيي ويشوفها .. بس بشرط إنه يرمسها ف الفون .. بحجة إنه أغلب وقته برع البيت وما عنده وقت يدش المسن .. كانت تحاول تقنعه إنها ما تقدر ع هالشي .. بس هو راكب راسه وحط نفسه زعلان وأونها بتراضيه ووافقت ع طلبه .. ف كانت ترمسه ع الفون .. وأحيانا لمن يكون بالبيت ع النت

دشت عليها اختها .. بهدوء ونورة ما انتبهت عليها لما دشت ..

نورة: ما أدري والله .. بس بحاول ..
بدر: شنو تحاولين بعد ..؟!! ما يبيلها محاولة .. طرشيها لي أبا أشووفك ..
نورة: مب أحين .. وقت ثاني .. أوكي ..

شمسة : نورة ..؟!!!!

نورة أول ما شافت أختها ع طول بندت التليفون .. وكانت ف موقف حرج وايد .. ما تدري إختها من متى ف دارها .. وما تدري إذا كانت سمعتها وهي ترمس بدر أو لا ...؟!!

نورة: هلا شموووس .. حياج ؟!!
شمسة باستغراب: منو كنتي ترمسين ؟!!
نورة: رفيجتي ..
شمسة: رفيجتج ؟؟!!!
نورة: هيه ..
شمسة: وليش لمن شفتيني .. صكيتي التليفون ؟!!!
نورة: لا أبداً .. مب لأني شفتج .. أصلاً كنت خلاص ببند عنها .. قالت إنها بتروح السنتر ويا أخوها ..
شمسة تحاول تسوي نفسها مقتنعة .. : اهااا ..
نورة: شحالج إنتي ؟!!!
شمسة: الحمدلله بخير .. قلت بيي أشوفج .. كلنا متيمعين ف الصالة وإنتي يالسة هنيه .. اظهري من دارج شوية ..؟!!!
نورة: شسوي بعد .. ورايي امتحانات وبحوووث .. ما أقدر أضيع وقتي ..
شمسة: والرمسة ف الفون ويا ربيعتج مب مضيعة وقت ؟!!
نورة: لا هي كانت متصلة تسأل عن شي ..
شمسة: أونها .. زين ياللا بيحطون العشا ..
نورة: أحيين بيي ..
شمسة: لا تتأخرين ..!!

كانت بتظهر بس تذكرت رمسة خليفة .. ورجعت تسألها ..
شمسة : إلا أقول ؟!!
نورة : هلا ؟!
شمسة: شسالفتج إنتي ؟!!!
نورة بارتباك وهي خايفة إن شمسة تدري بشي .. : سالفة شو ؟!!
شمسة: 24 ساعة ع الكمبيوتر ..؟!! خلوف يقول كل ما يدش عليج يلاقيج عليه ؟!! شو تسوين ؟!!!
نورة: شو أسوي بعد .. تدرين أطلع معلومات حق البحوث ؟!!
شمسة: اللي أعرفه إن البحوث يبيلها كتب .. والنت ما يبونه كمرجع ..؟!!!
نورة: لا يعني أقصد مب أطلع معلومات .. أكتب بحوثي .. وبعدين من قالج ما يبونه يبونه ..!
شمسة: نورة ..؟؟! انتبهي ع نفسج .. ترا النت مضاره أكثر من فوايده وياما صارت بلاوي بسببه .. لا تخلين الشيطان يلعب بعقلج
نورة: افا عليج يا شموس .. شو بسوي يعني .. لا تخافين عليه ..
شمسة: ما أدريبج .. ترا وايد بلاوي تصير هالأيام .. ف خلي عنج سوالف النت وانتبهي حق دراستج عشان ترفعين نسبتج وتفرحين هلج
نورة: إن شاء الله .. لا توصين يا شمسة
شمسة: ياللا عيل تعالي بسرعة عشان نتعشى وتردين تذاكرين
نورة: إن شاء الله ..

ظهرت شمسة .. وتنفست نورة الصعداء .. خافت للحظة إن شمسة تكون سمعتها وهي ترمس بدر ع الفون .. بس الله ستر .. حطت الفون تحت وسادتها .. وظهرت عشان تتعشى ويا أهلها ...!!


بعد مرور شهرين

بيتهم عبدالله
يوم الأربعاء
الساعة 5:00 عصراً



عبدالله وخولة يالسين ف الصالة .. خولة تفكر ف السفر .. شراح يصير بخصوص علاجها .. معقولة تخف ..؟! ها آخر أمل عندها .. ومن عقبها ما راح تروح أي مكان ثاني عشان تعالج .. وعبدالله خايف وايد م اللي ممكن يصير .. بس ما بين حق حرمته هالشي ..

يات ميرة عندهم .. وطالعتهم باستغراب .. كل واحد سرحان ف صوب .. بلاهم هذيلا ..

ميرة : السلام عليكم ..
عبدالله وخولة : وعليكم السلام ..
ميرة: خير .. بلاكم شو صاير ...؟!!
خولة: ما صاير شي .. شو زهبتي أغراضج ..؟!
ميرة: هيه خلصت كل شي .. باجر متى طيارتنا ..؟!!
عبدالله: الساعة 2 الظهر .. يعني لازم نكون ف المطار ع الساعة 12 ..
ميرة: أهاا .. أوكي أنا زهبت كل أغراضي ..
عبدالله: طيب .. وأنا رمست علي عشان يستقبلنا ف المطار ..
ميرة: فديته والله هالدب .. ولهت عليييييه ..
عبدالله: شو ما يرمسج ..؟!!
ميرة: لا .. أونه ما يبا يشغلنيييه عن إمتحاناتي ..
عبدالله: أهااا .. المهم أنا بظهر أحينه .. خولة ..
خولة: هلا حبيبي ..
عبدالله: عقب المغرب تزهبي بوديج بيت هلج تسلمين عليهم
خولة: إن شاء الله ..

سار عبدالله .. وتحركت ميرة من مكانها وسارت تيلس حذال خولة ..
ميرة: بلاه عبدالله ...؟!
خولة: ما أدري .. يبين عليه مضايج .. سألته من شو قال يتهيألج
ميرة: ممممممممم يمكن بعد ..
خولة: لا أنا حاسة إنه مضايج بسبب السفر ..
ميرة: ليش يضايج .. مش هو اللي قال بنسافر ...؟!
خولة: إمبلا .. بس يمكن خايف العلاج ما إييب نتيجة ..
ميرة: تفاءلوا بالخير تجدوه .. بلاكم إنتو جيه ...
خولة: والنعم بالله ..
ميرة: إنزيييين قوليلي .. متى بيظهرن النتايج ..؟!!
خولة: أشوفج مستعيلة ..
ميرة: هيه أبا أعرف جم بييب ووين بيقبلوووني ..
خولة : إن شاء الله الجامعة ..
ميرة: ياااااااااااا رب ..
خولة: أنا بروح أرتب باجي الأغراض لين المغرب ..
ميرة: تبين مساعدة ...؟!!
خولة: لا فديتج .. أصلا كلهم جم غرض .. وبسويهم بروحي
ميرة: ع راحتج ..

سارت خولة دارها .. وميرة فتحت التليفزيون .. وع طول حطت أغنية الهرمي اليديدة .. ويلست تغني وراه .. :

مشتاق لك موت ياللي طول غيابك
ذبحني الشوق وإنت عني مو داري
أذكرك كل يوم وأموت وأحيابك
وأقول وينك تجي تسأل عن أخباري
مشتاق لك موت والله .. عود
يا عمري يالله .. كل عمري فدالك
أرجوك يا حب غالي .. عود
مالك بدالي وأنا مالي بدالك
أتذكر أيام حبك ياللي ناسيني
يزيد الشوق يهل الدمع من عيني
ياخذني الليل لك وأصحى أناديلك
محتاج لك يا حبيبي لا تخليني
تسألني الناس عني كيفها أحوالي
أقول بخير وماني بخير يالغالي
تعبان أنا يا حبيبي وراحتي قربك
والخير ما أشوفه إلا بشوفك قبالي



ميرة: آآآآآه .. ذبحني الشووووق .. بسير أتصل .. يمكن يرد علييييييه بالغلط .. شرات هاك اليوم ..

سارت تييب تليفونها .. ودقت ع رقم الشقة هالمرة .. لأن الإحتمال الأكبر هو يرد عليها .. انتظرت ليمن حد يرد عليها .. والأغنية للحين ف بالها .. ويالسة تغني وتدندن بألحانها ..

محد رد .. ف صكت ورجعت تدق الرقم مرة 2 .. وهالمرة تدندن بأغنية محلى العطر .. لأنها كانت ظاهرة ع نجوم .. وهي تطالع التصوير وتغني مع الفنان .. ونست سالفة الفووون ..

ميرة : وليه القسا يا سيد الخود أرجوك بس يكفي حراما ..
ميرة: ولولا الملامة وقول الحسود .. والخوف من يوم القيامة .. بحكم عليك والعالم شهود وبنهي المحبة باحتراما .. مشطوب مالك عندي وجووو....................!
راشد: آلوووووووو .. يا ويل حالي أنا .. شهالصووت .. ما أحيد داق ع إمارات إف إم ....؟!!!!
ميرة وهي ميودة التليفون .. أوبس .. منو هااا ..؟!! أكيد سمعني يا ويلي .. يا ويلي .. رحت فيها .. شو .. أسوي أحينه .. أحسن أصك التليفون ف ويهه .. وإلا ..
راشد: آلوووووووووو .. وبعدين .. إنتي ياللي تغنين .. بلاج ما تردين ...؟!!
راشد: شو صوتي مب حلوو .. يخرع وإلا شالسالفة ...؟!!!!

ميرة: آلو .. السلام عليكم ..
سعيد: وعليكم السلام والرحمة ..
ميرة: منو إنت ..؟!!
سعيد بعبط : منو بغيتي ..!؟
ميرة: سعـ .. أقصد علي ..
سعيد بخبث: حددي موقفج .. سعيد وإلا علي ..؟!!!
ميرة: علي ..
سعيد: علي مب موجود .. ف الكولج .. يخلص اليوم ع الساعة 4 ونص .. بتوقييييييتنا ...
ميرة: أوبس .. صح ما انتبهت ع فرق التوقيت السموحة منك
سعيد: إنزين علي مب موجود .. ما بترمسين سعيد ..؟!!
ميرة: هاه .. لا .. أقصد .. يعني ما يحتاي ..
سعيد: طيب دام ما يحتاي .. سعيد بيرمسج .. شحالج ..؟!!!
ميرة: شت ..
سعيد باستغراب: بلاج ...؟!!
ميرة: ها إنت .. وأنا اللي متخرعة وحالتي لله ..
سعيد: وليش متخرعة .. شو مسوية ..؟!!
ميرة: هاه .. ما سويت شي ..
سعيد: إعترفي بسرعة ...!!
ميرة: م.. ما .. ماشي ..
سعيد: ميروووووه ..
ميرة: لا بس .. عشان كنت أغني لمن رديت .. سوري بس نسيت إني قاعدة أتصل .. والأغنية لفتت انتباهي ..
سعيد: شوووو...؟!!!!!
ميرة وهي متخرعة : شو .. شو ..ما سويت شي ..
سعيد بعصبية: ميروووووه .. هذي آخر مرة تسوين هالحركة .. تفهمين ..؟!!
ميرة: آسفة إنزين .. قلت لك مب متعمدة .. ليش جيه محرّج ..؟!! أشوا طلعت إنته مب حد ثاني ..
سعيد: ليش محرج ..؟!! وأشوا طلعت أنا .. لا حبيبتي .. مب أنا .. اللي رد ع التليفون رفيجي ..
ميرة: بصدمة .. شووووو....؟!!!!!!
سعيد: اللي سمعتيه .. واحين ياللا جلبي ويهج ولا تدقين مرة ثانية .. وجان بغيتي أخوج .. دقي ع تليفونه .. مب ع رقم الشقة .. إنتي فاهمة ..
ميرة : سعيد ..
سعيد: نعم .. شعندج بعد ..؟!!
ميرة: أنا ..
سعيد: إنتي شو ...؟!
ميرة: أنا .. ما كنت داقة حق أخوي .. أنا .. كنت أبا أرمسك إنت ..

وصكت التليفون ف ويهه .. وراحت دارها تركض .. وهي تبجي .. ما تدري شلون ياتها الجرأة تقوله إنها داقة عشانه مب عشان أخوها .. ولهالسبب دقت ع رقم الشقة .. حاول سعيد يتصل فيها من تليفونه .. بس جان مغلق .. وقال عقب بيشوفها ...!!!!


شقة علي ف بريطانيا
يوم الجمعة
الساعة 2:00 ظهرا



الكل ف الصالة .. علي وسعيد وعبدالله .. وخولة حرمة عبدالله .. عدا ميرة .. اللي من وصلوا وهي متجنبة إنها تشوف سعيد أو ترمسه حتى .. يالسة ف دارها .. متفشلة ومب قادرة تطالع ف ويهه ..

علي: إلا ميراني وين ...؟!
خولة: أكيد ف دارها ..
علي: بلاها .. من وصلتوا ما يلست عندنا .. كله ف دارها ..؟!!
سعيد: يمكن وجودي مضايجنها .. أنا بروح أقعد ف شقة راشد هالفترة ..
عبدالله: لا والله .. مالك ظهرة من هنيه .. نحن اللي بنظهر وبنشوف لنا مكان نسكن فيه ..
سعيد: شو هالرمسة يا عبدالله .. الشقة شقتكم .. وأنا عادي بقعد ويا راشد رفيجي .. ترا متعودين ع بعض ..
علي وهو يطالع سعيد بنص عين : سعيد .. صاير شي ..؟!!
سعيد: لا .. شو بيصير يعني ..؟!!
علي: ما أدري عنك .. ميروه قالت لك شي ..؟!
سعيد: أنا ما شفتها .. عشان جيه أقول يمكن وجودي مضايجنها .. حتى ما ظهرت تسلم عليييه..
علي: أحين بسير أشوفها ..

ف دار ميرة ..

دش علي عليها .. كانت يالسة ع اللاب توب .. واتابع فلم أجنبي .. حطته إيقاف .. وطالعت عليه وابتسمت له ..

ميرة: هلا بشيخ المزاييين هلا ..
علي: هلا بشيخة الحلووين .. شحالج دبه ؟!
ميرة: بخير ربي يعافيك .. شحالك إنت ؟!!
علي: أنا طيب طاب حالج .. قوليلي يالحلوة ..؟!!
ميرة: شو ..؟!
علي: بلاج قاعدة بدارج ..؟! من وصلتي وإنتي منخشة .. وجود سعيد مضايجنج ؟!!
ميرة : هاه .. لا أبدا .. بس يمكن أحاتي النسب .. عشان جيه مالي خلق أشوف حد ..
علي: متأكدة ..؟!!
ميرة : هيه ..
علي : عيل تعالي ايلسي عندنا بالصالة .. ترا سعيد يقول إنج مضايجة من وجوده .. ويفكر يروح عند واحد م الربع يقعد ليمن تروحون .. لا تحسسينه إنه مب مرغوب فيه ..
ميرة: أعوذ بالله .. الشقة شقته قبل لا تكون لنا .. نحن نظهر مب هو .. أحين ببدل ملابسي .. وبيي ..
علي: تمام .. أترياج مب تتأخرين ..
ميرة: إن شاء الله

ظهر علي .. وسارت ميرة تبدل ملابسها عشان تظهر تقعد وياهم بالصالة .. أول ما دشت عليهم .. محد جان موجود غير سعيد .. وتفاجأت .. وكانت بترد .. بس سعيد زقرها ..

سعيد: ميرة ..
ميرة: نعم ...؟!
سعيد: ليش ما تسلمين .. وإلا أنا مب تارس عينج ؟!
ميرة: السموحة .. ما شفتك ..
سعيد: هالطول والعرض .. وما شفتيني ..؟!
ميرة: السلام عليكم ..
سعيد: وعليكم السلام والرحمة .. شحالج ..؟!
ميرة: الحمدلله بخير ..
سعيد: كيف كانن امتحاناتج ؟!!
ميرة: الحمدلله ..
سعيد: تعالي يلسي ليش واقفة ...؟!!
ميرة: مرتاحه جيه .. علي وينه ..؟!!
سعيد: ف المطبخ أحين بيي ..
ميرة: أوكي عيل أنا بروح عنده ..
علي: كاني هنيه .. بلاج واقفة .. ايلسي ..؟!
سعيد: علاوي شرايك نظهر نتحوط ..؟!
علي: فكرة حلوة .. شرايج ميروووه ..؟!!
ميرة: هاه .. ما أعرف ..
علي: دامج متزهبة .. ومتكشخة جيييه .. خلينا نظهر نتحوط ..
سعيد: ببدل ملابسي وبييكم ..
علي: بسرررررعة ..
سعيد: إنزييييييييييين ..

سار سعيد يبدل ملابسه .. وعقبها ظهروا يتحوطوا ف المنطقة اللي ساكنين فيها .. عقب المشي اللي مشوه .. قرروا يرتاحون .. ف مكان جيه شرات المنتزه .. اليهال يلعبون فيه ومستانسين بالجو الحلو .. ميرة طول الطريق ساكته وما ترمس إلا إذا علي وإلا سعيد رمسوها.. ترد بردود بسيطة .. وهالشي غريب عليها ..

علي: اقعدوا هنيه .. بروح إييب شي نشربه ..
سعيد: خلني بروح عنك ..
علي: لا عادي أقعد ويا ميرووه .. ما بتأخر أحين بيي ..
سعيد: تمام ..
علي: شو تبون ؟!!
ميرة: أي شي ..
سعيد: أبا آيس كريم .. لا تييب لي شي أشربه ..
علي: اوكييييييك ..

سار علي .. ويلس سعيد ويا ميرة .. اللي ما نطقت بحرف من سار أخوها .. وحاسة إن وجودها ويا سعيد غلط ..

سعيد: ميرة ..
ميرة: نعم ..؟!
سعيد: ممكن نرمس ..؟!!
ميرة: ما بينا شي نرمس فيه ..؟!
سعيد: إمبلا فيه ..
ميرة: إنسى كل شي يا سعيد ..
سعيد: ما راح أنسى .. ميرة ..
ميرة: نعم ؟!
سعيد: انا آسف ع هاك اليوم .. حرجّت عليج بدون داعي .. مع إنج مب متعمدة تسوين هذيج الحركة .. بس ما قدرت أيود نفسي .. عصبت لأن راشد سمع صوتج وإنتي تغنين .. وإنتي بنت خالتي وما أرضى حد يرمس عنج بشي مب زين ..
ميرة: أنا اللي آسفة .. وأوعدك هالشي ما يتكرر ..
سعيد: طيب .. ليش كنتي متصلة ..؟!
ميرة: ولا شي .. كنت أبا علي ..
سعيد: بس إنتي قلتي إنج متصلة عشاني أنا .. وصج لو كنتي تبين أخوج كنتي دقيتي ع تليفونه ..
ميرة: إنسى ..
سعيد: ما راح أنسى .. رمسي ..
ميرة: قلت لك ماشي ..
سعيد: أهااا .. بس أحين عرفت ..
ميرة بارتباك : شو عرفت ...؟!
سعيد: أكيد ولهتي عليييه وكنتي تبين تسمعين صوتي .. صح ؟!
ميرة تطالعه بنص عين : لا .. وبعدين لا ترمسني جيييه كأنك ترمس ياهل .. أنا مب ياهل ..
سعيد: أوكي .. زين لا تعصبين ..

شعور سعيد صوب ميرة .. مثل شعور علي صوبها .. إخت وبس .. على عكس ميرة اللي تحب سعيد من صغرها .. وتموت عليه .. أحيانا تحس من تعامله معها إنه يحبها .. بس هو ما يقصد شي من هالتعامل ..

علي: هلاااووي .. هاكم طلباتكم ..
سعيد: ثانكس علووووي ..
علي: لا تزقرني علوووي شو أصغر عيالك أنا .. لو سمحت اسمي علي .. ويدلعوني علاوي غير جيه ما أباااا
سعيد: ههههههه سوري مسيو علي ..
ميرة: شو ما مليتوا .. خل نرد
علي: ياللا .. ترا عبدالله دق علييه بيروحون المستشفى .. وجان يسأل عنا ..
ميرة: يارب يلاقوون علاج حق خولة ..
سعيد وعلي: آمين ..
علي: شرايك ياسعيد نروح نحوط مييييرة ف لندن .. باجر واللي عقبه..
سعيد: خلاص تم ..

كملوا مشيهم .. وجريب الشقة شافوا رفيجهم راشد .. قالوا حق ميره تروح الشقة .. ويا راشد صوبهم .. وطبعاً لمح ميره وهي تروح وعرف إنها إخت علي .. وإنها نفس البنت اللي سمع صوتها .. واللي من يوم ما سمعه وهو يفكر فيها .. ومن صوتها عرف إنها راح تكون بنت مميزة وحلوة .. وما صدق عيونه وهو يلمحها ويا سعيد وعلي .. جان شويه وبيطير م الوناسة ..

علي: هلا هلا .. شحاااالك يالدب؟؟!
راشد: بخيييير شحالكم إنتوو .. حشى وينكم لا حس ولا خبر ..
علي: الأهل هنييييييه وعاد كله عندهم ما نظهر ..
راشد: اهااا.. شخبارك سعيد ؟!
سعيد: بخير ربي يسلمك .. من صوبك ؟!
راشد: الحمدلله والله .. كل الأمور طيبة ..
علي: حياك عندنا ..
راشد: الله يحييك .. ما أبا أثقل عليكم ..
علي: محد ف الشقة .. عبدالله وحرمته ظهروا .. وميروووه بتكون ف دارها .. تعال بنسوووولف شووية
سعيد ما علّق .. بس لسبب ما عرفه ساعتها ما جان يبا راشد يروح وياهم .. وطبعا صار اللي ما يتمناه .. راشد قبل الدعوة وسار وياهم ..

ميرا ف المطبخ .. وتوها بتظهر إلا تشوف راشد ف الصالة بروحه .. ارتبكت وخافت ع طول سارت دارها .. سعيد وعلي وقتها كانوا بدارهم يبدلون ملابسهم .. وعلي نسى يقول حق ميره إن رفيجهم موجود وحمدت ربها إنها ما غيرت لبس الطلعة وإن الشيلة ع راسها ..

أول ما شافها حس بقلبه بيطلع .. شافها من جريب .. وف عيونه مب مجرد بنت عادية .. ملااااك ف هيئة إنسان .. وينها من زمان عني هالبنت .. ياااربي أنا شو يالس أخرف .. هذي أخت رفيجي عيب اللي قاعد أسووويه .. ومحد يرضى حق خواته .. بس أنا أحبها.. ما أبا ألعب عليها ..

سعيد: هييييييييه رشوود .. وين سرحت ..
علي: ههههههههه اللي ماخذ عقلك .. تتهنابه ..
راشد وهو يغير السالفة: كل ها تبدلون ملابسكم ..
سعيد: هههههههه بصراحة يلسنا نبدل ملابسنا ونسولف .. نسينا إنك موجود
راشد: بالله ..؟!! صج مالت عليك .. خل أروح أبرك لي .. زين إني ما خست م اليلسة هنيييييه بروحي ..
علي: هههههههههه لا تخاف لو خست .. بتفوح الريحة وبنشمها .. وعقب بنتذكر إنك هنييه
راشد: هاهاها ما يضحك .. المهم أنا أترخص عنكم ..
علي: أفاا .. ما يلست .. ع الأقل اشرب شي .. سعيييييد فز المطبخ ييب حق راشد شي يشربه .. لا تفشلنا ..
سعيد: ركيييييض ..
راشد: حلفت عليك ما تروح .. إيلس .. أنا مب غريب ..
سعيد: ع راحتك ..


يلسووا يرمسون لوقت المغرب .. وعقبها راشد استأذن .. أما ميرة ف يلست فدراها وما ظهرت .. يلست تفكر ف هالريال .. سمعت علي يقول اسمه .. راشد .. وراشد اسم الشخص اللي قالها سعيد إنه سمع صوتها .. يعني هو هااا اللي جان راد ع التليفون .. حست بإحراج كبير .. خصوصا إنها تخرعت أول ما شافته يالس ف الصالة .. وأكيد هو لاحظ هالشي .. غير إنها لاحظت عليه إنه جان يطالعها بصورة غريبة ..

ياااربي .. شو بيقول عني أحين .. بس أنا غبية .. عشان مرة ثانية أنتبه ع نفسي وما أسوي هالحركات .. عيل منو يتصل ويغني .. أووووف شو هالحالة .. وسعيد .. آه يا سعيد .. صج إنه لوووووح وما عنده إحساس .. شو يعني يبيني أيود إيده وأكتب عليهااا أحبببببببببببك .. لو لوووح بيفهم .. وهالمخلووق مب راضي يفهم عيزت وياااااااااااااه ....!!!!





نهاية الجزء
ترقبوآ آلجزء آلخآمس
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR


بحط بآكر بآجي الأجزآء ^_^ , تعبت ^^
يآللآ قرآءة ممتعة , وتصبحون على خير !!
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية ))

الجزء الخامس


مطار ..... الدولي
يوم الأحد
الساعة 8:30 صباحاً



وصلت عائلة فوز المطار .. حمد ، ريم ، فوز ، ندى ، وأبو حمد وأم حمد .. نزلوا جناطهم ودشوا المطار ع أساس طيارتهم تكون ع 10 ونص .. خلصوا الإجراءات .. وقالوا لهم إن الطيارة تأخرت للساعة 12 ونص ..

ع الساعة 10 سارت فوز ويا ريم وندى صوب السوق الحرة .. فوز خذت لها نظارة شمسية .. وريم ساعة .. أما ندى ف خذت لها لعبة .. وعقبها دشوا الحمام يتزهبون لأنه ما باجي شي وبينادوهم عشان يركبون الطايرة ..

دشوا قاعة الإنتظار .. وفوز كانت حاسة بألم ف بطنها م الخوف .. أما ريم ف كانت تطالع ع بنات يطالعن عليهن من أول ما دشن قاعة الإنتظار ..
ريم : فوز ..
فوز: هلا ..
ريم: طالعي هذيلاك البنات .. بلاهن جييه .. يطالعنا ...؟!
فوز: شدراني .. طنشي .. طنشي ..
ريم: شو أطنش .. بيقطعنّا م النظرات ..
فوز: ريم صخي عني احين .. ترا أنا بمووت م الخوف ..
ريم: حتى أنا .. بس مممممم ما يالسة أفكر ..
حمد: احم .. أكيد يطالعووووني انا .. بلاج ريمووه شو يعورج إنتي ...؟!!
ريم: ما يعورني شي .. بس يبين إنهن يطالعنا نحن مب إنته .. بترز فيسك ف كل شي ..
فوز: أبووويه
أبو حمد: هلا بنتي ..؟!
فوز: عادي نرد البيت ..
أبو حمد: هههههههههه ليش ..؟!!
فوز: خلاص بنكنسل السفرة ..
أبو حمد: كل ها م الخوف ..
فوز: هيه ..
أبو حمد: يمكن لأنج أول مرة تركبين الطايرة .. بس ترا عادي مول ما تخوف ..

شوي وين البنات صوبهن ..

البنات: السلام عليكم ..
فوز وريم: وعليكم السلام والرحمة ..
البنات: شحالكم ..؟!!
فوز وريم باستنكار: الحمدلله بخير وعافية .. شحالكم إنتو ..؟!
البنات: الحمدلله ..
وحده م البنات رمست: بس كنا بنسألكم .. إنتو من مدرسة ............؟؟!!
فوز وريم: لا والله ..
البنت: طيب إنتو من ....؟!!
فوز: لا .. نحن من ............!
البنت: اهاا .. ع بالنا من عندنا .. لأنكم تشبهون بنات نعرفهن ف كنا شاكين .. وخفنا يكونن هن البنات فشله ما نسلم عليهن ..
فوز: لا والله مب هن .. نحن ما نعرفكم ..
البنت: طيب .. وين مسافرين ..؟!!
ريم: مصر ..
البنت: ونحن بعد .. شو تسوون تدرسون هناك وإلا سياحة ..؟!
ريم: لا والله سياحة ..
البنت 2: نحن بعد سياحة .. بس الوالد هناك يدرس وسايرين نقضي الإجازة عنده .. أنا اسمي رنا .. وهاي هبه .. وهاي مرام ..
فوز: وأنا فوز .. وهاي أختي ريم ..
البنات: تشرفنا ..

كملن البنات تعارفهن وعقب سارن يقعدن مكانهن .. وفوز شوية وبتنقع م الضحك ع شكلهن .. أول مرة تصير هالحركة ..!

وصل النداء إلى المسافرين التوجه إلى البوابة رقم 2 .. وساروا .. ركبوا الطايرة .. وكل واحد خذ مقعده .. فوز وريم وحمد كانوا عدال بعض .. وندى كانت ويا أبوها وأمها عدال بعض ..


ف البداية استمعوا لتنبيهات الإقلاع .. فوز تسمع وتشوف الشاشة جدامها وفاجة حلجها م الخوف .. هبوووط إضطراري .. أعوذ بالله .. وأنا بروحي ميتة خوف وهذيلا يزيدون الطين بله .. شو هاا ..؟!!
ريم بهمس: هههههههه فوز فكري ف محمد وبيروح الخوف عنج ..
فوز: أنا أواجه المووت أحين .. وتبيني أفكر ف شي 2 ..
ريم: ههههههههه ول تواجهين الموت مرة وحده بعيد الشر .. بلاج إنتي جيييه .. أعوذ بالله من أفكارج .. شرات ويهج ..
فوز: يمممممممه ..
حمد: هههههههههه بلاج فضحتينا .. ما صار شي .. الطيارة بدت تتحرك عااااادي ..
فوز: ريم بسألج ..؟؟
ريم: اسألي ..؟؟
فوز: الطايرة ليش ما تطيح ...؟؟! أقصد أنا مستغربة وزنها ثجيل ومع ذلك تقدر تثبت ف الجو ..
ريم: يا ربي يا فوز .. أشوفج بديتي تسألين أسئلة سخيفة .. أقول صخي أحسن .. لا تيلسين تعورين راسي ..
فوز وهي تطالع المنظر من برع : أنا خايفة .. إنتي بلاج مب حاسة ف أختج ..
ريم: يعني انا اللي مب خايفة .. ترا حتى أنا أول مرة أركب طايرة ..
فوز: إنزين بس اسكتي ..

استقرت الطايرة ف الجو .. وهدا الوضع شوية .. فوز كانت جبدها لايعة وحتى ما قدرت تاكل شي .. وغير ها يالسة حذال الدريشة .. وضربها دوااااار ..

قررت فوز تفتح دفتر مذكراتها .. وتكتب الأحداث اللي صارت لها .. فتحت القلم وكانت بتكتب .. تفاجأت إن الحبر كله ف إيدها .. ف صكته ع طول .. وطلعت قلم ثاني .. وما انتبهت عليه .. ونفس الحالة .. القلم رجّع ف إيدها ..

ريم: شو هاا .. ؟!! إيدج تلوع ..
فوز: شت .. القلم زاع ف إيدي ..
ريم: هههههههههه إذا قلم وزاع .. ما ألوم بني البشر لمن يزوعون أول ما يركبون الطايرة خخخخ
فوز: شو أسوي أحييييين ؟!
ريم: سيري الحمام ..؟!!
فوز: لاااااه .. تستهبلين حضرتج .. شو أسير الحمام .. أنا بروحي فيني دوار .. أخاف أقوم من مكاني وأطيح فوق حد
ريم: هههههههههه أتخيلج ..
فوز وهي تطالع ع حمد: شوفي حمد .. راقد ولا داري عن هوا داره .. ما مدانا نركب الطايرة ..
ريم: ههههههه متعود ع الطايرة .. عشان جيه ما حاس باللي حاسينه ..
نشت ندى من كرسيها ويات صوبهن ..
ندى: فوز ..
فوز: هلا فديتج ؟؟!؟
ندى: بلاها إيدج .. خايسة جيه .. وعه ...؟!!
فوز: وعه ف عينج .. ها م القلم .. أووووه أحسن أدخل الدفتر .. عقب بكتب .. ندووش ليش ياية عندنا .. شتبين ؟!!
ندى: ماشي .. ملل هناك .. محد يلمس وياي ..
فوز: أبويه وأمايه شو يسوون ؟!!
ندى: باباتي يقلا .. وماماتي تشوف فلم ..
ريم: طيب سيري إيلسي .. جربنا نوووصل .. والبسي الحزام .. ياللا بسرعة ..
فوز: حمد .. حمد ..
حمد: هاه ..
فوز: نش فضحتنا .. من ركبنا وإنت راقد .. خلاص وصلنا ..
حمد: صج وصلنا ..؟!!!
فوز: هيه .. أحين بنحدر ..
حمد: أوكي .. بروح أتغسل وبيي ..

وصلوا جمهورية مصر العربية .. حطت الطايرة ع أرض المطار .. وحدروا م الطايرة .. وع طول ساروا يستلموا أغراضهم .. وطلعوا يشوفون لهم تاكسي .. عشان يوصلهم للشقة ....!!



بيت أبو عبد العزيز
قوم ميثة أخت موزة / العين
يوم الخميس
الساعة 5:30 عصراً



موزة كانت واعدة أختها تقضي الصيف عندها ف العين .. صار لها جم يوم من وصلت .. ومن يوم وصلت سيف مطيح بيت أخوه .. ما يطلع منه .. بس عشان يشوفها .. ويسلم عليها .. وطبعاً موزة لاحظت نظراته لها .. وتأكدت إن رمسة فوز صحيحة وإن سيف يبين عليه يحبها .. وهي بدت تحطه ف بالها .. وتفكر فيه من فترة لفترة ..

قرروا العصر يظهرون ف الحوي يلعبون .. ما جان حد ف البيت .. غير اليهال .. عبدالعزيز وسارة وروضة عيال أختها .. وهي وياهم حصة وبنات عمها فطيم وعويش .. وعيال عمها الصغار عبدالله وسيف وعلي ومايد .. وبناءاً على اقتراح من روضة .. قرروا يلعبون بيضة وصياد .. البيت عبارة عن حوش كبير وفيه فيلتين .... وحده يسكن فيها خالد وحرمته اللي هي أخت موزة والثانية فيلتهم أبو خالد ويسكن فيها عياله .. ويفصل بينهم يدار فيه باب صغير زجاجي وقت المغرب يصير الزجاج شفاف .. يعني اللي ياي من فيلتهم أبو خالد يشوف اللي ف فيلتهم خالد .. المهم
صكروا الدروازة بصعوبة .. عشان يلعبون ع راحتهم .. وحددوا مكان اللعب والفريقين .. ويلسوا يلعبوا ولأن اللعبة صارت حامية .. والهوا وايد .. بطلت موزة شيلتها وربطتها ع خصرها .. عشان تاخذ راحتها ف اللعب .. لين ما أذن المغرب .. ووقفوا لعب ..
بطلت موزة شعرها عشان تصلحه .. وما انتبهت إلا حصة تزقر بصوت عالي

حصة : سوااااااااااااف ..
موزة تتحسب سيف اللي ف فريقها ف ردت عليها : سواف راح المطبخ يشرب ماي
حصة: لا .. سواااف أخوووويه ..

وسارت حصة تركض صوب الباب .. وأول ما طالعت موزة صوب الباب .. الحبيب واقف ومبحلج فيها .. ما عرفت شو تسوي بطلت شيلتها وحطتها ع راسها بسرعة ودشت داخل الفيلا .. وكانت مفتشلة م الخاطر ع الموقف اللي صار .. !!

دشت موزة داخل ويلست تصييح .. مب متصورة إن سيف شافها وبدون شيلة .. وكانت تسبه م الخاطر .. لأنها عارفة إنه متعمد يدش .. وما حشمها .. خصوصاً إنه يبين م الزجاج منو ف الحوي قاعد وشو يسوون وأكيد شاافها وهي بدون شيلة وحب يحرجها عشان جيه دش ..

ياتها حصة .. تحاول تهديها بدون فايدة ..

حصة: مواااز خلاص عاد .. لا تبجين ..
موزة: مب إنتي اللي صار وياج هالشي .. وإلا جان بتحشرين البقعة ..
حصة: هيه أنا بحشرها .. بس عاد أحين البجي شو بيسوي .. شافج وخلاص .. وما عليه أنا بخليه يعتذر ع الحركة اللي سواها ..
موزة: أصلا أنا مالي ويه أشوفه .. احسن أرد البيت .. خلاص مب يالسة هنييييه ..
حصة: لا تستهبلين .. اتفقنا تيلسين شهر .. وإنتي ما كملتي أسبوعين حتى ..
موزرة: ما أبا أيلس .. باجر بدق حق أحمد إيي ياخذني .. مالي حاية هنيه ..
حصة: موييييييز لا تصيرين صعبة عاااد ..
موزة: وربي مفتشلة .. مالي ويه أشوف أخوج ..
حصة: عادي هو له ويه يشوفج .. خخخ
موزة: حصيييييص .. مب وقتج ..
حصة: دبه إنتي تعرفين إن سواااف يحبج .. شو بعد يالسة تتغلين ع الريال ..
موزة: يحبني ...؟!!!
حصة: هيه ..
موزة: متفيجة حق هالسوالف ..
حصة: صج والله .. وأصلا الكل ملاحظ مب أنا بس ..
موزة: خل يلاحظون شعلييييي أناااااااا ..!
حصة: ما عليج شي .. بس حرام عطيه فيس ..
موزة: لااه شتبيني أسويله يعني ..
حصة: ههههههههههه يعني واحد شافج رابطه شيلتج ع خصرج .. جان رقصتيله .. وأنا لي الشرف إني أطبل وأغني بعد
موزة بصرخة: حصييييييص
حصة: يمه .. أسولف وياج بلاج .. حشا كلتيني بقشوري .. يمه يمه
موزة: جلبي ويهج .. أشوفج واتذكر اخوج وتلوع جبدي ..
حصة: أفاا يا موييييز .. ما هقيتها منج .. خلاص أنا زعلانة ..
موزة : أونج إنتي لوح ما تعرفين تزعلين ..
حصة: ههههههههههه صج والله .. المهم ياللا أبا أشوف ابتسامتج وخلينا نحدر تحت ف الصالة ..
موزة: ببدل ملابسي وبحدر ..
حصة: أوكييييييييك يا كييييييييييك .. مب تتأخرين
موزة: ما بتأخر .. كلها 10 دقايق وبحدر ..
حصة: تماموو .. أنا بعد بروح البيت .. ببدل ملابسي وبيي .. بنلعب أونوو خخ
موزة: أوكيييي ..

عقب ربع ساعة نزلت موزة .. وع طول طاحت عينها ف عين سيف اللي يالس يرمس ويا أخوه خالد ..

يا حبي افهم إنك بخافقي شي
وإن العيون اللي تحبك سهارى
يا ضي عين اللي يحبك ويا ضي
كل الدروب اللي بعيني حيارى
إنت الذي ما يشبهك ف الملا حي
ما ألوم من سماك سيد العذارى
يابو عيونٍ كل ما ناظرت في
أتوه وسط الناعسات السكارى
لا شفت وجهك قلت يا حي ويا حي
وجهٍ كساه النور مثل النهارى
إنت الحبيب اللي رويت الحشا ري
تروى بك عروقٍ لحبك تبارى
في غيبتك أرسمك لا من طرالي
جمالك اللي يستحق افتخاره
مدري متى برتاح يا وردة الحي
وأشوف همي بعد شوفك توراى
إنت ليا شفتك نزح همي شوي
وإنت ليا شفتك جروحي تدارى
وإلا إنت تدري إنك النور والفي
وإنك يمين ودرب غيرك يسارى
إنت الذي ما يشبهك بالملا حي
ما ألوم من سماك سيد العذارى
وأكبر دليل إن قلت في خافقي شي
إن العيون اللي تحبك سهارى



طالعت موزة صوب أختها بسرعة عشان تتحاشى نظرات سيف لها .. وسارت تيلس عندها ..

موزة: السلام عليكم والرحمة ..
الجميع: وعليكم السلام والرحمة ..
خالد: مويييز وينج اليوم ما شفتج ؟!!
موزة: موجودة .. إنت مالك حس اليوم ..
خالد: كنا ف بوظبي ..
موزة: هيه صح .. ميثة ..؟!!
ميثة: هلا فديتج ؟!
موزة: باجر برد البيت ..

رفع سيف راسه .. وطالعها وهو متفاجئ .. ومتلوم م الحركة اللي سواها .. أكيد عشان جيه تبا ترد البيت .. ياربيييي شكثر أنا غبي

ميثة: ليش ؟!
موزة: بس جيه .. ولهت ع أمايه ..
خالد: أفاا يا مويز .. بهالسرعة مليتي منا ...؟!!
سيف: يا حظهم اللي ولهانة عليهم ..

طالعته موزة بنص عين .. وما علقت .. سخييييييف بس يبا يحرجها .. أوف منه .. أنا إذا برد البيت بسبب هالمخلووق اللي من وصلت وهو طايح هنييييه ..

ميثة: ماشي سييييرة .. إنتي بروحج وعدتيني تقعدين عندنا شهر .. شو غير رايج فجأة .. شي صار ..؟!!
موزة وهي تطالع سيف : لا .. شو بيصير يعني ..
ميثة: عيل ايلسي .. ع الأقل للأسبوع الياي ..
خالد: ما عليج منها بتيلس .. بس تبي تتدلع علينا .. عاد أبوها وأمها محد عشان تدلع عليهم ..
موزة: أنا مب دلووووووعة ..

دشت حصة ووياها روضة .. وساروا إيلسوا عند موزة ..
حصة: إنتي مب دلوووعة .. والله ما أقول غير الله يعين اللي بياخذج .. ع الدلع اللي فيج ..
موزة: شتبين اللي بياخذني .. خليه ف صوووووب ..
سيف: احم .. ميثة ..؟
ميثة: هلا سيف ..
سيف: تراني أبا أعرس .. وعلييييييييج تشوفين لي الحرمة السنعة ..
ميثة: ههههههه وليش أنا .. خل عمتيييه تشوف لك حرمة سنعة ..؟!
سيف: لا أمايه عيوووز ذوقها ذووق عيايز .. ابا ذوق الشباااااااب
خالد: هههههههه ما عليك بعلمها..
سيف: ههههههه ما تسويها يابوعبد العزيز ..
خالد: بنشووووف .. عيل تقووول عن أمايه عيوووز وأسكت عنك ..
سيف: يااربييييي محد يرمس جدامك بشي .. المهم شقلتي ميثة ..؟!!
ميثة: جان تباني أشوف لك الحرمة السنعة .. خلي عنك الحركات البطالية قبل ..
سيف: أفااا يا حرمة أخووويه .. أنا حركاتي بطالية .. ما هقيتها منج الصراحة ..
حصة: إلا بطالية .. بطالية ونص بعد ..
سيف: حصيص خليج محضر خير .. وإلا انطمي ..
حصة: عاد إنت الصراحة ما تعيبك ..
سيف: تعيبني .. بس أنا الحركات البطالية ع قولتكم خليتها من زمااان ..
موزة بهمس: حصة .. خلا الصالة الثانية نلعب أونو .. وجود أخوج هنيه مضايجني ..
حصة: مضايجنج .. إلا أٌقص إيدي بالنص إن ما طلعتي مستانسة بوجوده ..
موزة: وع الله والوناسة عاد .. نئطينا بسكاتج أحسن ..
روضة: خالوووووه ..
موزة: روييييض جم مرة قلت لج لا تزقريني خالوووه ..
روضة: هههه إنزين .. بس كنت بسألج .. متى النتايج عندكم ...؟!!
حصة: هيه صح .. نحن نتايجنا عقب يومين ..
موزة: ما أعرف بس أظن عقب جم يوم بيظهرن ..
روضة: حلووو ..
موزة: خلا نلعب .. فجوني من نظرات هالمخلوووق ..

نشت وسارن الصالة الثانية عشان يلعبووووون ..

روضة: عميييييييييييييه ..

طالعها سيف اللي يالس ويا أخوه وابتسم ونش ساير صوبهم .. هالبنت تعييييييبه .. يحس إنها فاهمتنه صدق ..

سيف: هلا روييييض .. تبين شي فديتج ؟!!
روضة: هيه .. شرايك تلعب أونوو ويانا ..
موزة وهي فاجة عيونها: شو ...؟!!
سيف وهو يطالعها: ههههههه شو قالوا لج ياهل ..
روضة: لا .. كلنا مب يهال .. بس جييييه نضيع وقت ..
سيف: أوكييييك ..
موزة: عيل أنا ما بلعب ..
حصة: ليش ..؟!
موزة: بس جيه .. بطالعكم ..
سيف وهو يدلع ف ويهها: أحسن ..
موزة: أوف ..
سيف: لا تتأففين ..

دق تليفون سيف .. طالع ع الإسم .. واستانس من خاطره ..

سيف: لعبووا بروحكم .. مب متفيج حق اللعب ويا اليهاااال ..
روضة: أفاااا .. ليش عاااد غيّرت رايك فجأة ؟!
سيف: موااعد الربع ف المول .. بايووو صبايااااا

وسار عنهم وهو مستانس .. عشان يرمس ف الفون وياخذ راحته ف الرمسة ..

موزة: منو داق عليه .. عشان ينجلب حاله ساعة وحده ؟!
حصة: شدراني يمكن حد من ربعه ؟!
موزة: ربعه وإلا ....
روضة: ههههههه شو موييييز تغارييين
موزة: يخسي إلا هو أغار عليه
حصة: موييييز ترا ها أخووويه .. لا ترمسين عنه جييه
موزة: قلتيها أخوووج .. وأكثر وحده تعرفينه ف لا تزكييينه بليز يعني ..
حصة: أوكي .. أنا ما قلت ما عليه حركاات وسوالف بنااات .. بس قالج خلاص هالحركات ودرها من زمااان ..
موزة: ما يهمني .. ولا يخصني .. شو بتلعبون وإلا شو ...؟!!
روضة: بنلعب ياللا ..


لعبوا .. بس تركيز موزة ما جان ف اللعب .. كانت تفكر ف سيف .. اللي ظهر م البيت .. ويلس ف سيارته يرمس ف الفون ...!!!


بيت أبو حمدان
يوم الخميس
الساعة 2:00 بعد منتصف الليل



نورة بدارها .. ترمس بدر ع التليفون .. بدر وصل البلاد .. والمفروض باجر يلتقون .. رغم كل محاولات نورة بإقناعه إنه ما يشوفها إلا إنه رفض .. وزعل منها .. ونورة ينقص عليها ما قدرت ع زعله .. وع طول وافقت ع طلبه ..

نورة: خبرتك باجر ما أقدر ..
بدر: ع كيفج هو .. أنا وش جاي أسوي هنا .. ألعب ..؟!!
نورة: بدر .. بليز افهمني .. أخوي باجر بيي م السفر ..
بدر: نورة .. ما قلتي هالكلام من قبل .. ألحين يوم إني بجي .. تقولين لي أخوكي وأخوكي
نورة: إنت ما تقول تحبني .. خلاص تعال بيتنا باجر ورمس هلي .. وبتشوفني جدام عيونهم ..
بدر: وش تقولي إنتي ..؟! أجي أخطبك .. انجنيتي وإلا وشهو ؟؟
نورة : لا ما ينيت .. إذا تحبني بتخاف عليييييه ..

انفتح الباب بالجو .. جان الشرار يطير من عينه .. وبدون لا يحس .. ما يشوف إلا إيده ع ويه أخته نورة .. ويطقها ..
نورة من صدمتها فرّت التليفون .. ما عرفت شلون تتصرف أو شو تقول .. كانت تصرخ من ألم الضرب .. مب شوية .. خليفة قاعد يطقها بعصا بلاستيكية شافها جدامه ..

نورة: بس يا خليفة .. تكفى واللي يسلمك ..
خليفة: منو ها اللي قاعدة ترمسينه نص الليل يا جليلة الحيا ..؟!!!
نورة: آي .. وربي بقووولك .. بس هد شعري .. إنت قاعد تعورني ..
خليفة: تستاهليييين الموووت ع سواد ويهج .. هذي أخرة الثقة فيج .. توطين راسنا وتنزلييينه ..
نورة: واللي يسلمك .. هدني .. آآآآي .. وربي بقولك كل شي ..
خليفة: من وين عرفتيه ..؟!! رمسي لا أذبحج أحين ...؟!!!
نورة: م الجات ..
خليفة: شوووو ...؟!!! الجات يا نووورة .. إنتي شوو ..
نورة: آآآآآي .. خليفة وربي ما بعيدها .. بس هد شعري .. بموووت ..
خليفة: لو تموتين وتفجينا جان زييين .. ولا سواد الويه اللي مسوتنه يالخايسة
نورة: أنا ما سويت .. شي .. بدر يحبني .. ويبيني ..
خليفة: هه .. يحبج .. ولج عين ترمسين .. صج ما تستحين .. وناقصتنج التربية .. بس أنا بعرف كيف أربيج ..
نورة: خلوف .. هدني .. بسكت بس هدني .. مب قاااااادرة ..
خليفة: تقولين لي يحبج هاه .. متى متى تعرفينه ...؟؟!؟!
نورة: خلووووف ارحمني ...مب قادرة ..

طاحت نورة ع الأرض .. وخليفة قاعد يترفس فيها .. من عصبيته .. ما فكر ف اللي قاعد يسويه .. ويشوف الضرب شوية عليها .. خليفة للحين ما وقف ضرب .. بدا الدم يظهر من راسها .. وبدت نورة تفقد وعيها .. لين ما أغمى عليها ..

.. ظهر خليفة م الغرفة .. وسار داره والشياطين تترقص جدامه .. وعقبها رجع لدار نورة .. تذكر إنه ما خذ التليفون عنها ..

شافها ع وضعها وما تتحرك .. خاف .. خليفه عصبي صح .. بس قلبه رحييييم .. وأخته يحبها وما تهون عليه .. سار صوبها يتأكد إذا فيها نبض .. وعقبها يودها وشلها وحطها ع السرير .. وخذ تليفونها وطلع .. يلس يتصل ف بدر بس بدر غلق جهازه .. !!!!

الساعة 4 الفجر نشت نورة .. وراسها يعورها .. وجسمها متكسر من الضرب .. سارت صوب المنظرة تشوف نفسها .. راسها فيه دم جاف .. يلست تتذكر اللي صار لها .. دورت ع تليفونها وما لقته .. وعقبها دشت الحمام تتغسل .. ومن ظهرت يلست تبجي ع اللي صار .. أخوها وعارفته مستحيل يخلي السالفة تعدي جيه .. ما عرفت شو تسوي .. وما ف إيدها إلا تتريا للصبح وتشوف اللي راح يصير .. كانت تفكر كيف بتواجه أهلها .. وشو بتقولهم ..؟!! ما قدرت تفكر عدل .. اللي صار فيها لغى تفكيرها .. وبدون لا تنتبه ع الوقت سارت صوب الصالة .. وبحذر كبير .. راحت عند التليفون ودقت ع رقم فوز .. بس ما ترد .. ودقت مرة 2 .. ونفس الحالة .. وعقب دقت حق موزة .. بس موزه جهازها مغلق .. ف رجعت تدق حق فوز ..

فوز: آلووو ووووو ..
نورة: ألووو ..
فوز باستغراب: منووو.؟!
نورة: فوز .. أنا نوارة بلاج ؟!!
فوز تطالع للساعة: نورة .. شو صاير .. ليش داقة هالحزة .؟!
نورة: ما صاير شي ..
فوز: وليش ترمسين بصوت خفيف .. ما أسمعج عدل ؟؟!
نورة: ما أقدر أرمس بصوت عالي ..
فوز باستغراب: ليش ؟؟!
نورة: فوز أبيج تساعديني وتشوفين لي حل ..
فوز: فشو ..؟!! أووه .. نورة .. عطيني 5 دقايق بغسل ويهي فيها عشان أستوعب وبرد أدق عليج ..
نورة: لا .. تليفوني ما عندي .. أنا داقة من تليفون البيت .. وأخاف حد يسمع صوته إذا دقيتي
فوز: وتليفونج وين ...؟!!
نورة: فوز ..
فوز: هلا ..
نورة: أخوي خليفه خذه مني ..
فوز: ليش ..؟!!
نورة: فوز .. إنتو تعرفون عن سالفة بدر اللي م السعودية .. بصراحة نحن صار لنا فترة نرمس ع التليفون .. وبدر أمس واصل البلاد .. ع أساس باجر نلتقي ويشوفني قبل لا إيي يخطبني من هلي ..
فوز بصدمة: شو ...؟!!!
نورة وهي تبجي : كنت أرمسه .. وما انتبهت إلا خلوف داش داري .. وطاح طق فيني .. ما أدري من وين ظهر لي .. خلوف جان مسافر والمفروض باجر يرد .. شو اللي تغير ما أدري .. ضربني يا فوز .. كسرلي عظامي .. أول مرة أشوف خلوف جيه .. صح يعصب بس مب بهالطريقة .. حتى الدم ظهر من راسي ..
فوز: نورة .. إنتي شو تخربطين .. سيري ارقدي أكيد إنتي تهلوسين .. هاي مب رمسة حد عاقل ..؟!
نورة: وربي ها اللي صار .. فوز ساعديني .. مب عارفة شو أسوي .. خلوف مستحيل يخلي الأمر يطوف بهالسهولة .. أنا خايفة يقول حق أبوي وإلا أمي ..

طوط طوط طوط ..

انقطع الخط .. حاولت نورة تدق ع فوز مرة 2 بس بدون فايدة .. حست نفسها ف برنامج من سيربح المليون وطالبه الإتصال بصديق .. وقبل لا تحصل الإجابة يخلص الوقت .. فوز كانت ف مصر .. وبطاقتها مب مشحونة ف خلص رصيدها حتى لو نورة هي اللي داقه ..

نورة: يا ربي ليش يصير وياي كل هااا .. ليش كل الظروف ضدي ..؟!!!!
ظهرت أمها م الغرفة وشافتها يالسه وتبجي ..

نورة وهي تمسح دموعها : يمه .. ليش ناشة هالحزة ..؟!
أم حمدان: سايرة صوب المطبخ .. وإنتي بلاج قاعدة هنيه .. شعندج ؟!!!
نورة: أنا أتريا الآذان يأذن .. وظهرت هنيه عشان أسمعه ..
أم حمدان : أهااا .. وهي تطالع ع الصوب الثاني .. جناط منو هذيلا ..؟!
نورة: هاه ؟؟! ..
أم حمدان: الجناط حق منو ؟!
نورة: خليفة .. يمكن يا بالليل ..
أم حمدان: المفروض العصر يوصل ..
نورة: ما أدري شو صار ..


سارت نورة دارها .. وهي تفكر بحل حق مشكلتها .. لين ما أذن الفير .. صلت وعقبها رجعت تفكر ف نفس الموضوع .. ومن زود التفكير رقدت وبدون لا تحس ....!!!!


شقة أبو حمد – مصر
يوم الجمعة
الساعة 9:30 صباحاً بتوقيت مصر


الكل ناش .. إلا فوز وريم لين أحين راقدات .. يا حمد يوعيهن .. حمد يموووت ولا يشوف حد راقد دام هو ناش ..

حمد: فووووز رييييييييم .. نشن ياللا نبا نتريق ..
فوز: الساعة جم ..؟!
حمد: 9 ونص .. ياللا قووووومن ..
فوز: حمد يوز عن سوالفكم وخلنا نكمل رقادنا .. شو ورانا عشان نقوم أحين؟؟
حمد: وراكن أخوووو قاعد بروووحه .. ياللا عااد .. ريمووووه
ريم: حمد اطلع برع ..
حمد: مب طالع .. قووووومن الجوو اليوم حلووو ومغيييييييييم .. بنسير نتحوط .. وأنا اليووووم مستااااانس ياللا نشن عشان أقووولكن ليش مستانس ..
فوز: بنقوووم .. بس إنت اطلع ..
حمد: إنزيييييييين .. 5 دقايق وإذا ما نشيتن نحن بنتريق عنكن ..
فوز: أبويييييه هنيه ؟
حمد: لا طلع ..
ريم: وين سار ..؟!
حمد: ما أدري .. قال بيروح ياخذ فواكه وبيي وأمي سارت وياه .. ياللا قومن .. أوف ..

ظهر حمد .. وكملت ريم رقادها .. أما فوز فنشت تتغسل وعقبها وعت ريم عشان تنش تتغسل ويتريقووووون ..

ظهرن من دارهن وسارن يتريقن .. محد غير حمد وندى .. أمهم وأبوهم ظهروا ..

حمد: الناس لمن يسافرون يستغلون كل ثانية عشان يتحوطون ويستانسون وإنتن يايات هنيه ترقدن ؟؟
ريم: أنا أمس راقدة الساعة 2 الفير ..
فوز: وانا 3 حرام عليك ارحمنا ..
ندى: بخبر باباتي .. ليش تسهلووون؟؟
فوز: ما جان فينا رقاد .. ويلسنا نشوف التليفزيون ..
ريم: ندوش لا تصيري سوسة ..
ندى: ما أبا ..
حمد: المهم ما سألتوووني أنا ليش مستانس ...؟؟؟
فوز وريم: ليش مستانس ؟؟
حمد: لأن فطيييييم بتيي مصر ..
فوز: شو تسوي ؟!؟
حمد: شو تسوي بعد .. تتحوط ..
ريم: ويا منووو؟؟
حمد: ويا منصوور .. ترا منصور ياي يقدم أوراقه يبا ياخذ الماستر .. وقالت بتيي وياه ..
فوز: متى بييون ؟؟
حمد: عقب باجر إن شاء الله ..
ريم: زين والله .. وأنا أقول ليش الحبيب مستانس ..
حمد: أكيد بستانس .. القلب بتيي .. شو تبيني أبجي ..؟؟
فوز: الله يديم عليك هالوناسة .. المهم أبوويه ما قال وين بنسير اليوم ؟؟
حمد: بنروح القلعة ..
ريم: قلعة شو ؟!!
حمد: قلعة صلاح الدين .. أظن جيه أسمها ..
فوز تذكرت اتصال نورة لها : حمد ..
حمد: هلا فوز ..
فوز: أبا بطاقة ..
حمد: بطاقة شو ؟!!
فوز: بطاقة شو بعد .. شريحة أبا أتصل حق ربيعتي ..
حمد: خذي تليفوني واتصلي ..
فوز: ما أبا .. أبا رقم خاص فيني ..
حمد: إنزين خذي رقمي .. وعقب أنا بآخذ واحد ..
ريم: ليش تبين تتصلين حق ربيعتج شو عندج ؟؟
فوز: دقت علييييه .. وخلص شحن بطاقتي وفصل ..
ريم: شتبي ؟؟
فوز: ما أدري .. أكيد شي صاير وإلا ما بتدق وهي تدري إني مسافرة ..
طلع حمد بطاقته م التليفون وعطاها فوز .. اللي نشت بسرعة عشان تركبها ف تليفونها وتتصل ..

دقت فوز ع رقم نورة .. جان يرن بس محد يرد .. ردت تتصل مرة 2 .. ورد عليها خليفة .. رمسته وبندت عنه وهي معصبة ..

فوز: أوف شو هالناس .. بلاه ها جيه يرمس .. صج ماشي حيا .. شو أحين .. شلون أرمسها ..؟؟! رقم بيتهم .. صح .. دقت فوز ع رقم البيت .. وردت عليها أمها وقالت لها بتزقرها أحين ..

نورة: السلام عليكم ..
فوز: وعليكم السلام والرحمة .. هلا نوارة ..
نورة: هلا فوز ..
فوز: شحالج ؟؟
نورة: آآآآآآآه شو أقولج يا فوز .. حالي زفت والله ..
فوز: أفااا .. ليش ؟
نورة: شو ليش .. يالسة على أعصابي .. خايفة خليفة يدش علييه فأي لحظة .. ويضربني .. وإلا يعلّم أبووويه والله بروح فيها ..
فوز: انزين أحين أبا أفهم شو صار بالضبط ؟؟
نورة: ما أدري شو صار .. ويلست نورة تبجي .. فوز مب قادرة أشوف ف ويه خلوف والله .. قسم بالله ما تخيلت إن هالشي بيصير
فوز: حذرتج يا نورة .. قلت لج لا تأمنين حق حد ..
نورة: آآه يا فوز .. يا ليتني سمعت رمستج .. بس أحينه ما ينفع هالشي .. قوليلي شو الحل ؟؟
فوز: رمسي أخوج ..
نورة: مستحيل .. ما أقدر .. إنتي ما شفتي البارحة شو سوا .. أول مرة أشوف خلوف جيه .. شفت وحش مب أخوي ع الطق اللي طقاني ..
فوز: تليفون يا نورة .. تليفوووون ..؟؟؟؟
نورة: وربي ندمانة قد شعر راسي ..
فوز: ما أعرف شو أقولج .. بس أحين حاولي إن اخوج ما يقول حق حد ويستر عليج .. إنتي شفتيه ؟؟
نورة: لا .. من أمس ما شفته .. اليوم ما ظهرت أتريق .. وأحين قبل لا أرمسج سألت عنه قالت أمي ظهر ..
فوز: أنا دقيت ع رقمج ورد عليييه .. رفع لي ضغطي بس ..
نورة: شو سوا .. السموحة منج ترا خلوف عليه حركات ؟؟؟
فوز: لا عادي .. بس فتح لي استجواب ..
نورة: استجواب؟؟
فوز: هيه .. منو إنتي .. ومن وين .. ؟؟
نورة: شي طبيعي .. بيبدا يشك ف أي حد أحينه ..
فوز: مممممم أنا اقول يمكن يتحسبني أقرب لبدر .. لأني داقة م رقم مصر .. وهو شاف إن الإتصال دولي ..
نورة: بس هو ما يعرف بدر من وين ؟؟؟
فوز: ليش التليفون مب عنده .. تتوقعين ما بيرد يتصل عليه ..؟! او ما بياخذ رقمه ؟؟؟
نورة: ما أدري ..
فوز: شو ما تدرين أكيد بيسويها ..
نورة: ياربيييييييي .. الله يستر .. ببند عنج فوز .. أخاف إيي ويشوفني أرمس والله ليقصبني ..
فوز: أوكي فديتج .. بس أنا بقولج إذا أخوج رمسج .. كل ما كنتي صريحة معه كل ما جان أفضل لج .. ويمكن بدر واحد مب زين .. والله يحبج عشان جيه كشف اللي صار ..
نورة: الحمدلله ع كل حال ..
فوز: ديري بالج ع روحج .. وإذا صار يديد خبريني .. وجان تبين مساعدة مني .. أنا زاهبة.. وأنا أشوف لو تسيرين هالفترة تقعدين عند اختج ليمن الأمور تهدا وترد شرات قبل ..
نورة: تسلمين والله .. والسموحة كدرتج وإنتي مسافرة تستانسين .. وبفكر بموضوع السيرة ..
فوز: شو هالرمسة يا نورة .. نحن خوات .. ياللا مع السلامة ..
نورة: مع السلامة ..

بندت فوز .. ويلست تفكر ف اللي صار مع نورة .. لين أحين مب متصورة اللي صار .. تحس إنه حلم .. بس الحمدلله إن هالشي صار قبل لا تتورط وتروح تشوفه .. ترا مبين إن ييته م السعودية مب ع الفاضي.....!!!

دشت ريم تشوفها .. : شو خلصتي اتصالج ؟؟
ممممممم الظاهر أرمس الحيطة .. فووووووووز ؟؟
فوز: هاه .. بلاج ؟
ريم: خلصتي اتصالج ؟؟
فوز: خلصت ..
ريم: وبلاج جيه ..؟!
فوز: بلاني ؟؟
ريم: كأنج مضايجة م شي .. ليكون النسب ظهرن ؟؟
فوز: لا ما ظهرن ..
ريم: عيل ؟؟
فوز: رفيجتنا نورة صايرة وياها مشكلة ..
ريم: أهااا .. إنزين أبووويه اتصل وقال تزهبوا بنظهر ..
فوز: أوكي ..

تزهبن البنات .. وعقب سارن يجهزن أختهن ندى ويشوفن شو بتلبس .. ندى رغم صغر سنها لكن تحب تكون مثل خواتها .. تلبس كل شي نفس اللون .. يعني مهتمة بأناقتها وملابسها .. بعد ما خلصوا يلسوا ينتظروا أهلهم ليمن يردون وبيظهرون ويا بعض سايرين صوب قلعة صلاح الدين .....!!!



نهاية الجزء
ترقبوا آلجزء السآدس
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية ))


الجزء السادس


بريطانيا
يوم الأحد
الساعة 4:00 عصراً بتوقيت بريطانيا



علي وسعيد يستكملون جولتهم اللي بدأوها أمس .. وهم يحوطون ميرة ف لندن .. أمس جان حق التسوق بس ساروا أسواق هارودس .. ومروا ع شارع العرب .. وشارع العشاق .. واليوم راحوا صوب الباكنج هام وساعة البج بن ولندن آيس .. وأحين ف طريقهم للهايد بارك ..

ميرة: علاوي ..
علي: هلا فديتج ..
ميرة: عبدالله ما قال متى بنرد البلاد ؟؟
علي: بلاج مسرع ما مليتي .. ما كملتوا أسبوع من ييتوا ؟؟
ميرة: أبا أرد البلاد .. أتريا النتايج قالوا عقب يومين ..
سعيد: إنزين النتيجة بتوصلج لهنيه .. شو نحن ف صحرا عايشين ؟؟
طالعته ميرة .. وما ردت ع رمسته ..
سعيد: شو ما عيبتج رمستيه ؟؟؟
ميرة: لا ..
علي: الشيمة لا تبدون مناقر ..
سعيد: ما بنبدا .. إلا صج شو صار فعلاج حرمة عبدالله ؟؟
علي: سووا فحوصات والنتيجة يقولون مطولة ..
ميرة: ليكون بنتريا النتايج ليمن تظهر ؟؟؟
علي: لا ما أظن ..
ميرة: تحسبت بعد ..
علي: بلاج إنتي .. ناس يتمنون إييون هنيه .. وإنتي تبين تردين البلاد ؟؟
ميرة: مالي غنى عنها ..
سعيد: إذا طلعت لج بعثة .. بتسافرين ؟؟
ميرة: وين يعني ؟؟
سعيد: هنيه مثلاً .. استراليا .. ألمانيا ..
ميرة: لا طبعاً .. بس إذا مممممم ف دول الخليج عادي
علي: شمعنى يعني ؟؟
ميرة: يعني برتاح أكثر .. بحس نفسي بين أهلي ..
علي: أونج ..
سعيد بابتسامة: بالتوفيج ..
ميرة ترد له الإبتسامة: شكراً ..

أول ما وصلوا الهايد بارك .. سارت ميرة تشوف لها مكان تيلس فيه .. لأنها تعبت وسعيد لحقها .. أما علي فدق تليفونه ويلس يرمس بعيد عنهم ..

سعيد: ميرة ..
ميرة: هلا ..
سعيد: ممكن سؤال ..؟
ميرة: ليش لا .. اسأل ..
سعيد: ليش أحس إنج ...
ميرة بخوف: إني شو ؟
سعيد: إنج ما تحبيني ..؟!!
ميرة بتردد: أحبك ؟؟ قصدي ما أحبك ..؟!
سعيد: يعني .. ما ترتاحين لوجودي .. أحس وجودي يضايجج ..
ميرة وهي تتنفس الصعداء : بالعكس .. إحساسك مب صحيح ..
سعيد: بس أنا لاحظت عليج أكثر من مرة .. ولاحظت أسلوبج ويايه ..
ميرة: سعيد أنا أتعامل وياك بنفس الأسلوب اللي إنت تعاملني فيه .. أسلوبي ما عيبك .. بس ما سألت نفسك .. أسلوبك لمن ترمس ويايه يعيبني ؟؟
سعيد: ما أدري .. أنا متعود ع هالأسلوب .. ومن صغري وأنا اتعامل وياج جيه ..
ميرة: ومن صغري كنت أتحسس من هالمعاملة .. بس أسكت ..
سعيد: وليش ما قلتيلي من قبل إنج تتضايجين من طريقة رمستيه وياج ؟؟
ميرة: لأني عودت نفسي عليها .. قلت ها أسلوبك .. والكل يتقبل منك هالشي .. ولازم أعود نفسي أنا بعد ..
سعيد: أوكي أنا آسف .. بس أنا ما أعرف أتعامل إلا بهالطريقة .. وجان ما تبيها .. فبضطر أرمس وياج رسمي ..
ميرة: لا تاخذ ف خاطرك .. يمكن بعد أنا حساسة زيادة عن اللزوم
سعيد: ويمكن أنا دفش زيادة عن اللزوم ..

علي: مرحبااااااااااااااااا ..
ميرة وهي تطالعه بنص عين : كل ها ترمس ف التليفون ؟؟؟
علي: هيه ..
سعيد: منو ترمس ..؟!! أكيد و..........
علي وهو يقاطعه: لا يروح تفكيرك بعيد .. وتخلي أختيييييه تفكر فيني شي مب زين يالويه ..
سعيد: أصلا اختك تفكيرها راح وخلص ..
علي: رجعيييييييه بليييييز ..
ميرة: صج منو كنت ترمس ؟؟
علي: شووو حرمتييييييييه وأنا ما أدري .. أرمس ويا اللي ابا أرمس وياه ..
سعيد: أقص إيدي إذا مب بنت ..
علي: لا تقصها ..
ميرة: علاوي .. إنت ترمس بنات ...؟!!؟
علي بحيا : لا أنا ما أرمس .. البنات يرمسنيييييييه ..
ميرة: لا والله ..
علي: هيه .. منو داق حق الثاني ...؟!؟! بروحج سمعتي تليفوووني يدق ..
سعيد: ما علينا .. شو ما بتردون الشقة .. تعبنا م الحواطة ..
ميرة: هيه والله خلونا نرد ..

وصلوا الشقة ع الساعة 5 ونص .. عبدالله وحرمته كانوا ظاهرين يتحوطون ولين أحين ما رجعوا .. ميرة سارت تطالع التليفزيون وهي تفكر ف رمسة سعيد .. ما تدري شلون ياتها الجرأة إنها تقول الكلام اللي قالته .. وسعيد سار داره .. أما علي فقعد ع النت .. دش المنتدى اللي متعود يدشه دوم .. يلس يقرا شوية وعقب سار صوب قسم التصوير .. انتبه إن العضوة اللي دوم يتابع كتاباتها منزله موضوع عبارة عن صور صورتها وهي طالعة رحلة ويا الأهل .. اكتشف إنها تحب التصوير .. وهو بعد يموت ع التصوير .. وأغلب وقته بس يصور ..

علي : ما شاء الله عليها ..
ميرة تطالعه وهي مستغربة .. ها منو يرمس ..؟؟
ميرة: علاوي .. سلامات ؟؟
علي: بلاج ؟؟
ميرة: ترمس روحك فديتك .. منو هاي اللي ما شاء الله عليها ؟؟
علي: وحده ..
ميرة: أدري وحده .. منو هالوحدة ؟؟
علي: ما أعرفها ..
ميرة بحيرة : ما تعرفها .. وتقول ما شاء الله عليها ؟؟؟
علي: يا ربيييي يا ميرووووه .. تراج وايد تسألين ؟
ميرة: إنزين قولي منو هاي؟؟
علي: هاي عضوة ما أعرف عنها شي .. بس أتابع كتاباتها .. وأحين شفت لها موضوع ف التصوير .. صورها وايد حلوة .. قلت ما شاء الله عليها ..
ميرة: أهاااا .. وإنت عاد أونك مهتم ف القراءة ؟؟
علي يطالعها بنص عين : وليش ما أهتم .. ناقصتني ريل وإلا إيد ..
ميرة: لا بس مش شكلك .. قولي ف التصوير أوكي .. بس القراءة .. أول مرة أعرف ..
علي: ما أحب اقرا وايد .. بس هي كتاباتها حلوووووة .. تخليييك تقرا غصب عنك .. مثلاً شوفي شو كاتبة ..
ميرة: شو ..؟!؟؟!
علي: لحظة بطلع لج شو آخر شي كتبته ..
ميرة: أوكي ..
علي: كاهو .. اسمعي ..

لحظة انكسارٍ أخرى .. أسردها على روحي مع ضجيج الانتظار .. وزوبعةِ الاحتضار .. لا شيء يجبرني على إمساكِ خيطِ أملٍ رفيع .. قد ينقطع في أيةِ لحظة .. لا شيء سوى ذاك الذي يسمونهُ الحب .. الحب الذي أصبح في عرفهِ لعباً .. متناسياً أنني لستُ طفلة .. ولم أعشق الألعاب يوماً ..
سـ انكسر مليار عام .. وسينسى هو وعداً قطعه على نفسهِ ذات مساء .. حين قال أنتي لي .. إذن كيف أصور نفسي مع آخر وأنا التي شيّدتُ كوخاً من الأحلام يضمنا سوياً ..
أدركتْ مؤخراً ..
أنها كانت الجائعة ..
وكان هو بيّاع الكلام .. الذي ملأ قلبها حد الشبع ....!!!

سعيد اللي جان ساير صوب المطبخ شدّاه الكلام .. ووقف يسمع رمسة علي .. وأول ما خلص صفق بإيده ..
سعيد: الله الله .. شو هالكلام ؟؟؟
ميرة: صج روووووعة .. ما شاء الله عليها ..
علي: سعيد شفيك إطالعني جيه ؟؟
سعيد: أشوفك وايد مهتم فهالبنت .. شو تبا تغازلها ؟؟؟
علي: تصدج .. أحاول .. بس مشكلتها ما تتغازل خخخ
سعيد: ليش ..؟!
علي: سجلت وياهم عشان أطرش لها رسالة .. أقولها إني معجب .. بس الرسالة ما رضت تروح لأنها مصكرة خاصية الرسايل ..
سعيد: ههههههههههههه حليلك يا علوووووي .. الظاهر وايد معجبين لها عشان جيه بغت تفتك منهم وصكتها ..
ميرة: هههههههه علي مب كل البنات واحد .. خلك بعيد عنها أحسن ..
علي: بعيد ونص بعد .. لا تخافون أصلاً من عقب هالشي قررت اقرا وأحط ف فخاطري بس ..
سعيد: شو تحط ف خاطرك بعد ...؟؟
علي: يعني .. إعجابي
ميرة: ههههههههه الله يعينك .. بس صج عيبني وايد كلامها .. أتخبرك .. عطني الموقع وشو اسمها عقب عشان اقرالها أنا بعد ..
علي: أوكي .. خلووونا نسييييييير نسوي العشااا أحييييييييين ...
سعيد: ياللا أشوووف جدامي ع المطبخ ..


ساروا المطبخ يزهبون العشا .. علي اللي بيطبخ وسعيد يساعده وميرة تقطع السلطة .. وعقب ما خلصوا ساروا الصالة ينتظرون عبدالله وحرمته اللي اتصلوا وقالوا بيتعشون برع .. ومن دروا جيه السالفة .. ركضووا ع المطبخ عشان يحطون العشا ويتعشوون .....!!!


بيت أبو حمدان
يوم الإثنين
الساعة 2:00 ظهراً



مرن 3 أيام .. خليفة ما رمس نورة عن اللي صار .. ولا قال حق حد من أهله .. اليوم الصبح أول ما نشت نورة تفاجأت إن الكمبيوتر مب موجود بغرفتها .. وعرفت إن خليفة هو اللي خذاه .. اللي حز ف خاطر نورة إن بدر من هاك اليوم ما حاول يطرش لها رسالة أو يسأل عنها .. ع الأقل ع المسن أو الإيميل .. هالشي خلاها تفكر إن بدر فعلاً جان يلعب عليها .. وبدت تفكر إنها تروح عند أختها تيلس هالفترة يمكن تنسى اللي صار ..

دق باب غرفتها .. جان خليفة هو اللي ياي .. أول ما شافته يدش غرفتها حست برعب .. وتغيرت هيأتها .. خليفة جان يطالعها بنظرة ما قدرت تفسرها .. نظرة حب يخالطها حسافة يمكن .. أو ألم إن أخته تسوي جيه .. ليش شو ناقصنها ...؟!؟!!؟

خليفة: شحالج ..؟!!
نورة بخوف: الـ .. حمد لله ..
خليفة: بلاج خايفة ...؟!!
نورة: ماشي ..
خليفة: نورة .. اسمعي الرمسة اللي بقولها ..

نورة سكتت .. أصلاً مالها ويه تطالع ف ويه أخوها .. فكيف ترد عليه وترمسه ..
خليفة: أنا ما قلت حق حد عن اللي صار .. ولا أفكر أقولهم .. بس والله العظيم يا نويّر .. والله .. إذا تكرر هالشي مرة ثانية ما تلومين إلا نفسج .. إنتي فاهمة ....؟!!
نورة: إن شاء الله ..
خليفة: وأحين أبا أعرف منو هاا وكيف عرفتيه ؟؟؟!
نورة بتردد : بدر اسمه بدر .. هو م السعودية .. تعرفت عليه ف الجات .. والله يا خليفة أنا ما أدش الجات .. بس هاك اليوم ما أعرف شو قالي أدش ودشيته .. وهي مرة وحده تعرفت فيها ع بدر وعقب خليته ..
خليفة وهو ماسك اعصابه : وبعدين .. كملي ...؟؟
نورة وهي تبجي : بدينا نرمس ع المسن .. كل يوم تقريباً .. وعقب قال إن بسبب ظروفه ما يقدر يرمسني ع الماسنجر .. وطلب رقمي وعطيته ..
خليفة: من متى تعرفينه ؟؟
نورة: 6 شهور .. أو أقل ..
خليفة: أول مرة أعرف إنج مغفلة يا نورة .. حسافة إن إنتي أختي .. والله حسافة ..

نش خليفة عشان يظهر .. وزقرته نورة ..

نورة: خليفة ..
وقف بدون لا يرد عليها .. ونورة كملت رمستها : صدقني ها كل اللي صار .. والله العظيم .. وأنا ندمانة ع اللي صار .. وما راح أكرر هالشي ..
خليفة: أتمنى إنج تكوني صادقة يا نورة .. بس لا التليفون ولا الجهاز تحلمين فيهم ..
نورة: أنا بروحي ما أبيهم .. بس .. ربيعاتي ..
خليفة يقاطعها : أنا غلقت جهازج .. ومب لازم ترمسين حد ..

مشى عنها .. شوي ووقف .. كانه تذكر شي .. : صحيح منو م ربيعاتج ف مصر ..؟!!
نورة: فوز ..
خليفة: بنت منو هاي ...؟؟
نورة: بنت محمد علي الـ .......!!
خليفة: هيه .. أظن أعرف اخوهااااااا ..
نورة: إنزين عندي طلب ..
خليفة: نعم شعندج ؟؟
نورة: أبا أسير عند شمسة .. بقعد عندها هالفترة ..
خليفة: يكون أحسن .. لأني صج صج .. مب طايق أشوف ويهج ..

ظهر خليفة عنها .. وكملت نورة صياحهاااا .. حست بإحتقار أخوها لها .. وتأكدت إن اللي سوته .. ما يستاهل تخرب علاقتها فأخوها وأهلها .. سارت تغسل ويهها وعقبها ظهرت ترمس أمها وأبوها إنها بتروح عند أختها تقعد جم يوم .. طبعاً أهلها ما قالوا شي .. بالعكس رحبوا بالفكرة ع الأقل تغير جو دامها يالسة ف دارها وما تظهر .. وأبوها طلب من خليفة هو اللي يوصلها لأن حمدان مسافر وبعدها ردت غرفتها تزهب أغراضها .. شغلت المسجل ويلست تسمع أغنية ..

بلاني زماني بواحد اناني
نسى طيب قلبي وعطفي وحناني

انا ال عشت طيبه مع الناس كلها
ولكني حبيته غلطه زماني

يا قلبي يا طيب عساك انت طيب
يا قلبي ياطيب عساك انت طيب


انا بشووقي ناديت لروح روحي
وهو يشعل النار ما بين ايديه


تمنيتك انت هذاك ال عرفته
حبيبي وطبيبي يداوي جروحي

ولكن يا حسره والفين مره
وهبتك حياتي وقلبي وروحي

يدوخلي راسي يا ظالم يا قاسي
يدوخلي راسي ياظالم يا قاسي

عشت عمري كله عذاب ومآسي
وانت مع الدنيا صرتوووو عليا

بلاني بعشره غريبه عجيبه
خلص بيها صبري ومن وين اجيبه

وانا الي حسبته لقلبي حبيبه
طلع اصله همه وناره ولهيبه

يا صبرج يا انه على هالمهانه
يا صبرج يا انه على هالمهانه

طلع صح ظني وشكي في مكانه
مع الناس خيرك وشرك عليا






أما خليفة ..

ف من ظهر من عند نورة .. سار داره .. يلس ف البلكونة يفكر باللي صار .. رمسة نورة ضايجته .. ويلس يفكر باللي يسويه هو ف بنات الناس .. والمغازل .. كل شي يسويه .. شافه فأخته .. صدق كما تدين تدان .. تعوذ من إبليس وقطع ع نفسه عهد إنه يحاول يترك الحركات البطالية اللي يسويها .. وحمد ربه إنها يات ع جيه .. وما صار اللي أكبر من التليفون .....!!!

راح تفكيره عند فوز .. صوتها لين أحين يرن ف أذنه .. أسلوبها ف الرمسة .. بنت جادة وايد .. الله يحفظها .. تذكر تليفون نورة .. هو ما غلق الجهاز .. خلاه سايلنت بس .. فكر إن بدر ممكن يتصل وجان يبا يرمسه .. سار صوب التليفون .. ويلس يقرا مسجات فوز .. شاف إن اللي يسويه غلط .. صك التليفون ورده مكانه .. وعقب دق حق ربيعه زايد عشان يظهرووون يتحوطون لأنه حس نفسه مخنووووق ....!!!


بيت أبو حميد
قوم موزة
يوم الثلاثاء
الساعة 10:30 مساءاً



حميد مستانس من خاطره .. قبل شوية كانوا يايين م بيت البنت اللي يبيها .. وخطبوها من أهلها .. والأهل مبدئياً موافقين .. وبيردوا عليهم عقب جم يوم عشان يحددون الملجة والعرس إذا صار نصيب ..

أحمد: موييييز الغلا محد .. ولهنا عليها ..
أم حميد: هيه والله فديتها .. متى بتروح تييبها ؟؟
أحمد: ما أدري .. ما دقت تقولي إنها تبا ترد .. الظاهر اليلسة هناك عايبتنها ..
أبو حميد: عندها أخت ريلها مونستنها .. أكيد ما بتبا ترد..
حميد: بدقلها بشوووفها وبالمرة بقولها إني خطبت ..

اتصل حميد فأخته موزة .. اللي تفاجأت أول ما شافت اسمه ظاهر .. تحسبت شي صاير ..

حميد: السلام عليكم ..
موزة: وعليكم السلام والرحمة .. هلا حميد.. خير شو مستوي ؟؟؟
حميد: أعوذ بالله .. خليني اسأل قبل عن حالج ..؟؟
موزة: أنا بخير .. ليش داق .. شي صاير ؟؟؟ أمي فيها شي .. أبوووويه .. أحمد .. منوو؟؟؟
حميد: هههههههههه موزووووه بلاج .. ما صاير إلا الخير .. والكل بخير .. تطمني
موزة: خرعتني ويا فيسك .. مب متعودة تدق علييه .. لو أحمد ما بخاف .. بس إنت داق .. غريبة ..
حميد: هههههههههه والله إنج فلم .. المهم شحالج شخبارج ؟؟
موزة: أنا الحمدلله بخير .. ولهانة عليكم ..
حميد: نحن مب ولهانيين .. يلستج هناك مريحتنا ..
موزة: إنت هيه .. لأني حتى لو كنت ف البيت ما أشوفك .. بس فديتهم الباجين أكيد ولهانييييين ..
حميد: هيه .. عاد أحمد ماشي حالته صعبة ..
موزة: فديت روووحه والله .. شحالكم ؟؟ أمايه وأبوويه شحالهم ؟؟ وأحمد شخباره ...؟؟؟
حميد: كلنا بخير .. وكاهم هنيييييه عندي ..
موزة: سلم علييييييهم وايد .. قولهم الشيخة موزة شمعة الدار جريب بتردلكم ..
حميد: يالخقة .. إنزين يالدبه ..
موزة: ها ؟؟
حميد: باركي حق أخوووج ..
موزة: مليار مبارك .. بس ليش ومنوووو من خواني ؟؟؟
حميد: أنا بعد منو .. وليش خطبت اليووووووووم ..
موزة: قول والله ..
حميد: ما بقووول ..
موزة: ياربيييييي وما قدرت تصبر لين أنا أرد .. المفروض ما تسووون شي بدوووني ..
حميد: عاد سوينا وخلصنا ..
موزة: ما عليييييه خل أرد البيت وبتشوووفون ..
حميد: ههههههه إنزين ..
موزة: تستاهل الخير والله ... قولي منوو البنت ترا ذليتني ..
حميد: اسمها مريم
موزة: والنعم .. بنت منووو؟؟
حميد: بنت ناس ما تعرفينهم ..
موزة: جم عمرها ؟؟؟
حميد: 24 سنة ..
موزة: العمر كله .. الله يوفقك يا حميد ..
حميد: تسلمييييين ..

أحمد: عطني برمسها ...
حميد: دق عليها ورمسها ..
أحمد: يالزط .. ما بطول وياها .. بس طشووووونة ..
حميد: ما شي خلاص بندته .. ياللا موزووه برايج .. سلمي عليهم زيييييين .. مع السلامة
أحمد: أعوذ بالله منك ..
حميد: تسلم علييييييكم وايد وتقولكم إنها جريب بترد ..
الجميع: الله يسلمها م الشر ..
حميد: أنا احين بروووح .. ياللا فداعة الله ..
الجميع: فداعة الرحمن ..

أم حميد: أحمد ..
أحمد: هلا أمايه ..
أم حميد: باليمعة روح ييب أختك .. بس يسدها يلسة هناك .. يبوك ولهنا عليها .. وأنا مب عارفة أيلس روحي هنيه ..
أحمد: إن شاء الله يمه ..
أبو حميد: وأنا وين سرت ..؟؟!
أم حميد: إنته موجود فالقلب يالغالي ..
أحمد: عاشووووو بدا الغزل .. كأن وجودي هنيه غلط خخخخ
أبو حميد: هيه والله .. تسوي خير لو تطلع ..
أحمد: أفا عليك يابو حميد .. بدون لا تقوووول ..
أم حميد : تعال وين رايح .. شقلت ؟؟
أحمد: شو بقول .. إنتي تآمرين أمر .. اليمعة إن شاء الله بروح أييبها .. شتبين بعد ؟؟
أم حميد : سلامتك ياولدي .. الله يوفقك وين ما تروح ويبلغني فيك معرس إن شاء الله
أحمد: آميييييييييييييين ..
أبو حميد: ها بوشهاب شكلك إنت مستعيل ؟؟ ليكووووون؟؟؟
أحمد: لا أعووذ بالله .. لا ليكوووون ولا غيره
أبو حميد: ههههههههه
أم حميد: أحمد أنا بخطب له ..
أحمد: هيه أمايه عليييييييج هالمهمة .. بس ابا بنت سنعة ..
أم حميد: أفا عليك لا توصي .. ما بتاخذ إلا الزين إن شاء الله
أحمد: إن شاء الله .. ياللا عيل أنا بظهر احيييين بسير عند الربع
أبوحميد : لا تتأخر عاد ..
أحمد: لا إن شاء الله قبل 12 بكون هنيه ..
أم حميد: ربي يحفظك ..

ظهر أحمد وقعدوا أبو حميد وأم حميد يسولفون فموضوع خطوبة حميد .. وعقبها ساروا يرقدوا ....!!!



شقة أبو حمد - مصر
يوم الأربعاء
الساعة 12:00 ظهراً بتوقيت مصر



فوز ناشة .. وريم لين أحين ع الشبرية تتريا حد يوعيها كالعادة .. مع إنها ناشة بس لازم تيلس ف الفراش ساعتين لين تقوم ..

كانت فوز يالسة ع طاولة الأكل .. جدامها مكسرات وقوطي بيبسي .. ودفترها والقلم .. ويالسة تكتب ..:

قررتُ الانسحاب من حياتك سيدي .. تخليتُ عن حلمي الصغير .. ومزقتُ كل أوراقِ الهوى التي تحكي قصتي معك ..
دفنتُ مشاعري .. وأمسكتُ قلبي بـ إحكام .. لأدثرهُ بأمان ..
اليوم .. أصدرتُ شهادة وفاةٍ لحبك ..
اليوم .. قررتُ أن أنساك للأبد ..
فقد كسرتني .. ونثرت أشلائي بغيابك البارد ..
حطمتني دون علمٍ منك .. وجعلت من إحساسي عدم ....!
سيدي ..
سـ أبذلُ قصارى جهدي كي أنساك .. وأنسى ماضيك التعيس ..
وسـ أكرهك .. بـ ذاتِ القدر الذي أحببتك فيه ..
رغم أني متيقنة .. أن قلبي العاصي سيأبى ذلك ..!

آه .. كم أكرهكَ يا نبض ..
وكم أمقتكَ يا قلب ..
وكم أشفقُ عليكِ يا عين ..
ويا نفسي ..
كنتِ أنتِ الضحية ......!!!!!

صكت دفترها .. وسارت عند البلكونة تطالع الناس اللي تحت .. كان صوت السيارات مسبب إزعاج كبير .. والناس يتحركون بشكل سريع ..

كانت تسمع صوت أغنية .. ويلست تركز ف كلماتها .. لفتت انتباهها .. بس ما تحركت من مكانها ..

كان العمر كله صفا .. كنا سوا ليل وسهر
والنور عم يمشي حفا .. ويفارق غصون الشجر ..
إنت وأنا ونسمة جفا .. هبت على الحلم انكسر
قنديل هالليل انطفا .. وين القمر .. مافي قمر ..
يا شوق يا أحرا م الغفا .. يا مرقص دموع البشر
يا حب لمحة واختفا .. ماعاد شفتلوا أثر ..
يا برد عم يلغي الدفا .. يا دموع عم تمحي الصور
حكمة وما كنا نعرفا .. إنو القدر هو القدر
شو صار يا درب الهوى .. يا زارع بقلبي التعب
مش هم ما عدنا سوا .. ولا هم أبرم ع السبب
المهم من بعد الغرق .. ننسى العذاب اللي مرق
بعدك يا ألبي اللي أحترق .. مغروم حرقك باللهب
من وقت ما الكون ابتدا .. كانوا اتنين بهالدني
وما كان في غيرن حدا .. ولا ينطفي الحب الهني
قلبن على الشوق اهتدا .. صارت سنين تسرق سنين
تا صار يوسع هالمدا .. والبعد يكبر بالدني
واليوم صرنا ع الهدا .. نحرق حياة مزينة
ما ظل بالوردة ندى .. ولا في غصن عم ينحني
وبقيت وحدي ما عدا .. أحلام عمر الولدنة
لا صوت حتى ولا صدى .. ينده ويسأل شو بني
شو صار يا درب الهوى .. يا زارع بقلبي التعب
مش هم ما عدنا سوا .. ولا هم أبرم ع السبب
المهم من بعد الغرق .. ننسى العذاب اللي مرق
بعدك يا ألبي اللي أحترق .. مغروم حرقك باللهب


نزلت دمعة حارة من عيونها .. وهي تتذكر حبها اللي ذبحته قبل لا يذبحها .. مسحتها بسرعة قبل لا تجف ..

محد جان موجود .. أمها وأبوها ظهروا وحمد وياهم .. أبوها سار المكتبة ياخذ له كتب وسارت وياه أمها وندى .. وحمد طلع عند ربعه ..
دق تليفونها .. سارت تشوف منو .. جان حمد متصل فيها .. وردت عليه ع طول ..

حمد: هلااااااااااا ..
فوز: أهلين وسهلين ..
حمد: شو الأخبار ..؟؟
فوز: طيبة الحمدلله ..
حمد: شو ناشين وإلا ؟؟؟
فوز: أنا ناشة .. وريم لسه ع الشبرية
حمد: سيري وعييها بسرعة ..
فوز: ليش شو صاير ؟؟
حمد: ماشي بس أحيييين بييوا منصور وفطييييم عندنا يسلمووون عليكم ..
فوز: شووو ؟؟ بس محد هنيه ؟؟؟
حمد: أدري .. دقيت حق أبوي وقال أحين بييوا .. وأنا أحين ياي بس أظن بيوصلون قبلي .. ففتحيلهم الباب اوكيييييك .. ولا تنسي توعي ريموووووه ..
فوز: إنزيييييين ..
حمد: ياللا باي ..
فوز : باي ..

سارت فوز تشوف ريم .. اللي ما تحركت من مكانها .. بطلت الستارة عشان النور يدش الغرفة ..

فوز: ريموووو نشي ..
ريم: ليش .. ؟
فوز: ضيووف بييون عندنا .. بسرعة نشي تغسلي وتزهبي ..
ريم: ضيوف ؟؟
فوز: هيه ..
ريم: منو هالضيوف ؟؟؟
فوز: الشيخ منصور وفطييييم ..
ريم: حلفي ..؟؟
فوز: والله .. قبل شوية متصل حمد يقول أحين بييون ودخلوهم ..
ريم: إنزين ..
فوز: ياللا بسرعة أنا بسير أرتب المكان شوية ..

سارت فوز ترتب الصالة .. لأنهم بيلسون فيها .. إلا شوي ويدق الجرس .. سارت تفتح الباب .. كانت فطيم فويهها ووراها منصور ع طول ..

فطيم: السلام عليكم ..
فوز: وعليكم السلام والرحمة .. هلا فطيم شحالج ؟؟
فطيم :الحمدلله بخير .. شحالج إنتي ؟؟
فوز: بعافية الحمدلله .. تفضلوووا ...
فطيم: ما بنيلس بس يايين نسلم وبنروح ع طول ..
فوز: ما يصير جيه .. وبعدين إيلسوا ع الأقل لين إييون أمي وأبووويه وحمد ..
منصور: شحالج فوز ..؟؟
فوز: الحمدلله .. السموحة منك ما انتبهت عليك ..
منصور: مسموحة .. فطيم ..
فطيم: هلا ..
منصور: أنا بنزل تحت بتريا حمد لين إيي .. مب حلوة أدش ومحد هنيه .. لا عمي ولا حمد ..
فطيم: أوكي ..

دشت فطيم وسار منصور ..

فطيم: إلا ريم وينها ...؟؟
فوز: أحين بتيي ..
ريم: السلام عليكم .. هلا هلا فطيم منووورة ..
فطيم: وعليج السلام .. هلا ريموووه .. النور نورج فديتج ..
ريم: شحالج .. وشحال هلج ؟؟
فطيم: الحمدلله بخير وعافية ..
ريم: إلا أخوج وينه .. ما أشوفه ؟؟
فطيم: تحت قال بيتريا عمي او حمد لين إييون ..
ريم: اهااا ..
فطيم: كيف شفتوا مصر ...؟؟
فوز: والله حلوة واااايد .. وإنتي ؟؟
فطيم: يعني .. فيها الشين والزين ..
ريم: هي حلوة حق السياحة بصراحة .. يعني الأماكن اللي سرناها لين احين كانت روووعة ..
فطيم : عاد أنا ما سرت إلا السوق .. وأقنع منصور يوديني الأهرامات أبا أشوفهن بس مب راضي .. وين سرتوا إنتو ؟؟؟
فوز: وايد أماكن ..
ريم: قبل لا تقولين لها .. فطيم شو تشربين ؟؟؟
فطيم: ما أبا شي ..
ريم: لا صج قوولي .. ما يصير ما نضيفج ؟؟
فطيم: عصير ..
ريم: أوكي .. ياللا فوز كملي احينه
فوز: إن شاء الله عمتي .. نحن الله يسلمج سرنا القرية الفرعونية .. وسرنا صوب قلعة صلاح الدين .. ومرينا ع السيتي ستار أمس والمفروض اليوم نروح الحسين ..
فطيم: ما شاء الله .. حلووو والله ..
فوز: إلا ما قلتيلي .. سلامة وشويخ ليش ما يوووا وياج ؟؟
فطيم: سلامة وشويخ ساروا تايلند ويا أمي وأبوووي ..
ريم وهي تقدم العصير .. : تايلند .. وناسة والله ..

دق الجرس .. ودش أبو حمد وأم حمد وندى .. سلموا ع فطيم .. وقعدوا ف الصالة ..
أبو حمد: عيل منصور وينه ؟؟؟
فطيم: تحت ..
أبو حمد : ليش ما دخل .. مخلين الولد تحت ف الحر ..
فوز: أبويه بروحه ما رضا يدش ..

اتصل فيه أبو حمد ودق عليه عشان إيي .. وشوي إلا منصور داش سلم عليهم وقعد حذال أبو حمد .. وعقبها بدقايق وصل حمد وسلم عليهم وقعد ..

حمد: كيف يا منصور خلصت شغلك ؟؟
منصور: هيه ..
أبو حمد: بالتوفيج لك يا ولدي ..
منصور: تسلم يا عمي ..

فوز كانت مضايجة من وجوده بس سوت نفسها عادي .. عشان ما تحسس حد بإن وجودهم مضايجنها .. ومنصور بين لحظة والثانية يطالع صوبها ..

منصور: نستأذن ألحين ..
أبو حمد: وين ؟؟
منصور: بنروح ..
أبو حمد: ما يصير .. اليوم غداكم عندنا .. والغدا زاهب ..
فطيم: لا يا عمي بنروح .. نحن يايين نسلم عليكم بس ..
أم حمد: ما يصير .. لازم تتغدون عندنا اليوم ..
حمد: هيه صح ما يصير ..
أبو حمد: ياللا يا أم حمد حطوا الغدا ..
أم حمد: صلوا أول .. وعقبها بنحط الغدا ..

نشوا عشان يصلووا .. منصور دش غرفة حمد .. وفطيم غرفتهم فوز .. صلوا وخلصوا وعقبها حطوا الغدا .. مكان حق الشباب ومكان للبنات .. تغدوا بعد الغدا أبو حمد وأم حمد دشوا يرتاحوا .. أما الشباب فكملوا سوالفهم .. قعد حمد ويا منصور اللي يايب لاب توبه .. وقعد يسمّع حمد أجدد النغمات ..
وفوز وريم ويا فطيم ..يالسات يراونها الصوراللي صوروها لما كانوا ف القرية الفرعونية .. لبسوا ملابس كليوباترا وشجرة الدر وصوروا فيهن ..

فطييييم: الصور كشخة بصراحة .. بس تدرون الحلو إنكم كلكم ويا بعض .. عاد أنا بروحي ياية .. ومنصور طول الوقت ويا ربعه .. ويخليني بروحي ف الشقة ..
ريم: طيب ليش ما إييبج عندنا وبنروح ويا بعض نتحوط ..
منصور: ما عليج ترا فطيم ما تصدق خبر ..
حمد: لا والله .. عيل هي شو ياية تسوي هنيه .. تيلس ف الشقة بس .. ياخي سير حوطها .. وجان الأمر صعب عليك ييبها عندنا ونحن بنحوطها ..
منصور: جان تبا تيلس خلها .. بالعكس بتريحوني من همها ..
فطيم: أنا احين هم .. ما عليه إن ما خبرت عليك أبوووي ما عليه
فوز: يمكن مخربة عليه وايد أشياء .. خليج عندنا فطيم .. ترا العصر نحن بنسير الحسين ع الأقل بتاخذين لج شي من هناك وبتاخذي حق هلج ..

طالعها منصور .. وفخاطره يقول هالبنت تسكت وتسكت وإذا رمست ما تفر إلا نغزات .. شو قصدها يعني ...؟؟؟

فطيم: ما أعرف .. اخاف وجودي يضايجكم ..
ريم: بالعكس فديتج .. بنستانس بوجودج ويانا ..
فطيم: شرايك منصور ؟؟
منصور يبا يقهر فوز: مب لازم تروحين وياهم .. أنا بوديج من نطلع من هنيه ع طول .. شتبين بعد ..؟؟
فوز بهمس : أونك ..
فطيم: أكيد .. وإلا بس تبا تقهر فوز ؟؟
منصور: وليش أقهرها .. عادي ..
حمد: عيل إذا جيه انتظروا وبنظهر ويا بعض ..
فوز: شو .. ليش ..؟ يعني أقصد نحن يمكن نتأخر ما نظهر أحين .. أبويه لين أحين راقد ..
داست ريم ع طرف ريولها عشان تحسسها بالرمسة اللي قالتها ..
فوز: آي .. بلاج ؟؟
ريم: ماشي ..
فطيم: لا عيل أحسن أسير أحين ..
منصور بابتسامة خبيثة : ترا عادي إذا حابة تروحين وياهم بنتريا عمي محمد لين ينش وبنروح مع بعض ..

فوز فخاطرها .. أوف شو ها .. ما يحس ع دمه .. وإنه شخص غير مرغوب فيه ..
يات ندى تركض .. توها ناشة م الرقاد وسارت ع طول ف حضن فوز ..

فوز: نشيتي حبي ..؟؟
ندى: هيه ..
فوز: والبابا والماما نشوا وإلا ؟؟
ندى: لا بعدهم رقووود ..
منصور: ندووووشه ..
ندى: هاه ..
منصور : تعالي فديتج عندي ..

سارت ندى تركض .. ويلس منصور يلعب ويّاها .. وفوز درت إن منصور يبا يغايظها بس والظاهر إنهم بيروحون وياهم الحسين .. فسكتت وما رمست .. مع إن حمد جان يطالعها بنظرة لو انتبهت عليها بتحرقها ....!!!!




نهاية الجزء
ترقبوا الجزء السابع
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية ))

الجزء السابع



مزرعة أبو خالد
يوم الجمعة
الساعة 10:00 صباحاً




وصلت سيارة سيف .. فيها أخته حصة وبنت أخوه روضة وعيال أخته الصغار .. موزة كانت ويا أختها وريلها خالد .. وكانوا واصلين قبل .. وباجي العائلة لين أحين ما يات ..

نزلن البنات .. وسارن صوب موزة اللي يالسة ترمس أخوها أحمد عشان تنسق وياه ع الوقت اللي بيي ياخذها منه ..

حصة: موييييييز .. شحالج اشتقتلج ..؟
موزة: خخخخ أونج اشتقتيلي شو من زمان مب شايفتني ..
حصة: لا بس من أمس المسا الساعة 10 لين اليوم ها شي كبير بالنسبة لي .. أنا لو ما أشوفج كل ثانية ما أرتاح ..
موزة: ههههههه شو ورا هالتقردينة ..؟؟
حصة: ماشي بس جيه .. مستانسة ..
موزة: ليش ..؟!؟!؟
حصة: ممممممممم أقولج وإلا ما أقولج ..
موزة: شصاير ؟؟
سيف اللي ياي صوبهم وجان لابس نظارته الشمسية وطالع ستايل .. : أنا بقوووولج ..؟؟
حصة: ليش ترز فيسك ؟؟ خلني أنا بقولها ..
روضة: لا إنتي ولا إنته .. أنا بقولها ؟؟
موزة: أخ عليكم .. ترا صج طفرت شو صاير ؟؟؟
روضة: البارحة .. ظهرن النسب ..
موزة: قولي والله ..؟؟
حصة: والله ..؟
موزة: بشري جم يبتي ؟؟
حصة: على كسلي .. وعدم مذاكرتي يبت 86 ..
موزة: مبارك عليج فديتج .. حلوة ما شاء الله ..
حصة: الله يبارك فيج .. عقبال نسبكم ..
موزة: ما بقى شي .. أكيد كلها يومين ثلاثة وبيظهرن ..
سيف: مواااااااز ؟؟
موزة تطالعه بنص عين : نعم ؟؟
سيف: بسم الله .. شفيج تطالعيني جيه ..؟؟
موزة: مواز .. هاي يديدة بعد ..
سيف بابتسامة: شو عيبتج ؟؟؟
موزة: تصدق لا ..
سيف: عيل بعيدها .. المهم شرايج .. مب المفروض حصوووه تعشينا اليوم ع حسابها ؟؟؟
موزة: صج حصة المفروض تعشينهم ع حسابج ..
سيف: وإنتي ؟؟
حصة: شوو شوو شوو ؟؟ منو أعشي ؟؟ ما أحيد ظاهرتلي وظيفة وأستلم راتب عشان أعشيكم .. كلها ع بعضها نسبة ودتني مكان وإلا ما ودتني ..
موزة : أنا ع العصر إن شاء الله بروح البيت ..
حصة: شو ؟؟
روضة: ليش ؟؟
موزة: شو ليش بعد .. تولهت ع أهلي وبعدين أبوويه دق وقالي إنه مشتاقني ويبيني أرد .. وغير جيه حميد خطب وأكيد بيرتبشون ف ترتيبات عرسه ولازم أكون موجودة ..
حصة: مب شي جيه صج .. أنا لو علييييييه تعيشين عندنا فور إيفر ..
موزة: لا عاد .. شقالولج مقطوعة من شجرة .. عندي اهل يحبوني ويولهون عليه ..
سيف ابتسم وطالعها: كلنا لو علينا نبيج عندنا فور إيفر ..
روضة: حتى أنا أبيج .. تدرين خالوووووه ماشي غير حل واحد ..
طالعتها موزة بلا مبالاة ..
حصة: شو هالحل ؟؟
روضة: تاخذين عمي سيف وتعيشين هنيه ..

يبست موزة مكانها .. وطالعها سيف كأنه يتريا ردة فعل منها .. بس أي ردة فعل أحين .. وهي منصدمة إن بنت أختها ياتها الجرأة تقول جيه .. حتى حصة نفسها تفاجأت .. أما سيف فكان حاس إن روضة بتقول جيه .. محد فاهمنها غيره .. ومحد فاهمنه غيرها ..

موزة: أنا بدش داخل ..

وسارت موزة تركض .. أما سيف ف ابتسم ابتسامة أقرب للضحك .. وحصة عصبت ع روضة ..

حصة: إنتي بلاج ..؟ ما تعرفين تيودين لسانج ؟؟
روضة: شقلت أنا ..؟؟
حصة: شقلتي بعد .. حرجتي البنت مب زين جيه ..
روضة: عموووووه كلنا ندري إن عميييه يحب خالووتي شو بعد ..
سيف: وإنتي شدراج بهالسوالف .. بعدج صغيرة ..
روضة: عميييييييييه تحبها أنا أدري مب غبية ..
سيف: منو قالج أحبها .. لا تيلسين تخرفين زين ..

وسار سيف عنهن .. حصة هزبت روضة .. وسارن داخل عند موزة عشان تعتذر منها ع الإحراج اللي سببته لها ..!!


عقب الغدا ..

الكل جان موجود بالصالة عدا موزة .. اللي ظهرت خاري تتحوط صوب الزرع والأشجار .. كانت مضايجة عشان جيه ما بغت حد يكون وياها .. حست إن وجودها بينهم غلط .. وتمنت ترد البيت بسرعة .. لاحظ سيف غيابها .. وسأل روضة عنها .. خبرته إنها ظهرت خاري تتحوط .. وشافها فرصة إنه يرمسها ...!

كانت يالسة ع الأرض .. وتلعب بالتراب .. رغم إنها كانت الساعة 2 ونص الظهر إلا أن الجو جان مغيم وبارد ع غير العادة .. عشان جيه ما حست بحرارة الصيف ..

وصل سيف .. عارف إن اللي يسويه غلط .. ومب حلوة يكون وياها بروحهم .. وإذا حد شافه راح تصير كبيرة .. خصوصاً إن بنات عمه بعد موجودات وهذيلا لسانهن متبري منهن .. وقف وراها بمسافة وهي مب حاسة بوجوده ..

سيف : موزة ..؟!

أول ما سمعت صوته .. حست قلبها طاح .. ما طالعت ولا تحركت .. بس ردت عليه ..

موزة : نعم .. بغيت شي ..؟!
سيف : هيه ..
موزة: شو ؟!
سيف: ممكن اسألج سؤال ..؟!
موزة: اسأل ..
سيف: ليش ما رديتي ع رمسة روضة ..؟!
موزة: شو كنت تباني أقول ..؟!!
سيف: أي شي .. يبين إنج ما تبيني ؟؟
موزة وهي تطالعه : ليش سكوتي جان علامة إني أبيك ؟؟
سيف: يمكن ..
موزة: عيل تفكيرك راح بعيد وايد ..
سيف: ليش ؟! ما استاهل ..؟!!
موزة: لا .. وعلى فكرة أنا سكتت بس لأني خفت أقول رمسة أجرحك فيها ..
سيف: ليش ما أستاهل ..؟؟ مب ريال ..؟؟
موزة: والنعم فيك .. بس خلني بعيد عنك .. ولا تنسى إن نحن نسايب بس .. والمفروض ما تتعدى حدودك ويايه .. وغير جيه لا تفكر تستخدمني أنا حق لعبك يا محترم ..
سيف: شقصدج ..؟!!
موزة: اللي أعرفه إنك ذكي .. ف أكيد عارف قصدي عدل ..

مشت موزة عنه .. بس سيف ما عطاها فرصة وسار يوقف جدامها ..
سيف: خاطريه أفهم .. ليش تكرهيني لهالدرجة ؟!!!

طالعته موزة بنظرة مليانة حسافة .. وركزت زين ف ويه سيف .. أول مرة تحط عينها ف عينه بهالطريقة .. حست نفسها بتموت لو ما نقذت نفسها وسارت ..

موزة: جان زين لو أعرف أكره ...!!

ها كل اللي قالته قبل لا تشرد من عيون سيف اللي ذبحتها .. ها كل اللي قدرت عليه عشان ما تحسسه إنها فعلاً بدت تعجب فيه .. وإعجابها ممكن يوصل للحب لو ما ردت بيتهم بسرعة ...!!!


شقة علي - بريطانيا
يوم الأحد
الساعة 1:00 بعد منتصف الليل



ميرة ف دارها ترتب جناطها .. باجر بيردون البلاد .. وعبدالله وحرمته راقدين .. أما علي ف ويا سعيد ف الصالة .. عقب ما خلصت ميرة ترتيب أغراضها سارت الصالة ..

علي: هلا ميرووووه تعالي ايلسي عندنا
ميرة: شو ما تبون ترقدون ..؟! الساعة 1 وربع
سعيد: لا ما نبا .. متعودين نرقد ع الساعة 3 ..
ميرة: صح .. نسيت أقولكم .. مشكورين ع العشا ..
علي: اشكري سعيد .. ترا هو دفع حسابه ..
ميرة: مشكور يا سعيد ..
سعيد: تستاهلين الزود فديتج ..
علي: فكرتي وين بتدرسين ..؟!!
سعيد: أختك طلعت مصرية خخخ
علي: أمبونها فديتها ..
سعيد: بصراحة أنا مستغرب كيف يابت هالنسبة وهي 24 ساعة ترمسك ع المسن وإلا ع الفون .. وكتاب ما ظنتي تيود
ميرة تطالعه بنص عين: شقصدك يعني ..؟!!
علي: ههههههه ترا هاي ما عندها وحده وثنتين عادي تفرك بشي أحين ..
ميرة: بفرّة جان ما عدل رمسته ..
سعيد: ههههههههه بعدلها يا شيخة البنات ..
ميرة: ما أدري محتارة .. شرايكم أقدم ع منحة ..
علي: منحة ..؟!!
ميرة: هيه ..
سعيد: ليش ما تبين تدرسين ف البلاد...؟!
ميرة: ممممم بس جيه .. أحس بملل ف البيت .. وكله بروحي ..
علي: حبيبتي اللي يريحج سويه ..
سعيد: أنا أشوف لو تدرسين ف البلاد أحسنلج .. بين أهلج وناسج
ميرة: إنزين حتى لو سرت مكان .. ما ببعد إلا بين هلي وناسي .. أنا بقدم ع منحه وبشوف وين بيحطوني ..
علي: بالتوفيج يا رب ..
ميرة: علاوي عطيني اللاب توب .. بدش النت
علي: شتبين تشوفين ؟!!
ميرة: بدش الموقع اللي عطيتني إيّاه أبا أقرا ..
علي: أوكي ..
سعيد: تبون تشربون شي ..؟!!
علي: ريد بول ..
ميرة: ع ذوقك ..

خذت ميرة اللاب توب وفتحت المنتدى .. وع طول سوت ريسيرتش .. وطلعت كل مواضيع العضوة .. جانت منزلة موضوع يديد يسلت تقراه بصمت ..

قد نعشقُ أحياناً .. فـ يتهيأ لنا عاشقنا كـ الملاك الطاهر ..
لا شيء يدنسُ روحه .. أو يُلوث قلبه ..
يموتُ الحب .. بـ موتِ أحدِ العاشقين .. هذا ما تعودنا أن نطلق عليه حباً
ولكن ..
عندما يكون الحب .. داخل قضبان الصمت ..
فـ من يختار نهايته ..؟!!
أنا ..
أم
هو ..
من سـ يقتل الآخر ...؟!!
أنا ..
أموت ..
أحترق يوماً عن يوم ..
وهو
يعيش لحظات الأنس والفرح .. دون أن يفكر بالعواصف التي اجتاحت حياتي فجأة ..!
دون أن يلمح الخوف الذي يسكن زوايا عيناي ..
ودونما إدراك لمدى انكساري في غيابه ..!
متى سـ يدركُ ذاك القلب .. أنني أهيم به عشقاً ..؟!
متى سـ يعرف خفايا قلبي ..
ويتيقن
إن لا امرأةً سـ تعشقهُ
كـ أنا ....؟!!


تنهدت ميرة رغم إنها ما خلصت قراءة .. بس ما قدرت تكمل .. وانتبهوا عليها علي .. وسعيد اللي ياي م المطبخ ويايب وياه الريد بول والعصير ..
علي باستغراب: بلاج ميرة ..؟!!
ميرة: هاه .. ماشي ..؟!!
سعيد: عيل شو ورا هالتنهيدة ..؟!!
ميرة: تأثرت ..
علي: بشو ..؟!
ميرة: هاي العضوة .. منزلة موضوع يديد .. كتاباتها أثرت فيني ..
علي: احلفي ؟؟ توني مشيك ماشي ..؟!!؟
ميرة: أحين طارحته ..
علي: هاتي اللاب توب بسررررعة .. أبا اقرا ..
سعيد باستنكار: علاوي بلاك .. ترا ببدا أشك إنك تحبها ..
علي: أحبها ..؟؟ بعدني ما ينيت .. تلاقي هاي عندها مشاكل عاطفية عشان جيه تكتب بهالأسلوب .. يعني تحب .. يعني ما تصلح لي ..
سعيد: اونه .. شو هالتحليل العجيب خخ
ميرة: لا بس صج صج كتاباتها حلوووة .. تلامس الإحساس ..

علي ميود اللاب توب ومندمج .. وسعيد يطالعه باستغراب ويرد يطالع ع ميرا ..

سعيد: بذمتج ها إنسان طبيعي جيه يصير فيه بسبب كتابات وحده لا يعرفها ولا تعرفه ...؟!؟!
ميرة: ما أدري عنه .. هي صح تكتب حلو واسلوبها راقي .. بس ما توصل لهالدرجة .. أخاف يصير فيه شي ها

علي:

أيها القلب الملطخ بدماء الرذيلة .. إلى متى وأنت تهرع خلف سراب قد يقتل الإحساس فيك يوماً ما ..؟!
سنوات عشق مضت عليك ..
وحبيبك لم يحرك ساكناً ..
لم تؤثر فيه تلك اللمحات التي كنت تقدمها له ..
لم يستوعب أن حضورك هناك .. كان من أجله ..!
اعذرني يا قلبي ..
ولكنني لم أعرف أغبى منك ..
ولا أتفه منك ..
اعذرني .. فـ أنا لا أملك سواك .. لـ أرمي بقهري وألمي عليه ..
حتى حبيبي ..
لم يكن يوماً هنا .. لـ أقذفه بـ أنواع الشتائم
وأتخلص من القهر .. الذي بلغ ذروته ...!


علي: فذمتكم .. مب حلوة ...؟!!
ميرة: وايد حلوة .. لو تألف كتاب صراحة بتكسر الدنيا ..
سعيد: علي أنا متأكد إنك عاشق ..
علي: فعينك .. اسكت .. لا تبدا تخرف .. أنا ما أعرف أحب ..
ميرة: محد .. ما يعرف يحب .. كل واحد فينا انزرع الحب ف قلبه .. بس يبيله يدور ع الشخص اللي يحبه عشان يعطيه هالحب ..

حس سعيد بشعور غريب .. بس تجاهله .. رمسة ميرة فيها نوع م الغرابة شوي .. كأنها تبا توصل معلومة حق حد .. واحد منهم .. إذا مب علي .. ف محد غير سعيد ..!



يوم ظهور نتائج القبول
عقب أسبوعين من ظهور النسب


زرعنا خير وفي الآخر حصدنا خير
نجحنا والله وفقنا .. وآخر صبرنا نلنا
فرحنا من قبل لكن .. أكيد الفرحة هذي غير
سهرنا نطلب العالي .. مثل كل يوم والتالي
وبعد ما الكل هنانا .. دموع الفرحة هي تعبير
طوينا الصعب وأوقاته .. تخطيناها عثراته
قضيناها ليالينا .. ما بين الجد والتفكير
تواعدنا مع الأحلام .. نسابق لأجلها الأيام
وعاندنا التعب فينا .. ونلنا الحب والتقدير
عزمنا بكل ما فينا .. نحققها آمانينا
نعلي راية بلادي .. ونرفع شانها بالخير
أمانينا رسمناها .. بعون الله وصلناها
بذلنا بالعطا حبنا .. حصدناها بلا تقصير


بيت أبو حميد
يوم السبت
الساعة 6:00 صباحاً


قبل شوية وصل أبو حميد م المستشفى .. ومعه أحمد .. موزة وأمها يتريونه عشان يطمنون عليه .. جان فيه القلب .. وصار له جم يوم ف المستشفى .. لما تطمنوا عليه ساروا يرقدون م التعب اللي فيهم ..

موزة راقدة .. وتليفونها ما سكت م المسجات .. ما تعرف شو السالفة .. كل شوية تنش .. تسكت صوت التليفون وترد ترقد بدون لا تفتح المسجات م التعب اللي فيها .. لين ما عصبت ويات تبا تبنده بس عقب انتبهت إن تليفونها فوق 5 مسجات فيه .. خافت إن يكون شي صاير .. فتحت المسجات .. ربيعاتها يقولون لها إن نتائج القبول ظهرن ويخبرنها وين انقبلن .. أول ما قرت الرسالة .. فزّت من سريرها وسارت تزاقر أمها ..

موزة: أمااااااااااايه .. أماااااااااااايه ..
أم حميد: خير إن شاء الله .. بلاج يا موزة .. شي يعورج ..؟!! ليش تصارخين .. ؟!!!
موزة: امايه النتايج ظهرن .. أبا جريدة بسرعة .. بسرعة ..
أم حميد: والله .. سيري وعي أخوج أحمد خليه يروح إييب لج ..
موزة: ركييييييييييض ..

سارت موزة توعي أخوها .. اللي نش ع طول وغسل ويهه رغم إنه طول الليل جان ويا أبوه .. وجان تعبان م الخاطر بس عشان خاطر أخته نش وسار يشوف لها جريدة من أي محطة جريبة .. طبعاً لف المحطات كلها ليمن لقى جريدة ورد البيت عشان يعطيها موزة اللي كانت خلاص ع أعصابها ..

وصلها مسج من بنت ييرانهم تقولها اطرش لها رقمها عشان تشوف وين انقبلت .. وطرشته .. وعقب شوية ردت عليها تقولها .. بس هي مب مصدقة .. وقالت بتتريا أخوها .. تبا تشوف الجريدة بعيونها عشان تتأكد ..

عقب ما مرت نص ساعة وصل أحمد ..

موزة: كل هاااا تييب جريدة ..؟!! أسميني كنت بروح فيها ..
أحمد: شو أسوي .. لفيت المحطات كلها ماشي ..
موزة: حشا تونا ف أول الصبح وماشي جرايد .. المهم .. عطني إياها خل أشوف وين انقبلت ..

يلست موزة تدور ع رقمها .. لأن النتيجة بالأرقام مب الأسماء .. مرت ع نص الأرقام .. وأحمد وأمها ع أعصابهم ..

أحمد: هاه .. بشري ؟؟
موزة: اصبر .. ما لقيت رقمي ..
أحمد: ويا فيسج .. ركزي زين ع الأرقام .. ترا بتفوتينه جيه ..
موزة: ماشي ..

ويلست موزة تصيح ..

أحمد: هاتي الجريدة أنا بدوره يمكن ما شفتيه زين ..
أم حميد: أكيد ما شافته .. توج تقولين لطوف مطرشتلج تقولج إنج مقبولة ..

أحمد وهو يدور بحذر .. عقب ما تأكد م الرقم ..

أحمد: كاهو كاهو ..
أم سلميان: شو ..؟؟؟
موزة: أحلف ..؟!؟!
أحمد : والله .. فديتج مواز .. انقبلتي ف كلية الأداب والعلوم الإجتماعية ..

أم حميد تزغرط .. وأحمد من فرحته حضن أخته وباركلها ..
أحمد: مبروك عليج يالغالية .. مبرووك والله ورفعتي راسنا ..
أم حميد: تساهلين فديتج .. هذي نتيجة تعبج .. بسير أبشر أبوج موزة: الله يبارك فيكم .. لا يمه .. خليه يرتاح عقب ما ينش بروحي ببشره ...!



شقة أبو حمد – مصر
يوم الثلاثاء
الساعة 8:30 صباحاً



فوز ف دارها راقدة .. وريم بعد .. نشت الساعة 4 تصلي وردت ترقد .. كانت تحلم إن نسبتها ما ودتها مكان .. وما قبلوها ف الجامعة ..

يات أمها تركض .. وسارت صوب سريرها ..

أم حمد: فوز .. فوز .. نشي يا فوز .. نتايج القبول ظهرن ..

أول ما سمعت الخبر .. كأنه حد صب عليها سطل ماي بارد .. حست قلبها بيوقف .. كانت شوية وبتموت ..

فوز: احلفي ..؟!!
أم حمد باستنكار: شو أحلف بعد .. أجذب عليج أنا ...؟؟
فوز: السموحة أمايه بس مب مصدقة .. منو قالج ..؟!!
أم حمد: أم منصور مطرشتلي مسج تقولي النتايج ظاهرات ..
فوز: يا ربي .. وكيف أعرف وين انقبلت ..؟؟ وين ظاهرات ؟؟
أم حمد: قالت ف الجرايد ..
فوز: والنت ...؟!!
أم حمد: ما أدري والله ..
ريم: بلاكم .. شو هالحشرة ...؟!! شصاير ..؟!!
أم حمد: نتايج القبول حق أختج ظهرن ..
ريم: والله ..؟؟
فوز: يمه أبا أعرف وين انقبلت بموت .. ارحموني ..!!
ريم: بلاج خايفة .. نسبتج حلوة .. أكيد الجامعة فديتج ..
فوز: ما أدري والله خايفة .. أنا من وين أييب جريدة أحين ..؟!؟
ريم: ماشي جرايد حقنا هنيه .. أنا أقول تدقين حق ربيعتج وتسألينها أحسن ..
فوز: ما أظن تعرف .. لو تعرف جان دقت تخبرني ..
أم حمد: أخبرج عطيني رقمج وأنا بطرش حق أم منصور عشان تطلع اسمج ..
فوز: ليش مب ظاهرات بالأسماء ..؟!
أم حمد: ما أظن .. لو جيه كانت خبرتنا ع طول وين انقبلتي ..
فوز: ياخوفي ما يقبلوني ..
ريم: عادي .. بيسفرج الوالد برع تدرسين
فوز: لا مب عادي .. أبا أدرس بنسبتي ..
ريم: خبرتج دقي حق ربيعتج ..

شوي ودق تليفون فوز .. كانت موزة مطرشة مسج تقولها إنها انقبلت ف الجامعة .. وتسألها إذا طلّعت نتيجتها أو لا ..

ريم: منو ..؟!
فوز: مواااز .. انقبلت ف الجامعة كلية الآداب ..
ريم: صج .. ما شاء الله عليها .. الله يبارك لها ..
فوز: اصبري بطرشلها رقمي بخليها تشوف وين انقبلت
أم حمد: خبرتج بقول حق أم منصور .. ما بغيتي؟؟
فوز: ما أبا حد غريب يعرف قبلي ..
أم حمد: أم منصور مب غريبة .. نحن أهل وجريب بنصير نسايب وربيعتج مب غريبة ..؟؟
فوز: لا .. أمايه ربيعتي توأم روحي .. وأقرب وحده لي ..
أم حمد: اللي يريحج سويه ..

طرشت فوز حق موزة رقمها .. ويلست تتريا منها رد .. يقولها وين انقبلت ..

شوي ووصل المسج من عند موزة .. وفوز من التوتر ما قدرت تفتحه .. ف عطت ريم تشوف الرسالة ..

ريم وهي تقرا المسج ومتفاجأة ..

فوز: بلاج ...؟!؟! مب مقبولة ف مكان صح ..؟!؟!
ريم: امبلا ..
فوز : وين ......؟؟؟
ريم: كلية التربية تخصص لغة انجليزية ..
فوز: مستحيل ..
ريم: وربي ..
أم حمد: مبروووك عليج يا بنتي ..
ريم: مبرووووك يالدبة .. تستاهلين ..
فوز وهي تبجي : الله يبارك فيكم ..


بيت فهد ريل شمسة - دبي
أخت نورة
يوم الثلاثاء
الساعة 11:00 صباحاً



نورة: الحمدلله ع كل حال .. مشكورة يا موزة .. أنا توقعت إني ما بنقبل ف مكان ..
موزة: العفو فديتج .. ما سويت شي .. جان خاطري نكون ويا بعض ..
نورة: إذا رمستي فوز باركيلها ..
موزة: إن شاء الله .. شو متى بترجعين من بيت أختج ..؟!!
نورة: ما أدري .. بس احتمال أقضي الصيف كله هنيه
موزة: ليش عاد ...؟!!
نورة: بس جيه .. وإنتي وين أحين ..؟!
موزة: ف بيتنا .. رجعت من فترة ..
نورة: أهاا .. ياللا ع الأقل غيرتي جو ..
موزة: هيه والله .. الحمدلله
نورة: وفوز .. متى بترجع من مصر ..؟!!
موزة: ع الأسبوع الياي إن شاء الله ..
نورة: ولهت عليها ..
موزة: وأنا أكثر .. هالدبه من سارت مصر نستنا ..
نورة: ما ترمسينها ع المسن ..؟!!
موزة: لا .. أنا كنت ف العين .. ومن رجعت ارتبشنا ف ترتيبات عرس حميد ..
نورة: ما شاء الله متى بيكون ..؟!
موزة: الملجة عقب أسبوعين .. والعرس لين أحين ما أدري
نورة: بالمبارك ..
موزة: الله يبارك فيج .. المهم بخليج أحين ..
نورة: تمام فديتج .. سلمي ع الأهل
موزة: يبلغ .. وإنتي بعد ردي السلام ..
نورة: إن شاء الله .. فمان الله
موزة: مع السلامة..

أول ما بندت موزة .. يلست نورة تصيح .. تصيح على حظها .. ونصيبها .. ع بدر اللي جذب عليها .. وخليفة اللي طاحت من عينه والدراسة 12 سنة اللي كانت نتيجتها مب لصالحها .. وعلى أهلها اللي متأملين فيها كل خير ..

شمسة: ليش تبجين يا نورة .. شصاير..؟!!
نورة: النتايج ظهرن ..
شمسة: وشو ..؟!!
نورة: ما انقبلت .. نسبتي ما كانت أوكي أصلا .. أنا عارفة إنهم ما يبوني ..
شمسة: خلاص يا نورة .. لا تبجين .. مالج نصيب ف هالشي ..
نورة: أنا أستاهل .. ها كله بسبب إهمالي ..
شمسة: ما ينفع الندم أحينه .. اللي صار صار ..
نورة: خيبت ظني أبوووي وأمي .. كانوا متأملين فيني خير .. جان زين لو أقدر أغير اللي صار ..
شمسة: فديتج يا نورة .. كل واحد ياخذ نصيبه فهالحياة .. ربج ما كتب .. والحمدلله ع كل حال ..
نورة: أنا بسير داري ..


خذت لاب توب أختها .. وفتحت النت .. خطوة لازم تسويها من زمان .. وما سمحت لها الفرصة تسويها من قبل .. لين أحين نورة تبجي .. من درت إنها ما انقبلت ف مكان وهي حاسة بالكره تجاه بدر وتجاه نفسها بعد ..!!

حذفت إيميل بدر .. شرات ما حذفته من قلبها وحياتها .. بلوك وديليت .. وقصة الوهم اللي عاشتها انتهت .. انتبهت إن بريدها متروس رسايل من عند بدر .. شافت تاريخ هالرسايل .. جريب مب من فترة بعيدة .. بس عقب شو ..؟! عقب ما تخلا عنها .. وتركها ..؟!! ما فكرت حتى تفتح تشوف شو ف الرسايل .. وحذفتهن ع طول ..!!

دق باب غرفتها .. دشت عليها أختها .. وبسرعة مسحت نورة دموعها ..

شمسة: نورة ..
نورة: هلا شموس .. تبين شي ..؟!
شمسة: أنا عرفت كل شي ..
نورة: شو اللي عرفتيه ؟؟!
شمسة: عرفت ليش إنتي ياية تقعدين عندي .. وليش تيلفونج مب وياج ..
نورة: منو قالج ..؟!
شمسة: خليفة ..
نورة: خليفة ..؟!!
شمسة: هيه .. خليفة جان هنيه الصبح .. وقالي كل شي
نورة: ووينه أحين ..؟!
شمسة: قال عنده شغل بيخلصه وبيرد ع طول البيت ما بيقعد هنيه
نورة: خلاص يا شمسة .. أنا تعلمت درس .. وما راح أنساه ف حياتي ..
شمسة: انا ما ياية ألومج .. وما أبا أناقشج ف موضوع انتهينا منه .. بس خليفة وصاني أعطيج ها ..
نورة: تليفوني ..؟!
شمسة: هيه .. قال إنه رغم كل شي صار .. للحين واثق فيج ..
نورة: قال جيه ..؟!!!
شمسة: هيه .. وجان تبين تتأكدين خذي تيلفونج ودقي عليه ..

حطت شمسة التليفون ع الطاولة .. وطلعت من دار أختها ..
سارت نورة صوب تليفونها .. وفتحته .. وأول ما فتحته هلت المسجات عليها .. من فوز ومن ربيعاتها ومن بدر ..!!

دق تليفونها .. وجان بدر هو المتصل .. صكته ف ويهه .. ورد يتصل مرة 2 ..

أوف .. شيبي ها .. ما كفاه اللي صار لي بسببه .. خلت التليفون يرن .. وسارت تغسل ويهها .. ولمن ردت دق بدر مرة 3 .. وردت عليه بعصبيه ..

نورة: نعم .. شعندك ..؟!!!
بدر: شفيك حبي .. ليش معصبة ؟؟
نورة: شتبيني أسوي ..؟؟ أضحك ..؟! وإلا أدق طبل ؟؟
بدر: أووووه صايرة حريقة يا قلبي .. هدي .. تصدقين عاد .. اشتقلت لك موووووووووت ..
نورة: وتصدق عاد .. إني مستانسة وايد لأني افتكيت منك ..
بدر: أفاااااااا .. بعد هالغياب كله .. تقولين لحبيبك هالكلام ..؟!!
نورة: ندمانة ندم عمري إني سمحت لنفسي أعرف واحد شراتك ..
بدر: ههههههههههههه ليش حبي ..؟!!
نورة: اسمع يا ولد الناس .. رقمي حذفه .. واسمي انساه .. ولا عاد تييب طاريي ع لسانك يالحقير ..
بدر: بس عاد .. ترا زودتيها .. مسوية نفسك شريفة مكة على وشهو .. هههه اصحي يا بابا .. مينون أنا أعرس ع وحده كلمتني في التليفون من ورا أهلها ..
نورة: وربي حقير .. أكرهك .. أكرهك ..

صكت نورة التليفون فويهه .. ويلست تبجي ع غبائها .. وسذاجتها .. وف ظرف دقايق .. انتبهت ع تليفونها توصلها مسجات من أرقام غريبة .. وأغلبها أرقام شباب يبون يتعرفون عليها .. وقتها عرفت شكثر بدر حقير ونذل .. وما يستاهل ذرة حب .. واضطرت تغلق جهازها .. وقالت بتطلب من أخوها ياخذ لها رقم يديد ....!!





نهاية الجزء
ترقبوا الجزء الثامن
 

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإقامة
BLOoOSH CITY
مااا شاءء الله عليك

كلك ابداااااااااااااااااع

تحياااتي لك واتمنالك التووووفيق اكثر ف طرح وفي الكتاابه

الي الاماااااااااااااااااااااااااااام
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
مااا شاءء الله عليك

كلك ابداااااااااااااااااع

تحياااتي لك واتمنالك التووووفيق اكثر ف طرح وفي الكتاابه

الي الاماااااااااااااااااااااااااااام


awad baloosh

أشكر لك مرورك ^^
والله يعطيك آلعآفية
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية ))

الجزء الثامن


شقة أبو حمد – مصر
يوم الخميس
الساعة 11:30 مساءاً



أبو حمد وأم حمد راقدين وندى سارت النادي مع حمد ومنصور .. فوز ف دارها يالسة ع اللاب توب .. وريم ف الصالة تطالع فلم ..

دشت ريم ع أختها اللي مندمجة في الطباعة ..

ريم: فوزو ..؟!
فوز: هلا ..
ريم: شو تسوين ..؟!
فوز: شو تشوفيني أسوي ..؟!!
ريم: إنزين ممكن تفضين حق أختج شوية .. أبيج ف سالفة ..؟!
فوز: قولي أسمعج ..
ريم: السالفة مهمة أبيج تركزين وياي ..؟
فوز: وها اللاب توب وهديته .. آمري ..؟
ريم: بصراحة هالموضوع من فترة شاغل بالي .. ومن سمعته وأنا أفكر فيه ..

فوز خافت تكون ريم درت شي عن سرها اللي محد يعرفه لين أحين ..

فوز بخوف: شو هالموضوع ؟!!
ريم: وفاة عمتي لطيفة .. أبا أعرف شو سر وفاتها ..؟؟
فوز: وأنا شدراني ..
ريم: فوز أنا سمعتج مرة ترمسين أمي فهالموضوع .. وقلتي إن جيرانا أبو ناصر هم السبب
فوز: ريم الظاهر إنج تبين ترقدين وقاعدة تخبصين ف الحجي ..
ريم: فوز .. لا تنكرين .. بليز قولي الحقيقة ..
فوز: أي حقيقة ..؟!!
ريم: ليش أبويه منعنا نروح بيت بوناصر .. ومنو السبب ف وفاة عمتي ..؟!!
فوز: اسألي أبويه وإلا أميييه أنا ما أعرف شي ..
ريم: سألت أمي ورفضت تقول أي شي ..
فوز: خلاص عيل انسي الموضوع
ريم: ما بنساه .. وإنتي أحين بتقولين لي كل اللي تعرفينه ..!!!



كنت نازلة من داري ف وقت متأخر .. وانتبهت إن ضوء غرفتهم أبوويه شغال .. وأمي وأبوي يرمسون بصوت عالي ..

أم حمد: لين متى بتظل مقاطعنهم با بو حمد .. هذيلا ييرانا والرسول وصى بسابع جار
أبو حمد: آمنة أنا قلت كلمتي فهالموضوع ولا تفتحينه مرة ثانية جدامي
أم حمد: ليش مب قادر تنسى اللي صار .. سنين مرت أحين ع السالفة ..
أبو حمد: تبيني أنسى أختي ..؟! تبيني أنسى اللي سواه ولدهم الحقير فيها ..؟!!!
أم حمد: أبيك تسامح وتغفر ..
أبو حمد: أسامح وأغفر بهالسهولة ..؟!! تبيني أنسى إن أختي ماتت مقهورة ..؟!! تبيني أنسى إن فيوم فرحتها بملجتها تركها وخلاها بحسرتها ..؟!!
أم حمد: بس إنت أحين مقاطع عايلة بو ناصر بكبرها .. وهم مالهم ذنب ف اللي سواه ولدهم ..
أبو حمد: خلينا بعيد عنهم .. كافين خيرهم وشرهم .. وإنتي كثر ما دشيتي بيتهم مالج سيرة صوبهم تفهمين وإلا ما تلومين إلا نفسج
أم حمد: بس الحرمة يات لعندك وطلبت منك تسامحها وتسامح ولدها ..
أبو حمد: عقب شو ..؟!! عقب ما انفضحنا بين العرب ..؟!! عقب ما ماتت لطيفة ..؟!! خلاص يا آمنة صكي ع الموضوع



ريم: بس ليش ولدهم خلاها ..؟!! أكيد شي سبب
فوز: أكيد .. وبصراحة أنا ما ألوم أبويه ..
ريم: منو م عيالهم ..؟!!؟
فوز: عبد الرحمن ..
ريم: طيب شو السبب ..؟!!
فوز: ف اليوم الثاني ع طول سرت عند أمي .. ف البداية ما رضت تقولي وبإلحاح وإصرار مني ولأني عرفت تفاصيل بسيطة عن الموضوع .. قالت لي كل شي ..



فوز: ريحيني يا يمه دخيلج .. وقولي ..
أم حمد: شقولج بالضبط ..
فوز: كل شي صار ..
أم حمد: عمتج لطيفة كانت تحب ولدهم عبد الرحمن .. وهو بعد جان يحبها .. ومحد جان يدري بهالشي .. لطيفة كانت تروح بيتهم عند بنتهم وهناك تشوفه وترمسه بعد ..
فوز: وبعدين ...؟!!
أم حمد: ف البداية اتفقوا ع الخطوبة .. بس صارت مشكلة بينهم اللي هي إن أمه عويش كانت تبيه حق ولد خالته .. وقالت له ياخذ بنت خالته وعقب ياخذ اللي يباها لأن بنت خالته تحبه وتترياه ..
فوز: حلوة هاي .. شو يتحسبون بنات الناس لعبة .. كملي يمه ..؟!!
أم حمد: عقب هالسالفة .. تركوا بعض ولطيفة قاطعتهم 3 شهور أو أكثر .. وبعدها اتصلت أخته تقولها إن عبد الرحمن يبي يرمسها ورمسته وتصالحوا وردت علاقتهم مثل قبل .. بس عويش ما كانت راضية عن هالشي .. وما كانت تعرف وأبوه الله يرحمه كلمه توديه وكلمه تييبه .. ولأنه يحب ولده عبد الرحمن وايد يا معه يخطبون لطيفه .. أبوج رفض بس يدج جان موافق وأصر ع موافقته .. وقرر أبوج ما يتدخل .. وحددوا الملجة .. واتفقوا ع كل شي بدون علم عويش ..
فوز: يا ربيييي .. يعني شو هالعقل .. مصيرها تعرف دامهم يعيشون ف بيت واحد .. وبعدين يمه شصار ..؟!!!
أم حمد: ف يوم الملجة الكل جان حاضر .. ولطيفة كانت متكشخة ع الآخر ومستانسة إنها بتاخذ عبد الرحمن .. وكانت يالسة بدارها تتريا المليج عشان يزقرها تروح توقع .. وصل المليج .. وعبد الرحمن ما يا .. يلسوا ينتظروه ساعة .. وعقبها المليج روح .. وعبد الرحمن طرش ولد عمه يقولهم إنه مب ياي .. وما يبي البنت .. أبوج عصب وصارت كبيرة .. يعني تقولي انفضحنا جدام الناس .. لطيفة أول ما سمعت بالخبر انهارت وسارت تتصل فيه بس ما رد عليها .. وطرشلها رسالة يقولها إنه آسف واللي صار غصب عنه وإنه ما قدر يزعل أمه .. وقالها تشوفلها واحد يستاهلها ..
فوز: بهالسهولة ....؟!!! مستحيل ..!!!!!!
أم حمد: ردت عليه .. وما بجت رمسة ما قالتها من نذل وخسيس وجبان وحقير .. وعقبها طاحت علينا وع طول وديناها المستشفى .. يلست ف المستشفى تقريبا يومين .. وأول ما رجعت بدت الإشاعات تطلع عليها .. محد ما رمس عنها .. فيها شي عشان جيه الريال ما بغاها .. وأكيد سمع عنها شي .. ومن هالكلام .. يعني سمعتها اختربت .. لين ما يا يخطبها واحد يشتغل عندها .. وبدون وعي منها وافقت وتم الزواج بسرعة .. حتى الناس رمسوا إنها تبي تداري ع فضيحتها .. عشان جيه وافقت .. تعرفين بعد الناس ما يخلون حد ف حاله ..
فوز: إنزين ما عرفتوا عبد الرحمن ليش تركها ..؟!!!
أم حمد: عبد الرحمن جان يحبها .. 3 سنوات وهم متواصلين ويا بعض .. يعني أكيد شي قوي منعه .. حتى أذكر ف ليلة زواجها .. لما زفوها جان واقف جدام بيتهم ويطالعها ويبجي .. جان قلبه محروق عليها ..
فوز: ودام يحبها .. شو يخليه يسوي كل ها ..؟!!
أم حمد: قالوا إن أمه كانت تدري بكل شي م البداية .. وإنها مسوية عمل عشان ولدها ما ياخذ لطيفة ..
فوز: شو ..؟!!
أم حمد: اللي سمعتيه ..
فوز: وأم ناصر ليش تكره عمتي لطيفة ..؟!!
أم حمد: هالشي اللي ما قدرت أعرفه .. يمكن ما جانت تبيها لأن شافتها مسيطرة ع ولدها .. وخافت عقب إذا خذته تمشيه ع كيفها
فوز: بس ها مب سبب ..!!!
أم حمد: ما أدري عاد ..
فوز: إنزين وبعدين .. شصار ف عمتي لطيفة ..؟!!
أم حمد: ريلها طلع واحد ما يخاف ربه .. ف أول أسبوع من زواجهم جان يضربها .. واللي عرفناه عقب إن سعود جان خاطبنها من قبل جم مرة .. ورفضته .. وكانت دوم تسمعه الرمسة .. وأول ما درا إن عبد الرحمن تركها ع طول خطبها لأنه جان يبا ينتقم منها .. عقب شهر من زواجها توفت لطيفة بسبب الضرب اللي كانت تاخذه من ريلها .. وريلها شرد م البلاد وقدروا إيودونه وانسجن .. ومن يومها ما ندري عنه شي ..
فوز: لا حول ولا قوة إلا بالله ..
أم حمد: بعد ما توفت .. يدج الله يرحمه ما قدر يتحمل الصدمة .. وجان مريض بالقلب .. مر أسبوع ع وفاة لطيفة وعقبها توفى يدج .. وأبوج من يومها كره عايلة بو ناصر .. وقطع صلته فيهم .. وعقب فترة من ها كله يات أم ناصر تعتذر عن كل شي .. وولدها بعد اتصل فيه ورمسه .. بس بدون فايدة .. مب قادر ينسى اللي صار ..
فوز: يمه .. عقب شو يايين يطلبون السماح ..؟!! اعتذارهم ما بيرد عمتي ولا بيرد يدي الله يرحمهم ..



ريم يلست تبجي .. تأثرت م القصة وايد ..
فوز: ريم .. ما أبا حد يدري شي .. أمي ترا موصتني محد يعرف .. وأنا لو ما سمعتهم يرمسون ما بتقولي ..
ريم: ما بقولها لا تخافين ..
فوز: سيري أحين غسلي ويهج .. وخلينا نرقد صارت الساعة 12
ريم: ارقدي إنتي .. أنا بتريا ندى وحمد لين إييون ..
فوز: ع راحتج ...!!




بيت أبو حميد
يوم السبت
الساعة 4:00 عصراً



يوم الخميس ملج حميد ع مريم .. والعرس عقب أسبوعين .. موزة يالسة ف الحوش تتريا أختها تيي م العين .. والبيت مرتبش بتجهيزات العرس .. العرس راح يكون ف بيت أبو حميد .. بس العروس راح يزفونها بيت حميد ..

أم حميد: موزة ..
موزة: هلا يمه ..
أم حميد: أختج ما قالت متى بتوصل ..؟!
موزة: لا .. قالت ع العصر بتكون هنيه ..
أم حميد: منو بييبها ..؟؟
موزة: أكيد ريلها ..
أم حميد : اتصلي شوفيها وين ..
موزة: إن شاء الله ..

سارت موزة تييب تليفونها من داخل عشان تدق حق أختها .. وهي طالعة انتبهت إن أختها وصلت ..

ميثة: السلام عليكم
أم حميد: وعليكم السلام والرحمة .. هلا ببنيتي .. شحالج فديتج شخبارج ؟؟
ميثة: هلا أمايه .. أنا الحمدلله بخير .. شحالج إنتي .. عساج بخير؟؟
أم حميد: الحمدلله بعافية ..
موزة: هلا هلا ميثوووه .. شخبارج ؟؟
ميثة: الحمدلله .. من صوبج ؟؟
موزة: بخير والله ..
أم حميد: إلا ريلج وين ...؟!!
ميثة: مب ريلي يايبني .. ياية مع سيف وحصة ..
موزة: حصة ياية .. وينها ؟؟؟
ميثة: أحين بتيي .. تنزل الأغراض ..

شوي ودشت حصة ووراها ع طول سيف اللي شال سارة ع إيده .. وسارت موزة تركض تحضنها .. وتسلم عليها .. وسيف مركز عليها ..

حصة: ولهت عليييييج يالدبة ..
موزة: وأنا أكثر ويا راسج .. زين ييتي صوبنا ..
سيف: السلام عليكم والرحمة ..
موزة : وعليكم السلام ..
أم حميد: شحالك يا ولدي ..؟!!
سيف: بخير خالتيييه .. الحمدلله .. شحالج إنتي ؟؟!
أم حميد: الحمدلله يا ولدي .. تعالوا تفضلووا ..
ميثة: سيف هات سارة عنك .. بدخلها داخل ..
موزة: ميثوووه .. رويض وعزوز وين ..؟!!!
ميثة: خاري عند أحمد ..

سارت موزة تشوفهم .. ووقفت عند الباب وزقرت عليهم ..
موزة: روييييض ..
روضة: هاه ..
موزة: مسودة الويه .. تعالي سلمي علييييه .. شو ميلسنج خاري
روضة: أبا أيي بس خالي أحمد مب راضي يخليني ..
موزة: أحمد خليها .. شو تباها ؟؟
أحمد: ههههههههه ولهان عليها وع وسوالفها ..
موزة: إنزين دشوا بسرعة ..

عبد العزيز: هلا خالوووووه شحالج ..؟؟؟
موزة: تخلخلن عظامك قول آمين ..
عبد العزيز: ليش عاد ؟؟
موزة: جم مرة قايلتلك لا تزقرني خالووووه
عبد العزيز: ها من باب الاحترام خالوووه ..
موزة: مالت عليك .. إنت أكبر مني .. ويالس تتفلسف بعد
عبد العزيز: هيه والله .. ولازم تحترميني ..
موزة: قصورك ..
أحمد بهمس : موزة ..
موزة: هاه ؟؟
أحمد: منو البنت اللي يالسة عند ميثة ..؟!
موزة: حصة أخت خالد ..
أحمد: صج ..؟؟
موزة: هيه ..
أحمد: تشبه مهرة واااااايد ..
طالعته موزة بنص عين : أحمدوووو اجلب ويهك أحسن..

سارت موزة عند حصة .. وسيف نش أونه بيدخل السيارة عشان يغسلها .. وعبد العزيز نش وياه عشان يساعده .. وبدوا يغسلون سيارته .. سيف عنده فتك ومتخقق .. والبنات يالسات يسولفن ويا بعض ..
نشت موزة تييب لهم شي يشربونه .. وحصة نشت وياها تساعدها

موزة: ليش ما يابكم خالد ..؟!!
حصة: خالد جان عنده شغل .. وسيف عرض عليه هو اللي يوصلنا
موزة: وليش عاد ؟؟
حصة: ولهان ويبا يشوفج ..
موزة: الله والوله عاد .. أقول اشتغلي بسرعة ..
حصة: لا والله أحيدج إنتي اللي قلتي بتيبين لهم شي يشربونه ..
موزة: أعوذ بالله منج .. انزين ع الأقل ساعديني .. وإلا جدام أحمد بساعدج .. وهنيه بس تهذربين ع الفاضي ..؟؟
حصة: مالت عليج .. شقصدج يعني ..؟!
موزة: ما أدري عنج ..
حصة: هو صج وسيم بس عاد مب لدرجة إني أتعب نفسي عشان أتخقق جدامه
موزة: فديته والله .. أحمد غيييير ..
حصة: الله يخليه لج ويخليج له
موزة: آمين ..

زهبت موزة العصير وظهرن م المطبخ .. صبته ف الأكواب ويلست توزع عليهم .. أمها وأختها وحصة وروضة وعقب سارت صوب الشباب .. ناولت أحمد .. وعبد العزيز وسارت عند سيف تناوله ..

موزة: تفضل ..
سيف: تسلم الأيادي ..
موزة: الله يسلمك ..
سيف: موزتي الأغنية اللي بحطها أحينه إهداء لج ..

سارت موزة بدون لا ترد عليه .. وفداخلها قلبها يرقص رقيص .. ويلست عدال حصة ..

دش سيف السيارة .. وشغل المسجل .. وطول عليه .. عقب ما فتح أبواب السيارة ..

يا أهل هالبيت بشكي بنتكم .. تعبت روحي والله بصدها
اقسمت قلبي اهي لقسمتين .. نصف عندي ونصف باقي عندها
يا أهل هالبيت شوفوا حالتي .. صارلي م العام ناطر وعدها
البشر تسهر كم ليلة وتنام .. وأنا كل عمري سهر من بعدها
أرضعتني الحب وأسقتني الغرام .. وأسقت احساسي أنا من شهدها
وأفطمت قلبي وهو توه صغير .. كن قلوب الناس لعبة بإيدها
دموعي غرقت خدي أنا .. ولا مرت دمعة بخدها
يا أهل هالبيت حلوا علتي .. لاني من قلبي ولا من ودها


موزة: ها أخوج بيذبحني ..
حصة: بلاه ..؟!
موزة: اسمعي أونه هالأغنية اللي حاطنها اهداء حقي ..
حصة: لا لا لا سيفان يسوي جيه .. شهالرومانسية اللي طاحت عليه فجأة ..
روضة: لا تلومينه العاشق الولهان .. عمييييييييييه ..
سيف: هلا ..
روضة: قووووم يووووول ..
سيف: فالج طيب ..

نش سيف ووراه ع طول عبد العزيز وأحمد .. والبنات استانسن وايد .. دق تليفون سيف وسار يرمس ع صوب .. وموزة عيونها عليه .. رغم إن عزوز وأحمد كملوا اليوله ..


سيف : نعم ..؟!!
......: ليش ما ترد ..؟!!
سيف: أنا قلتلكم ما أبا حد يرمسني وأنا عند هلي .. وعارفين زين إني مب ف البلاد .. ليش داقين ..؟!!!
......: ولهت عليك .. وكنت أبا أطمن إذا وصلت أو لا ..
سيف: وصلت .. ومستانس هنيه وايد .. وخربتوا عليه وناستي ..
......: أوكي سوري باي
سيف: باي

طالع سيف ع موزة .. اللي طالعته بنظرة غريبة .. كأنها حست إن المتصل بنت .. وعقبها دشت داخل .. والبنات لحقنها .. أما الشباب ف يلسوا خاري لين ما أذن المغرب وساروا المسيد يصلوا ..!!


بعد الصلاة .. كملوا ترتيبات .. حصة وموزة وروضة يودن البطاقات .. وسيف طلع ويا أحمد وعبد العزيز وصاهم حميد يروحون يشوفون الأثاث ..

أما المعرس ف جان ظاهر يقضي مشاوير .. ووصل عقب شوية ودش عليهم وهم مرتبشين ف التجهيزات ..

حميد: السلام عليكم ..
اليميع: وعليكم السلام والرحمة
أم حميد: هلا ولدي .. وينك م الظهر ما شفناك ..
حميد: سرت أخلص جم شغلة .. شحالج ميثة ..؟!!
ميثة: بخير الحمدلله .. شخبارك يالمعرس .. وشخبار عروستك ؟!
حميد: أخباري طيبة .. والعروس بخير وعافية .. ما شاء الله عندنا ..
ميثة: هيه والله ..
حميد: شحالكن بنات ..؟!!
البنات: بخير الحمدلله ..

دق تليفون حميد .. وظهر خاري يرمس .. جان رقم غريب متصل فيه .. صار له جم يوم ع هالحالة .. يوصله اتصال من رقم غريب وأول ما يرد عليه .. الطرف الثاني ما يرمس .. عصب من هالحركة وتوقع إنه مقلب .. عشان جيه طنش ..
بس عقب وصله مسج .. وهالشي خلاه يشك ويخاف ..

" لا تظن إنك خذيتها .. لأنها لي أنا وبس .. "

استغرب ها منو يقصد ..؟!!! ف ليلة ملجته .. وصله مسج بعد .. من نفس الرقم يقوله ..

" مستانس ..؟!!! مسكين ما تدري إن هالوناسة ما بتدووووم "

طرش مسج حق نفس الرقم ..

" منو معي ..؟!! وشو تبا ....؟!!! "

انتظر الرد .. بس ما وصله شي .. وعقبها دش داخل عند الحريم .. وتفكيره ف صاحب الرقم .. منو ..؟!! وليش يطرش له مسجات .. شو يبا منه ...؟!!!!!!


بيت عبدالله
يوم الأحد
الساعة 2:00 ظهراً



علي بالصالة .. يطالع الأخبار .. وعبدالله ويا حرمته بدارهم .. وميرة ف دارها ..

علي .. أوف .. شو هالملل .. بدق حق سعيد أشوفه وين ..

علي: السلاااااااااااااااام عليكم ..
سعيد: وعليكم السلام والرحمة ..
علي: شحالك يا ولد الخالة ..؟!!
سعيد: بخير وعافية .. م صوبك ..؟!!
علي: ماشي إلا الخير .. وين دارك ...؟!!
سعيد: هالحزة .. وين بكون يعني .. أكيييييد ف البيت ..
علي: تصدق .. ياخي ملاااااااااااان .. شوف لك صرفة ..
سعيد: هههههههه شو أسويلك يعني ..؟!!
علي: ما أعرف .. خلنا نظهر ..
سعيد: شو تتحسب ف بريطانيا الجو بارد وحلوووو ..؟؟ منو يقدر يظهر هالحزة ..
علي: إنزين تعال عندي .. ملل مب عارف شو أسوي ..
سعيد: دش النت رمس صديقاتك ..
علي: سعوووود لا تيلس تفر نغزات زين .. أنا ما عندي صديقات
سعيد: أونك .. أصلاً إنت ما تقدر تعيش بدون صديقة ..
علي: ذليتني ترا .. أصلا مب منك م اللي يدق لك ..
سعيد: ههههههههه أوكي لا تعصب .. بمرك العصر بنروح المول شرايك ..؟؟
علي: حلووووو .. بناخذ ميروووه بعد ..
سعيد: ليش ..؟؟
علي: ليش بعد .. يمكن تبي تاخذ لها شي حق الدراسة ..
سعيد: ليش هي سجلت ..؟؟؟
علي: هيه .. خلاص بتدرس منحة ..
سعيد: لا والله .. وليش ما تبا ف البلاد ..؟؟
علي: ما أدري عنها ..
سعيد: وشو بتدرس ..؟!!
علي: قانون أونها ..
سعيد: شوو ..؟!! أختك أكيد ينت ..
علي: هههههههههه ليش .. عقب بتدافع عنك ..
سعيد: لا مشكور ما أبا حد يدافع عني .. بس صدق شو تبا ف هالتخصص ..
علي: رمستها .. قالت عايبنها ..
سعيد: هالبنت صج دلوووعة .. أشوفها تسوي اللي تبيه .. ولا تاخذ شور حد ..
علي: سعيد ها مستقبلها .. خليها تقرره بروحها ..
سعيد: مستقبلها ف بيت ريلها .. باجر بيي ولد الحلال اللي بيخطبها .. أستغرب شو تبا ف الدراسة ..
علي: شو تبا بعد .. تبا شهادة تنفع نفسها فيها ..
سعيد: بدت الفلسفة ..
علي: المهم أترياك العصر .. لا تتأخر
سعيد: إن شاء الله .. سلم هاه ..
علي: يبلغ .. مع السلامة
سعيد: ربي يحفظك ..

علي: ميرووووووووووه .. ميروووووووووووه ..
ميرة : هاااااااااااااااااااه ..؟؟
علي: تعاالي .. شو تسوين ف دارك ...؟!!
ميرة: شو تبا ..؟!!
علي: هاتي لاب توبي من دااااااري وتعالي برمسك ..
ميرة: إنزين اصبر .. خل أخلص اللي ف إيدي ..

يات ميرة .. وف إيدها اللاب توب .. ناولته علي وسارت تيلس عنده ..

ميرة: بلاك تصارخ ..؟!!
علي: ليش يالسة ف دارج ..؟!! أنا ملان أبا حد ييلس عندي ..
ميرة: يالسة أرتب أغراضي .. ما باجي شي عن الدراسة ..
علي: متى يبدا الدوام ..؟!!
ميرة: عقب 3 أسابيع تقريباً .. عندنا أسبوع تعريفي ..
علي: أهاا .. يعني ف نفس الفترة اللي بسافر فيها ..
ميرة: هيه ..
علي: متأكدة إنج بتروحين تدرسين هناك ..؟!! ترا هناك ناس غير ناسج .. وبلاد غير بلادج ..
ميرة: متأكدة .. تجربة وأبا أعيشها ..
علي: أوكي دام مقتنعة .. ربي يوفقج فديتج .. المهم زهبي نفسج عقب صلاة العصر بنروح المول
ميرة: شو نسوي ..؟!!
علي: تاخذين لج أغراض حق الدراسة ..
ميرة: إن شاء الله .. ممممممم .. شحاله سعيد ..؟!!
علي باستغراب: ليش تسألين عنه ..!؟
ميرة: بس جيه .. من رجعنا م بريطانيا ما يا صوبنا ..
علي: المفروض نحن نسير نسلم ع خالتيه ..
ميرة: هيه والله .. اليوم بنتعشى عندهم .. شرايك ..؟!!
علي: حلو .. أصلا العصر سعيد بيمر علينا .. بنروح المول ويا بعض .. وعقب بنطوف ع خالتي وبنتعشى عندهم ..
ميرة: سعيد بيروح ويانا ..؟!!
علي: هيه .. ليش ..؟!
ميرة: ولا شي ..

فتح علي اللاب توب .. ودش المسن .. وفتح ع المنتدى ..

ميرة: شو .. أكيد تبا تشوف إذا العضوة نزلت شي يديد ..
علي: هيه ..
ميرة: علاوي بسألك ..؟؟
علي: اسألي ..
ميرة: شو سر هالإهتمام الغريب ف كتاباتها ..؟!!
علي: أسلوبها حلو ..
ميرة: وايدين أسلوبهم حلو ف الكتابة ويستاهلون إن نهتم ف كتاباتهم .. ونتابعهم .. بس مب شراتك .. أنا أحس إن فيك هوس ..
علي: عادي ..
ميرة: أخاف تكون معجب فيها ..؟!!
علي: وييييين .. لا تروحين بعيد إنتي الثانية ..
ميرة: يصير ترا ..
علي: قلت لج .. هاي وحده لها حياتها .. ما أعرف عنها شي مول .. وأكيد حد ف قلبها .. دامها تكتب بهالطريقة ..
ميرة: الواحد يتأثر بكتابات شخص .. لمن يشوف إن هالكتابات تشبهه .. بس إنت شو اللي يخليك تتأثر بكتابات إنت ما عايشنها ..
علي: ما أدري يا ميرة ..
ميرة: شوف أنا ما قلت تحبها .. قلت معجب فيها .. انتبه ع نفسك يا علاوي .. ترا اللي يطيح ف بير الحب .. صعب يرقا ..
علي: ميروووووووووه لا تيلسين تهذربين ع راسي برمسة ماشي منها .. أي إعجاب وأي حب وخرابيط ..

دشت بنت تعرف عليها ف الجات المسن ويلس يرمسها .. كأنه يبا يقنع نفسه ويقنع أخته إن اللي ف بالها مب صحيح ..

ميرة: شفيك تضحك .. منو ترمس ..؟!
علي: محد ..
ميرة: ترمس بنت .. صح ؟!!
علي: لا ..
ميرة: لا تخبي علييييه قولي أنا أختك ..
علي: هيه ..
ميرة: منو هاي بعد ..؟
علي: وحده ..
ميرة: وهالوحدة كيف عرفتها ..؟!!
علي: عرفتها وخلاص ..
ميرة: مب زين تلعب ع بنات الناس ..
علي: ما ألعب .. صداقات وبس ..
ميرة: صداقات وبس .. زين والله .. وسعيد عنده شرات هالصداقات بعد ..؟!!
علي: هههههههههه سعيد .. جان زيييييييين ..
ميرة: ليش ..؟!
علي: ع الأقل أحصل شي يجمعنا ..
ميرة: لا والله ..
علي: صج والله .. يعني لو عنده صداقات .. أنا برمسه عن صداقاتي وهو بيرمسنييه عن صداقاته ههههههههه
ميرة: لا تخرب الريال .. خله بعيد عن سوالفك ..
علي: أفا .. أحينه أنا صرت مخرب ..
ميرة: هيه .. تخليه يتعرف ع بنات الناس .. يعني أحينه إنت ما تدري إن البنات قلبهن رهيّف .. افرض وحده تعتبرها صديقتك .. بس هي تشوف إنك حبيبها
علي: ف هالحياة .. ماشي حب .. لعب ومصالح وبس ..
ميرة : بالعكس .. الحب موجود .. بس قول ماشي ناس يعرفون يحبون .. أو يفهمون للحب ..
علي: أشوفج تأثرتي بكتابات العضوة ..
ميرة: ها آخر شي قريته لها .. اليوم الصبح شفته ..
علي: يعني نزلت شي يديد ..
ميرة: هيه ..


أدركتُ متأخرة جداً ..
أن الحب يعيش حالة من الاضطراب
ولذا قررتُ نسيانك ..
فـ الحب .. إما أن يعيشهُ قلبين .. فـ يحيا ..
أو قلب واحد .. فـ يموت ..!
هذا ما تعلمته ..
ولـ ربما ..
مفهوم الحب عند أحدنا خاطئ ..
إما أنني لم أفهم الحب ..
أو أنك لم تعرف الحب يوماً ..!

إلى كل عاشق ..!

سـ أسديك بـ أثمنِ نصيحة
انظر إلى نفسك
وإلى من تحب .. إن كنت حقاً تحبه ..!
فكّر جيداً ..
ماذا تستطيع أن تقدم له .. ماذا تملك أن تعطيه عدا الحب
الراحة ../ الأمان .. / الحياة
انظر إلى جميع هذه الأشياء .. انظر إليها وتمعن
هل تملكها..؟!!
إن أدركتَ أنكَ لا تملك أن تقدم له شيء ..!
وإن حبك له سـ يموت يوماً
بـ أمر الظروف أو القدر ..!
وأنكَ تعلم بـ أنهُ من الصعب أن يكون لك ..
فـ أطلقه ..
دعه يطير ..
لا تخنقه وتسلب حرّيته ..
لا تجعلهُ يصعد سفينة حبك .. ثم تغرقه ...!!


علي: شفتي كيف .. أقولج تحب .. تحب ..
صكر علي اللاب توب من عصبيته ..
ميرة: وإنت بلاج جيه محرج ..؟؟؟
علي: مب محرج ..؟؟
ميرة: شو ليكون مقهور .. لأنها تحب ..؟!!!
علي: ما يخصج ..
ميرة: الله يعينك .. خبرتك لا تعلق نفسك ف وهم .. ترا هاي مجرد شخصية ع النت .. يعني من سابع المستحيلات إن يكون بينكم شي ..
علي: ميرة لا عاد تفتحين هالموضوع مرة ثانية .. وسيري تزهبي أحينه بيأذن الآذان ..

فر علي اللاب توب ع القنفة .. وطلع م البيت سار صوب المسيد عشان يصلي ..

ميرة: غريب هالإنسان .. أقص إيدي بالنص إن ما طلع يحبها .. وإلا شو هالتصرفات الغبية اللي يتصرفها ..

سارت ميرة تصلي .. وعقب الصلاة تزهبت وانتظرت علي ليمن يرد عشان تلبس شيلتها والعبايا ويظهرون .. بس علي تأخر .. دق الجرس وسارت تشوف منو ياي .. فتحت الباب إلا سعيد ف ويهها ..

سعيد بابتسامة: السلااااااام عليكم ..
ميرة: وعليكم السلام والرحمة ..
سعيد: شحالج يالدبة ..؟!!
ميرة: بخير وعافية .. م صوبك ..؟!
سعيد: الحمدلله بخير .. شو بتخليني واقف هنيه .. ؟؟
ميرة: لا .. تفضل دش ..
سعيد: أخوج هنيه ..؟؟
ميرة: لا .. ظهر يصلي ولين أحينه ما رجع ..
سعيد: بلاج ..؟ شي مضايجنج ..؟؟
ميرة: لا بس علاوي من يوم ظهر يصلي ما رجع وأصلا جان ظاهر معصب ومضايج ..
سعيد: شو مضايجنه .. رمسته قبل ساعة ما فيه شي ..
ميرة وهي تتنهد : آآآآآآآه ..
سعيد علامات تعجب ع راسه ..
ميرة: علي يحب ..

نقع سعيد م الضحك .. ما قدر إيود نفسه .. ويلس ع الكرسي الموجود ف الحديقة م زود الضحك ..
وميرة مستغربة ..

ميرة: شو ..؟!! شفيك ينيت .. شقلت أنا عشان تضحك جيه ؟؟
سعيد: قلتي نكته هههههههههههههه
ميرة: سعيد .. بلا غلاسة .. قولي شو اللي يضحك ..؟؟
سعيد: علي يحب .. شو يحب .. اخوج وين والحب وين ..
ميرة: ليش هو مب انسان ..؟!! وعنده قلب ومشاعر ..؟؟ وإلا تتحسب كل الناس شراتك ما تعرف تحب .. ولا عندها ذرة إحساس ..؟!!!!

سعيد اللي جان يضحك .. فجأة وقف ضحك .. عقب ما سمع رمسة ميرة ..

سعيد: شقصدج ...؟!!! شو سالفة هالنغزات اللي تفرينها علييييه ..؟؟؟
ميرة: ما فريت شي عليك .. تفضل دش داخل .. أنا بسير ألبس عبااااتي ليمن إيي علي ..
سعيد: ميرة ..
ميرة: نعم ...؟!!
سعيد: أبا أعرف شو تقصدين برمستج .. ليش قلتي إني ما أعرف أحب .. ولا عندي ذرة إحساس ..؟!! وبعدين إنتي شدراج إني ما أحب ..؟؟!!
ميرة: ما قصدت شي ..

سارت ميرة تركض داخل البيت .. وخلت سعيد بحيرته .. وتفكيره .. هالبنت بتيننه .. كل مرة تقول رمسه .. ويكون هو المعني فيها .. شو قصدها .. وليش تفر عليه هالنغزات ...؟!!!!


الساعة 9 ونص المسا ..

عبدالله ف داره يحاول يهدي ف خولة .. اللي انهارت أول ما درت إن نتيجة الفحوصات سلبية وإنها للأسف ما تقدر تييب عيال .. تبين إن جسمها ما يتقبل العلاج والأدوية .. وهالشي يعني إنها لازم ترضى بقضاء الله وقدره .. عبدالله اللي ف داخله حزين جان يحاول يخفف عن خولة ..

عبدالله: بس يا خولة .. كل شي مكتوب ومقدر
خولة: ليش أنا جيه ..؟؟ ليش .. جان خاطريه أييب لك عيال يترسون البيت ويونسونك .. جان خاطريه أفرح مثل كل الناس ..
عبدالله: فديتج أنا خلاص ما أبي عيال .. دامج إنتي ويايه ما أبا شي م الدنيا ..
خولة: لا تحاول تجذب عليه يا عبدالله .. أنا أدري إن منى عينك يكون لك ولد .. وأدري شكثر إنت تحب اليهال ..
عبدالله : أحب اليهال صح .. بس أحبج إنتي أكثر ..
خولة: وأنا بعد أحبك .. بس ما أقدر أحرمك من حقك فإنك تكون أبو .. ما أبا أكون أنانية ..
عبدالله: قلت لج أنا ما أبا عيال .. شفيج يا خولة ..


كملت خولة صياحها .. وعبدالله م الضيج اللي فيه ظهر م البيت .. ف الوقت اللي كانوا علي وميرة راجعين من بيت خالتهم .. وقالهم عبدالله إن نتيجة الفحوصات كانت سلبية .. سارت ميرة تركض عند خولة عشان تهديها وتكون وياها .. أما علي ف يلس ف الصالة .. وهو مضايج عشان أخوه لأنه يعرف شكثر عبدالله حاط أمل من العلاج وشكثر يتمنى يكون له عيال .....!!!








نهاية الجزء
ترقبوا الجزء التآسع
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية ))

الجزء التاسع


يوم الخميس
بيت أبو محمد
الساعة 5:00 عصراً



أهل فوز اليوم ف بيت أهلهم .. ف الشارجة .. قرروا ياخذون أغراض المدرسة والجامعة وبالمرة يزورا أهلهم ..
أول ما حطت فوز ريولها ف بيت بو محمد .. حست بإحساس غريب مع إنها دوم تزورهم بس هالمره الإحساس مختلف .. حست إنها ياية تثبت لنفسها وللكل إنها نست محمد ونست حبها وذكرياتها معه ..
دشوا أهلها وهي واقفة خاري .. تطالع البيت اللي تعيش فيه ذكرياتها وأحلامها الطفولية .. انتبهت ع أختها ريم تزقرها .. وسارت
سلمت ع أم محمد .. وعلى خواته شما وسما وعلى أبو محمد وعقبها سارت تيلس ..

أم حمد: شحالج يا أم محمد ..؟؟
أم محمد: بخير وعافية .. شحالكم إنتو ..؟!!
أم حمد: الحمدلله بعافية .. وينكم ما تيون صوبنا .. بعيد الشر ما تقولين أهل ..؟!!
أم محمد: والله أشغال الدنيا ماخذتنا .. وعاد اللي يسمع أحين يقول إنتو دوم عندنا ..
أم حمد: والله لو بشوري .. كل يوم بيي عندكم .. بس تدرين بعد المكان بعيد وما عندي غير بو حمد وإلا حمد .. ودوم مشغولين ..
أم محمد: عاذرتنج فديتج ..

البنات راحن ع صوب .. وأم محمد وأم حمد كملن سوالفهن ..


عند البنات ..

شما : والله زين شفناكم .. وحشتونا ..
فوز وريم: تسلمين .. وإحنا بعد ولهنا عليكم ..
سما: شو ريم خلصتي دراسة ..؟!!
ريم: أخييييييييييرا ..
شما: ما شاء الله مبروووك عليج .. ومتى حفل التخرج ؟؟
ريم: ع شهر 11 .. بس احتمال ما أحضر ..
سما: ليش ؟؟
ريم: بسافر إن شاء الله ع شهر 10 ..
سما: وين ..؟؟
ريم: بريطانيا .. بكمل الماستر ..
سما: ما شاء الله عليج .. مره حار بحار ..
ريم: هههههههههه هيه ..
شما: فوز ..
فوز: هلا
شما: بلاج ما ترمسين ..؟؟؟
فوز: سوالفكم تسد .. ما يحتاي أرمس ..
شما: بالعكس .. لازم ناخذ علومج .. جم كانت نسبتج ؟؟ ووين بتدرسين ؟؟
فوز: 90 .. بدرس ف الجامعة تخصص تربية انجلش ..
شما: ما شاء الله ..
ريم: وإنتي سما وين تدرسين ؟؟
سما: أنا السنة الياية آخر سنة ف المدرسة ..
فوز: الله يوفقج .. وشدي حيلج عاد
سما: إن شاء الله ..
ريم: وإنتي شما ...؟!!
شما: أنا خلصت دراسة .. وع طول ملجت .. وإن شاء الله العرس ف إجازة الربيع .. ونترياكم عاد ..
ريم: إن شاء الله .. ومحمد شخباره ..؟!!!
سما: محمد جدامه سنتين وبيخلص دراسة ..
ريم: شو تخصصه هو ..؟؟
سما: تقنية معلومات ..
فوز: حلو .. ربي يوفقه ..

نشت شما ووراها ع طول أختها سما .. عشان إييبون العصير حق فوز وريم ..

ريم: فوز ..
فوز: هلا
ريم: ليش أحسج مب متحمسة حق هالزيارة ..؟؟
فوز: عادي ..
ريم: شو اللي عادي .. مب حاطة ف بالج تشوفين محمد ..؟!!
فوز: بتصدقيني إذا قلت لج لا ..؟!!
ريم: لا ما بصدقج ..
فوز: مب مهم عندي .. ليش إنتي ما تدرين إني نسيته ..؟؟
ريم: نسيتيه ..؟!! قولي هالرمسة حق حد ثاني ..
فوز: أوكي .. أحاول أنساه ..
ريم: ليش ..؟!
فوز: ما أبا أتعذب أكثر .. أبا أركز ف دراستي .. وأنسى كل شي يذكرني فيه ..
ريم: من متى هالرمسة ..؟!
فوز: من 6 شهور تقريباً ..
ريم: زين والله .. الحمدلله بديتي تفكرين بعقلج شوية ..
فوز: أصلاً أنا ياية ومب حاطة ف بالي أشوفه .. أحينه فوق 4 مرات يينا صوبهم ولا شفته .. بشوفه اليوم .. وحتى لو شفته شو اللي بيتغير ..؟!!
ريم: ما تعرفين .. يمكن وايد أمور تتغير .. مممممممم طيب إنتي ليش ما قلتي حق سما أو شما ..

سما: شو تقولنا ...؟!!
شما : تفضلوا ..
ريم: ليش تعبلون ع روحكم .. نحن مب غرب .. من هل البيت
شما: أفا عليكم .. والغرب مش أحسن منكم ..
ريم: تسلمون والله ..
سما: شو ..؟!!
فوز: هاه .. ولا شي .. وفوز ف خاطرها تدعي ع أختها ..
ريم: مب فوز تبي تاخذ أغراض حق الجامعة .. بس ما تعرف كل الأماكن اللي هنيه .. ف أقولها لو تقولين حق سما أو شما .. بيساعدونج ..
سما: أهااااا .. فديتج جان تبينا بنروح وياج بعد .. بنقول حق الدريول يوصلنا ..
فوز: ليش الدريول .. بنقول حق حمد وإلا أبويه بيودونا ..
سما: أوكي .. ونحن بنسير ويا محمد ..
فوز: أخاف عندكم شي .. ونعطلكم عن أشغالكم ..؟؟
شما: أفا عليج .. عادي ما ورانا شي .. وبالمرة سما بتاخذ أغراض المدرسة ..
ريم: حلو عيل .. عقب المغرب بنطلع ..

كملوا الرمسة لين ما أذن المغرب وبعدها سارن يصلن ويتزهبن حق الطلعة للسوق ..

ريم يلست ف دار شما .. تنتظرها ليمن تخلص عشان ينزلون ويا بعض .. أما فوز ف من خلصت مصلية .. نزلت تشوف أختها ندى .. لأنها كانت راقدة .. دشت غرفة الضيوف .. وشافتها ع حالها .. ف طلعت برع .. تنتظرهم يزهبون عشان يروحون يتسوقون ..
ف الوقت اللي محمد ياي فيه م الصلاة .. وقف سيارته .. ونزل .. أول ما شاف فوز توقع إنها وحده م خوات حمد .. وقف عشان يخليها تمر .. وفوز أول ما شافته حست قلبها يتقطع .. سلمت ومرت بهدوء .. ومحمد رد السلام وكمل طريقه ...!!!

بدون لا تحس .. نزلت دمعتها .. لأسباب وايد .. يمكن لأنها شافته وهي ما كانت تبا تشوفه .. عشان ما ترد لحالتها القبلية .. أو يمكن بسبب موقفه .. اللي بين عدم اهتمامه أو لا مبالاته .. ما تعرف شو سبب صياحها .. بس كانت تتمنى ترد البيت ..!!!

نزلن البنات .. ووصل أبوها وحمد م الصلاة .. لزموا هل محمد إنهم يباتون عندهم اليوم .. وأبو حمد ما قدر يردهم .. وظهروا الشباب ف سيارة وحده .. حمد ومحمد وخواتهم .. والباجين يلسوا ف البيت ...!!



بيت أبو حمدان
يوم الأحد
الساعة 8:00 مساءاً



من وصلت نورة البيت وهي يالسة ف دارها .. مالها ويه تطالع أهلها خصوصا عقب ما خيبت أملهم ف إنها تروح مكان بدل قعدة البيت .. خليفة هو اللي يابها م دبي .. وطول الطريق جان ساكت ماله خاطر يرمس وياها .. رغم إنه نسى اللي صار .. نورة كانت ترمسه بس لما شافت إجاباته ع قد السؤال .. فضلت السكوت .. وطبعاً طلبت منه رقم يديد .. وما قصر ع طول سار ياخذلها ..


دق الباب .. ودش .. يلس ع الشبرية .. ونورة كانت واقفة وتطالع برع ..
خليفة: ليش يالسة بروحج ...؟!!
نورة: مالي ويه أطالع ف أبوي وإلا أمي ..
خليفة: ولمتى بتمين جيه ..؟؟
نورة: ما أدري ..
خليفة: نورة .. الحياة تجارب .. نتعلم منها .. مالج نصيب ف شي .. مب معناته مالج نصيب ف كل شي .. بالعكس .. لا تفكرين إن إذا الله ما عطاج شي تبينه يعني خلاص .. نهاية الدنيا .. لازم تعرفين عدل إن كل شي يصير لنا مكتوب ومقدر .. وإن الخيرة ف اللي ربنا يختاره لنا ..
نورة: الحمدلله ع كل حال ..

دق تليفونها .. جان مسج واصلنها .. بس ما تحركت من مكانها ..

خليفة : شوفي منو مطرشلج مسج
نورة: مب لازم .. عقب بشوفه
خليفة: شوفيه ألحين ..

تحركت نورة صوب التليفون .. وقرت المسج ..

نورة: فوز ..
خليفة : شو تبا ..؟!!
نورة: تقولي بتدق علي عقب شوية .. وتسألني إذا كنت فاضية ..
خليفة: ليش هي رجعت من مصر ..؟!!
نورة: هيه ..
خليفة: شرايج فيها ..؟؟!!
نورة: منو ..؟!
خليفة: فوز ..
نورة: ليش تسأل عنها ..؟!!
خليفة: بخطبها
نورة: شو ..؟!!
خليفة: شفيج .. أبا أعرس .. وأفكر أخطبها ..
نورة: وما لقيت إلا فوز ..
خليفة: وليش مب فوز ..؟!
نورة: ما أعرف ..
خليفة: تعرفين عنها شي مب زين ..؟!!
نورة: ابد .. بنت ناس وحشيم .. والنعم فيها وفأهلها ..
خليفة: عيل ..؟
نورة: تفاجأت .. يعني إنت ما تعرفها .. ولا حتى شفتها ..
خليفة: رمستها ..
نورة بصدمة : شو ..؟!!!!
خليفة: رمستها ..
نورة: وين ..؟!!
خليفة: ف التليفون ..
نورة: مستحيل .. ما أصدق ..
خليفة : وربي رمستها ..
نورة : متى ..؟ وليش ..؟!
خليفة: قبل فترة لما جان تليفونج عندي .. دقت عليج وجان المكالمة دولية وتوقعت إن بدر الحقير هو اللي داق ف رديت ..
نورة: اهاااااا ..
خليفة: المهم شقلتي ..؟؟
نورة: ف شو ..؟
خليفة: أبا أخطبها
نورة: ما أدري ..
خليفة: خذي رايها ..
نورة: البنت وراها دراسة ..
خليفة: وين ..؟!!
نورة: انقبلت ف الجامعة تربية انجلش ..
خليفة: ما شاء الله عليها ..

دق تليفون نورة .. اتصلت فوز فيها .. وردت عليها نورة بسرعة

فوز: السلام عليكم ..
نورة: وعليكم السلام والرحمة ..
فوز: شحالج نوارة ..؟؟
نورة: بخير وعافية .. شحالج إنتي ..؟؟
فوز: الحمدلله بخير..
نورة: الحمدلله ع السلامة
فوز: الله يسلمج .. وإنتي بعد الحمدلله ع السلامة ..
نورة: ربي يسلمج ..
فوز: شو متى رجعتي م دبي ..؟؟
نورة: اليوم .. فديتج مبارك عليج القبول ..
فوز: الله يبارك فيج .. والله جان خاطريه تكونين ويانا
نورة: ما عليه .. الله ما كتب ..
فوز: وشو الأخبار الثانية ..!؟!
نورة: الحمدلله بخير .. كل الأمور طيبة ..
فوز: عسى دوم يا رب .. يعني خلاص كل مشاكلج انحلت ؟؟
نورة: الحمدلله .. ومشكورة يا فوز ع مساعدتج
فوز: فديتج أنا ما سويت شي .. ونحن ربع .. اليوم أنا وياج وباجر إنتي راح تكونين ويايه .. وإلا مب جيه ..؟
نورة: أكيد ..

خليفة : اسأليها عن رأيها ..
نورة تأشر عليه .. بلا .. يعني ما تبا ..
خليفة: عشان خاطر أخوووج ياللا ..
نورة: ما أقدر ..

فوز: بلاج صخيتي ؟؟ حد عندج .؟؟
نورة: هاه .. لا أبد .. ما قلتيلي .. كيف كانت مصر ؟؟
فوز: الحمدلله استانسنا وايد .. الجو عندهم رووووعة ..
نورة: عسى دوم هالوناسة ..
فوز: وياج
نورة: ومواز شفتيها ؟؟
فوز: لا والله .. بس أرمسها .. شو عزمتج على عرس أخوها الخميس الياية ؟؟؟
نورة: هيه ..
فوز: بتحضرين ؟؟
نورة: لين أحين ما أعرف ..
فوز: تعالي خل نتيمع .. عقب إذا بدت الدراسة ما بنشوف بعض
نورة: يصير خير ..
فوز: المهم عيل بخليج أحينه قلت بسأل عن أخبارج ..
نورة: تسلمين والله ..

خليفة يترجا نورة تقولها قبل لا تصكر .. بس هي ما عاطتنه ويه

فوز: سلمي ع الأهل وااايد
نورة: إن شاء الله .. مممممممم فوز ..؟؟
فوز: هلا فديتج .. ف خاطرج شي ؟؟
نورة: هيه
فوز: آمري ..
نورة: ممممممم ماشي فديتج مب شي مهم .. إذا شفتج يوم الخميس بقولج ..
فوز: قولي أحينه عادي ترا ..
نورة: أحسن نشوف بعض وأرمسج .. ما يصير ف التليفون
فوز: عاد أحينه بتخليني أحاتي ..
نورة: لا تحاتين أبدا .. ما صاير شي ..
فوز: اوكي ع راحتج .. ياللا فمان الله
نورة: ربي يحفظج

خليفة: ليش ما سألتيها ..؟!!
نورة: إنت من صدقك ..؟؟ موضوع مثل ها ما ينقال ف التليفون .. لازم أشوفها وأرمسها عشان أعرف ردة فعلها ..
خليفة: إنزين باجر روحي البيت عندها .. واسأليها ..
نورة: بشوفها يوم الخميس .. وبرمسها
خليفة: وأنا شو يصبرني للخميس .. لو عرفت رايها ووافقت أنا الخميس ساير أخطب ..
نورة: ليش مستعيل هالكثر .. البنت ما بتطير
خليفة: وإذا طارت ؟
نورة: ما بيطيرها إلا حنتك .. أنا مستغربة كيف من رمسة فون ومرة وحده بس حبيتها
خليفة: البنت حشيم .. وعيبني أسلوبها
نورة: لا تحط أمل كبير إنها توافق ..
خليفة: ليش..؟
نورة: ما أعرف بس أحسها بترفض
خليفة: فال الله ولا فالج .. ها بدل لا تدعين حق أخوج إنها توافق وتتسهل أموري وياها
نورة: إنت تستاهل كل خير وشرات فوز ما بتلقى بس عاد لا تجزم بشي لين ما أرمسها وآخذ رايها ..
خليفة: أوكي .. إنزين ممممممممممم
نورة: شو بعد ؟؟
خليفة: هي كيف شكلها ؟؟ حلوة ؟؟؟
نورة تطالعه بنص عين: شهالسؤال ؟؟ ما بجاوبك ..
خليفة: صج والله قولي .. كيف شكلها ..
نورة: حلوة ..
خليفة: يعني مناسبين حق بعض ؟؟
نورة: ممممم كشكل هيه .. بس طباع لا ..
خليفة: ليش ؟؟
نورة: فوز هادية وإنت رباش ..
خليفة: عادي إذا خذيتها بعلمها ع الربشة ..
نورة: ههههههه الله يعينها ..
خليفة: صح ما خبرتج ..؟
نورة: شو؟
خليفة: أبويه ..
نورة: بلاه ؟؟
خليفة: جان يرمس حمدان بخصوص دراستج
نورة: أي دراسة ؟؟
خليفة: يفكر يطرشج دبي تدرسين
نورة: لا والله
خليفة: هيه والله بس قال بياخذ رايج قبل
نورة: ما أدري أخاف أثجل عليه بمصاريفي
خليفة: الحمدلله الخير وايد .. إنتي فكري ورديله خبر
نورة: إن شاء الله
خليفة: بروح عنج ألحين .. ولا تنسي موضوعي
نورة: فالك طيب
خليفة: فالج ما يخيب ..


بيت أبو حميد
يوم الخميس
الساعة 2:30 ظهراً



حميد المعرس يالس ف الصالة .. يفكر ف المسجات اللي بدت فجأة تنهال عليه مع قرب موعد زواجه

موزة: حميد ..
حميد: هلا .. تبين شي؟؟
موزة: بلاك يالس جيه تقول شايل هموم الدنيا كلها فوق راسك
حميد: ما فيني شي
موزة: اليوم عرسك المفروض تكون مستانس .. صاير شي؟؟
حميد: لا ..
موزة: أوكي ع راحتك ..

سارت موزة .. وفتح حميد تليفونه ويلس يقرا المسجات ..


" ههههههههه محد كثرك كاسر خاطري .. خصوصاً لما تدش ع حرمتك وتكتشف إنها ................. هههههههههههه"

" شو المعرس .. زاهب حق هالليلة ...؟!!!
تعرف عاد .. أنا هديتي لك راح تكون من نوع خاص .. إن شاء الله جريب راح تعرفها "

" إنت لوح ما تفهم ..؟؟ البنت تبيني أنا وبينا قصة حب وعشق من زماااااااااااااااان هههههههههههه "


ومسجات وايد غيرها .. الغريب إن هالمسجات ما أثرت ف حميد يعني لو واحد 2 ما جان انتظر لين زواجه وع طول حاول يفهم السر ورا هالمسجات ..!!
وهو نفسه مستغرب حتى لمن يحاول يسأل حرمته عن أي شي يخص هالرقم يحس إن لسانه ينعقد وما يقدر يرمس ..!!!!


الساعة 8:00 مساءاً

المعازيم ترسوا الخيمه واليويله مخلين جو العرس غير .. حميد واقف عند أخوه أحمد وعنده عيال أختهم وريلها وخوانه وربعه

دق تليفونه بمسج وسار ع صوب عشان يقرا المسج ع راحته .. نفس الرقم مطرشله مسج

" دقايق بس وراح توصلك هديتي ومبرو و و وك عليك مريومتي "

ما انتظر وايد لين ما وصلته رسالة وسايط .. أول ما فتحها تفاجأ م اللي شافه .. صك الرسالة ع طول وسار صوب المطبخ يشرب ماي م صدمته!


عند البنات ..

فوز: مواز .. شو سالفتج محلوة ؟؟
موزة: احم احم .. امبوني حلوة
فوز: أدري بس زايدة حلاة ..
موزة: دبه حق شو تلمحي ؟؟
فوز: ماشي ..
موزة: قولي ..
فوز: سيف هنيه ؟؟
موزة: هيه .. من أسبوع
فوز: ما شاء الله .. وما صار شي ..؟!!!
موزة: وايد
فوز: شو ؟؟
موزة: تبيني أحكي لج كل الأفلام أحينه ؟؟
فوز: لا خلي شي حق الجامعة
موزة: ع طاري الجامعة .. شو خلصتي أغراضج ؟؟
فوز: هيه سرت الشارجة الخميس اللي طافت
موزة: وليش الشارجة بالذات ؟؟
فوز: أبويه قال بيروح يشوف أهله ..
موزة: سرتوا بيتهم حمّووووود؟؟؟
فوز: هيه ..
موزة: وشو صار ؟؟
فوز: صار اللي ما جان ف البال .. ولا ع الخاطر
موزة: تمزحي ؟
فوز: وربي ..
موزة: شفتيه ؟؟!!
فوز: وياليتني ما شفته ..
موزة: ليش؟؟
فوز: شو أقولج ..؟ كنت سايرة أثبت حق نفسي إني نسيته .. بس من شفته كل شي اختفى ..
موزة: رمستوا ..؟!!
فوز: تعرفين شو اللي عور قلبي ؟؟
موزة: شو ؟؟
فوز: إنه حتى بوجودي بينهم ما جان حاس .. يرمس ويا ريم عادي بس أنا حتى صوبي ما يطالع ..
موزة: يمكن شي ف خاطره صوبج عشان جيه يستحي يرمسج
فوز: ما أعتقد ..
موزة: يعني أبدا ما صار بينكم موقف .. وكنتوا فيه مع بعض عشان ترمسون؟؟
فوز: صار ..
موزة: شو ؟؟
فوز: سرنا المول نتسوق أنا وريم وخواته شما وسما وهو وحمد أخويه .. خذيت تقريبا كل أغراضي وكنت أمشي وراهم بس تفكيري بعيد .. دشوا محل الشوز وما انتبهت عليهم ف كملت طريقي لين ما وصلت نهاية المول .. يلست أدورهم محل محل بدون فايدة مالهم أثر دورت ف جنطتي ع فوني بس ما حصلته وتذكرت عقب إني حطيته ف الجراجه.. ما عرفت شو أسوي شفت محل عصاير .. دشيت خذيت لي عصير.. ويلست ع كراسي محطوطات برع المحل..

موزة : هههه يا مبرد فوادج
فوز : ترا فوادي البارد هو اللي سبب لي مشاكل
موزة : كيف؟

انتبه عليه محمد وأنا يالسه .. وكالعادة سرحانة ..

محمد بصوت عال: ما شاء الله ع الأخت .. نحن جالبين الدنيا فوق حدر ندور عليج وانتي حضرتج يالسه هنيه
فوز تطالعه بنظرة بريئة .. وعيونها بدت تدمع ..
محمد: شو تسوين هنيه ؟؟ ما خلينا مكان ما دورناج فيه .. وعقب كل واحد سار صوب يدور .. وإنتي ولا على بالج ..
فوز: شسوي إنزين .. دورت عليكم ما لقيتكم .. ويلست أرتاح شوية ..
محمد: ترتاحين ؟؟؟ يا مبرد أعصابج .. طوفي جدامي .. طوفي
فوز: وليش ترمسنيه جيه ؟؟
محمد: برمسج بالطريقة اللي تعيبني .. إنتي أصلا مب ويه مولات
فوز: إنت مب أخويه .. كيف تسمح حق نفسك تعلي صوتك عليه ؟؟
محمد: بلا كلام فاضي .. امشي جدامي أشوف ..

نشت فوز .. وخلاص ما قدرت تتحمل ويلست تصيح .. محمد جدامها وهيه تمشي وراه ع طول .. طالعها ..
محمد: وليش غالقة جهازج حضرتج ؟؟؟
فوز ما ردت عليه ..
محمد: أسألج .. تليفونج وين ؟؟؟ ليش مغلق ؟؟
فوز وهي تمسح دموعها : ف البيت ..
محمد: أستغفر الله العظيم ..

فوز: كملنا طريقنا .. لين وصلت عند حمد أخويه حسيت بالأمان شوية .. وعقب طبعاً الكل لاموني .. بس أنا كنت أصيح وما أرمس .. وقرروا يرجعون البيت ..
موزة: خيبة .. بلاه ها يصارخ ؟؟ أعوذ بالله منه
فوز: شدراني .. تقولين ذابحة عليه غالي ..
موزة: وما إعتذر ...؟؟
فوز: غصبا عنه بيعتذر ..
موزة: شقال ..؟؟


فوز: المسا عاد .. ترا نحن رقدنا ف بيتهم .. ما ياني رقاد ونزلت أتحوط ف حديقتهم .. وخذيت معي ورقة وقلم عشان أكتب .. شغلت إضاءة بسيطة ويلست ع الكراسي .. كنت محتاية أكتب وقتها .. ومن زود القهر اللي فيني يلست أصيح ..

انتبهت ع سيارته إدش البيت .. وقفها وجان بيدش بس الظاهر إنه لاحظ وجودي ف الحديقة .. ويا صوبي ..

محمد: السلام عليكم ..
فوز: وعليكم السلام والرحمة ..
محمد: شو ميلسنج هنيه بروحج ..؟!!
فوز: ما ياني رقاد ..
محمد: دشي داخل .. مب زين تيلسين لهالحزة خاري ..
فوز: أنا مرتاحة جيه ..
محمد: وليش تبجين ؟؟
فوز: ما أبجي ..
محمد: إمبلا تبجين .. شي يعورج ..؟!!
فوز: لا ..
محمد: أوكي .. أنا ساير أرقد ..

سار محمد .. بس عقب كأنه تذكر شي .. ورجع ..

محمد: فوز..؟
فوز: نعم ..!

رجع صوبي .. وقف عند الكرسي اللي جدامي .. ويطالعني ..

محمد: أنا أسف لأني صرخت عليج ف المول
فوز: حصل خير ..
محمد: بس إنتي غلطانة .. إنتي مب ياهل عشان تضيعينا .. ونحن مضطرين ندور عليج .. شو بنخليهم ينادون اسمج ف المول .. أظن إنتي مب ياهل عشان نسوي جيه ..
فوز: جان روحتوا عني وريحتوا عمركم .. مب لازم تدورون عليه
محمد: هههههههههههه إنتي جهازج مو وياج .. وبعد تبينا نروح .. ما تعلميني كيف بتردين البيت ؟؟
فوز طالعته بنص عين : وايد تكاسي ف البلاد ..
محمد: أونه .. زين زين .. المهم أنا أعتذر حسيت نفسي زودتها شوية .. بس كنت محرج عليج .. وعلى برودج ..
فوز: أنا باردة ..؟؟ عيل إنت شو تطلع ..........؟!!!!

موزة: هههههههههههه شقصدج ؟؟
فوز: كنت أبا أبين له إن ماشي إنسان أبرد منه ..
موزة: وحس ؟؟
فوز: هيه .. أنا خذيت الورقة والقلم وسرت أرقد عنه .. وبالباجر عاد ياتني سما تسألني .. تقولي إن محمد رمسها عن اللي صار بينا .. ويبا يعرف شو كنت أقصد .. قلت لها مب قصدي شي ..
موزة: والله إنج فلم .. بس مممممم حسيت إن محمد شخصية ثانية .. غير عن الشخصية اللي كنتي ترمسينا عنها ..
فوز: محمد من يومه وهو مغرور وشايف نفسه .. مسوي نفسه الكل ف الكل .. محد يقدر يقوله شي .. بس الواحد لمن يحب .. ما يشوف إلا محاسن حبيبه .. وإلا العيوب بعيييد ..
موزة: طيب .. وشو نفسيتج أحينه ؟؟
فوز: آآآآآآه ما أدري شو أقولج .. بس أنا اللي أقول بنساه وبنساه .. رجعت من بيتهم .. مب جأني مسوية شي .. أقول بلا نسيان بلا خرابيط ..
موزة: ههههههههههه الله يعينج ..

دشت عليهم نورة اللي توها ياية ..

نورة: السلااااااااااام عليكم والرحمة ..
فوز وموزة: وعليكم السلام والرحمة ..
فوز: تو الناس آنسة نوووورة ..
نورة: سووري والله أدري تأخرت .. بس خلووف سار عند ربعه وتأخر ..
فوز: شحالج يالويه ؟؟
نورة: بخير وعافية .. شحالج إنتي ؟؟ شو تعشيتوا عني ؟؟
موزة: واحنا نئدر خخخخ
نورة: تحسبت بعد ..
موزة: أخوج ما نزل ..؟؟
نورة: لا .. سلم ع المعرس وسار ..
موزة: أهااااا ..
نورة: ووين باجي البنات ؟؟؟
موزة: مرتزات فوق يطالعن اليويله ..
نورة: ههههههههه وإنتن ليش يالسات هنيه ؟؟
فوز: نترياج .. وكنا نسولف ..
موزة: أحينه بيي .. بروح أقولهم إييبون لنا العشا ..
فوز: أوكي فديتج ..

نشت موزة .. ويلست نورة .. وهي تبا تفاتح فوز ف الموضوع .. خليفة يطرشلها مسجات كل شوية يذكرها .. وقالت أحسن تفك عمرها من حنته ..

نورة: شحالج فواز ؟؟
فوز: بخير وعافية .. شحالج إنتي ؟؟
نورة: الحمدلله .. كل شي تمااااااموو .. خلاص قررت أدرس
فوز: وين ؟؟
نورة: ف دبي ..
فوز: ما شاء الله .. بالبركة ..
نورة: الله يبارك فيج .. فواز ...؟!!
فوز: هلا فديتج
نورة: أبا أرمسج ف موضوع ..
فوز: إنتي م المرة اللي طافت عندج رمسة وتبين تقولينها ..
نورة: هيه والله ..
فوز: شو قولي ..
نورة: ما أعرف كيف ابدا معج ..
فوز: هههههه بالطريقة اللي تريحج .. بلاج خايفة ..
نورة: أخويه .. خليفة رمسني عنج ..
فوز باستغراب: أخوج ..؟؟ وعني أنا ..؟!!
نورة: هيه .. قال إنه رمسج مرة ف التليفون ..
فوز وهي بدت تسترجع ذكريات هاك اليوم ..



فوز: السلام عليكم ..
خليفة: وعليكم السلام والرحمة ..
فوز باستغراب: مو ها رقم نورة ..؟!
خليفة: نعم هو ..
فوز: ممكن أرمسها ..؟!!
خليفة: منو إنتي ؟!!
فوز: رفيجتها ..
خليفة: من وين .. وليش تبينها ؟!!
فوز: شو هو تحقيق ؟؟
خليفة: لا مب تحقيق .. بس ظاهر عندي رقم دولي ..
فوز: شو أحين بتعطيني إياها أو لا ...؟!!
خليفة: أبا أعرف من وين ..؟!!
فوز بعصبية: أنا ف مصر .. وداقة عليها من رقمي هنيه .. ممكن أرمسها ...؟!!
خليفة بابتسامة: إنزين لا تعصبين .. لا مب ممكن ..
فوز: أوكي جان قلت من أول .. فمان الله
خليفة: لحظة ..
فوز: نعم ؟!
خليفة: السموحة منج .. بس التليفون عندي وأنا ظاهر ..
فوز: والتليفون شو يسوي عندك ؟؟
خليفة: يصور معي ..
فوز: أخوي ..
خليفة : نعم آمري ..
فوز: في شي اسمه احترام .. يفترض تكون تعلمته لمن ترمس حد ما تعرفه .. أنا مب أختك ولا أقرب لك عشان ترمس وياي بهالطريقة ..
خليفة: أوكي أنا آسف .. والسموحة منج .. نورة مب موجودة
فوز: أوكي .. مع السلامة
خليفة: ربي يحفظج ..


نورة: فواااااز .. وين سرتي ؟؟
فوز: هاه .. وياج ..
نورة: لا مب ويايه .. رحتي بعيد ..
فوز: تذكرت المكالمة .. إنزين كملي رمستج ..
نورة: أتمنى إن خلوف ما ضايجك ..
فوز: حصل خير فديتج ..
نورة: إنزين .. قبل جم يوم رمسني .. جان يسألني عنج ؟؟
فوز: يسألج عني ؟؟
نورة: هيه .. مممممم فوز بصراحة بصراحة أخويه يبا يخطبج .. ومطرشني آخذ رايج ..

دشت موزة ف هاللحظة .. ويايبة العشا وياها .. وفوز من سمعت رمسة نورة صخت .. ما عرفت شو تقول .. حتى نورة ما عرفت تفسر ملامحها ..

موزة: منو ها اللي مطرشنج ..؟؟ وتاخذين رايها ف شو ؟؟
طالعت نورة ع فوز .. وسكتت ..
موزة: بلاكن جيه .. صاخات ؟؟؟!!
نورة: ماشي ..
موزة: لا فيه شي .. أنا مودرتنكن بخير .. شصار ؟؟
نورة: فوز رمسي قولي شي ..

نزلت دمعتها .. بدون لا تحس ..! شو تقول ..؟؟ ما عندها شي تقوله ..

موزة: بلاكن ..؟؟؟؟
نورة: خليفة أخويه .. يبا يخطب فوز ..
موزة: صج ..؟؟ وها شي يخليج تصيحي يا فوز ؟؟! ها شي يونس
نورة: يمكن تفاجأت م الطلب ..
موزة: هو وين شافها ؟؟
نورة: رمسها ف التليفون مرة .. كانت داقة عليه أنا وهو رد ..
موزة: أهااا .. فواز شفيج .. قولي شي .. شرايج ف الموضوع؟؟
فوز: شو أقول ..؟!! ما أعرف شو أقول ..
نورة: فكري ف الموضوع وعطيني خبر ..
فوز: ما يحتاي أفكر يا نورة .. أنا أحاول أطلع نفسي من تجربة حب فاشلة بكل المقاييس عشان أدش ف تجربة ثانية ؟؟ ومع منو ..؟؟ شخص ما أعرفه ولا يعرفني .. بس لأني رمسته مرة وحده ف التليفون ؟؟
نورة: خلوف قال إنه من أسلوبج وياه شاف إنج بنت حشيم .. وما بيحصل بنت أحسن عنج .. وهو يعرف أخوج حمد بعد ..
موزة: فكري يا فوز .. خليفة ريال والنعم فيه ..
فوز: ما أقدر أفكر ف أي حد حالياً .. لين ما أنسى محمد ...!!!



الساعة 11 ونص كانت الزفة .. وسار حميد ويا حرمته بيتهم .. ولين أحين ما قال حق أي حد شي م اللي عرفه أو شافه .. والبنات كل وحده سارت بيتهم .. بعد ما عيزت نورة ويا فوز تحاول تقنعها إنها بس تفكر مجرد تفكير ف أخوها .. بس فوز رفضت هالشي ..

أما موزة وبنت أختها وحصة ف كملوا سهرتهم لين الساعة 2 ونص .. وجان وياهم سيف ..

حصة: ما شاء الله عليهن ربيعاتج طيوبات وحبوبات ..
روضة: بس حسيت نورة تسولف أكثر ..
موزة: امبونها نوار جيه ع عكس فوز .. فوز هادية وايد ..
سيف يدش عرض : بس فوز أحلى ..
طالعته موزة بنص عين .. وسكتت ..
حصة: وإنت شدراك فيها ....؟!!
سيف: شفتها لمن روحت ..
روضة: خيبة .. وين خيمة الرياييل ووين نحن .. وشفتها ؟؟
سيف: عادي أنا نظري ثاقب ..
موزة: أونك ..
سيف: بلاج ..؟ الواحد يعني ما يبدي رأيه ؟؟
موزة: إمبلا .. بس أنا ما أحب حد يرمس عن ربيعاتي ..
سيف: هههههههههه السموحة منج الشيخة موزة .. قولي إنج مقهورة ..
موزة: وليش أنقهر ؟؟
سيف: احم .. ليش بعد .. أكيد تغااااااريييييين ..
موزة: هه .. أغار عليك وايد ماخذ ع عمرك مقلب يالأخو .. أصلا إنت ما تهمني عشان أغار عليك ..
سيف: لا تنكرين فديتج ..
موزة: حصة سكتي أخوج أحسن .. لا أفرّه أحينه بهالكوب ..
سيف: هههههههههههههه بسكت حشا .. متوحشة ..

نشت موزة ترقد ونشن البنات وراها .. وسيف كمل سهرته بروحه .. يلس يرمس ف التليفون للساعة 4 .. وعقبها سار يصلي ويرقد ....!!!





نهاية الجزء
ترقبوا الجزء العآشر

 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية))


الجزء العاشر


بيت حميد
يوم السبت
الساعة 12:35 ظهراً


مريم أو خل نقول العروس .. بدارها وميودة جهازها وقاعدة ترسل مسجات .. حميد يسبح لأنهم اليوم معزومين ع الغدا ف بيت أهله .. ظهر م الحمام .. ولبس ملابسه وتزهب حق السيرة ..

حميد: قومي تزهبي ..
مريم: ليش ..؟!
حميد: بنروح بيت أهلي .. معزومين ع الغدا ..
مريم: أنا أبا أسير أشوف أهلي ..
حميد: بوديج ع نهاية الأسبوع
مريم: شو ..؟!! ما أبا .. باجر وديني
حميد: وليش مستعيلة هالكثر ؟؟
مريم: ولهت ع أهلي ..
حميد: ما مداج تتولهين عليهم ..
مريم: شو يعني .. تبا تمنعني أزور أهلي ؟؟
حميد: لا .. بس ما كملتي يومين من رحتي عنهم .. وتبين تردين لهم ..
مريم: شسوي عاد .. أهلي ومتعودة عليهم صعب أفارقهم مرة وحده ..
حميد: خلصي إنزين لا نتأخر ..
مريم: شقلت قبل ..؟؟
حميد: بوديج باجر .. سيري تزهبي أحين .. أنا بترياج خاري..
مريم: إنزين ..

نشت مريم تتزهب .. وطلع حميد برع ينتظرها .. مع إنه ما صار لهم يومين ويا بعض بس يحس نفسه ما يقدر يكون وياها ف نفس المكان .. وايد أشياء غريبة صارت وياه ويبا يرمس حد عنها .. بس مب عارف منو ..؟؟

الساعة 1 وربع وصلوا بيت أبو حميد .. والكل جان ينتظرهم .. باركولهم واستانسوا بوجودهم .. مريم سارت عند الحريم .. وحميد دش ميلس الرياييل ..

الكل جان يطالع ع مريم .. يمكن السبب الأول اللي يخلي أي شخص يطالع مريم هو جمالها .. مريم بنت جميلة واااايد .. وبالمكياج تصير أحلى وأحلى .. بس مع ذلك لا موزة ولا ميثة كانن مرتاحات لوجودها بينهم .. وهالشعور سببه إن مريم من يلست وياهم ما رمست أبداً .. ميودة تليفونها وتطرش مسجات ....!!!!!!


روضة: بلاها العروس ..؟؟
موزة: شفيها؟؟
روضة: من يات .. ما رمست .. وميودة التليفون ولا جأن حد عندها
موزة: يمكن ترسل حق حد من أهلها ..
روضة: إنزين بعيد الشر .. شو ما تعرف السنع ..؟؟؟
موزة: صخي لا تسمعج ..
ميثة: روضة عيب عليج ..
روضة: أمايه .. بذمتج رمستيه مب صح ؟؟
ميثة: أدري .. بس اسكتي عيب ترمسين جيه جدامها ..
روضة: ومب عيب أرمس جيه من وراها ..
موزة: رووضووووه صخي ..

الكل جان متعجب من تصرفات مريم السخيفة .. وجانوا يبون يعرفون لوين بتوصل ..؟؟ بس مريم عاطيتهم أكبر طاف .. ولا جأن حد موجود عندها .. وفوق ها كله ترسل مسجات وتضحك من خاطرها .. يعني ما حشمت الناس اللي يالسين عندها ..

روضة: أقول احسن لي أنش أخاف أين ..
موزة: ههههههههه خذيني معج ..
روضة: صج صج .. هاي منو تراسل ..؟؟
موزة: يمكن حميد ..
روضة: خاليييه عند العرب .. مستحيل ايود تليفونه ويراسل .. وبعدين قبل شوية يايين شو ما مداه يوله عليها ..
موزة: معاريس يدد خليهم ..
روضة: أونه .. إلا بسألج ..؟؟
موزة: شو ؟؟
روضة: منو مختار العروس؟؟
موزة: حميد اختارها ..
روضة: شدراه فيها ؟؟
موزة: شدراني .. يمكن حد دله عليها أو سمع عنها .. أو يعرفها
روضة: الله يعين ..


نشوا عشان يتغدون .. وما تغير شي أبداً .. كل اللي قالته مريم ع الغدا .. إن أهلها باجر مسوين عزيمة ومعزومين كلهم ع الغدا ف بيت أهلها ...!


دق تليفون موزة .. جان ولد أختها عبد العزيز متصل فيها يقولها تروح المطبخ .. نشت موزة وسارت صوب المطبخ تشوف عزوز شو يبا ..

أول ما دشت .. جان هناك سيف ..

موزة: عزوز وينه ؟؟
سيف: محد
موزة: إمبلا .. أحينه دق عليه وقالي أيي المطبخ يبيني ..

تقرب سيف منها ..

سيف: أنا اللي أبيج ..
موزة: شتبي ؟؟
سيف: بقولج كلمتين وبروح ..
موزة: شو ؟؟!
سيف: أنا برجع البيت اليوم ..
موزة: ليش؟
سيف: ظهر لي شغل ..
موزة: وميثة بتروح وياك ؟؟
سيف: لا .. باجر أو عقب باجر بيي خالد ياخذها ..
موزة: يعني إنت ما بتيي هنيه ؟؟
سيف: تبيني أيي ؟؟
موزة: لا ..
سيف: أوكي ما بيي ..
موزة: أوكي ..
سيف: مممممم شي ف خاطرج ؟؟
موزة: سلامتك ..
سيف: يعني ما تبين تقولين لي شي ؟؟
موزة: توصل بالسلامة
سيف: بس؟؟
موزة: شو بعد ..؟!!
سيف: ماشي .. أشوفج ع خير موزتي ..
موزة: هالله هالله ف الطريج .. ودير بالك ع روحك
سيف: وإنتي بعد فديتج .. اهتمي ف نفسج عشاني
موزة: إن شاء الله


سار سيف .. ونزلت دمعة من عين موزة .. ما تدري شو السبب بس تحس إن هاللقاء راح يكون آخر لقاء يجمعها بسيف .. ليش ما تدري ...!!!



بيت أبو مريم
يوم الأحد
الساعة 2:45 ظهراً


اللي حضر العزيمة من أهل حميد .. أمه وخواته ميثة وموزة .. وبنات أخته روضة وسارة .. عقب ما خلصوا متغدين يلسوا ف الصالة .. ومريم اللي أمس كانت ساكته وما ترمس اليوم مستانسة م الخاطر ..

روضة: خالووووه ..
موزة: بصفعج يا روضوووه قسم بالله بصفعج ..
روضة: إنزين آسفة .. آخر مرة ..
موزة: شتبين؟؟
روضة: ما أدري ليش ياخي مب مرتاحة حق هالعروس ..
موزة: بلاها ؟!
روضة: أمس اللي يشوفها يقول مغصوبة .. واليوم شوفيها كيف عند خواتها وأهلها تضحك وتسولف ..
موزة: ترا أنا لاحظت عليها بس شو أقول .. أحسن أسكت
روضة: ما حبيتها .. يعني اوكي هي ع الجمال ما شاء الله مب جمال عليها .. تغسلني وتغسلج .. بس طباعها أحسها خايسة ..
موزة: عيب عليج .. هاي حرمة خالج أحينه رضيتي وإلا نرضيتي
روضة: إنزين حرام الواحد يعبر عن رأيه ..
موزة: مب حرام ..
روضة: ما علينا .. عميييييييه دق عليه الصبح ..
موزة: سيف ..؟؟! ليش شيبي ؟؟
روضة: جان يبا يرمسج .. بس إنتي راقدة .. وقالي أسلم عليج
موزة: صاير شي ؟؟
روضة: لا بس أونه ولهاااااااان علييييييييج بالقوووو
موزة: صج ما عنده سالفه
روضة: بخبره ..
موزة: عادي خبريه .. شو أخاف منه أنا
روضة: عاد أونج ما تحبينه ..
موزة: لا ما أحبه ..
روضة: عيني بعينج ..
موزة: جلبي ويهج عني .. صج إنج ما ياية تفلحين ف دراسة ع سوالفج هذي ..
روضة: هييييه والله .. متى بس أخلص مدرسة عشان أعرس وأفتك ..
موزة: شو مب قادرة تصبرين عن حبيب القلب ؟؟
روضة: حبيب القلب من زمان ما شفته ولا رمسته .. بس عاد أبا أرد العين أشوفه ..
موزة: صج إنج مضيعة المذهب ..

ع الساعة 3 .. أهل حيمد استأذنوا .. ومريم قالت إنها ما بتروح بتيلس عند أهلها للمسا .. مع إنها ما اتفقت ع جيه ويا ريلها .. وفاجأته عقب بطلبها .. وهو ما قدر يرفض هالطلب جدام أهلها .. رغم إنه عقب فكر فيها وشاف إنها فرصة يرمس أخته ميثة عن اللي قاعد يصير وياه ...!!!


وصّل حميد أهله البيت .. وطول الطريج ما قال شي .. ولا رمس .. معصب ع مريم من خاطره ع الفصل البايخ اللي سوته ..
وقّف حميد السيارة ف الحوش .. نزلوا أهله ويلس هو ف السيارة .. يفكر باللي قاعد يصير وياه .. وبحياته اللي تلخبطت من يوم ما ملج ع مريم ..

حميد: هلا ميثة ..
ميثة: أهلين ..
حميد: أخبرج تعالي عندي بسرعة ..
ميثة: وين ..؟!
حميد: أنا ف السيارة ..
ميثة: أوكي دقايق وبيي ..


ظهرت ميثة .. وركبت السيارة عند حميد ..

ميثة: بلاك حميد .. شو مستوي ..؟!
حميد: ما أدري يا ميثة .. حاس نفسي مخنوق مب قادر أتحمل أكثر ..
ميثة: ليش شو صاير ..؟! شو اللي مضايجنك ..؟!
حميد: وايد يا ميثة وايد .. بس مب قادر أرمس ..
ميثة: ليش شو يمنعك .. قول ياخوي يمكن ترتاح ..
حميد: كل ما أبا أرمس أحس بضيج أحس شي يخنقني ..
ميثة: من متى هالإحساس ..؟!!
حميد: من يوم ما ملجت ع مريم ..
ميثة: طيب قولي شو اللي صاير .. اضغط ع روحك ورمس صدقني بترتاح ..
حميد: هاج .. اقري هالمسجات ..


يلست ميثة تقرا المسجات وتعجبت إلا انصدمت م اللي تقراه .. واللي صدمها أكثر مسجات ليلة العرس .. وصور مريم بفستان عرسها ها غير الصور الثانية اللي ظاهرة مريم فيها شبه عارية ..!!!


ميثة: شو ها ..؟!! هاي فضيحة .. إنت كيف تسكت عن شي مثل ها .؟!!!!
حميد: ما أدري .. ها هو اللي مستغرب منه .. إني ساكت رغم كل اللي عرفته ..
ميثة: مستحيل تكون طبيعي .. ماشي انسان عاقل يسكت عن هالشي ..؟!!! عرفت منو صاحب المسجات ...؟!!!
حميد: هيه .. واحد اسمه هزاع ..
ميثة: وحرمتك .. ما رمستها .. ما سألتها منو ها ..؟!!
حميد: لا .. كل ما أحاول أرمسها .. أحس إن حد يربطه لي ..
ميثة: أستغفر الله العظيم ..
حميد: ميثة .. بقولج شي بعد ..؟!
ميثة: شو بعد يا حميد .. شو باجي ما قلته ..؟!!
حميد: مريم .. لمن دخلت عليها .. طلعت مب بنت ..
ميثة بصدمة: شو ....؟!!! إنت أكيد ينيت ..
حميد بعصبية: أنا صدج بين إذا ما تخلصت من العذاب اللي أنا فيه
ميثة: حميد إنت مب طبيعي .. هالحقيرة أكيد مسويتلك شي ..؟!!!
حميد: ما أدري .. يا ميثة .. ما أدري .. راسي بينفجر ..
ميثة: ودني بيتكم بسرعة
حميد: ليش..؟!
ميثة: شو ليش .. عشان نفهم اللي قاعد يصير .. عشان نعرف شو السر ورا كل ها ..؟!!!
حميد: بس مريم ف بيت أهلها ..
ميثة: والله لا يردها .. أحسن بعد .. بسرعة ودني بيتكم ..
حميد: إن شاء الله ..


حّرك حميد سيارته .. وساروا صوب بيته .. وأول ما وصلوا .. نزلت ميثة .. بس حميد يلس مكانه جان متردد إذا يدش أو لا .. بس نزل عقب ما لزمت عليه ميثة إنه يدش وياها ..

أول مكان خطر ف بال ميثة .. هو غرفة النوم .. الغرفة اللي تجمع حميد بمريم .. واللي يحس حميد بضيج أول ما يدشها ومريم تكون موجودة فيها ..


ميثة واقفة بنص الغرفة .. مب عارفة شو تسوي .. وحميد معها

حميد: شو يا ميثة ..؟! أبا أفهم شاللي ف بالج .. ليش يايبتني هنيه ..؟!!
ميثة: حميد .. لازم نفتش الغرفة .. أكيد بنحصل شي يفسر اللي قاعد يصير ..
حميد: شي مثل شو ..؟!!
ميثة: ما أدري مثـ ..... تليفونك اللي يدق ..؟!!
حميد: لا ..
ميثة: وأنا تليفوني ف البيت .. وين صوته ..؟!!

يلس حميد يدور ع الصوت .. لين ما وصل عنده .. جان محطوط تحت المخدة اللي ترقد عليها مريم .. يود حميد التليفون .. وهو يقرا الاسم اللي ظاهر .. " الحب يتصل بك .."


حميد: معقولة ..؟!!
ميثة: شو ..؟!!!
حميد: نفس الرقم اللي يطرش مسجات .. ويتصل فيني ..
ميثة: ها تليفون منو ..؟!!
حميد: تليفون مريم .. لا وبعد مسيفة الرقم باسم " الحب" ..
ميثة: شو....؟!!! ياربي شو ها اللي قاعد يصير ..
حميد: مريم تخوني ..؟!! معقولة حرمتي تطلع خاينة .. مستحيل ..؟!! مب قادر أصدق .. أنا .. سألت عنها والكل مدح فيها وفأهلها .. الكل جان يرمس عن أخلاقها .. حتى الناس مخدوعين فيها ..؟!!!
ميثة: هدي يا حميد .. خل نفهم السالفة ..
حميد: شو نفهم يا ميثة .. كل شي واضح .. أنا انخدعت ..

عصبية حميد خلته ما يشوف شي .. جان يرمس ويبجي وف نفس الوقت يكسر الأشياء اللي جدامه .. سارت ميثة تييب له كوب ماي عشان يهدي أعصابه .. ويعرفون يتصرفون ..!!!!

أول ما هدا حميد .. يلس ع الكرسي .. أول مرة يحس نفسه ضعيف .. يحس نفسه انسان محطم .. حميد ما جان جيه .. حميد حياته تلخبطت من يوم ما دشت مريم فيها ..

حميد: ما أدري شو ياني يا ميثة .. ما أدري ليش يصير وياي كل ها ..؟!!
ميثة: عطني التليفون ..

خذت ميثة تليفون مريم .. ويلست تقرا المسجات اللي فيه .. مسجات فضيعة والكلام اللي فيها فضيييع .. ميثة اللي هي ميثة ما تقوله حق ريلها .. كملت قراءة .. تحاول تكشف اللي صاير .. وتعرف الحقيقة .. أكيد بتحصل شي يدلها .. أكيد ..

" حبيبي فديتك .. تطمن كل شي تمااااااااام .. وحميد هالغبي ما يقدر يرمس ولا يقول أي شي .. "

" أوكي حياتي .. بس متى تفتكين منه ..؟! وتردين لي ..؟!! أنا ولهان عليج .. وولهان لكل شي فيج .." ..

" فديت روحك والله .. كلها يومين وأفتك .. أنا بروحي مب قادرة أتحمل ..؟!! "

" أنا آسف غلاتي .. أنا السبب ف كل ها "

" لا يا قلبي .. إنت ما يخصك .. واللي صار صار .. بس تطمن ما بطول وياه .."

كملت ميثة المسجات .. ليمن وصلت للشي اللي فعلاً صدمها .. واللي فسر لها كل اللي قاعد يصير ف أخوها .. وسبب بروده وردة فعله الغريبة ...!!!!

ميثة: يا ربي .. يا ربي شو ها ..؟!! لا حول ولا قوة إلا بالله ..
حميد: شفيج يا ميثة .. شصاير ..؟!!!
ميثة: حميد .. دق على فيصل وخله إيي ..
حميد: فيصل ..؟!! ليش .. شتبي فيه ..؟!!
ميثة: بتعرف عقب ليش أبيه .. بسرعة يا حميد ..
حميد: إن شاء الله

سار حميد إييب تليفونه عشان يدق حق فيصل ولد عمتهم .. أما ميثة ف من سار حميد قلبت الغرفة ساحة حرب وهي تدور .. فرت الفراش ع الأرض .. وحصلت جيه شي شرات الحرز .. حطته ع صوب .. وكملت بحث .. تحت الكراسي والطاولات وف الأدراج .. وعقبها سارت صوب الكبت .. دورت بين الملابس وطلعت كل الأغراض الموجودة فيه .. ملابس مريم وأغراضها .. وانتبهت إن فيه ريحة خايسة بدت تطلع من بين الملابس .. يلست تدور بدقة .. لين ما حصلت اللي كانت تدور عليه وصكت باب الكبت م الريحة الخايسة القوية .. ومن المنظر المقرف اللي شافته .. وسارت صوب الحمام ترجع .. انتبه عليها حميد اللي ياي صوبها .. وانتبه ع المكان اللي تحول من مكان مرتب ونظيف .. إلى زبالة ...!

حميد: شو ها .. ؟!! ليش المكان جيه يا ميثة ..؟!!
ميثة حاسة بدوخة ف ما قدرت ترمس لين ما طلعت م الحمام .. ويلست ع القنفة .. ترتاح ..
حميد: شفيج ..؟! شصار .. ؟!!
ميثة: ولا شي ..
حميد: عيل شو ها ..؟!
ميثة: حميد .. فيصل وين ..؟!!
حميد بعصبية: أحين بيي .. بلاج ما تجاوبين ع أسئلتي ..؟! ليش سويتي كل هذا .. وحق شو تبين فيصل ..؟!
ميثة ببرود: أدور ع السحر ..
حميد: سحر ..؟!!
ميثة: هيه .. حرمتك مسويتلك سحر .. عشان تشوف عليها العيب وتسكت ..
حميد: مستحيل ..؟!!
ميثة: اقرا المسجات اللي بينها وبين هاك الوصخ .. وبتعرف .. وأبا فيصل لأن فيصل ما شاء الله عليه يعرف كيف يتخلص منه .. ويعرف كيف يبطله ..
حميد: ليش فيني أنا ..؟! أنا ما أعرفها ليش تبي تضرني .. جان المفروض م البداية ما توافق إذا ف خاطرها واحد ثاني .. ليش عيشتني فهالجذبة ..!!!


عقب نص ساعة ..


وصل فيصل .. وتخلصوا من السحر .. وفيصل شرح حق ميثة سبب وجود الريحة الخايسة .. والأشياء اللي شافتها .. اللي هو إن السحر يحتاي حق نجاسة عشان يأدي مفعوله زين .. أما حميد ف أول ما بدت الحقايق تنكشف جدامه ياه انهيار .. وخذوه المستشفى ع طول .. وبعدها ساعات بس من اللي صار .. دروا أهل موزة بكل شي .. عدا أهل مريم ومريم نفسها اللي لين أحين ما عرفوا شي .. والله يستر من اللي بيصير ..........؟!!!!!



السكن الجامعي
يوم الثلاثاء
الساعة 4:00 ظهراً




بدا العام الدراسي .. والحياة ف الجامعة تختلف وايد عن الحياة ف المدرسة .. الأسبوع التعريفي مر ع خير .. فوز كانت حزينة وايد لأن موزة ما انحطت ف نفس المكان اللي هيه فيه .. وكانت خايفة م البنت اللي راح تكون وياها .. خصوصاً إنها ما تعرف شي عنها وما تعرف شي عن أخلاقها .. ولين أحين ما بدوا دراسة جدية ...!!

ف غرفة فوز ..

فوز يالسة ع الشبرية وميودة دفترها وتكتب .. حاسة بملل كبير .. هي ما تحب ترمس مع أي حد .. هادية مع الناس اللي ما تعرفهم بس اللي متعودة عليهم ترمس وياهم عادي .. والبنت اللي طاحت معها ف الغرفة .. ما تعرفها .. كل اللي تعرفه اسمها ومن وين وشو تدرس .. بس ..!!

وصلت ميرة .. اللي أحين راجعة م الجامعة .. وانتبهت إن فوز ف الغرفة ..

ميرة: السلام عليكم ..
فوز: وعليكم السلام والرحمة ..
ميرة: ما شاء الله هنيه ..
فوز: هيه اليوم ترخصنا من وقت ..
ميرة: يا حظكم والله .. مش نحن م الصبح يالسين يلسة وحده ..
فوز بابتسامة: الله يعينج ..
ميرة: آمين يا رب ..
فوز: نحن ليمن أحينه ما عطونا الجدول عشان جيه ..
ميرة: أهااا .. ممممممم شفتي بنات تعرفينهم هنيه ؟؟
فوز: هيه .. وايد بنات من مدرستنا ..
ميرة: يا حظج ..
فوز: هههههههههه
ميرة: ليش تضحكين ؟؟
فوز: يا حظي لأن اليوم ترخصنا من وقت .. ويا حظي لأني شفت بنات أعرفهم ..
ميرة: ههههههههه هيه والله .. بس أنا مش حاسدة ..
فوز: أدري .. أسولف وياج بس .. بتردين البيت باجر ..؟!!
ميرة: هيه إن شاء الله .. أخويه بيسافر اليمعة وأبا أشوفه ..
فوز: وين ..؟!!
ميرة: بريطانيا .. يدرس هناك ..
فوز: ما شاء الله .. أختي هناك بعد ..
ميرة: صج ؟؟؟
فوز: هيه قبل أسبوعين مسافرة عشان تاخذ الماستر ..
ميرة: حلو ..
فوز: يب .. عقبالنا ..
ميرة: آمين
فوز: تدرين شو ..؟!
ميرة: شو؟
فوز: كنت خايفة إن البنت اللي معي ف الغرفة تطلع مب زينة .. بس الحمدلله أنا مستانسة بوجودج وياي .. أحس إن الله رزقني أخت ثانية ..
ميرة: فديتج والله .. أنا بعد كنت زايغة بس أحينه وايد مستانسة لأني ما صرت وحيدة .. صار عندي أخت .. وأخت حلوة بعد ..
فوز: تسلمين والله .. ممممم إنتي ما عندج خوات ..؟!
ميرة: لا .. عندي خوان بس .. عبدالله متزوج والله ما رزقه عيال وعلي لسه جدامه سنة وبيتخرج
فوز: ربي يخليهم لج ..
ميرة: آمين .. ويخليلج خوانج
فوز: أنا عندي حمد خاطب وحده م الأهل .. وريم خبرتج إنها تكمل دراستها برع .. وندى ف المدرسة رايحة صف أول ..
ميرة: ما شاء الله .. بصراحة أخاف أحسدج من صج ..
فوز: ههههههههه ليش عاد ..؟!
ميرة: عندج اللي يونسونج .. مش أنا .. عبدالله ويا حرمته وعلاوي محد يعني أغلب وقتي يالسة بروحي
فوز: وأمج وأبوج ...؟!!
ابتسمت ميرة ابتسامة حزينة ..: الله يرحمهم .. توفوا وأنا عمري 13 سنة تقريبا ..
فوز: أنا آسفة فديتج .. مب قصدي
ميرة: ما يحتاي تعتذري .. أنا أقلمت نفسي ع غيابهم رغم إني أحس بوجودهم ويايه ف كل لحظة .. وخواني ما قصروا ما خلوني محتاية شي .. خصوصا علي من بعد وفاتهم هو جان الأم والأبو والأخو بالنسبة لي ..
فوز: الله يحفظه
ميرة: آمين ..

دق تليفون ميرة .. وقطع عليهم رمستهم .. جان علي متصل فيها .. وردت عليه بسرعة ..

ميرة: هلا والله .. صج ولد حلال ..
علي: الناس تقوووول السلام عليكم .. شو هلا والله .. صج ولد حلال
ميرة: ههههههه إنزين السلام عليكم
علي: أحينه عاد .. ما ينفع خلاص ضاع الأجر ..
ميرة: لا والله ..
علي: هيه .. شحالج فديتج ..؟ شخبارج ؟؟ وشو مسوية..؟؟ ناقصنج شي .. تبين شي .. مرتاحة ..؟؟
ميرة: هههههههه شفيك .. ما أقدر أجاوب ع ها كله .. اسأل سؤال واحد وبجاوبك ..
علي: قوليلي كل شي ..
ميرة: أنا الحمدلله بخير .. وأخباري طيبة .. بدينا دراسة ع الخفيف .. ومش ناقصني شي .. ومرتاحة ع الآخر ..
علي: الحمدلله طمنتيني .. وشو بعد .. مممم ليش تقولين إني ولد حلال .. شو يالسة تفكرين فيني ؟؟
ميرة: لا .. يالسة أرمس عنك ..
علي: عني أنا .. ويا منو عاد ...؟!!
ميرة: ويا رفيجتي ف الغرفة ..
علي: ما شاء الله .. وعندج رفيجة بعد ..
ميرة: هيه ..
علي: حلوة ..؟!
ميرة: علووووووووووي ..
علي: هههههههههه بلاج تصارخين .. ؟؟
ميرة: خل عنك هالحركات ..
علي: إنزين ما قلت شي اسألج حلوة ..؟؟
ميرة: هيه وايد ..
علي: خلاص عيل اخطبيها حقي ..
ميرة: صج ؟؟ ترا أسويها ..
علي: لااااااااااا الشيمة .. أسولف وياج ..
ميرة: عادي والله جان ف خاطرك ..؟
علي: ههههههههههه وين ف خاطري لا أعرف اسمها ولا من وين ولا شكلها ولا أي شي عنها ..
ميرة: مب لازم أنا أعرف كل اللي تبيه ..
علي: جلبي ويهج .. أنا إذا بغيت أعرس بآخذ بنت بلادي
ميرة: أونك .. زين والله
علي: المهم ديري بالج ع روحج .. وقولي حق رفيجتج يقولج أخويه علاوي الوسيييييم اهتمي فيني ولا تضايجيني .. وسلمي عليها
ميرة: ههههههههه بعد .. إن شاء الله
علي: ياللا فديتج .. أشوفج باجر إن شاء الله
ميرة: إلا صج .. منو بيي ياخذني ؟؟
علي: أنا وسعيد بنيي ..
ميرة: أوكي .. سلم عليهم ف البيت
علي: إن شاء الله .. مع السلامة
ميرة: ربي يحفظك ..


ميرة: يسلم عليج ..
فوز: منو ؟؟
ميرة: علاوي ..
فوز: ربي يسلمه ..
ميرة: ويقولج اهتمي فيني ولا تضايجيني
فوز: ههههههههه لا والله .. إن شاء الله لا يوصي
ميرة: سوالف والله ..
فوز: وتقولين محد يسليج ؟؟
ميرة: ترا إذا علاوي موجود كل شي أوكي ..
فوز: باجية سنة وبيرد .. بس إنتي اللي خليتيه أحينه ..
ميرة: ما عليج .. أصلا شكله من يخلص بيعرس ع طول شيبي فيني ..
فوز: ربي يوفقه ..




بيت عبدالله
يوم الخميس
الساعة 5:00 عصراً



عبدالله يالس ف الصالة .. ويا ميرة اللي تطالع التليفزيون .. خولة اليوم سايرة بيت أهلها .. وعلي طالع ويا سعيد سايرين ياخذون لهم الأغراض الناقصة .. ليش إنهم باجر مسافرين ..!


ميرة: عبدالله ..
عبدالله: هلا ميرة ..
ميرة: شفيك ..؟! مبين عليك مضايج ..؟!
عبدالله: ولا شي ..
ميرة: إمبلا فيه شي .. أخويه وأعرفك .. قولي شفيك ؟!
عبدالله: ما فيني شي يا ميرة ..
ميرة: أكيد الموضوع يخص خولة ..
عبدالله: مش عارف شو أسوي يا ميرة ..
ميرة: ولا أنا عارفة شو أقولك ..
عبدالله: خولة أمس رمستني .. تبيني أتزوج ..
ميرة: شو ..؟!!!
عبدالله: اللي سمعتيه .. قالت ما تبي تظلمني ..
ميرة: وإنت شو قلت لها ؟!
عبدالله: رفضت طبعاً ..
ميرة: بس يا عبدالله ها حقك .. وتفكير خولة صح .. إنت ما قصرت وياها .. وماشي مستشفى ما سرتوه .. ولا خليتوا دولة ما زرتوها عشان تعالج .. بس ماشي فايدة .. ودام اليهال ف خاطرك .. سوي اللي قالته لك حرمتك ..
عبدالله: مش عارف يا ميرة .. أنا أدري حتى لو خولة قالت لي أتزوج .. بس هي ف داخلها مش راضية ..
ميرة: أكيد ما بتكون راضية .. ماشي حرمة ترضى إن زوجها يروح حق وحده ثانية ..
عبدالله: أنا بظهر أحينه .. تبين شي ..؟!
ميرة: سلامتك .. فكر ف الموضوع عدل .. وأنا متأكدة إنك بتقرر قرار صحيح .. وما بتظلم حد ..
عبدالله: إن شاء الله ..

ظهر عبدالله .. ويلست ميرة بروحها متمللة .. وتفكر ف أخوها عبدالله .. وإذا قرر يعرس .. كيف راح تصير حياة خولة .. ؟!! خولة طيبة وايد وما تستاهل اللي يصير وياها .. بس عبدالله بعد من حقه يتزوج ..
لو كنت ف مكانها .. حتى لو أحب زوجي .. ما بخليه يتزوج إلا عقب ما يطلقني .. الصراحة ما أتحمل .. خصوصا لو جان سعيد هو ريلي .. آآآآآآآآه يا سعيد ..


دق باب البيت وسارت تشوف منو عند الباب .. وأول ما فتحت الباب وشافت الريال اللي ف ويهها شهقت ..

صكت ميرة الباب ف ويهه ..: يا ربي شو هالوقاحة .. معقولة شي ناس جيه .. أخت رفيجك ياللي ما تستحي وترمسنيه جيه .. أوف شو هالناس ...!!!


ع الساعة 6 وربع ..


وصل علي ويا سعيد .. ويايبين وياهم المول بكبره ..

علي: ادخل ويا راسك ..
سعيد: هههههههه شفيك؟!
علي: ما فيني شي .. غير إني أبا أذبحك ..
سعيد: ليش ..؟!
علي: زين جيه تقفط البنت ..؟!!
سعيد: تستاهل .. أصلا هي لو بنت ناس ووحده حشيم ما يات لعندي تسلم عليه ..
علي: انزين شفيها .. مب تدرس وياك برع ..؟!
سعيد: قلتها برع .. مب هنيه .. مش حلوة ف حقها تيي تسلم عليه ف المول تقول كأني واحد م الأهل ..
علي: تحبك .. تحبك .. ياخي إنت ليش مب حاس فيها ..؟!

ميرة: شفيكم ..؟!! ومنو هاي اللي مش حاس فيها ..؟!!
سعيد: هلا ميروووه شحالج ؟!
ميرة: الحمدلله بخير .. شحالك إنته ..!؟
سعيد: بخير دامج بخير ..
ميرة: قولولي أحينه .. عن منو ترمسون ؟!
علي: نرمس عن حبيبة سعيد ..

ميرة كأن حد صب عليها سطل ماي بارد ..

ميرة: شووو ..؟!!!!
علي: شو بعد شووو ..؟!! بلاج مب مصدقة ..؟!!
سعيد: لا تصدقينه يجذب عليج .. علووووي ترا والله بسدحك أحينه وبترفس ف كرشتك ..
علي: هههههههههههههههه .. ليش عاد ..؟!
سعيد: شو ليش .. يالس تطلع إشاعات عليه ؟؟
علي: أنا أطلع اشاعات عليك يا مسود الويه .. عيل منو البنت اللي يات تسلم عليييك ف الموووول

ميرة كانت ساكتة وهي تسمع الحوار اللي بينهم .. حاسة نفسها بتموت .. كانت تبا تروح عنها عشان تهد دمعها .. بس ما تقدر تروح .. خافت لا يشكون فيها ..!

سعيد: إنت تدري إني ما أطيقها ولا أطيق أشوفها ..
علي: لا ما أدري .. اللي أنا أدريه إنها تحبك ..
سعيد: شو تحبني .. وع .. عاد أنا إذا بغيت أحب .. ما بحب هالأشكال ..
علي: شفيها .. البنت حلووة الصراحة ..
سعيد: واصلة جان تبيها ..؟
علي: ما تبيني .. تبيك إنته .. ههههههههههه بس عقب اللي سويته ما أظن بتيي صوبك
سعيد: خلها عشان تحس ..
ميرة بغصة: ليش شو سوا فيها ..؟!
علي: قفطها .. هههههههههههه حليلها ما عرفت وين تودي ويهها ..
سعيد: علوووي خلاص غير السالفة .. ترا ذبحتني من ركبنا ف السيارة وإنته تعيد نفس القصة ..
علي: ههههههههه شسوي .. زين مني ما نقعت ف ويهها .. كسرت خاطريه والله ..



دق تليفون ميرة .. مسج وصلنها من عند فوز .. استانست وايد عليه .. وسعيد لاحظ وناستها :


من نسى في زحمة الدنيا رفيقه
قلت له : عندي رفيق ما نساني
لو يطول الوقت ويطول طريقه
أدري إنه : لو يطول البعد جاني
بيني وبينه على العشرة وثيقه
إن بديته بالغلا وإلا بداني
صرت عنده بالغلا حسبة شقيقه
هو بعد غالي ومن حسبة إخواني


طرشتلها ميرة مسج ..:

شخص إلا منه مضى لي معه يوم ..
أندم على أيام مضت قبل ما ألقاه ..
أحتاج له لا صار في صدري هموم
ولو ينكسر ساقي تسندني يمناه ..
جعل المعزة بيننا دايم الدوم
هذا الرفيق اللي من الصعب تنساه


سعيد: منو مطرشلج مسج ؟!!
ميرة: رفيجتي ..
علي: منو ..؟!
ميرة: فوز ..
علي: فوز .. هاي رفيجة يديدة ما أعرفها
ميرة: ليش إنته تعرف رفيجاتي ..؟!!
علي: هيه .. لطوف وشواخ ومريوم ..
ميرة: هههههههههه هذيلا أيام المدرسة .. احينه صرنا ف الجامعة يعني رفيجات غييييير ..
سعيد: وفوز رفيجتج ف الجامعة ..؟!
ميرة: هيه .. ومعي ف نفس الغرفة ..
علي: هييييه .. اللي كنتي ترمسيني عنها ..؟
ميرة: هيه
علي: اسمها فوز ما شاء الله .. حلو اسمها
سعيد: عيل منو البنت اللي كانت ظاهرة معج لمن يينا نشلج ..؟! وركبت الرنج
ميرة باستغراب: وايد بنات ظهرن .. شدراني منو تقصد ...؟
سعيد: لا .. إنتي سلمتي عليها قبل لا تيين صوبنا ..
علي: ليش تسأل عنها ..؟!! شتبي فيها..؟!
سعيد: مجرد سؤال ..
ميرة: إذا سلمت عليها.. ف أكيد تقصد فوز ..
سعيد: اهااا ..
علي: بوعسكووور وإنته من متى تطالع ع البنات ..؟!!
سعيد: عاد أحينه بيذلني .. ما طالعت ع حد بس شفتها تسلم ع ميروووه .. ومبين عليها بنت ناس وحشيم .. وأصلا ما شفت ويهها زين .. يعني لو شفتها مرة ثانية ما بعرفها ..
ميرة: ما شاء الله عليها طيوبة وحبوبة ..
سعيد: هي معج ف نفس التخصص؟!!
ميرة: لا .. هي تدرس انجلش
سعيد: حلوو ..
علي: أحينه عاد أبا أشوفها .. أنا مستغرب كيف إنت تشوفها .. وأنا ما شفتها ..؟!!
ميرة: خلكم بعيد عن البنت ..
علي: إنزين ما بنسوي شي .. بس بنشوفها ..
ميرة: شو تشوفها .. تحفة .. وإلا لوحة فنية ..
سعيد: محشومة بنت الناس ..
علي: أوووووه وقمنا ندافع بعد .. سعيد أخاف البنت دشت خاطرك ؟!!
سعيد: شو ..؟! لا وييين ..

ميرة تطالع ع سعيد .. وبدت تشك فعلاً إن شي ف خاطره صوبها

علي: عيل شفيك جيه ..؟!! تسأل عنها ومهتم فيها وتدافع عنها ..
سعيد: أقول أنا بروح البيت ..
علي: يالسين ..
سعيد: أبا أيلس ويا أهلي بعد ..
علي: أوكيييييييييك .. لا تنسى تاخذ أغراضك م السيارة ..
سعيد: ياللا عيل أشوفكم ع خييييير ..

سار علي غرفته .. وخذ أكياسه وياه .. أما ميرة ف ظهرت مع سعيد عشان تاخذ من عنده مفتاح سيارة علي ..

نزل سعيد أغراضه ودخلها ف سيارته .. وسار صوب ميرة عشان يعطيها المفتاح ..

سعيد: هاج ..
ميرة: سعيد ..
سعيد: هلا ميرة تبين شي ..؟!
ميرة: ليش شردت ..؟!!
سعيد باستغراب: شردت ..؟! من شو ..؟!
ميرة: لمن علي سألك عن سبب اهتمامك ف رفيجتي .. قلت بتروح البيت ..
سعيد: ميرة إنتي عارفة أخوج إنه دوم جيه .. يظهر عليه اشاعات
ميرة: بس مش أخويه اللي انتبه عليك .. أنا بعد انتبهت عليك .. إذا ف خاطرك شي قول ؟؟
سعيد: هههههههههههه ميروووه إنتي متى بتعقلين ..؟؟ أشوفج تعلمتي من هبال أخووج ..؟ لا فديتج مش ف خاطريه شي .. وبعدين أنا شفتها من بعيد بس .. وكنت أبا أطمن إن البنت اللي معج تكون أوكي .. خفت تتعرفين ع بنت مب حشيم ..
ميرة: بس جيه ..؟!
سعيد: هيه .. بس جيه ..


سار سعيد .. ووقفت ميرة تطالعه .. وقلبها وعقلها وياه .. والخوف من إنها تفقده جان مسيطر عليها .. شافت إنها ف مهمة صعبة وايد .. إذا كانت جريبة من سعيد هالكثر .. ومب قادرة توصل له إحساس الحب .. ها غير البنت اللي تحبه وتلاحقه .. وأحينه سؤاله الغريب عن فوز .. سعيد عمره ما سواها وسأل عن أي بنت شافها معي .. دوم يشوف رفيجاتي .. بس عمره ما سألني عنهن ..!!!!!!!!!!

نهاية الجزء
ترقبوا الجزء الحآدي عشر


 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية))

الجزء الحادي عشر


" الســـكن الجـــامعي "



يوم السبت
الساعة 9:30 مساءاً



فوز وميرة متفقات يروحن يتحوطن خاري .. فوز ترمس أختها ريم ع المسن .. وميرة يالسة تتكشخ حق الظهرة ..

فوز: هههههههه أحينه اللي يشوفج يقول بنظهر برع .. ترا إلا ف حوش السكن يعني ما يبيله هالكشخة كلها ..
ميرة: شسوي .. أحب أكون كاشخة ف أي مكان
فوز: ههههههه انزين اتكشخي ..
ميرة: شو ما خلصتي مرمسة أختج ..؟!!
فوز: أحينه بقولها إني بظهر ..
ميرة: سلمي عليها ..
فوز: إن شاء الله .. صح ما خبرتج ..؟
ميرة: شو ..؟!
فوز:عقب باجر بنروح مجمع 5 ..
ميرة: ليش .. شو هناك ..؟!
فوز: بعرفج ع رفيجتي .. وبنظهر نتعشى خاري ..
ميرة: حلوووو .. ياللا بسرعة تزهبي خل نسير ..
فوز: الظاهر عندج رمسة تبين تقولينها ..
ميرة: ههههههههههه هيه وايد
فوز: شو صاير ..؟!
ميرة: بقولج لمن نظهر .. بسرعة ..
فوز: إنزييييييين ياللا ..



ظهرن م الغرفة .. وراحن ياخذن لهن شي يشربنه .. ويتحوطن ف السكن ..

فوز: هاه .. ياللا قولي شعندج ..؟!!
ميرة: أنا بقولج السالفة .. وإنتي خبريني رايج ..
فوز: أوكي ..

ميرة: يوم الخميس العصر .. كنت بروحي ف البيت .. ودق الباب وسرت أشوف منو ..؟!! طلع واحد ربيع أخويه علي ..


راشد: السلام عليكم ..
ميرة: وعليكم السلام والرحمة .. هلا أخويه بغيت حد ..؟!!
راشد: هيه .. إذا ما عليج أمر ممكن تزقريلي علي ..
ميرة: علي مش موجود ..
راشد: ما قال وين رايح ..؟!

ميرة وهي مدققة ف ملامح الريال .. ها راشد رفيجهم .. شت شت شت .. شو ها .. المواقف ما تصير إلا ويا هالمخلوق ..؟!!

راشد: الشيخة .. علي ما قال وين رايح ..؟!
ميرة: هاه .. لا والله .. بس ع حد علمي ظهر ويا سعيد .. لأن سعيد سيارته هنيه ..
راشد: اهاااا .. طيب بيتأخر وإلا ..؟!
ميرة: أخويه .. جان دقيت عليه وتأكدت إذا ف البيت أو لا قبل لا إتيي ..
راشد: السموحة منج .. لا تعصبين ..
ميرة وهي تطالعه بنص عين : نعم ..؟!!
راشد بابتسامة: لا تعصبين ..
ميرة: مب معصبة .. بس إنت ياي تبيه هو .. يعني لو دقيت وتأكدت إذا موجود أو لا .. وتأكدت بعد إذا بيتأخر أو لا ..
راشد: أدري إن المفروض أتأكد .. بس أنا ما بغيت أتأكد .. تدرين ليش ..؟!!
ميرة ما ردت عليه .. بس راشد كمل رمسته ..
راشد: لأني كنت حاس إني إذا ييت .. ما بشوفه .. بس بشوف القمر ..!!
ميرة: فمان الله ..

ميرة: وصكيت الباب ف ويهه ..
فوز: معقولة ..؟! شي ناس وقحة جيه ..؟! طيب ها ما يخاف إنج تقولي حق أخوج ..؟!
ميرة: شدراني عنه
فوز: إنتي تعرفينه من قبل ..؟! أقصد صارت بينكم مواقف ..؟!!
ميرة: هيه .. مرة كنت داقة حق أخوي وتأخر ف الرد ف يلست أغني وعقب انتبهت إن هو اللي رد ع التليفون .. وسمع صوتي وأنا أغني .. ومرة كنت ظاهرة م المطبخ وتفاجأت إنه يالس ف الصالة ويطالعني بنظرات غريبة ..
فوز: ممممممم معقولة يكون يلعب ..؟!
ميرة: يلعب ..؟! ع أخت رفيجه .. ما اعتقد ..
فوز: عيل ليش يتصرف هالتصرفات ؟!
ميرة: ما أدري ..
فوز: ترا هي وحده م الثنتين .. يا يلعب .. أو يحبج ..!!
ميرة: يحبني .. لا بليييييز إلا الحب ..
فوز: ليش ..؟!
ميرة: ماشي ..
فوز: أكيد حد ف خاطرج ..؟!!
ميرة: تبين الصدج .. هيه ..
فوز: منو ..؟!
ميرة: ولد خالتيه ..
فوز: يحبج ..!؟
ميرة بحزن: لا .. ولا يدري إني أحبه .. ولا حاس فيني
فوز: ربي يعينج عيل .. حالج من حالي فديتج ..
ميرة: إنتي بعد تحبين ولد خالتج ؟!!
فوز: لا .. أحب واحد من أهلنا .. وما يدري عني .. بس قررت أنساه ..
ميرة: تجذبين ع منو ..؟! فديتج ما الحب إلا للحبيبِ الأولي ..
فوز: هيه بس أنا لو أبا أنساه أقدر .. لأني مب دوم أشوفه .. ع عكسج إنتي ..
ميرة: مستحيل .. النسيان ما إيي ف يوم وليلة ..
فوز: أدري .. أنا 6 شهور أحارب نفسي عشان أنساه .. وشفته قبل فترة ونسيت إني قلت بنساه .. ورجعت أتذكره ..
ميرة: ههههههههههه
فوز: ليش تضحكين ؟
ميرة: أضحك ع حالنا ..
فوز: هيه والله .. شي يضحك بصراحة .. هههههههههههههه

فوز: خلينا نيلس ..
ميرة: أوكي ..

ين بنتين من صوبهن عشان يسلمن عليهن .. أول ما شافتهن فوز تفاجأت .. معقولة ...؟!!!

خلود وشهد: السلام عليكم
فوز وميرة: وعليكم السلام والرحمة
خلود: شحالج فوز ..؟!
فوز: الحمدلله بخير .. شحالج إنتي ؟!
خلود: الحمدلله بخير وعافية ..
فوز: شحالج شهد ..؟!
شهد: بخير يعلج الخير .. من صوبج ؟!!
فوز: الحمدلله نشكر الله .. ما عرفتكم هاي رفيجتي وأختي وحبيبتي ميرة..؟! ميرة هاي خلود .. كانت ويانا بالمدرسة .. ورفيجتها شهد ..
ميرة: شحالكن ..؟!!
خلود وشهد: الحمدلله بخير .. شحالج إنتي ؟!
ميرة: بخير وعافية ..
خلود: إلا ما قلتيلي فوز .. ف أي كلية ..؟!
فوز: تربية انجلش ..
خلود: وميرة ..؟!
ميرة: أنا حقوق ..
خلود: حلو .. بالتوفيج .. أنا هندسة .. وشهوووده طب ..
فوز: ما شاء الله ..
خلود: بنكمل شهر أحينه من بدا الدوام .. وما شفناكم ..؟!!
فوز: ما نظهر .. أغلب وقتنا ف الغرفة ..
خلود: أها .. المهم بنروح نحن .. خلونا نشوفكم ..
فوز: إن شاء الله .. دامنا هنيه ..

سارن خلود وشهد .. وفوز عيونها عليهن .. أول مرة تحس نفسها إنها قدرت تسوي شي ف حياتها .. نسيان خلود واللي سوته فيها .. كل شي راح .. حست إن أيام المدرسة أيام عبط واستهبال .. أحين كبرت وصارت تفكر بعقلها .. مب عواطفها ..!!

ميرة: فوز ..؟!
فوز: هاه ..
ميرة: وين سرحتي ..؟!!
فوز: وياج فديتج ..
ميرة: منو هاي خلود ....؟!!
فوز: آآآآه .. تصدقين من صف ثاني لين ما دشينا الثانوية .. ونحن ويا بعض .. كانت صديقتي كانت توأم روحي .. محد ف المدرسة ما يرمس عن صداقتنا .. بس من دشينا الثانوية .. تغيرت وايد .. وتعرفت ع بنت اسمها سهام .. وعقب خلتها وتعرفت ع فجر .. وأخر وحده عاد شهد .. نست صداقتنا وسارت تدور ع غيرها .. درسنا 3 سنوات بالثانوية .. وف كل سنة تتعرف ع بنت يديدة .. بس أحينه أشوفها عند شهد ..
ميرة: ممممم ما أدري بس ما ارتحت لها ..؟!
فوز: خلود طيبة .. بس ما أدري شو اللي غيّرها .. أحين لمن أفكر .. أحس إن اللي صار خير لي .. أنا وهي ما نتفق ويا بعض .. شخصيتي غير عنها .. لمن تعرفت ع موزة حسيت بالفرق .. وحسيت إن خلود ما كانت الصداقة الحقيقية بالنسبة لي ..
ميرة: شوقتيني أتعرف ع موزة ..
فوز: فديتها والله .. لو شفتيها بتحبيها ..
ميرة: ياربي صارت الساعة 12 .. الوقت بسرعة يمر ..
فوز: هيه والله .. خلينا نروح نرقد باجر عندنا دوام ..
ميرة: متى محاضراتج ؟!!
فوز: الساعة 8 .. وإنتي ؟!
ميرة: أنا أبدا 10 ..
فوز: يا حظج يعني بترقدين لين الساعة 9 ..
ميرة: احم احم .. عن الحسد ..
فوز: يالدبة ما أحسد .. لا تخافين
ميرة: أسولف وياج فديتج ..



يوم الإثنين
الساعة 5:00 عصراً


ميرة: شو اللي غيّر الإتفاق ..؟!!
فوز: إتفاق شو ..؟!!
ميرة: مب المفروض نلتقي عقب المغرب ..!؟
فوز: يالكسولة نشي .. صلي وتزهبي ياللا ..
ميرة: ما شبعت .. أبا أرقد ..
فوز: عيل أنا شو أقول.. ناشة قبلج .. وما رقدت الظهر .. ياللا خلي عنج الكسل ..
ميرة: إنزين .. ألبس عبايا بعد
فوز: ههههههههههههههههههههههه ..

فرت ميرة المخدة ع فوز ..

ميرة: شفيج تضحكين ..؟!
فوز: ههههههههههههه ع سؤالج العبقري ..
ميرة: ليش شفيه سؤالي ..؟!
فوز: فديتج .. مواز ف 5 .. ونحن بنروح نمشي .. والجامعة كلها شباب .. أتخيلج تمشين بدون عبايا .. وتتحوطين فيها ..
ميرة: يعني الشباب عادي يتحوطون ف الجامعة ف أي وقت ؟؟
فوز: هيه .. إنتي من تظهرين من بوابة المجمع .. خلاص كأنج ف الشارع .. السيارات رايحة رادة ..
ميرة: لا والله .. بس جيه ما ناخذ راحتنا ..
فوز: أدري .. بس لأن الجامعة فيها sport complex ف الشباب إييون هنيه .. وغير جيه فيه منهم عندهم محاضرات لوقت متأخر .. وأحينه ياللا قومي مب زين تأخرين الصلاة أكثر من جيه
ميرة: إنزين


الساعة 6 ..

ظهرن فوز وميرة سايرات صوب مجمع 5 .. عند موزة ..

فوز: شفتي .. تأخرنا ع البنت .. موعدنا الساعة 5 ونص وأحينه صارت 6 ..
ميرة: إنزين ليش مستعيلة .. ترا بنقعد عندها للساعة 9 ..
فوز: أدري بس مب حلوة نخليها تتريا ..
ميرة: مب رفيجتج ؟!!
فوز: إمبلا ..
ميرة: خلاص عيل .. حلوة ..
فوز: إنزين تحركي ياللا ..

وصلن فوز وميرة مجمع 5 .. دشوا وساروا ع طول صوب غرفة موزة .. ودقو الباب ..


فوز وميرة: السلام عليكم ..
موزة: وعليكم السلام والرحمة .. هلا هلا ومليار مرحبا..
فوز: شحالج فديتج ؟!!
موزة: الحمدلله بخير .. شحالج إنتي ؟؟
فوز: الحمدلله طيبة طاب حالج ..
موزة: إنتي ميرة ..؟!!
ميرة: هيه .. شحالج ؟؟
موزة: الحمدلله بخير .. من صوبج ؟!
ميرة: بخير وعافية ..
موزة: تفضلوا ..

دشن البنات غرفة موزة .. ويلسن عندها ليمن تتزهب ..

ميرة: تقولين لي تأخرنا ع البنت .. والبنت بروحها مب زاهبة
موزة: هههههههههه .. ترا أنا حاطة ف بالي إن بنيلس هنيه شوية عقب بنظهر .. شو تشربون ؟؟
فوز: أي شي ؟!!
موزة: تفضلي ..
ميرة: تسلمين ..
موزة: هاج فواز ..
فوز: مشكورة فديتج ..

موزة: شخبارج ميرة .. شلون الدراسة وياج ؟؟
ميرة: الحمدلله والله .. الدراسة حلوووة ..
موزة: مرتاحة هنيه ..؟!
ميرة: هيه .. ع الأقل راح الملل عني ..
فوز: عيل وين رفيجتج ..؟!
موزة: ظهرت ويا رفيجاتها ..
فوز: اهااا .. وشخبارج معاها .؟!
موزة: الحمدلله .. بنش أتزهب أحينه .. خذوا راحتكم ..
فوز: أوكييييي ..


عقب ربع ساعة .. خلصت موزة متزهبة .. وقررن يروحن البرج إيلسن هناك .. وعقبها يمرن المطعم يتعشن ويرجعن السكن .. أول ما وصلوا البرج .. اختارن مكان إيلسن فيه .. ويلسن يرمسن كل وحده ترمس ف سالفة ..

فوز: مواز .. ما عرفتي شي عن نورة ..؟!!
موزة: لا .. أتصل فيها جهازها مغلق ..
فوز: هالبنت غريبة أطوار .. من بدينا دراسة اختفت .. قبل كانت اطرشلي مسجات .. واحينه ماشي .. مممممممم أحسها زعلانة عشان موضوع أخوها ..
موزة: ليش هي ردت ترمسج مرة ثانية ..؟!!
فوز: هيه .. بس أنا قلت لها إني ما أبيه ..
موزة: المفروض تعرف رايج م البداية .. خصوصاً إنها تدري بسالفتج ويا محمد .. بس صدج ترا خليفة ما يتفوت .. ما شاء الله عليه ..
ميرة: حاسة نفسي غبية .. ومب فاهمة شي ..
فوز: سوري فديتج .. أنا بقولج .. هاي نورة رفيجتنا ف المدرسة .. وأخوها يحبني ويبا يخطبني .. ومحمد هو الولد اللي رمستج عنه وقلت لج إنه يقربلي .. وإني أحبه ..
ميرة: أهااا .. خلاص كملوا .. أحينه وياكم ع الخط ..
فوز: ههههههه إن شاء الله .. إنتي ما رمستيها ..؟!!
موزة: لا .. الفترة الأخيرة انشغلنا ف موضوع حميد وما جان لي خلق أرمس حد ..
فوز باستغراب: ليش .. شفيه حميد ..؟!!
موزة: آآآه .. شو أقولج يا فوز .. أخويه ها حظه طايح ف الأرض
ميرة: عسى ما شر ..؟!
موزة: صار اللي ما كنا نتوقعه .. أنا بصراحة لين أحينه مب مصدقة اللي صار ..
فوز: ويا راسج لا تخرعيني ..
موزة: طلق حرمته ..
فوز بصدمة: شو ...؟!!!
موزة: اللي سمعتيه ..
فوز: ليش ..؟!! وهم معرسين من شهر بس ..؟!!!
ميرة: شهر ..؟!!!
موزة: خبرج عتيج يا فوز .. طلقها من أول أسبوع
فوز: مستحيل .. شو السبب ..؟!!!
موزة: طلعت وحده ....... الله يستر عليها .. تحب واحد وبينهم علاقة ..
فوز: لا والله .. عيل ليش تزوجت حميد ..؟!
موزة: عقب ما اكتشفوها سارت ميثة عندها عشان تفهم الموضوع .. وقالت لها كل شي وبصراحة مب عارفة ألومها أو أعذرها ..
فوز: شو ...؟!!!


مريم: شتبون بعد ..؟!!
ميثة: إنتي تتحسبين إن اللي صار شوية ..؟!!
مريم: شو صار .. ما صار شي .. اثنين متزوجين ما تأقلموا ع بعض وتطلقوا .. عادي ..
ميثة: شو ..؟! بهالسهولة ..؟!
مريم: هيه ..
ميثة: ليش سويتي جيه يا مريم ..؟!!
مريم: حياتي وأنا حرة فيها ..
ميثة: لا .. مب حرة .. إنتي حطمتي حياة أخويه .. شذنبه هو عشان تدخلينه ف لعبتج الخايسة ...؟!!!
مريم: ميثة .. أخوج ساعدني .. وأشكره ع هالمساعدة .. وألحين خلص دوره ..
ميثة: انا بس أبا أعرف شي واحد .. ليش تزوجيته .. دامج تحبين ها اللي اسمه هزاع ......؟!!! وليش حطيتيله سحر ..؟!! إنتي ما تخافين ربج ..؟!!!
مريم: أووووووه تراج غثيتيني .. ما صارت ..
ميثة: قوليلي كل شي .. وأوعدج ما تشوفين ويهي مرة ثانية ..

مريم: هزاع يحبني .. وأنا أحبه .. وبينا علاقة حب من سنين أحينه .. مب يوم وإلا يومين ..

طحت من عيني بعد ماكنت عالي
حبك ارخصته بعد ما كان غالي
كل شي برضاه منك الا الخيانه
بعدها يحرم على حبك وصالي
كم سهرت ايام في حبك مولع
ما دريت انك بتمثيلك خيالي
اشتكي منك واشكيك لعدالة
كل منهم قال قلبك ماصفا لي
كنت مالي كل قلبي وكل عيني
وكنت احسب اني وسط قلبك لحالي
واثري قلبك كل يوم له حبايب
واثري قلبك من احساس الحب خالي
يا خسارة وقت في حبك قضيته
ضاعت احداثه هدر طول الليالي
روح انا ماني متحسف بعادك
بس اعزي من بيرضى بك بدالي



ميثة: وليش تزوجتي حميد ..؟!

مريم بالرغم من قسوتها .. وبالرغم من كل اللي سوته .. بس وضعها يكسر الخاطر .. يمكن ظروفها هي اللي خلتها تستوي جيه .. جأن ميثة فتحت عليها جروح صار لها زمن تحاول تبريها .. وهذيج القوية الشامخة .. ف لحظة تحولت لبنت ضعيفة .. منكسرة وذليلة .. ونزلت دموعها اللي فاجأت ميثة فيها ..

مريم: كنت أحب ولد عمي .. جانوا يقولون مريم لراشد .. وراشد لمريم .. كبرت وكبر حلمي فإني أكون له ويكون لي .. كانت صورة راشد ف عيني صورة الملاك .. صورة فارس الأحلام اللي بيي ياخذني ع حصانه الأبيض .. بس للأسف هالصورة بسرعة تشوهت .. كبر راشد وتحول من ملاك لشيطان .. كنت أثق فيه ثقة عميا .. كل اللي يبيه .. أسويه له .. وكنا دوم نلتقي .. من ورا أهلنا .. كنت أقول ف خاطري هذا ولد عمي .. وبيصير ريلي .. يعني أنا ما أسوي شي غلط .. وولد عمي أكيد ما بيضرني ولا بيلعب علي .. وف يوم .. صار اللي عمري ما توقعت إنه يصير ..

راشد: أقولج إنتي خبريهم إنج بتباتين عندنا اليوم ..
مريم: ما يصير يا راشد .. أبوي يدري إن عمي وحرمة عمي مب فالبيت .. ما بيخلوني أيي ..
راشد: إنتي قوليلهم إن ليلى تبيج ترقدين عندها اليوم .. ليش إن محد عندها ..
مريم: بحاول .. بس ما أوعدك ..
راشد: حاولي .. ولهان عليج أبا أشوفج ..
مريم: إنزين تعال البيت .. إنته مو غريب .. ياي بيت عمك ..
راشد: أدري .. بس لو ييت بجابل عمي .. وأنا أبا أيلس عندج أبا أرمس وياج ..
مريم: أنا بشوف أبوي وبرد لك خبر ..
راشد: أوكي ..


مريم: وفعلاً .. رمست أبوي .. وبطلاع الروح وافق إني أسير عند ليلى .. عقب ما جذبت عليه وقلت له إن راشد محد .. مسافر ويا ربعه .. زهبت أغراضي وقلت حق ليلى اطرش لي الدريول .. عمي بو راشد جان حاله أفضل من حالنا .. جان عنده فلوس .. وكل شي عياله يبونه إييبه لهم .. بس نحن اللي عشنا الحرمان .. شي طبيعي أنغر بالحياة اللي كانوا عايشينها .. وصلت بيتهم جان راشد محد .. قلت بسويها له مفاجأة وما بقوله إن أهلي وافقوا أرقد عندهم .. يلست ويا ليلى أرمس .. وعقبها قالت ليلى إنها بتروح ترقد .. وأنا سرت أيلس ف الغرفة اللي متعودة أرقد فيها .. هي غرفة الضيوف بالطابق الأرضي .. أتريا راشد إيي .. يات الساعة 10 ونص .. يات 11 .. يات 12 .. وراشد ما يا .. دقيت عليه وخبرته إني ف بيتهم .. وقالي كلها نص ساعة وبيي .. حسيته غريب .. جان يرمس بطريقة غريبة .. ما فهمتها .. انتظرته نص ساعة .. وما وصل .. وعقبها تعبت من الانتظار .. ورقدت ..

الساعة 1 ونص .. سمعت حد يدق الباب ..

مريم: منو ..؟!
راشد: أنا راشد .. فديتج افتحي الباب ..
مريم: أوكي ..

دش راشد .. ويلس ع الشبرية .. وأنا واقفة وأطالعه ..

راشد: تعالي فديتج ليش واقفة بعيد ..
مريم: ليش تأخرت ..؟!
راشد: كنت ويا الربع .. ليش ما دقيتي تخبريني إنج بتيين ..
مريم: قلت بسويها مفاجأة لك .. بس إنت تأخرت وخربت المفاجأة
راشد: سوري فديتج .. انزين تعالي يلسي حذالي برمسج ..

تقدمت .. ويلست حذاله .. كنت مستانسة وايد .. أتخيل اليوم اللي بنعرس فيه .. وبنكون ف بيت واحد وف غرفة وحده .. واللي تخيلته يصير ونحن معرسين .. صار قبل لا نتزوج ....!!!!!!!!


مريم: أول ما طلع الصبح .. رجعت بيتنا .. ما قدرت أيلس ف بيت عمي .. حسيت نفسي مخنوقة .. رحت تسبحت ويلست أفكر بكل اللي صار .. ما كنت مرتاحة حق اللي صار .. أول ما هدت أعصابي .. دقيت حق راشد عشان يشوف لي حل .. بس جهازه مغلق ..! مر اليوم وأنا احاول أتصل فيه جهازه مغلق .. ومر اليوم الثاني والثالث .. وخلص الأسبوع وراشد لا حس ولا خبر .. سرت البيت اسأل عنه .. قالت لي ليلى إنه سافر ف نفس اليوم اللي رجعوا فيه أهله م السفر .. يعني قبل يومين .. وين سافر وليش ..؟! ما أدري .. وأنا ..؟! شو بيصير فيني .. وأنا بعدني ما دشيت الـ 18 سنة ..؟!!!

عقب شهر .. عرفت إن راشد سافر ع ألمانيا يكمل دراسته .. قلت ما عليه مصيره يرد .. أنا بنت عمه .. ومحيرة له .. يعني ما بكون لغيره .. عدن 3 سنوات .. وأنا عايشة ع أمل إنه يرد ونتزوج خلاص كبرت وصار عمري 20 ..بس عقبها دق راشد حق هله وقالهم إنه ما بيرد البلاد .. وإنه تزوج ف ألمانيا وعنده بنت ..!!!

حياتي أنا اللي تدمرت .. راشد أقرب الناس لي .. من لمحي ودمي .. وسوا فيني جيه .. شو أتريا م الغريب عيل ..؟!! عمي جان مريض بالقلب وما تحمل الصدمة .. توفى أول ما سمع الخبر .. قلت راشد بيعرف عن أبوه وبيرجع .. وفعلاً رجع .. شفته ورمسته .. وياليتني ما شفته ولا رمسته ..

راشد: شتبيني أسويلج ؟!!
مريم: شو تسويلي يا راشد .. نحن لازم نعرس .. أنا لو ما خذيتك ما بقدر آخذ غيرك ..؟!
راشد: هه .. اسمعي يا بنت الناس .. إني أتزوجج ها شي تنسينه
مريم : أنا بنت عمك .. حرام عليك ليش سويت فيني جيه ..؟!!
راشد: بنت عمي لو تربت زين .. ما سلمتني روحها .. ما جذبت ع أهلها ويات لعندي ..
مريم: حرام عليك يا راشد .. وربي حرام .. فكر ف خواتك إنت عندك خوات .. لا تظلم .. وإيي اللي يظلمهن ..
راشد: أوووه فجيني واللي يسلمج .. أنا ما يخصني فيج .. تفهمين ..؟!!! دوريلج ع مغفل غيري ياخذج .. لأني مستحيل أنزل نفسي لمستواج ..
مريم: عيل ليش م البداية وافقتهم لمن حيروني لك .. ؟!! ليش م البداية مثلت دور العاشق وياي وخليتني أحبك ..؟!!!
راشد: هههههههههه اسمعي يا مريم .. أنا واحد ما أحب حد يمشيني ع كيفه .. ولمن أفكر أتزوج ما بتزوج وحده أهلي يبوني أتزوجها .. بتزوج اللي تدش مزاجي .. تفهمين ..؟!!! وأحين ياللا عطيني مقفاج .. أنا مب فاضي ..

عقب ما خلص العزا رجع راشد ع ألمانيا .. وأبوي لما درا قالي أنسى إن عندي ولد عم اسمه راشد .. وأنسى إني محيرة له .. حلف إنه ما يكون لي .. ما يدرون باللي صار بينا .. ما يدرون شو سوا فيني ..!

عقب سنة م اللي صار .. عرفت هزاع .. كنا سايرين العاصمة وتعرفت عليه هناك .. هزاع انبهر ف جمالي .. يمكن الجمال بالنسبة لي جان نقمة مب نعمة .. تواصلنا بالتليفون كنت ف هذيج الفترة محتاية حد يوقف وياي .. وهزاع ساعدني وايد .. والعلاقة البسيطة اللي كانت بينا تحولت لعلاقة حب .. حبيته وايد لدرجة إني ما أتخيل أعيش بدونه .. وهو بعد يحبني وايد .. بس ما قلت له عن اللي صار فيني .. ما قدرت أخبره .. خفت إنه يودرني .. لين ما يا اليوم اللي قرر يرمس أهله عني عشان إييون يخطبوني ..

هزاع: للأسف يا مريم .. ارفضوا ..!
مريم: ليش ..؟!
هزاع: يبوني آخذ وحده م الأهل ..
مريم: وألحين شو بتسوي ..؟!!
هزاع: أنا أحبج يا مريم .. تأكدي من هالشي .. وإذا ما خذيتج إنتي .. مستحيل آخذ غيرج .. بس خلينا نصبر ..
مريم: لمتى .. نحن أحين من سنتين نعرف بعض ؟!
هزاع: ليمن أحاول أقنع أهلي ..
مريم: ما عليه يا هزاع .. بصبر وبتحمل أي شي بس عشان تكون لي .. حتى لو قلت لي أصبر عشر سنين ..


كملنا السنة الثالثة .. وتواصلنا زاد ويا بعض .. أحياناً هزاع إيي م العاصمة عشان يشوفني .. وفعلاً نلتقي مع بعض .. بس عمره ما سوا شي أنا ما راضية عنه .. جان يبيني بالحلال .. رمسته مرة ثانية عن أهله .. وقال إنه أقنع أمه .. بس أبوه مب راضي .. وف نفس الفترة انخطبت أنا من حميد .. أنا شفت إن حميد هو الشخص اللي بينقذني .. وف نفس الوقت خفت من الفضيحة .. خفت إن حميد يعرف إني ....... ويقول حق أهلي .. وخططت حق السالفة كلها .. واللي سويته ف حميد ما بغيت أسويه ف هزاع لأني ما أبا أضره ..

مريم: هزاع .. أنا انخطبت وأبويه وافق ..
هزاع: شو ..؟! وأنا ..؟!
مريم: ما أدري .. 3 سنوات ألحين .. وإنت ما قادر تسوي شي
هزاع: خبرتج إن أمي اقتنعت .. بس أبويه مب راضي ..
مريم: ما أدري .. بس أنا ما قدرت أكسر كلمة أبوي .. أبوي وافق بدون لا يشاورني ..
هزاع: يعني شو ..؟! إنتي ضعتي ..؟!

جذبت ع هزاع غصب عني وقلت له إني انغصبت ع حميد .. وف نفس الوقت ربيعتي دلتني ع حرمة تقدر تساعدني عشان حميد ما يفضحني ويسكت عن كل اللي يشوفه أو يعرفه .. وفعلاً سرت عند الحرمة .. وسويت كل شي .. عقبها ملجنا أنا وحميد .. كنت ف هذيج الفترة متواصلة ويا هزاع .. وطلب مني رقم حميد وعطيته .. عقب أسبوع م الملجة .. عرفت من رفيجتي إن أبو هزاع توفى .. دقيت عليه وجان منهار وايد .. وحالته صعبة .. وقررت أسير العاصمة أشوفه وفعلاً سرت ..

هزاع: مريم .. أنا أبيج لي .. أنا ما أقدر أتخيل إنج تكونين حق واحد ثاني ..
مريم: بس أنا ملجت يا هزاع .. يعني متزوجة ألحين ..
هزاع: تصرفي .. سوي أي شي .. بس تردين لي ..
مريم: العرس عقب أسبوع يا هزاع ..
هزاع: حتى لو بعد يومين .. أنا مستحيل اخليج تعيشين ويا هذا ..
مريم: خلاص خلي كل شي علي .. وصدقني يومين بس وعقبها برجع بيت أهلي .. أخاف أقول الحين إني ما أبيه وأهلي يشكون .. بس عقب بقولهم إني ما قدرت أتحمله أو أتقبله .. بخترع أي شي
هزاع: خلاص فديتج ..


وفعلاً .. هزاع صدق كل اللي قلته .. وحميد جان الضحية .. ساعدني بدون لا يدري .. أنا غلطانة وحرام اللي سويته ف حميد .. بس أنا كنت أبا أرد الفرحة اللي سرقها راشد عني .. خفت هزاع يخليني .. عقب ما تعلقت فيه وشفت إنه طوق النجاة بالنسبة لي ..!!!!!



ميرة: أوف .. شو هالفلم ..؟! الصراحة بديت أتخرع م الرياييل ..
فوز ودموعها ع خدها: معقولة كل هذا يصير فيها ..؟!
ميرة: ولد عمها نذل ..
موزة: هيه بس اخويه ماله ذنب تسوي فيه اللي سوته ..
ميرة: صج والله .. وبعدين كيف تبني علاقتها ويا ها اللي اسمه هزاع ع الجذب .. تتحسب ما بيكشفها ..؟!!
موزة: شدراني عنها .. أهم شي إن أخوي إفتك منها .. واللي سمعته إنها تتريا تظهر م العدة وعقبها بتتزوج هزاع وبتروح عنده ..!
ميرة: ياللا خل نروح .. ترا انا حدي يوعانة ..
موزة: هيه والله .. غثيتكم بسالفة هالخايسة ..
فوز: مواز فديتج انسيها .. الله يسامحها.. وأخوج بيحصل البنت اللي تستاهله وتحترمه وتقدره بعد ..
موزة: آمين يا رب ..!


شقة علي - بريطانيا
يوم الثلاثاء
الساعة 12:00 بعد منتصف الليل



علاوي يالس ف داره ع النت .. يرمس ع الماسنجر .. وعقب ما خلص صك المسن .. وفتح المنتدى اللي مشارك فيه .. شاف شو اليديد فيه .. ونزل صور جان مصورنهن اليوم .. وعقبها دش المنتدى اللي تكتب العضوة فيه .. صار له فترة ما شاف يديد كتاباتها .. وقبل لا يروح القسم العام .. سار صوب التصوير .. كانت منزلة صور رحلتها لمصر .. حفظ الصور ف جهازه وعقبها سار يشوف إذا كتبت شي يديد ..


من الصعب ..
أن يعيش الإنسان بدونِ إحساس ..
ومن المؤلم ..
أن لا يكون قادراً على الشعور بـ ما في قلب الآخر ..!
فـ الإحساس ..
دائماً ما يترجمنا .. قبل أن نترجمه ..
يحكي مرارة واقعنا .. قبل أن نتذوقها ..!

ربما نحتاج لـ بعض اليقظة ..
لـ نكون أكثر وعياً وإدراكاً .. بـ أن الأحلام .. أوهام
لن تتحقق .. ما دام أساسها مشلول..!
وهذه أحلامُ الحب ..
عادةً ما تكون مشلولة .. عاجزة مِن عجزِ مَن تحتويهم ..!

فـ جميعُ عشاق الهوى ..
يصارعون .. ويكافحون من أجلِ بقاء النبض في دواخلهم ..
وقليلون ..
هم الذين يجتازون هذه المهمة .. بـ نجاح
لا يترك لهم أثراً قاتلاً فيما تبقى من حياتهم ..!


علي : خاطريه أعرف شو وراج ..؟!! ومنو إنتي ..؟! وليش تكتبين جيه ..؟!! .. جان زين لو أٌقدر أوصلها .. بس أنا شو أباها .. خل تكتب اللي تبا تكتبه .. شو يخصني ..؟!! أحسن شي أصكر الجهاز وأنزل تحت ..!

نزل علي عند ربعه .. سعيد وراشد اللي يلعبون بلايستيشن ..

علي: هلااااااااااااوي ..
سعيد وراشد: أهلييييين ..
علي: شو تسوون ..؟!
سعيد: شو تشوف ..؟!
علي: أبا ألعب ..
سعيد: تعال إلعب .. انا برقد باجر دوامي م الساعة 8 ..
راشد: يالسين ..
سعيد: تعبان .. كملوا لعب إنتو .. أنا ساير أرقد ..
علي: اوكي
سعيد: تصبحون ع خير
علي وراشد: وإنت من أهله ..

سار سعيد .. ويلسوا علي وراشد يلعبون بلايستيشن .. ويسولفون .. ليمن قرر راشد يرمس علي بخصوص أخته ..

علي: ليش وقفت لعب ..؟!
راشد: أبا أرمسك ف سالفة ..
علي: سالفة شو ..؟!
راشد: بند اللعبة ..
علي: ليش .. خل نلعب وقول سالفتك ..
راشد: ما يصير ..

بند علي السوني .. ويلس يطالع ف راشد .. يترياه يرمس .. بس راشد مب عارف من وين يبدا ..

علي: شو قوووووووول .. شكلك تبيني أنش أحينه أترفس ف كرشتك ..
راشد: هههههههه أوف منك .. ما تيوز عن طبعك ..
علي: من ساعة أحينه أتريا تقول شي .. وإنت صاخ .. قولي شو عندك ..؟!!
راشد: علوووي الموضوع جدي .. لا تيلس تتمصخر ..
علي: منو يتمصخر .. انا وإلا إنته .. أوكي أنا اسمعك ياللا قول
راشد: أنزين .. إنت تدري إني جربت أتخرج .. يعني ما عندي غير هالكورس وبخلص ..
علي : انزين ..
راشد: وبصراحة أنا قررت أول ما أخلص وأتوظف .. أتزوج ..
علي: حلوووو .. كلللللللووووووولييش .. خخخ ما ضبطت ..
راشد: ويا راسك .. صدج محد يقولك شي ..
علي: هههههههههههه انزين شو تبيني أسوي .. أصيييح .. ترا مستانس فديتك مستانس ويالس أعبر عن وناستيه ..
راشد: إنزين بعدني ما قلت اللي أبا أقوله ..
علي: في شي ثاني بعد ما قلته ..؟!!
راشد: هيه ..
علي: شو ..؟!
راشد: الصراحة الصراحة الصراحة ..
علي: ههههههههه أي صراحة .. رشووود قول عاد بلاك جيه .. ترا ما بذبحك ولا بآكلك .. عادي ..
راشد: أنا أبا أختك ..
علي: أي أخت ..؟!!
راشد: حووو .. علووي جم أخت عندك .. ما أحيد عندك غير وحده
علي: تقصد ميرة ..؟!!!
راشد: هيه ..
علي: وإنت شدراك فيها ..؟!!
راشد: أنا ما أعرفها .. بس شفتها لمن كانوا يايين هنيه .. وشفتها قبل لا نيي هنيه .. كنت ياي البيت عندك وهي طلعت لي وقالت لي إنك مب موجود .. وبصراحة يا علي البنت دشت خاطريه وأنا ما بحصل أحسن عنها .. ويكفي إنها أختك ..
علي: ما أعرف شو أقولك يا راشد .. إذا عليه أنا ف أنا ما عندي مانع .. بس بعد لازم أشاورها .. وأشاور أخويه عبدالله .. وغير جيه البنت أحينه تدرس ..
راشد: ما عليه .. بترياها بس ع الأقل أضمن إنها تكون لي
علي: فالك طيب يا راشد .. أنا أول ما أنزل البلاد بخبرها وبآخذ رايها وإن شاء الله برد عليك ..
راشد: ما أبا أسمع إلا الأخبار الطيبة يا علي
علي: إن شاء الله ..

نهاية الجزء
ترقبوا الجزء الثآني عشر
 

أم حور

¬°•| عضــو شرف |•°¬
إنضم
26 فبراير 2011
المشاركات
502
العمر
34
الإقامة
SoHaR
(( طولت بالي وخذها اليوم لك شكراً ما ينزل الراس دام الروح بي حية))

الجزء الثاني عشر



مرت الأيام بسرعة .. وانشغلن البنات بامتحانات الفاينل .. علي وسعيد رجعوا البلاد عندهم إجازة الربيع .. فوز وميرة علاقتهن ف بعض زادت وايد .. وموزة من آخر مرة رمست سيف وشافته .. ما التقوا ولا رمسوا .. لا هو يا عندهم ولا هي سارت عند أختها .. انتهى الفصل الأول م الدراسة .. وبدت اجازة الربيع والمفاجآت اللي راح تصير فيها ..!!


بيت أبو عبد العزيز
يوم الخميس
الساعة 4:00 عصراً


بناءاً على طلب من حصة سارت موزة العين وقررت تيلس عند أختها جم يوم .. كانت وايد مستانسة لأنها بتشوف سيف .. خصوصاً عقب ما مرت فترة طويلة بدون لا ترمسه أو تعرف شي عنه ..

حصة: شو الدراسة مواز ..؟!
موزة: الحمدلله طيبة .. وإنتي شو مسوية ..؟!
حصة: ليش ما تدرين إني هديت الكولج ..؟!
موزة: لا والله .. ليش عاد ..؟!
حصة: بس مالي خلق ..
موزة: لا والله .. صج إنج حالات ..
حصة: محد شجعني .. وأنا بروحي متعايزة .. وبعدين الدراسة مب مختلطة .. عشان جيه مب شي ..
موزة: هههههههه لا والله .. شو الحلوة إنتي سايرة تدرسين وإلا تدورين لج معرس ..؟!
حصة: لا فديتج أنا المعرس بيي لعندي .. بس أقصد جيه يعني .. مب حماس تدرسين ويا بنات بس .. تحسين نفسج ما ظهرتي م المدرسة
موزة: لا تتحسبين الدراسة المختلطة شي .. ترا صج صج مب شي .. خصوصاً لمن تنجبرين توقفين جدام تشرحين أو تقدمين عرض .. والكل يطالعج ..
حصة: يا سلام .. تصدقين خاطريه أحضر وياج ..
موزة: أفا عليج .. تعالي ويايه وفالج طيب إن شاء الله ..

دق تليفون حصة .. كانت رفيجتها داقة وردت عليها ع طول ..

حصة: هلا والله ..
مايا : أهلين .. كيفج حصوووص ..؟!
حصة: الحمدلله بخير .. شحالج إنتي .؟!
مايا : منيحة .. شو وينج مختفية ..؟!
حصة: وين بسير يعني .. إذا مب ف بيتنا .. ف فبيت أخويه خالد ..
مايا: يعني وين أحصلج ألحين..؟!
حصة: ف بيت أخويه خالد ..
مايا: شو عندج هناك ..؟!
حصة: مواز أخت حرمة أخويه يايه تيلس عندنا جم يوم .. ويالسين ف الحوش ..
مايا: ما شاء الله .. تدرين عاد أنا أتريا اللحظة اللي أشوفها فيها
حصة: ليش مب شايفتها من قبل ..؟!
مايا: مرة أو مرتين بس أنا أقصد أيلس وياها ونسولف ..
حصة: أهااااا .. حياج ف أي وقت ..
مايا: خلاص عيل ألحين بمر صوبكم ..
حصة: نترياج ..


موزة: منو هاي ..؟!
حصة: مايا رفيجتي .. العراقية اللي يسكنون قبالنا ..
موزة: هيه تذكرتها ..
حصة: قالت تبا تشوفج .. واحين بتمرنا ..
موزة: تشوفني .. ليش عاد ..؟!
حصة: شدراني ..؟!
موزة: ما علينا .. ما قلتيلي شحاله سواف ..؟!
حصة: أووووه تطورنا وقمنا ندلع بعد .. الحمدلله بخير .. بس ليش تسألين عنه .. شو الأخت ولهانة ..؟!
موزة: أوف منج .. مجرد سؤال .. شو حرام أسأل يعني ..؟!
حصة: لا مب حرام .. بس بسألج سؤال وأبا الصج ..
موزة: شو ..؟!
حصة: إنتي تحبين سواف ..؟!
موزة: ف عينج .. شو احبه ..
حصة: قولي الصج .. ترا ما فيها شي ..
موزة: ما أحبه ..
حصة: قولي عااد .. إذا إنتي خذيتي سيف أنا بآخذ اخوج أحمد شرايج ..؟
موزة: لا والله .. شرايج إنتي تاخذين أحمد بدون لا آخذ سيف ..
حصة: لا والله .. لا تنكرين يا حلوة .. إنتي أصلا تحبينه ويايه العين بس عشان تشوفينه
موزة: صخي لاه .. مب كأنج إنتي يلستي ع راسي عشان أيي أقضي الإجازة هنيه ..
حصة: ومب كأنج ما صدقتي خبر ع طول ركضتي تزهبين جنطتج .. تقولين تتريين هالعرض المغري مني
موزة: سخيييييييفة ..
حصة: هههههههههههههه

دق الجرس .. كانت مايا يايه .. وع طول دشت ما انتظرت ليمن يروحون يفتحون لها البيت .. عادة نفسها وحده من أهل البيت .. سلمت ع البنات ويلست عندهن تاخذ علومهن ..

مايا: شخباركن بنات ..؟!
موزة وحصة: الحمدلله بخير ..
مايا: شو صحتج مواز .. ما شاء الله هنيه ..؟!
موزة: هيه والله .. عندنا إجازة وقلت بيي عند أختي أغير جو ..
حصة: أنا بروح أييب لنا شي نشربه .. وبزقر رووضووه بالمرة ..
موزة: تبيني أساعدج ؟
حصة: لا إنتي خلج هنيه عند مايا ..

موزة ما تحب مايا .. عشان جيه كانت تبا تشرد بأي طريقة .. تحس إن مايا خقاقة وشايفة نفسها .. ما تقدر تتحمل رمسة منها .. يات صوبهن روضة .. وفرحت موزة من خاطرها إن حد يا عندها وفجها من مايا ..

روضة: شحالج مايا ..؟!
مايا: الحمدلله .. من صوبج ..؟!
روضة: منيحة ..
مايا: شمسوية ف الدراسة يا موزة ..؟!
موزة: الحمدلله كل خير ..
مايا: ما أدري شلج بعوار الراس ..

طالعتها موزة بنظرة غريبة .. وسكتت ما علقت لأن تليفون مايا دق وردت عليه ..

مايا: فديته والله .. أكيد ولهان علي ..
روضة باستغراب: منو ..؟!
مايا: لحظة لحظة .. بسمعكم شي ..

حطت مايا الفون سبيكر ويلست ترمس ويا الطرف الثاني .. جدام موزة وروضة .. وكانت رمستها كلها دلع ومياعة .. وعقبها بندت عنه ويلست تطالع موزة وتبتسم ..

مايا: تدرون عاد .. مطفربي .. يمووت علييييي وايد .. شو يموت إلا يركض ورايي ركض ..

روضة ساكتة .. وموزة بدا الفضول يلعب دور وياها .. خصوصاً إنها كانت شاكة ف صوت الريال اللي رمسته مايا ..

موزة: منو هذا ..؟! وكيف عرفتيه ..؟!!
مايا: سواف .. أخو حصة ..
روضة: عميييييه ..؟!!
موزة بصدمة: شوو ..؟!!
مايا: شفيكن مستغربات ..؟! أنا وسيف نحب بعض من زمان .. وجم مرة عزمني ع العشا برع .. ها غير مكالمات آخر الليل .. أصلا ما يقدر يرقد بدون لا يسمع صوتي ..!
روضة: جذابة ما أصدقج .. مستحيل عميه يسويها ..
مايا: كيفج عاد .. إذا مب مصدقة هاج التليفون وشوفي سجل المكالمات .. بتحصلين رقمه ..


الله يسامح يوم في حقي أخطيت
والا أنا ما أسامح الدهر كله
ما أسامحك يوم أنت عني تخليت
عذبتني يا زين من دون زله

خلني بزيدك من الشعر بيت
حلفت ما أنسى لين دمعك تهله
تقول سامحني وأنا أقول يا ليت
مع السلامه روح ما ارضى المذله

غلطة زماني يوم طعتك و حبيت
صارت حياتي دون شوفك ممله
اخلصت لك عهدي و شوقي و داريت
صدقت قلبي فيك الله يشله

انسيتني و الا انت يعني تناسيت
معقول يرجع كل شي بمحله!!
خذ ذكرياتك بس من الحب مليت
الحفظ لك واللي تغليه غله



موزة كانت تسمع وساكتة .. صدمتها كبيرة .. حست نفسها وحدة غبية ومغفلة .. كانت تبي تصيح بس سوت نفسها قوية جدام مايا لأنها متأكدة إن مايا قالت كل ها عشان تقهرها ..

موزة: الله يهنيكم ف بعض ..
مايا : تسلمين فديت روحج ..
موزة: أنا بسير أشوف حصة ليش بطت ..!

نشت موزة .. سايرة داخل وهي تغالب دموعها عشان ما تبجي .. والشخص الوحيد اللي ما تتمنى تشوفه لحظتها .. طلع ف ويهها ...!!


عند حصة ..

حصة ف المطبخ تسوي العصير بروحها .. وكانت يالسة تغني ومندمجة .. وتخرعت أول ما شافت سيف واقف عند باب المطبخ

حصة: سواف ويا فيسك خرعتني .. شو تسوي هنيه ..؟!
سيف: ياي بيت أخويه شفيها .. وإنتي شعندج يالسة هنيه .. وحق منو هالعصير كله ...؟!
حصة: مثل ما تشوف .. كنت أسوي عصير .. وحق منو ..؟! حقي وحق روضة ومواز و.......
سيف يقاطعها : منو مواز ..؟!!
حصة: منو مواز بعد .. أخت ميثة ..
سيف: تمزحي ..؟!
حصة: لا ما امزح ..
سيف: مواز ف العين وأنا ما أدري .. من متى ..؟!
حصة: من يومين أحينه ..
سيف: وليش ما خبرتيني ..؟!
حصة: ما شفتك عشان أقولك
سيف: وينها فيه أحينه ..؟!
حصة: أحيدها خاري عند البنات ..

ظهر سيف م المطبخ بسرعة .. ساير صوب البنات .. وتفاجأ أول ما شاف موزة ف ويهه ..

سيف بابتسامة: موزتي شحالج ..؟!!

طالعته موزة بنظرة احتقار .. ومشت عنه .. يود سيف إيدها ..

سيف: بلاج مواز .. ؟!
موزة: هدني .. وما يخصك فيني ..

كملت موزة طريقها .. وسيف علامات تعجب ع راسه .. مب مستوعب كل اللي صار .. بلاها موزة .. وليش تبجي ..؟!!

حصة: شفيك سيف .. ليش واقف ..؟!
سيف بعيييييد .. يفكر ف موزة .. كسرت خاطره .. ويبا يعرف شو اللي خلاها ترمسه جيه ..
حصة: حووو .. سيفان شفيك ..؟!!
سيف: ماشي ..

سار سيف البيت .. وحصة ظهرت خاري عند البنات .. محد جان موجود غير روضة .. مايا عقب ما راحت موزة استأذنت لأن أمها دقت عليها تبيها ..

حصة: عيل وين مواز ومايا ..؟!
طالعتها روضة بنظرة غريبة .. وما ردت عليها .. وحصة مستغربة م اللي قاعد يصير ..
حصة: روووويض .. أقولج وين مواز ومايا ..؟!
روضة: موزة أظنها سارت فوق .. واللي ما تتسمى سارت بيتهم
حصة: منو هاي .. اللي ما تتسمى ع قولتج ..؟!
روضة: رفيجتج .. ست الحسن والدلال .. الآنسة مايا ..
حصة: بلاج ترمسين جيه عن البنت ..؟!
روضة: تدرين بعد أنا من قبل ما أحبها .. وأحينه عاد أكرههاااااا
حصة: ليش شو سوت ..؟!
روضة: ما أدري .. أنا لين أحينه أحس اللي صار حلم ..
حصة: قولي عاد خلصيني ..؟!
روضة: صدمة يا حصة .. أنا مب قادرة أستوعبها ..
حصة: رويض شصار لا تخرعيني ..؟!!
روضة وهي تبلع ريقها ..:

دق تليفون مايا .. وحطته سبيكر .. تبينا نسمع منو ترمس .. طبعاً ترمس عمييييه وعاد لو سمعتي شقالت .. وكيف كانت ترمسه ..!
حصة: مستحيل ..؟!!! وشدراكم إنه هو سيف ..؟!
روضة: يالويه .. مواز سألت مايا .. ومايا ما قصرت قالت لها كل شي .. قالت إن بينهم علاقة ويحبون بعض ويظهرون و و و ..
حصة: معقولة ..؟! كل ها صاير من ورايه .. وأنا آخر من يعلم ..؟!!
روضة: أقولج أنا بروحي منصدمة .. ومالي ويه أشوف مواز .. سيري بليز رمسيها .. أكيد ذابحة عمرها م البجي ..!


أول ما وصلت موزة دارها .. قفلت الباب ويلست تبجي بالقو .. عقب كل شي حلو صار بينهم تنصدم بسيف ..!!
سيف الطيب الحنون الملاك ف عيونها .. غيّر إلا شوّه الصورة الجميلة اللي كانت موزة راسمتها له .. موزة كانت تبجي ع غباءها .. تبجي لأنها فعلاً بدت تحب سيف .. وصعب لمن تحب شخص وتشوفه كل شي بالنسبة لك .. وعقب تتفاجأ وتنصدم إن الشخص اللي تحبه يشوفك ولا شي ..
كانت تتمنى ترد البيت .. بس هالأمنية صعب تتحقق ع الأقل اليوم .. ما قدرت ترمس وعشان جيه طرشت مسج حق أخوها عشان إيي ياخذها باجر ..!


بيت أبو حمد
يوم السبت
الساعة 8:00 مساءاً



أم حمد وحمد وندى يالسين ف دار فوز يسولفون .. وأبو حمد ظاهر ويا ربعه ..

حمد: شو أمايه .. أبويه ما قال إذا بنروح مكان فهالإجازة ..؟!
أم حمد: لا ما قال .. بس احتمال ع شهر 4 نسير بريطانيا عند ريم
فوز: تسيرون ..؟! منو يعني ..؟!
أم حمد: أنا وأبوكم وندى ..
ندى: يا سلام بشوف ليييييم ..
حمد: ونحن ..؟! أقصد أنا .. ترا فوز عندها دراسة ..
أم حمد: إنت بتيلس عند فوز لين ما تخلص دراسة وعقبها بتلحقونا ..
فوز: ويوو ههههههه تستاهل ..
حمد: لا والله ليش تربطوني فيها ..؟!
أم حمد: ما نربطك فيها .. بس أبوك قال هالفترة إنت بتكون ف المكتب يعني بيروح وهو مطمن ..
حمد: إذا جيه أوكي ..
أم حمد: بسير أشوف البشكارة شو سوت ف العشا .. وياللا انزلوا ترا أبوكم على وصول ..
فوز: إن شاء الله أمايه ..

راحت ندى .. ونشت فوز عشان تروح تتغسل وعقبها تنزل تحت حق العشا .. بس حمد زقرها .. وقالها تيلس لأنه يبا يرمسها ف موضوع ..

فوز: موضوع شو ..؟!
حمد: ترا محد يدري لين أحينه .. بس أنا فطيم قالت لي آخذ رايج ف الموضوع ..
فوز: أوكي .. شو هالموضوع ..؟!
حمد: منصور
فوز: بلاه ..؟!
حمد: يبيج .. أقصد يبا يخطبج يعني ..
فوز بصدمة: شو ..؟!!
حمد: شفيج .. الريال يبا يعرس .. ورمس فطيم عشان تقولي وآخذ رايج لأنه يبيج إنتي ..
فوز بعصبية: لا والله .. اسمع يا حمد .. لو يخلصون كل الرياييل اللي في الدنيا وما بقى غير منصور .. مستحيل أوافق عليه ..
حمد: إنزين ليش معصبة .. شفيه منصور..؟!!
فوز: إنت أكثر واحد تدري شفيه .. وتدري عن سوالفه البطالية وعلاقاته .. ما أدري كيف تطاوعك نفسك إن أختك تكون حق واحد مثل ها ..!!
حمد: السوالف البطالية هاي كانت أيام الدراسة وألحين الريال كبر عنها ..
فوز: مب موافقة .. وخله يروح يشوف غيري ..

ظهرت فوز م الغرفة معصبة ع أخوها .. ما توقعت إن حمد يقولها هالرمسة .. وهو يدري بأخلاق منصور عدل .. أما حمد ف من شاف ردة فعل أخته .. قرر يخبر فطيم إن فوز ما تبي تعرس ويفك عمره من عوار الراس ..!


المكان المناسب .. اللي تقدر تصيح فيه ع راحتها .. جان غرفة أختها ريم .. من فترة نست كل شي .. أو بالأحرى تناست كل شي خصوصاً ذكريات طفولتها اللي حطمت أحلامها .. وأول حلم تحطم .. حلمها ف الحب .. ف الثقة .. ف الحياة .. الشي اللي شافته ف طفولتها خلاها تكره الناس اللي حولها .. خلا ثقتها بالناس تكون صفر ..

آآآآآآه .. رجعنا للهم من يديد .. كانت تعتقد إنها نست اللي صار .. بس الظاهر إن اللي صار راح يكون مرافقنها طول حياتها .. السر اللي احتفظت فيه سنين .. بدت ملامحه تظهر .. وبدت تخاف منه أكثر من أول ..
أول شي خليفة .. وأحينه منصور .. ومنو اللي عقبهم ..؟!!! رفض خليفة جان مواكب ظهور محمد ف حياتها من يديد .. وتشبثها بأمل عقيم .. بس إن منصور يدش فهالمعادلة الصعبة بالنسبة لها .. هالشي خلاها تعيد ترتيب حساباتها .. وتمحي كل قصة حب ممكن تعيشها .. !!

عقب ما فرغت فوز همومها ف دموعها .. ظهرت من دار أختها وسارت دارها .. يات ندى تزقرها حق العشا .. وقالت إنها ما تبا .. وع طول صلت العشاء ويلست تقرا قرآن وعقبها حاولت ترقد .. دق تليفونها .. كانت موزة متصلة فيها .. وردت عليها ..

موزة: السلام عليكم
فوز: وعليكم السلام والرحمة هلا موازة ..
موزة: شحالج فديتج ..؟!
فوز: الحمدلله بخير .. شحالج إنتي وشو الإجازة ..؟!
موزة: الحمدلله .. وإنتي شو علومج ..؟!
فوز: والله الحمدلله ع كل حال .. شو متى رجعتي م العين ..؟!
موزة: أمس الصبح ..
فوز: مب ع أساس تيلسين أسبوع هناك ..
موزة: هيه .. بس ..
فوز: بس شو ..؟!
موزة: ما عيبني الوضع ورجعت ..
فوز: لا والله ما عيبج .. حد صاحله يشوف حبيب القلب وما يعيبه الوضع ..
موزة: أي حبيب قلب .. بلا حبيب قلب بلا بطيخ ..
فوز: ليش عاد .. ما كانت جيه رمستج قبل لا تسيرين ..!
موزة: هيه لأني كنت غبية .. سايرة أوني بسويها مفاجأة وواثقة إنه بيستانس عليها .. طلع الحبيب مب داري عن هوا داري ..
فوز: ليش شصار ..؟!

بدت موزة تبجي ..

موزة: شو أقولج يا فوز .. أول مرة أندم ع شي سويته .. وندمت وايد إني خليت سيف يدش قلبي من أوسع أبوابه ..
فوز: لهالدرجة ..؟!! شو يخليج تقولين جيه ..؟!!
موزة: الموقف اللي مريت فيه .. عمري ما فكرت إني بمر فيه .. موقف سخيييف .. تخيلي طلع يرمس بنت ييرانهم .. وبينهم علاقة من فترة .. لا واللي قهرني أكثر طلعاتهم ورداتهم ويا بعض ..
فوز: مستحيل ...؟!!!
موزة: شو المستحيل ..؟! المستحيل يا فوز إن يكون فهالدنيا ريال قلبه نظيف .. المستحيل إن يكون فهالدنيا ريال وفي ..
فوز: وإنتي كيف عرفتي كل هذا ..؟!
موزة: البنت اللي يرمسها يالسة عندنا .. وف هاك الوقت دق عليها .. وحطته سبيكر أونها تبينا نسمع شو يقولون ..:


مايا: هلا حبي ..
سيف: هلا ومليار غلا بقلبي .. شحالج فديتج ؟!
مايا: بخير وعافية .. من صوبك ..؟!
سيف: الحمدلله .. تصدقين توني ناش م الرقاد .. وقلت لازم أسمع صوتج .. ولهاان علييييج ..
مايا: فديت روحك والله .. وأنا أكثر ولهاااانة ..
سيف: شو ما بتخليني أشوفج ..؟!
مايا: ممممممممم شرايك باجر ..؟!
سيف: أني تااااااااايم فديتج ..
مايا: خلاص عيل باجر نتفق ..
سيف: أوكيييييييييي .. حبي أنا بروح أتزهب أحينه عشان أروح الجم ..
مايا: أوكي حبيبي ..
سيف: بايووووو حياتي ..


فوز بصدمة: مب قادرة أصدق إن هذا سيف ..؟!
موزة: ولا أنا .. بس كل ما أفكر ف اللي صار أحس نفسي غبية ومغفلة .. أكره نفسي وايد ..
فوز: لا تقولين جيه يا موزة .. والحمدلله إنكم ف البداية أحينه وعرفتي سوالفه ..
موزة: أدري .. بس ما أدري والله أحس نفسي انكسرت بالقوو .. أول مرة أمر ف مثل هالموقف ..
فوز: آآآه يالدنيا .. ربج كريم فديتج .. ودامج لسه ع البر حاولي تنسينه .. ترا محد يستاهل ف هالدنيا تضيعين نفسج عشانه ..
موزة: مقهورة يا فوز .. مقهورة .. وكل ما أتذكر كلامه لي وتصرفاته .. أنقهر أكثر وأكثر .. ليش يسوي فيني جيه .. إذا جان يحب هذيج ..
فوز: هذولا الشباب .. اللعب ويا البنات ف دمهم .. ما يبون البنت .. يبون يرضون شهوتهم بس .. أهم شي فديتج لا تبيني حق أي حد إنج متأثرة ..
موزة: وها اللي فعلاً سويته .. حتى أمس قبل لا أرد حاول يرمسني بس ما رديت عليه .. سويت نفسي مب مهتمة وأنا أحترق من داخل ..
فوز: خلج قوية يا موزة .. لا تخلين الحب يسوي فيج اللي سواه ف غيرج .. محد يستاهل .. وربي محد يستاهل .. ويلست فوز تبجي ..
موزة: فواز فديتج ليش تصيحين ..؟!!!
فوز: من القهر .. من الألم اللي فيني يا موزة .. خلاص مب قادرة أتحمل أكثر .. تعبت من كثر ما أسكت وأخش ف قلبي ..
موزة: فديتج شصاير ..؟!!
فوز: بقولج وقت ثاني .. إنتي بروحج مضايجة وأنا أزيدج .. ما يصير ..
موزة: إنتي مضايجة وسمعتيني .. يعني أنا بعد لازم أسمعج
فوز: ما أقدر أرمس أحينه .. خليها وقت ثاني ..
موزة: اوكي ع راحتج يالغلا .. أنا بشوف فرصة وبيي البيت أشوفج ..
فوز: حياج الله ف أي وقت ..
موزة: ياللا عيل بخليج .. ديري بالج ع روحج ..
فوز: إن شاء الله وإنتي بعد
موزة: فمان الله
فوز: ربي يحفظج ..

بندت موزة .. ويلست فوز تكمل صياحها .. ورقدت والدموع ع خدها ..!!!


بيت عبدالله
يوم الثلاثاء
الساعة 10:00 مساءاً


الخبر اللي تركه عبدالله قبل لا يظهر م البيت .. صدم الكل بس هالشي من حقه .. ودام خولة راضية هم ما عندهم شي يقولونه .. ميرة تطالع ف علي .. وعلي يطالعها ..

عبدالله: عندي رمسة أبا أقولها ..
ميرة: رمسة شو ..؟!
علي: صاير شي يا عبدالله ..؟!
عبدالله: لا ما صاير إلا الخير .. بس أنا قررت أتزوج ..
ميرة بصدمة: نعم ..؟!!
عبدالله: بلاج .. شو كفرت أنا .. قلت أبا أتزوج ..!
علي: وخولة ..؟!!
عبدالله: خولة هي اللي شجعتني وأصرت عليه عشان أتزوج .. وهي اللي اختارت العروس بعد ..
ميرة: لا والله .. حرمتك أكيد ينت ..؟!!
عبدالله: ليش يعني ..؟!
ميرة: شو ليش يعني .. ماشي حرمة عاقلة تقول حق زوجها يتزوج عليها .. لا وبعد تختارله العروس بنفسها ..

يات خولة هالحزة .. وبدل لا عبدالله يرد ع ميرة .. هي اللي ردت عليها ..

خولة: وبتكون حرمة مينونة .. اللي تحرم زوجها من حقه ف إنه يكون له عيال يشيلون اسمه ..
ميرة: خولة ..
خولة: هيه خولة يا ميرة .. الحب عمره ما جان أنانية .. واللي يحب إنسان .. يفديه بحياته كلها ..
ميرة: والحب بالنسبة لج صار إنج تعطين حرمة غريبة ريلج جيه ع الزاهب ..؟!
خولة: لا .. الحب بالنسبة لي إني أضحي بسعادتي عشان الشخص اللي أحبه .. وبعدين أنا ما أدري إنتو ليش تناقشون الموضوع ويا عبدالله .. لهالدرجة أنا كاسرة خاطركم ..؟!! لا اتعبون نفسكم لأن عبدالله ما ياي يشاوركم .. ياي يقولكم إنه قرر يتزوج .. وأنا موافقة وأنا اللي اخترت العروس بعد ..

راحت خولة دارها .. وميرة ف ذهول من القوة اللي بانت على خولة .. معقولة خبر الزواج ما هزها .. حتى دمعة ما ذرفت ..

ميرة: ومنو العروس يا عبدالله ..؟!!
عبدالله: شما ..
ميرة: منو شما ..؟!
عبدالله: بنت خالة أمي ..
ميرة :شووووووووو ...؟!!!!!
علي: خولة اختارت لك شما .. معقولة ..؟!!
عبدالله: هيه .. هي اللي اختارت شما ..

ظهر عبدالله م البيت .. عقب رمسة خولة وعقب ما جاوب ع سؤال ميرة .. منو العروس ..! علي وميرة انصدموا وصدمتهم بالعروس وباختيار خولة كانت أكبر من صدمتهم بخبر الزواج نفسه ..!!!!


علي: ميرووووووه .. شفيج من ساعة أرمسج ما تردين ؟!!
ميرة: أفكر ف رمسة خولة .. مب قادرة أستوعب إن خولة عقب هالسنين كلها تخطب شما حق عبدالله ..
علي: بصراحة هالحرمة قوية .. ما شاء الله عليها ..
ميرة: أحاول أركبها بس مب قادرة تركب ..
علي: شو هيه ..؟!
ميرة :إن عبدالله يكون متزوج ع خولة .. ومن منو .. من شما ..!!!
علي: عبدالله من حقه يكون له عيال.. وتفكير خولة سليم ..
ميرة: هيه تفكيرها سليم ف كل شي .. إلا ف اختيار العروس ..!
علي: هذي حياتها وحياة ريلها نحن ما يخصنا .. قومي ييبيلي شي أشربه وتعالي برمسج ف سالفة إنتي بعد .. بما إن أحاديث الزواج انفتحت ف بيتنا ..!
ميرة: أوكي .. شو تبا .. ماي ..؟!!
علي: ماي ف عينج .. أبا عصير مانجو ..
ميرة: بقول حق البشكارة تسويلك ..
علي: ما أبا .. أبا من إيدج الحلوة يالحلوة ..
ميرة: تبا تعبلني ومب عارف كيف .. انزيييييييين ..

سارت ميرة تسوي العصير .. وعلي ف الصالة يالس ينتظرها .. خذت عشر دقايق ليمن خلصت العصير .. ويات صوب الصالة ..

ميرة: كاهو العصير ..
علي: تسلم إيدج يالدبة .. أقول شرايج نظهر ف الحديقة .. الجو خاري حلو وبااااارد .. يرد الروووح ..
ميرة: أوكي ..

ظهروا خاري .. علي ميود اللاب توب وسار ييلس ع الطاولة .. وميرة سارت تشغل ليتات الحديقة ..

فتح علي اللاب توب .. وكالعادة دش المنتدى يشوف شو يديد العضوة .. بس تفاجأ إنها ما طارحة شي يديد ..

ميرة: شو ماشي يديد ..؟!
علي: لا .. أخاف صاير عندها شي .. أحينه من أسبوع ما دشت .. ولا نزلت شي يديد ..
ميرة: يمكن عرست ..
علي يطالعها بنص عين : فال الله ولا فالج ..
ميرة: ليش ..؟!! هالشي وارد .. بنت ومصيرها تعرس ..
علي: صخي لاه .. ترا أحينه أفرج بكوب العصير ..
ميرة: زين لا تعصب ما بقول شي .. حشا كل ها لأني قلت إنها عرست ..
علي: تقهريني تراج .. وترفعين ضغطي بعد ..
ميرة: هههههههههه والله وطحت يا علووووي ومحد سمى عليك
علي: فديتج مب أنا بس اللي طايح .. حد غيري طاح ومحد سمى عليه ..
ميرة باستغراب: منو ها ..؟!
علي: راشد رفيجي ..
ميرة: وفمنو طايح عاد ..؟!
علي: فمنو بعد .. في الأميرة الساحرة .. ميرة بنت عبدالعزيز ..
ميرة: شو شو شو ..؟! شهالرمسة ..؟!
علي: راشد رمسني لمن كنت ف لندن .. وقالي إنه يبي يخطبج .. وبصراحة أنا ما عندي مانع بس قلت له بآخذ رايج .. ورأي عبدالله بعد ..
ميرة بعفوية : وسعيد ..؟!!
علي باستغراب: سعيد ..؟! بلاه سعيد ..؟!
ميرة: أقصد يعني سعيد درا إن رفيجك يبيني ..؟!
علي: هيه
ميرة: وشو رأيه ..؟!
علي: خلينا من سعيد .. إنتي شو رايج ..؟!!
ميرة: ما أدري ما أفكر ف هالشي أحينه .. إنت تدري زين إن جدامي دراسة ..
علي: أدري وقلت حق راشد .. وقال إنه مستعد يترياج جان تبين .. بس هو يبا يخطبج عشان تكونين له .. يعني محد يخطبج عقب ..
ميرة: بس أنا ما أعرفه .. يعني ما أعرف شي عنه ..
علي: عقب ما إيي يخطب رسمي بتعرفينه عدل .. بس أنا أحينه من جم سنة أعرفه وبصراحة ريال والنعم فيه .. يعني هو صح شرات أخوج احم عليه حركات بس أكيد دامج دشيتي قلبه ودامه قرر يتزوج ف أكيد ودر حركاته ..
ميرة : خل يودرها .. حق نفسه مب حقي ..
علي: المهم أنا أبيج تفكرين زين ف الموضوع وتردين لي خبر .. وصدقيني أنا أخوج وقبل لا أكون وياه بكون وياج .. وأكيد تهمني مصلحتج .. وإذا بغيتي تعرفين أي شي عنه أنا حاضر ..
ميرة: يصير خير ..
علي: بس مب تتأخرين عليه ف الرد ..
ميرة: إن شاء الله ..


بيت أبو حمد
يوم الأربعاء
الساعة 4:00 عصراً


فوز بدارها .. صار لها فترة طويلة ما دشت النت .. دشت المنتدى اللي متعودة تدشه .. ويلست تشوف شو اليديد فيه .. وعقبها دشت منتدى الجامعة تشوف شو آخر الأخبار .. أول ما سجلت النك نيم حقها .. والباسورد .. وفتحت الصفحة تفاجأت بوجود رسالتين ..

قرت الرسالتين واستغربت وايد .. منو ممكن يطرشلها .. وعقب ما ردت على الرسالة .. بندت المنتدى .. وصكرت اللاب توب .. ويلست تفكر بهالشخص اللي مركز عليها وايد ومنتبه لكل حركاتها ..!!!!

الساعة 5 العصر وصلت موزة .. دخلتها البشكارة ميلس الحريم .. وسارت تزقر فوز عشان تروحلها .. لبست فوز شيلتها ونزلت عند موزة ..

فوز: هلا والله .. تو ما نور البيت
موزة: أهلين فديتج .. منور بأهله ..
فوز: شحالج موازة ..؟!
موزة: بخير وعافية .. شحالج إنتي ..؟!
فوز: والله الحمدلله .. ماشي الحال
موزة: تدرين عاد .. ذليت عمري لين وافق أحمد إييبني ..
فوز: لاه .. عيل فالح يوديج العين .. أحينه بيتنا مب قادر إييبج ..
موزة: عاد العين غير .. تدرين بعد ..
فوز: شو هناك ..؟!
موزة: ما قلتلج .. الريال حاط عيونه ع حصة ..
فوز: تمزحين ..؟!
موزة: والله .. شافها ف بيتنا .. وحشرني أونها تشبه مهرة
فوز: اهاااا قلتيلي تشبه مهرة ..
موزة: أدري بشو تفكرين ..
فوز: مب من حقي أفكر جيه ..
موزة: أنا بعد فكرت جيه .. بس عقب شفت إن الشخصية أهم من الشبه .. شخصية حصة غير عن مهرة .. يعني حتى لو حصة تشبه مهرة بس راح تعيبه شخصية حصة أكثر ..
فوز: يمكن والله .. بس قوليله مب يتسرع .. وفنفس الوقت لا يتأخر وتطير شرات أختها
موزة: أنا لين أحينه ما رمست حصة .. أول ما أشوف الوقت مناسب بقولها .. وأحينه ممكن تصكرين السالفة .. ترا طاري العين ينرفزني ..
فوز: أكيد تذكرتي احم احم ..
موزة: وأنا متى نسيت عشان أتذكر .. لا وفوق ها أختيه اليوم داقة أونه يوم السبت عندهم عزيمة وتبينا نروح نساعدها لان البشكارة راحت ومحد عندها ..
فوز: حلو .. وأنا أقولج روحي .. وثبتي حق سيف وحق غيره إنج بخير ومب مهتمة عاااااااااادي عندج يعني
موزة: إن شاء الله خير .. المهم خلينا مني .. أنا مب ياية هنيه عشان أرد أرمسج عن سالفتي .. ترا اللي صار صار وما بيتغير شي .. قوليلي شخبارج إنتي ..؟!
فوز: تدرين أحس هالإجازة فيها شي غلط ..
موزة: ليش عاد ..؟!
فوز: ما أدري الأحداث فيها ورا بعض .. ما أنصدم بشي إلا يصير اللي يصدمني أكثر وأكثر ..
موزة: شو صاير ..؟!
فوز: أخويه حمد رمسني يوم السبت أونه شو .. الأخ منصور أخو فطيم خطيبته يبا يخطبني ..
موزة: لا والله .. فوزووو بلاهم المعاريس قاموا يظهرون ..
فوز: شدراني عنهم ..
موزة: وإنتي شو قلتي له ..؟!
فوز: قلت له لو يخلصون الرياييل وما يبقى غير منصور ما أباه ..
موزة: أوف مقواج .. شفيج ترفضين المعاريس ..؟!

سكتت فوز .. ما عرفت شو ترد بس حست إن موزة عمقت الجرح اللي فيها أكثر .. ودشت البشكارة يايبة العصير والفوالة .. حطته وظهرت .. وفوز تفكيرها بعيييييد ..

موزة: بلاج فوز .؟؟!
فوز: هاه .. ماشي بس راح تفكيري لمكان ثاني ..
موزة: لوين ..؟! لا تقولين لي محمد ..
فوز: لا مب محمد .. صار لي فترة ما أدش النت .. واليوم دشيت وفتحت المنتدى .. منتدى الجامعة وتفاجأت برسالتين من عند شخص ما أعرفه ..
موزة: شو يقول فيهن ..؟!!

فوز:

الرسالة الأولى .. " السلام عليكم ورحمة الله وبركاته

أسئلة وايد ف بالي .. ليش دوم أشوفج حزينة ..؟! ليش أغلب وقتج ف المحاضرة سرحانة وتفكرين .. وليش ف عيونج فراغ وشوق كبير ...؟!!
أنا حاس فيج .. بس يا ترى إنتي حاسة فيني أنا ..؟!! ما أعتقد .. ومع ذلك أقولج إني من نظراتج عرفت شخصيتج وعرفت شفيج ..!
أتمنى هالشي يكون بينا ومحد يدري عنه .. وآنا آسف بس ما قدرت أكتم أكثر .. جان هالشي ف قلبي من زمان .. وما قدرت أخبي أكثر من جيه ...!

فوز: والرسالة الثانية .. :

ياربي شو هالشر فيج .. معقولة تسوين لي طاف ..؟! ارحميني يا آنسة فــ .. ما هقيتج شريرة لهالدرجة ..! ترا أنا بديت أحترق .. وأتريا ردج ع أحر من الجمر ..!!

موزة: شت .. شدراه إنج فوز .. وكيف عرف النك نيم حقج ..؟!
فوز: ما أدري .. وايد محتارة .. خاطريه أعرف منو ها بس ما قدرت ..
موزة: ما انتبهتي ع حد يراقبج أو يطالعج ..؟!
فوز: ما أطالع صوب الشباب عشان أعرف ..
موزة: غريبة منو ممكن يكون ..؟!
فوز: لا تعورين راسج .. يا خبر اليوم بفلوس باجر ببلاش ..
موزة: إنتي من صدقج ..؟! وأنا شو يصبرني لباجر ..
فوز: عاد إنتي مرة فضولية ..
موزة: هالصفة الوحيدة اللي مب قادرة أتخلص منها
فوز: الله يعينج ..
موزة: إلا صدج شو رديتي عليه ...؟!!!
فوز: قلتله .. : عفواً منو إنت ..؟!
وشو يخصك فيني .. أسرح ما أسرح ها شي يخصني انا .. إنت مالك علاقة .. منو عطاك الحق إنك تراقبني .. وبعدين إنت ما تعرفني ف خلك بعيد عني ..!
ولو سمحت لا عاد اطرشلي مسجات ..!

موزة: ههههههههههه أنا أبا أعرف منو ها .. وإنتي تقولين له لا أطرشلي مسجات
فوز: عاد أونه بيسمع الرمسة وما بيطرش
موزة: المهم خليني ف الصورة وأي شي يصير ع طول قوليلي ..
فوز: إن شاء الله .. وياللا أحينه كلي قبل لا إيي أخوج .. من كثر السوالف ما مديتي إيدج حتى ..
موزة: هههههههههه إن شاء الله ..


نهاية الجزء
ترقبوا الجزء الثالث عشر
 
الحالة
مغلق و غير مفتوح للمزيد من الردود.
أعلى